Heh puiˉ hkʼaw ve li‸ 17
17
Aˍronˍ ve juˇ fuiˍ taˬ
1Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 2Iˉsaˍreˍlaˆ chaw teˇ chi nyiˇ ceuˬ cawˬ ve hkʼe, yawˇ hui ve awˬ hoˉ awˬ naˬ teˇ hpaˍ geh juˇ fuiˍ taˬ teˇ chi nyiˇ maˬ lawˬ yuˬ leh, juˇ fuiˍ taˬ oˇ ve teˇ hpaˍ awˬ hkʼoˆ lo a shu yawˇ ve awˬ meh htawˆ bvuh‸ tcuh-o. 3Leˍviˆ chaw teˇ hpaˍ awˬ tan, juˇ fuiˍ taˬ teˇ maˬ awˬ hkʼoˆ lo Aˍronˍ ve awˬ meh htawˆ bvuh‸ taˍ-o‸. 4Juˇ fuiˍ taˬ oˇ ve teˇ hpaˍ hta‸ ngaˬ ve aˉ po kʼo bon yehˬ hkʼaw yuˬ kʼai leh, ngaˬ nawˬ hta‸ hpuˇ da‸ kuiˬ ka ti‸ shaˉ caˆ ta kʼoˍ gʼuˇ suhˍ lo teh taˍ-o‸. 5Oˇ htaˇ ngaˬ leuˆ yuˬ taˍ ve chaw teˇ gʼaˇ ve juˇ fuiˍ taˬ, awˬ tuˍ tuˍ tawˆ la tuˬ yoˬ. Chi hkʼe te ve lehˬ, chaw oˇ ve teˇ hpaˍ nawˬ hta‸ maˇ gʼa ca kʼaw‸ hkʼanˇ maˍ la tuˬ awˬ pon hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
6Hkʼe te leh, Moˉseˍ Iˉsaˍreˍlaˆ chaw teˇ hpaˍ hta‸ tawˇ yaw piˇ leh, yawˇ hui ve awˬ hoˉ awˬ naˬ teˇ hpaˍ yawˇ hta‸ juˇ fuiˍ taˬ teˇ gʼaˇ teˇ maˬ piˇ ve yoˬ. Juˇ fuiˍ taˬ hkʼa peu-eˬ teˇ chi nyiˇ maˬ cawˬ ve yoˬ. Aˍronˍ ve juˇ fuiˍ taˬ htawˇ Moˉseˍ hta‸ piˇ ve yoˬ. 7Moˉseˍ lehˬ juˇ fuiˍ taˬ oˇ ve teˇ hpaˍ hta‸ aˉ po kʼo bon yehˬ hkʼaw yuˬ kʼai leh, Gʼuiˬsha ve ka ti‸ shaˉ caˆ ta kʼoˍ gʼuˇ suhˍ lo teh taˍ ve yoˬ.
8Awˬ hkʼaw‸ nawˉ teˇ nyi, Moˉseˍ aˉ po kʼo bon yehˬ lo kʼai ve teˇ yanˇ, Leˍviˆ chaw awˬ tan Aˍronˍ ve awˬ meh htawˆ bvuh‸ taˍ ve juˇ fuiˍ taˬ oˇ ve awˬ tuˍ tuˍ tawˆ la taˍ ve hta‸ yawˇ gʼa mawˬ ve yoˬ. Juˇ fuiˍ taˬ oˇ ve lehˬ, awˬ tuˍ tuˍ tawˆ la leh awˬ veˆ veˆ peuˬ hkʼaw‸ nawˉ, awˬ shiˍ naw‸ chehˇ taˍ ve yoˬ. 9Moˉseˍ lehˬ, juˇ fuiˍ taˬ oˇ ve hkʼa peu-eˬ hta‸ yuˬ tawˆ la leh, Iˉsaˍreˍlaˆ chaw hui hta‸ maˍ piˇ ve yoˬ. Yawˇ hui gʼa mawˬ peuˬ hkʼaw‸ nawˉ, awˬ hoˉ awˬ naˬ oˇ ve teˇ hpaˍ lehˬ, a shu yawˇ ve juˇ fuiˍ taˬ hta‸ kʼaw‸ yuˬ hkʼaw‸ ve yoˬ. 10Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Aˍronˍ ve juˇ fuiˍ taˬ hta‸ ka ti‸ shaˉ caˆ ta kʼoˍ gʼuˇ suhˍ lo ca kʼaw‸ teh taˍ-o‸. Chi ve lehˬ, ngaˬ hta‸ kʼaw‸ hpfuhˆ ve chaw teˇ hpaˍ venˇbaˆ maˇ dawˇ hpfuhˆ ve kʼo, gʼa suh tuˬ ve shaˉ hkiˆ hpeh‸ ve yoˬ. 11Hkʼa deh‸ ha‸ shaˉ taˍ-o‸, teh‸ kʼoˆ ve yoˬ. Moˉseˍ lehˬ Gʼuiˬsha kʼoˆ ve hkʼe te ve yoˬ.
12Oˇ htaˇ, Iˉsaˍreˍlaˆ chaw teˇ hpaˍ Moˉseˍ hta‸ tawˇ yaw piˇ leh kʼoˆ ve, Ngaˬ hui lehˬ dawˇ law kuiˬ maˇ cawˬ. Hkʼa peu-eˬ ka‸ suh peuˬve chaw deˇ deˇ hpeh‸ ve yoˬ. 13Aˉ po kʼo bon yehˬ paˇ lo hkʼa kʼai ve chaw hkʼa peu-eˬ gʼa suh tuˬ ve yoˬ, teh‸ kʼoˆ ve yoˬ.
