Heh puiˉ hkʼaw ve li‸ 16
16
Kawˇraˆ, Daˍtanˍ, A biˆranˬ kʼaw‸ hpfuhˆ ve
1Leˍviˆ chaw Kawˇhaˆ awˬ ceuˬ awˬ hkʼaˇ Iˉzaˍhaˍ ve yaˇ Kawˇraˆ lehˬ, Ruˇbenˍ awˬ ceuˬ awˬ hkʼaˇ Eˇlaˍbaˆ ve yaˇ Daˍtanˍ, Aˍbiˆranˍ, Peˍlehˆ ve yaˇ Awˇnaˆ leh, 2awˬ nu ve Iˉsaˍreˍlaˆ chaw awˬ hoˉ awˬ naˬ 250 gʼaˇ hui jehˬ da‸ leh, Moˉseˍ hta‸ kʼaw‸ hpfuhˆ ve yoˬ. 3Yawˇ hui Moˉseˍ leh Aˍronˍ geh hpawnˬ laˬ leh, yawˇ huiˉ maˬ hta‸ chi hkʼe kʼoˆ piˇ ve yoˬ. Nawˬ huiˉ maˬ te ponˬ te leuˉ jaˇ ve yoˬ. Ngaˬ hui hkʼa peu-eˬ Gʼuiˬsha ve chaw hpeh‸ leh, Gʼuiˬsha lehˬ ngaˬ hui hkʼa peu-eˬ geh chehˇ taˍ ve yoˬ. Aˬ hto‸ ma pa taw, Moˉseˍ nawˬ Gʼuiˬsha ve chaw hkʼa peu-eˬ awˬ hkʼoˆ awˬ hoˉ hkʼe te chehˇ ve le, teh‸ koˆ ve yoˬ.
4Tawˇ oˇ ve hta‸ Moˉseˍ gʼa kaˇ ve teˇ yanˇ, yawˇ miˬ chaˇ hkʼoˆ boˆ leh bon lawˬ ve yoˬ. 5Oˇ ve hkʼaw‸ nawˉ, yawˇ Kawˇraˆ leh yawˇ ve awˬ chawˇ teˇ hpaˍ hta‸ chi hkʼe kʼoˆ piˇ ve yoˬ. Shawˉ pawˍ mvuhˇ shawˉ gaˬ ve kʼo, ngaˬ hui teˇ hpaˍ a shu teˇ gʼaˇ Gʼuiˬsha ve chaw hpeh‸ tehˬ ve hta‸ Gʼuiˬsha hpeu‸ maˍ laˇ tuˬ yoˬ. Yawˇ leuˆ yuˬ taˍ ve chaw hta‸ tuˉ tanˇ kuiˬ paˇ lo yawˇ geh laˬ tcuh laˇ tuˬ yoˬ. 6Shawˉ pawˍ mvuhˇ htiˇ la ve kʼo, nawˬ leh nawˬ ve chaw teˇ hpaˍ a shu yawˇ ve hkehˇ pe le hta‸ yuˬ leh, 7shiˉ gʼeu‸ leh sha hawnˉ keu peuˬ hkʼaw‸ nawˉ, tuˉ tanˇ kuiˬ lo yuˬ laˬ-o‸. Ngaˬ hui teˇ hpaˍ awˬ hkʼaw lo a shu teˇ gʼaˇ hta‸ Gʼuiˬsha leuˆ yuˬ taˍ ve hta‸ ngaˬ hui hkʼa tawˍ lehˆ gʼa mawˬ tuˬ yoˬ. Te ponˬ te leuˉ jaˇ ve lehˬ, nawˬ hui Leˍviˆ chaw teˇ hpaˍ hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ.
8Peuˬ hkʼaw‸ nawˉ, Moˉseˍ Kawˇraˆ hta‸ tawˇ kʼaw‸ yaw piˇ leh kʼoˆ ve, Leˍviˆ chaw hui-oˬ na sheˍ. 9Gʼuiˬsha nawˬ hui hta‸ leuˆ yuˬ leh bon yehˬ hkʼaw kanˉ te tcuh taˍ ve chi, i jaˇ ve kanˉ teh‸ nawˬ hui dawˇ ve laˇ. 10Gʼuiˬsha lehˬ, awˬ me‸ awˬ hponˇ cawˬ ve kanˉ lonˉ chi nawˬ hui Leˍviˆ chaw hta‸ te tcuh laˇ taˍ ve yoˬ. Chi beu‸ nawˬ hui lehˬ, paw hkuˇ ve kanˉ hta‸ kʼaw‸ hiˉ te gaˇ ve yoˬ. 11Nawˬ hui Aˍronˍ hta‸ hkʼanˇ maˍ piˇ chehˇ ve chi lehˬ, awˬ tehˬ kʼoˆ ve kʼo Gʼuiˬsha hta‸ hkʼanˇ maˍ piˇ chehˇ ve hkʼe hpeh‸ leh, yawˇ hta‸ kʼaw‸ hpfuhˆ chehˇ ve hkʼe hpeh‸ ve yoˬ, teh‸ Kawˇraˆ hta‸ kʼoˆ piˇ ve yoˬ.