Currently Selected:
Heh puiˉ hkʼaw ve li‸ 17: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 17
17
Aˍronˍ ve juˇ fuiˍ taˬ
1Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 2Iˉsaˍreˍlaˆ chaw teˇ chi nyiˇ ceuˬ cawˬ ve hkʼe, yawˇ hui ve awˬ hoˉ awˬ naˬ teˇ hpaˍ geh juˇ fuiˍ taˬ teˇ chi nyiˇ maˬ lawˬ yuˬ leh, juˇ fuiˍ taˬ oˇ ve teˇ hpaˍ awˬ hkʼoˆ lo a shu yawˇ ve awˬ meh htawˆ bvuh‸ tcuh-o. 3Leˍviˆ chaw teˇ hpaˍ awˬ tan, juˇ fuiˍ taˬ teˇ maˬ awˬ hkʼoˆ lo Aˍronˍ ve awˬ meh htawˆ bvuh‸ taˍ-o‸. 4Juˇ fuiˍ taˬ oˇ ve teˇ hpaˍ hta‸ ngaˬ ve aˉ po kʼo bon yehˬ hkʼaw yuˬ kʼai leh, ngaˬ nawˬ hta‸ hpuˇ da‸ kuiˬ ka ti‸ shaˉ caˆ ta kʼoˍ gʼuˇ suhˍ lo teh taˍ-o‸. 5Oˇ htaˇ ngaˬ leuˆ yuˬ taˍ ve chaw teˇ gʼaˇ ve juˇ fuiˍ taˬ, awˬ tuˍ tuˍ tawˆ la tuˬ yoˬ. Chi hkʼe te ve lehˬ, chaw oˇ ve teˇ hpaˍ nawˬ hta‸ maˇ gʼa ca kʼaw‸ hkʼanˇ maˍ la tuˬ awˬ pon hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
6Hkʼe te leh, Moˉseˍ Iˉsaˍreˍlaˆ chaw teˇ hpaˍ hta‸ tawˇ yaw piˇ leh, yawˇ hui ve awˬ hoˉ awˬ naˬ teˇ hpaˍ yawˇ hta‸ juˇ fuiˍ taˬ teˇ gʼaˇ teˇ maˬ piˇ ve yoˬ. Juˇ fuiˍ taˬ hkʼa peu-eˬ teˇ chi nyiˇ maˬ cawˬ ve yoˬ. Aˍronˍ ve juˇ fuiˍ taˬ htawˇ Moˉseˍ hta‸ piˇ ve yoˬ. 7Moˉseˍ lehˬ juˇ fuiˍ taˬ oˇ ve teˇ hpaˍ hta‸ aˉ po kʼo bon yehˬ hkʼaw yuˬ kʼai leh, Gʼuiˬsha ve ka ti‸ shaˉ caˆ ta kʼoˍ gʼuˇ suhˍ lo teh taˍ ve yoˬ.
8Awˬ hkʼaw‸ nawˉ teˇ nyi, Moˉseˍ aˉ po kʼo bon yehˬ lo kʼai ve teˇ yanˇ, Leˍviˆ chaw awˬ tan Aˍronˍ ve awˬ meh htawˆ bvuh‸ taˍ ve juˇ fuiˍ taˬ oˇ ve awˬ tuˍ tuˍ tawˆ la taˍ ve hta‸ yawˇ gʼa mawˬ ve yoˬ. Juˇ fuiˍ taˬ oˇ ve lehˬ, awˬ tuˍ tuˍ tawˆ la leh awˬ veˆ veˆ peuˬ hkʼaw‸ nawˉ, awˬ shiˍ naw‸ chehˇ taˍ ve yoˬ. 9Moˉseˍ lehˬ, juˇ fuiˍ taˬ oˇ ve hkʼa peu-eˬ hta‸ yuˬ tawˆ la leh, Iˉsaˍreˍlaˆ chaw hui hta‸ maˍ piˇ ve yoˬ. Yawˇ hui gʼa mawˬ peuˬ hkʼaw‸ nawˉ, awˬ hoˉ awˬ naˬ oˇ ve teˇ hpaˍ lehˬ, a shu yawˇ ve juˇ fuiˍ taˬ hta‸ kʼaw‸ yuˬ hkʼaw‸ ve yoˬ. 10Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Aˍronˍ ve juˇ fuiˍ taˬ hta‸ ka ti‸ shaˉ caˆ ta kʼoˍ gʼuˇ suhˍ lo ca kʼaw‸ teh taˍ-o‸. Chi ve lehˬ, ngaˬ hta‸ kʼaw‸ hpfuhˆ ve chaw teˇ hpaˍ venˇbaˆ maˇ dawˇ hpfuhˆ ve kʼo, gʼa suh tuˬ ve shaˉ hkiˆ hpeh‸ ve yoˬ. 11Hkʼa deh‸ ha‸ shaˉ taˍ-o‸, teh‸ kʼoˆ ve yoˬ. Moˉseˍ lehˬ Gʼuiˬsha kʼoˆ ve hkʼe te ve yoˬ.
12Oˇ htaˇ, Iˉsaˍreˍlaˆ chaw teˇ hpaˍ Moˉseˍ hta‸ tawˇ yaw piˇ leh kʼoˆ ve, Ngaˬ hui lehˬ dawˇ law kuiˬ maˇ cawˬ. Hkʼa peu-eˬ ka‸ suh peuˬve chaw deˇ deˇ hpeh‸ ve yoˬ. 13Aˉ po kʼo bon yehˬ paˇ lo hkʼa kʼai ve chaw hkʼa peu-eˬ gʼa suh tuˬ ve yoˬ, teh‸ kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.