12Oˇ ve hkʼaw‸ nawˉ, Moˉseˍ lehˬ Daˍtanˍ leh Aˍbiˆranˍ hta‸ ka‸ ca kuˬ tcuh ve yoˬ. Ya‸ hkʼaˇ yawˇ huiˉ maˬ kʼoˆ ve, Ngaˬ hui maˇ laˬ. 13Nawˬ ngaˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ laˇ leh, choˬ kaˬ heh puiˉ hkʼaw lo suh-e tcuh laˇ ve chi ceh ka‸ jaˇ-oˬ ve maˇ heˆ laˇ. Nawˬ ngaˬ hui awˬ hkʼoˆ lo jawˇmawˇ kʼaw‸ te gaˇ sheˍ ve laˇ. 14Nawˬ lehˬ ngaˬ hui hta‸ awˬ tehˬ awˬ na hkuiˇ jaˇ da‸ jaˇ ve mvuhˇmiˬ lo shiˍ kʼai laˇ chehˇ ve maˇ heˆ. Ti mi leh iˉ shiˍ hko teˇ hpaˍ pe‸ laˇ chehˇ ve ka‸ maˇ heˆ. Nawˬ ngaˬ hui hta‸ heˍ laˇ chehˇ ve yoˬ. Chi hta‸ pa taw, ngaˬ hui nawˬ geh laˬ tuˬ ve maˇ heˆ, teh‸ kʼoˆ ve yoˬ.
15Moˉseˍ nyi ma zuhˆ jaˇ leh Gʼuiˬsha hta‸ chi hkʼe kʼoˆ piˇ ve yoˬ. Chaw chi teˇ hpaˍ yuˬ veu laˇ ve tanˇ tuˬ hta‸ nawˬ a ciˉ taˇ ha‸ yuˬ piˇ-oˆ. Ngaˬ lehˬ yawˇ hui teˇ gʼaˇ hta‸ ka‸ maˇ te ya‸. Yawˇ hui ve piˉ laˬ teˇ hkeh hta‸ ka‸ ngaˬ maˇ gʼa ha‸ yuˬ jaw, teh‸ kʼoˆ ve yoˬ.
16Oˇ ve hkʼaw‸ nawˉ, Moˉseˍ Kawˇraˆ hta‸ chi hkʼe kʼoˆ piˇ ve yoˬ. Shawˉ pawˍ kʼo, nawˬ leh nawˬ ve chaw 250 gʼaˇ hkʼa peu-eˬ Gʼuiˬsha ve aˉ po kʼo bon yehˬ lo laˬ-o‸. Aˍronˍ htawˇ oˇ kaˬ lo chehˇ taˍ tuˬ yoˬ. 17Nawˬ hui a shu yawˇ ve hkehˇ pe le hkʼaw sha hawnˉ keu leh tuˉ tanˇ kuiˬ lo yuˬ laˬ-o‸, teh‸ yawˇ hta‸ kʼoˆ piˇ ve yoˬ. 18Hkʼe te leh, yawˇ hui hkʼa peu-eˬ a shu yawˇ ve hkehˇ pe le hkʼaw shiˉ gʼeu‸ leh sha hawnˉ keu veu laˇ leh, Moˉseˍ leh Aˍronˍ geh teˇ geh aˉ po kʼo bon yehˬ yehˬmiˉhpe‸ lo huˉ taˍ ve yoˬ. 19Kawˇraˆ lehˬ, Iˉsaˍreˍlaˆ chaw moˍ lonˉ hta‸ kuˬ hpawnˬ leh, yawˇ hui lehˬ aˉ po kʼo bon yehˬ yehˬmiˉhpe‸ lo, Moˉseˍ leh Aˍronˍ hui hta‸ mehˆ hpfuhˇ tawˍ da‸ leh huˉ taˍ ve yoˬ. Oˇ htaˇ, Gʼuiˬsha ve awˬ gʼeuˆ teˇ cawˬ haˉ ba tawˆ la leh, 20Gʼuiˬsha lehˬ Moˉseˍ leh Aˍronˍ hta‸ chi hkʼe kʼoˆ piˇ ve yoˬ. 21Nawˬ huiˉ maˬ chaw chi teˇ hpaˍ awˬ paˇ lo taˇ huˉ chehˇ. Hkʼaw‸ nawˉ lo jiˆ kʼo‸-e loˬ. Ngaˬ yawˇ hui hta‸ la‸ haˉ ciˍ yanˍ piˇ tuˬ yoˬ, teh‸ kʼoˆ ve yoˬ.
22Yaˆ hkʼaˇ, Moˉseˍ leh Aˍronˍ miˬ chaˇ hkʼoˆ boˆ taˍ leh kʼoˆ ve, Gʼuiˬsha-oˬ, nawˬ lehˬ a sha‸ te‸ ve awˬ ceuˬ hkʼa peu-eˬ ve awˬ hkuiˉ puiˍ hpeh‸ ve yoˬ. Chaw teˇ gʼaˇ te ya‸ ve pa taw, chaw hkʼa peu-eˬ ve hta‸ nawˬ nyi ma zuhˆ ve laˇ, teh‸ kʼoˆ ve yoˬ.
23Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 24Chaw yaˇ teˇ hpaˍ hta‸ Kawˇraˆ, Daˍtanˍ, Aˍbiˆranˍ hui ve fa la paˇ lo maˇ gʼa chehˇ taˍ tuˬ kʼoˆ piˇ-oˆ, teh‸ kʼoˆ ve yoˬ.
25Oˇ htaˇ, Moˉseˍ lehˬ Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ shiˍ veu leh Daˍtanˍ leh Aˍbiˆranˍ geh kʼai ve yoˬ. 26Yawˇ chaw moˍ lonˉ hta‸ tawˇ yaw piˇ leh kʼoˆ ve, Haiˬ ve chaw chi teˇ hpaˍ ve fa la paˇ lo taˇ huˉchehˇ. Haˆ tawˆ kʼai-o. Yawˇ hui ve mawˇ teˇ ceuˬ hta‸ ka‸ taˇ htawˇ. Nawˬ hui oˇ hkʼe te ve kʼo, nawˬ hui htawˇ yawˇ hui geh gʼa ga luˬ suh-e tuˬ yoˬ, teh‸ yawˇ hui hta‸ kʼoˆ piˇ ve yoˬ. 27Hkʼe te leh, yawˇ hui Kawˇraˆ, Daˍtanˍ, Aˍbiˆranˍ hui ve fa la paˇ lo tawˆ kʼai ve yoˬ. Daˍtanˍ leh Aˍbiˆranˍ lehˬ a shu yawˇ ve miˇ yaˇ teˇ hpaˍ hta‸ shiˍ tawˆ la leh, yawˇ hui ve fa la gʼuˇ suhˍ lo huˉ taˍ ve yoˬ.
28Oˇ htaˇ, Moˉseˍ chaw moˍ lonˉ hta‸ tawˇ yaw piˇ leh kʼoˆ ve, Gʼuiˬsha ngaˬ hta‸ peu laˇ leh chi hkʼe ca te tcuh laˇ ve hta‸ nawˬ hui gʼa mawˬ tuˬ yoˬ. Kanˉ chi hta‸ ngaˬ hkʼaˇ ngaˬ te gaˇ leh te ve maˇ heˆ. 29Chaw chi teˇ hpaˍ hta‸ Gʼuiˬsha ciˍ yanˍ piˇ ve maˇ heˆ leh, yawˇ hui hkʼaˇ yawˇ hui suh yanˇ gaˬ leh suh-e ve hkʼe kʼo, Gʼuiˬsha ngaˬ hta‸ peuˇ laˇ taˍ ve maˇ heˆ. 30Ya‸ hkʼaˇ, chaw yaˇ teˇ pawˆ ka‸ maˇ kaˇ jaw ve awˬ ceuˬ, miˬguiˬ pe‸ hkoˇ leh yawˇ hui hta‸ awˬ te‸ te‸ hehˆ dawˬ piˇ ve kʼo, chaw chi teˇ hpaˍ Gʼuiˬsha hta‸ chiˇ baˬ peuˬ ve hta‸ nawˬ hui gʼa shiˍ tuˬyoˬ, teh‸ yawˇ hui hta‸ kʼoˆ piˇ ve yoˬ.
31-32Yawˇ oˇ hkʼe kʼoˆ peuˬ ve teˇ yanˇ, miˬguiˬ pe‸ hkoˇ sheˬ leh Daˍtanˍ, Aˍbiˆranˍ leh yawˇ hui ve miˇ yaˇ hkʼa peu-eˬ, Kawˇraˆ hkʼaˇ suh gʼa‸ toˇ ve chaw hkʼa peu-eˬ, leh yawˇ hui ve mawˇ jeˬ hkʼa peu-eˬ ve hta‸ hehˆ dawˬ sheˬ ve yoˬ. 33Hkʼe te leh, yawˇ hui lehˬ yawˇ hui ve mawˇ jeˬ teˇ hpaˍ geh teˇ geh suh mvuhˇmiˬ lo awˬ te‸ te‸ ca chehˇ kʼai ve yoˬ. Miˬguiˬ kʼaw‸ tcuhˉ naw‸ da‸ sheˬ leh, yawˇ hui mehˉ kʼai ve yoˬ. 34Oˇ kaˬ lo hkʼa hpawnˬ chehˇ taˍ ve chaw hkʼa peu-eˬ, yawˇ hui kuˬ hawˬ ve awˬ hkawˇ hta‸ gʼa kaˇ htaˇ, kaw‸ jaˇ leh gʼuiˇ hpaw-e ve yoˬ. Haˆ hpaw-e loˬ. Ngaˬ hui hta‸ ka‸ miˬguiˬ hehˆ dawˬ la, teh‸ kʼoˆ ve yoˬ.
35Oˇ ve hkʼaw‸ nawˉ, Gʼuiˬsha lehˬ aˬ miˍ ce ya‸ la piˇ leh, sha hawnˉ tuˉ tanˇ piˇ chehˇ ve chaw oˇ ve 250 gʼaˇ hta‸ to‸ baˬ piˇ lawˬ ve yoˬ.
Shiˉ gʼeu‸ keu ve hkehˇ pe le teˇ hpaˍ
36Oˇ ve hkʼaw‸ nawˉ, Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 37Suh kʼai peuˬ ve Leˍviˆ chaw oˇ ve teˇ hpaˍ ve hkehˇ pe le teˇ hpaˍ lehˬ da‸ kehˬ ve mawˇ hpeh‸ ve pa taw, oˇ ve teˇ hpaˍ hkʼaw keu taˍ ve shiˉ gʼeu‸ hta‸ teˇ kaˬ kaˬ lo ca ngeuˍ baˬ tuˬ, Aˍronˍ ve yaˇ, paw hkuˇ lonˉ Eˇlaˍsaˍ hta‸ kʼoˆ piˇ-oˆ. 38Gʼuiˬsha ve tuˉ tanˇ kuiˬ lo yuˬ veu laˇ ve hkehˇ pe le oˇ ve teˇ hpaˍ lehˬ da‸ kehˬ ve yoˬ. Chi hta‸ pa taw, hkehˇ oˇ ve teˇ hpaˍ hta‸ a ciˉ paˇ chaweh te dawˆ leh, tuˉ tanˇ kuiˬ hta‸ beh tuˬ te-o. Chi lehˬ Iˉsaˍreˍlaˆ chaw hui shaˍ ti‸ gʼa tuˬ awˬ pon hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ. 39Hkʼe te leh, paw hkuˇ Eˇlaˍsaˍ lehˬ hkehˇ pe le oˇ ve teˇ hpaˍ hta‸ yuˬ leh a ciˉpaˇ chaweh te dawˆ peuˬ hkʼaw‸ nawˉ, tuˉ tanˇ kuiˬ hta‸ beh tuˬ te ve yoˬ. 40Chi ve lehˬ, Aˍronˍ awˬ ceuˬ awˬ hkʼaˇ maˇ heˆ ve chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ sha hawnˉ tuˉ tanˇ maˇ hpeh‸ ve shaˉ hkiˆ hpeh‸ ve yoˬ. Oˇ hkʼe te ve chaw lehˬ, Kawˇraˆ leh yawˇ ve chaw teˇ hpaˍ hkʼa shuˍ, luˬ ve sheˆ ve hta‸ gʼa hkanˍ tuˬ yoˬ. Gʼuiˬsha Moˉseˍ hta‸ kʼoˆ piˇ taˍ ve hkʼe, Eˇlaˍsaˍ hkʼa deh‸ na yuˬ leh te ve yoˬ.
Aˍronˍ chaw yaˇ teˇ hpaˍ hta‸ ponˬ piˇ ve
41Shawˉ pawˍ teˇ nyi gaˬ htaˇ, chaw yaˇ teˇ hpaˍ Moˉseˍ leh Aˍronˍ geh laˬ leh, Nawˬ huiˉ maˬ lehˬ Gʼuiˬsha ve chaw teˇ hpaˍ hta‸ tiˇ pehˍ piˇ ve yoˬ, teh‸ kʼoˆ leh ca kʼaw‸ hkʼanˇ la ve yoˬ. 42Yawˇ hui Moˉseˍ leh Aˍronˍ hta‸ venˇbaˆ ca tuˬ hpawnˬ laˬ chehˇ ve teˇ yanˇ, Gʼuiˬsha ve awˬ gʼeuˆ aˉ po kʼo hkʼoˆ ba tawˆ la chehˇ ve hta‸ gʼa mawˬ ve yoˬ. 43Hkʼe te leh, Moˉseˍ leh Aˍronˍ aˉ po kʼo bon yehˬ yehˬmiˉhpe‸ lo kʼai ve yoˬ. 44Oˇ htaˇ, Gʼuiˬsha Moˉseˍ hta‸ tawˇ yaw piˇ leh kʼoˆ ve, 45Chaw chi teˇ hpaˍ geh tawˆ kʼai-o. Ngaˬ yawˇ hui hta‸ te luˬ piˇ tuˬ yoˬ, teh‸ kʼoˆ ve yoˬ. Yawˇ huiˉ maˬ nyiˇ gʼaˇ gʼaˇ miˬ chaˇ hkʼoˆ boˆ taˍ ve yoˬ.
46Oˇ htaˇ, Moˉseˍ Aˍronˍ hta‸ tawˇ yaw piˇ leh kʼoˆ ve, Nawˬ ve hkehˇ pe le hta‸ yuˬ leh tuˉ tanˇ kuiˬ hkʼoˆ cawˬ ve aˬ miˍ shiˉ gʼeu‸ yuˬ peuˬ hkʼaw‸ nawˉ, oˇ ve awˬ hkʼoˇ lo sha hawnˉ hkaˆ keu-o. Oˇ hkʼe te peuˬ kʼo, chaw oˇ ve teˇ hpaˍ geh gʼuiˇ kʼai leh yawˇ hui hta‸ da‸ kehˬ tuˬ haˆ ca te piˇ-oˆ. Gʼuiˬsha nyi ma zuhˆ la chehˇ leh, naˬ beuˬ gaˬ la chehˇ taˍ peuˬ, teh‸ Aˍronˍ hta‸ kʼoˆ piˇ ve yoˬ. 47Aˍronˍ lehˬ Moˉseˍ kʼoˆ ve hkʼe, hkehˇ pe le hta‸ yuˬ leh chaw moˍ lonˉ chehˇ taˍ kuiˬ lo gʼuiˇ kʼai ve yoˬ. Naˬ beu‸ gaˬ la chehˇ taˍ peuˬ ve hta‸ yawˇgʼa mawˬ ve teˇ yanˇ, hkehˇ oˇ ve hkʼaw sha hawnˉ yuˬ keu leh, da‸ kehˬ tuˬ haˆ te piˇ ve yoˬ. 48Oˇ hkʼe te ve teˇ yanˇ naˬ beuˬ gaˬ ve mehˉ kʼai ve yoˬ. Yawˇ lehˬ naˬ beuˬ gaˬ suh-e ve chaw leh, te‸ chehˇ sheˍ ve chaw awˬ kaˍ lo huˉ taˍ ve yoˬ. 49Naˬ beuˬ gaˬ suh-e ve chaw hkʼa peu-eˬ teˇ meunˍ awˇ hinˉ suhˍ ha gʼaˇ cawˬ ve yoˬ. Chi ve lehˬ, Kawˇraˆ leh yawˇ ve awˬ chawˇ teˇ hpaˍ suh-e ve hta‸ maˇ shawˍ sheˍ ve yoˬ. 50Naˬ beuˬ gaˬ ve mehˉ kʼai ve teˇ yanˇ, Aˍronˍ lehˬ Moˉseˍ geh aˉ po kʼo bon yehˬ lo kʼaw‸ la ve yoˬ.
Currently Selected:
Heh puiˉ hkʼaw ve li‸ 16: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 16
16
Kawˇraˆ, Daˍtanˍ, A biˆranˬ kʼaw‸ hpfuhˆ ve
1Leˍviˆ chaw Kawˇhaˆ awˬ ceuˬ awˬ hkʼaˇ Iˉzaˍhaˍ ve yaˇ Kawˇraˆ lehˬ, Ruˇbenˍ awˬ ceuˬ awˬ hkʼaˇ Eˇlaˍbaˆ ve yaˇ Daˍtanˍ, Aˍbiˆranˍ, Peˍlehˆ ve yaˇ Awˇnaˆ leh, 2awˬ nu ve Iˉsaˍreˍlaˆ chaw awˬ hoˉ awˬ naˬ 250 gʼaˇ hui jehˬ da‸ leh, Moˉseˍ hta‸ kʼaw‸ hpfuhˆ ve yoˬ. 3Yawˇ hui Moˉseˍ leh Aˍronˍ geh hpawnˬ laˬ leh, yawˇ huiˉ maˬ hta‸ chi hkʼe kʼoˆ piˇ ve yoˬ. Nawˬ huiˉ maˬ te ponˬ te leuˉ jaˇ ve yoˬ. Ngaˬ hui hkʼa peu-eˬ Gʼuiˬsha ve chaw hpeh‸ leh, Gʼuiˬsha lehˬ ngaˬ hui hkʼa peu-eˬ geh chehˇ taˍ ve yoˬ. Aˬ hto‸ ma pa taw, Moˉseˍ nawˬ Gʼuiˬsha ve chaw hkʼa peu-eˬ awˬ hkʼoˆ awˬ hoˉ hkʼe te chehˇ ve le, teh‸ koˆ ve yoˬ.
4Tawˇ oˇ ve hta‸ Moˉseˍ gʼa kaˇ ve teˇ yanˇ, yawˇ miˬ chaˇ hkʼoˆ boˆ leh bon lawˬ ve yoˬ. 5Oˇ ve hkʼaw‸ nawˉ, yawˇ Kawˇraˆ leh yawˇ ve awˬ chawˇ teˇ hpaˍ hta‸ chi hkʼe kʼoˆ piˇ ve yoˬ. Shawˉ pawˍ mvuhˇ shawˉ gaˬ ve kʼo, ngaˬ hui teˇ hpaˍ a shu teˇ gʼaˇ Gʼuiˬsha ve chaw hpeh‸ tehˬ ve hta‸ Gʼuiˬsha hpeu‸ maˍ laˇ tuˬ yoˬ. Yawˇ leuˆ yuˬ taˍ ve chaw hta‸ tuˉ tanˇ kuiˬ paˇ lo yawˇ geh laˬ tcuh laˇ tuˬ yoˬ. 6Shawˉ pawˍ mvuhˇ htiˇ la ve kʼo, nawˬ leh nawˬ ve chaw teˇ hpaˍ a shu yawˇ ve hkehˇ pe le hta‸ yuˬ leh, 7shiˉ gʼeu‸ leh sha hawnˉ keu peuˬ hkʼaw‸ nawˉ, tuˉ tanˇ kuiˬ lo yuˬ laˬ-o‸. Ngaˬ hui teˇ hpaˍ awˬ hkʼaw lo a shu teˇ gʼaˇ hta‸ Gʼuiˬsha leuˆ yuˬ taˍ ve hta‸ ngaˬ hui hkʼa tawˍ lehˆ gʼa mawˬ tuˬ yoˬ. Te ponˬ te leuˉ jaˇ ve lehˬ, nawˬ hui Leˍviˆ chaw teˇ hpaˍ hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ.
8Peuˬ hkʼaw‸ nawˉ, Moˉseˍ Kawˇraˆ hta‸ tawˇ kʼaw‸ yaw piˇ leh kʼoˆ ve, Leˍviˆ chaw hui-oˬ na sheˍ. 9Gʼuiˬsha nawˬ hui hta‸ leuˆ yuˬ leh bon yehˬ hkʼaw kanˉ te tcuh taˍ ve chi, i jaˇ ve kanˉ teh‸ nawˬ hui dawˇ ve laˇ. 10Gʼuiˬsha lehˬ, awˬ me‸ awˬ hponˇ cawˬ ve kanˉ lonˉ chi nawˬ hui Leˍviˆ chaw hta‸ te tcuh laˇ taˍ ve yoˬ. Chi beu‸ nawˬ hui lehˬ, paw hkuˇ ve kanˉ hta‸ kʼaw‸ hiˉ te gaˇ ve yoˬ. 11Nawˬ hui Aˍronˍ hta‸ hkʼanˇ maˍ piˇ chehˇ ve chi lehˬ, awˬ tehˬ kʼoˆ ve kʼo Gʼuiˬsha hta‸ hkʼanˇ maˍ piˇ chehˇ ve hkʼe hpeh‸ leh, yawˇ hta‸ kʼaw‸ hpfuhˆ chehˇ ve hkʼe hpeh‸ ve yoˬ, teh‸ Kawˇraˆ hta‸ kʼoˆ piˇ ve yoˬ.
12Oˇ ve hkʼaw‸ nawˉ, Moˉseˍ lehˬ Daˍtanˍ leh Aˍbiˆranˍ hta‸ ka‸ ca kuˬ tcuh ve yoˬ. Ya‸ hkʼaˇ yawˇ huiˉ maˬ kʼoˆ ve, Ngaˬ hui maˇ laˬ. 13Nawˬ ngaˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ laˇ leh, choˬ kaˬ heh puiˉ hkʼaw lo suh-e tcuh laˇ ve chi ceh ka‸ jaˇ-oˬ ve maˇ heˆ laˇ. Nawˬ ngaˬ hui awˬ hkʼoˆ lo jawˇmawˇ kʼaw‸ te gaˇ sheˍ ve laˇ. 14Nawˬ lehˬ ngaˬ hui hta‸ awˬ tehˬ awˬ na hkuiˇ jaˇ da‸ jaˇ ve mvuhˇmiˬ lo shiˍ kʼai laˇ chehˇ ve maˇ heˆ. Ti mi leh iˉ shiˍ hko teˇ hpaˍ pe‸ laˇ chehˇ ve ka‸ maˇ heˆ. Nawˬ ngaˬ hui hta‸ heˍ laˇ chehˇ ve yoˬ. Chi hta‸ pa taw, ngaˬ hui nawˬ geh laˬ tuˬ ve maˇ heˆ, teh‸ kʼoˆ ve yoˬ.
15Moˉseˍ nyi ma zuhˆ jaˇ leh Gʼuiˬsha hta‸ chi hkʼe kʼoˆ piˇ ve yoˬ. Chaw chi teˇ hpaˍ yuˬ veu laˇ ve tanˇ tuˬ hta‸ nawˬ a ciˉ taˇ ha‸ yuˬ piˇ-oˆ. Ngaˬ lehˬ yawˇ hui teˇ gʼaˇ hta‸ ka‸ maˇ te ya‸. Yawˇ hui ve piˉ laˬ teˇ hkeh hta‸ ka‸ ngaˬ maˇ gʼa ha‸ yuˬ jaw, teh‸ kʼoˆ ve yoˬ.
16Oˇ ve hkʼaw‸ nawˉ, Moˉseˍ Kawˇraˆ hta‸ chi hkʼe kʼoˆ piˇ ve yoˬ. Shawˉ pawˍ kʼo, nawˬ leh nawˬ ve chaw 250 gʼaˇ hkʼa peu-eˬ Gʼuiˬsha ve aˉ po kʼo bon yehˬ lo laˬ-o‸. Aˍronˍ htawˇ oˇ kaˬ lo chehˇ taˍ tuˬ yoˬ. 17Nawˬ hui a shu yawˇ ve hkehˇ pe le hkʼaw sha hawnˉ keu leh tuˉ tanˇ kuiˬ lo yuˬ laˬ-o‸, teh‸ yawˇ hta‸ kʼoˆ piˇ ve yoˬ. 18Hkʼe te leh, yawˇ hui hkʼa peu-eˬ a shu yawˇ ve hkehˇ pe le hkʼaw shiˉ gʼeu‸ leh sha hawnˉ keu veu laˇ leh, Moˉseˍ leh Aˍronˍ geh teˇ geh aˉ po kʼo bon yehˬ yehˬmiˉhpe‸ lo huˉ taˍ ve yoˬ. 19Kawˇraˆ lehˬ, Iˉsaˍreˍlaˆ chaw moˍ lonˉ hta‸ kuˬ hpawnˬ leh, yawˇ hui lehˬ aˉ po kʼo bon yehˬ yehˬmiˉhpe‸ lo, Moˉseˍ leh Aˍronˍ hui hta‸ mehˆ hpfuhˇ tawˍ da‸ leh huˉ taˍ ve yoˬ. Oˇ htaˇ, Gʼuiˬsha ve awˬ gʼeuˆ teˇ cawˬ haˉ ba tawˆ la leh, 20Gʼuiˬsha lehˬ Moˉseˍ leh Aˍronˍ hta‸ chi hkʼe kʼoˆ piˇ ve yoˬ. 21Nawˬ huiˉ maˬ chaw chi teˇ hpaˍ awˬ paˇ lo taˇ huˉ chehˇ. Hkʼaw‸ nawˉ lo jiˆ kʼo‸-e loˬ. Ngaˬ yawˇ hui hta‸ la‸ haˉ ciˍ yanˍ piˇ tuˬ yoˬ, teh‸ kʼoˆ ve yoˬ.
22Yaˆ hkʼaˇ, Moˉseˍ leh Aˍronˍ miˬ chaˇ hkʼoˆ boˆ taˍ leh kʼoˆ ve, Gʼuiˬsha-oˬ, nawˬ lehˬ a sha‸ te‸ ve awˬ ceuˬ hkʼa peu-eˬ ve awˬ hkuiˉ puiˍ hpeh‸ ve yoˬ. Chaw teˇ gʼaˇ te ya‸ ve pa taw, chaw hkʼa peu-eˬ ve hta‸ nawˬ nyi ma zuhˆ ve laˇ, teh‸ kʼoˆ ve yoˬ.
23Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 24Chaw yaˇ teˇ hpaˍ hta‸ Kawˇraˆ, Daˍtanˍ, Aˍbiˆranˍ hui ve fa la paˇ lo maˇ gʼa chehˇ taˍ tuˬ kʼoˆ piˇ-oˆ, teh‸ kʼoˆ ve yoˬ.
25Oˇ htaˇ, Moˉseˍ lehˬ Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ shiˍ veu leh Daˍtanˍ leh Aˍbiˆranˍ geh kʼai ve yoˬ. 26Yawˇ chaw moˍ lonˉ hta‸ tawˇ yaw piˇ leh kʼoˆ ve, Haiˬ ve chaw chi teˇ hpaˍ ve fa la paˇ lo taˇ huˉchehˇ. Haˆ tawˆ kʼai-o. Yawˇ hui ve mawˇ teˇ ceuˬ hta‸ ka‸ taˇ htawˇ. Nawˬ hui oˇ hkʼe te ve kʼo, nawˬ hui htawˇ yawˇ hui geh gʼa ga luˬ suh-e tuˬ yoˬ, teh‸ yawˇ hui hta‸ kʼoˆ piˇ ve yoˬ. 27Hkʼe te leh, yawˇ hui Kawˇraˆ, Daˍtanˍ, Aˍbiˆranˍ hui ve fa la paˇ lo tawˆ kʼai ve yoˬ. Daˍtanˍ leh Aˍbiˆranˍ lehˬ a shu yawˇ ve miˇ yaˇ teˇ hpaˍ hta‸ shiˍ tawˆ la leh, yawˇ hui ve fa la gʼuˇ suhˍ lo huˉ taˍ ve yoˬ.
28Oˇ htaˇ, Moˉseˍ chaw moˍ lonˉ hta‸ tawˇ yaw piˇ leh kʼoˆ ve, Gʼuiˬsha ngaˬ hta‸ peu laˇ leh chi hkʼe ca te tcuh laˇ ve hta‸ nawˬ hui gʼa mawˬ tuˬ yoˬ. Kanˉ chi hta‸ ngaˬ hkʼaˇ ngaˬ te gaˇ leh te ve maˇ heˆ. 29Chaw chi teˇ hpaˍ hta‸ Gʼuiˬsha ciˍ yanˍ piˇ ve maˇ heˆ leh, yawˇ hui hkʼaˇ yawˇ hui suh yanˇ gaˬ leh suh-e ve hkʼe kʼo, Gʼuiˬsha ngaˬ hta‸ peuˇ laˇ taˍ ve maˇ heˆ. 30Ya‸ hkʼaˇ, chaw yaˇ teˇ pawˆ ka‸ maˇ kaˇ jaw ve awˬ ceuˬ, miˬguiˬ pe‸ hkoˇ leh yawˇ hui hta‸ awˬ te‸ te‸ hehˆ dawˬ piˇ ve kʼo, chaw chi teˇ hpaˍ Gʼuiˬsha hta‸ chiˇ baˬ peuˬ ve hta‸ nawˬ hui gʼa shiˍ tuˬyoˬ, teh‸ yawˇ hui hta‸ kʼoˆ piˇ ve yoˬ.
31-32Yawˇ oˇ hkʼe kʼoˆ peuˬ ve teˇ yanˇ, miˬguiˬ pe‸ hkoˇ sheˬ leh Daˍtanˍ, Aˍbiˆranˍ leh yawˇ hui ve miˇ yaˇ hkʼa peu-eˬ, Kawˇraˆ hkʼaˇ suh gʼa‸ toˇ ve chaw hkʼa peu-eˬ, leh yawˇ hui ve mawˇ jeˬ hkʼa peu-eˬ ve hta‸ hehˆ dawˬ sheˬ ve yoˬ. 33Hkʼe te leh, yawˇ hui lehˬ yawˇ hui ve mawˇ jeˬ teˇ hpaˍ geh teˇ geh suh mvuhˇmiˬ lo awˬ te‸ te‸ ca chehˇ kʼai ve yoˬ. Miˬguiˬ kʼaw‸ tcuhˉ naw‸ da‸ sheˬ leh, yawˇ hui mehˉ kʼai ve yoˬ. 34Oˇ kaˬ lo hkʼa hpawnˬ chehˇ taˍ ve chaw hkʼa peu-eˬ, yawˇ hui kuˬ hawˬ ve awˬ hkawˇ hta‸ gʼa kaˇ htaˇ, kaw‸ jaˇ leh gʼuiˇ hpaw-e ve yoˬ. Haˆ hpaw-e loˬ. Ngaˬ hui hta‸ ka‸ miˬguiˬ hehˆ dawˬ la, teh‸ kʼoˆ ve yoˬ.
35Oˇ ve hkʼaw‸ nawˉ, Gʼuiˬsha lehˬ aˬ miˍ ce ya‸ la piˇ leh, sha hawnˉ tuˉ tanˇ piˇ chehˇ ve chaw oˇ ve 250 gʼaˇ hta‸ to‸ baˬ piˇ lawˬ ve yoˬ.
Shiˉ gʼeu‸ keu ve hkehˇ pe le teˇ hpaˍ
36Oˇ ve hkʼaw‸ nawˉ, Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 37Suh kʼai peuˬ ve Leˍviˆ chaw oˇ ve teˇ hpaˍ ve hkehˇ pe le teˇ hpaˍ lehˬ da‸ kehˬ ve mawˇ hpeh‸ ve pa taw, oˇ ve teˇ hpaˍ hkʼaw keu taˍ ve shiˉ gʼeu‸ hta‸ teˇ kaˬ kaˬ lo ca ngeuˍ baˬ tuˬ, Aˍronˍ ve yaˇ, paw hkuˇ lonˉ Eˇlaˍsaˍ hta‸ kʼoˆ piˇ-oˆ. 38Gʼuiˬsha ve tuˉ tanˇ kuiˬ lo yuˬ veu laˇ ve hkehˇ pe le oˇ ve teˇ hpaˍ lehˬ da‸ kehˬ ve yoˬ. Chi hta‸ pa taw, hkehˇ oˇ ve teˇ hpaˍ hta‸ a ciˉ paˇ chaweh te dawˆ leh, tuˉ tanˇ kuiˬ hta‸ beh tuˬ te-o. Chi lehˬ Iˉsaˍreˍlaˆ chaw hui shaˍ ti‸ gʼa tuˬ awˬ pon hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ. 39Hkʼe te leh, paw hkuˇ Eˇlaˍsaˍ lehˬ hkehˇ pe le oˇ ve teˇ hpaˍ hta‸ yuˬ leh a ciˉpaˇ chaweh te dawˆ peuˬ hkʼaw‸ nawˉ, tuˉ tanˇ kuiˬ hta‸ beh tuˬ te ve yoˬ. 40Chi ve lehˬ, Aˍronˍ awˬ ceuˬ awˬ hkʼaˇ maˇ heˆ ve chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ sha hawnˉ tuˉ tanˇ maˇ hpeh‸ ve shaˉ hkiˆ hpeh‸ ve yoˬ. Oˇ hkʼe te ve chaw lehˬ, Kawˇraˆ leh yawˇ ve chaw teˇ hpaˍ hkʼa shuˍ, luˬ ve sheˆ ve hta‸ gʼa hkanˍ tuˬ yoˬ. Gʼuiˬsha Moˉseˍ hta‸ kʼoˆ piˇ taˍ ve hkʼe, Eˇlaˍsaˍ hkʼa deh‸ na yuˬ leh te ve yoˬ.
Aˍronˍ chaw yaˇ teˇ hpaˍ hta‸ ponˬ piˇ ve
41Shawˉ pawˍ teˇ nyi gaˬ htaˇ, chaw yaˇ teˇ hpaˍ Moˉseˍ leh Aˍronˍ geh laˬ leh, Nawˬ huiˉ maˬ lehˬ Gʼuiˬsha ve chaw teˇ hpaˍ hta‸ tiˇ pehˍ piˇ ve yoˬ, teh‸ kʼoˆ leh ca kʼaw‸ hkʼanˇ la ve yoˬ. 42Yawˇ hui Moˉseˍ leh Aˍronˍ hta‸ venˇbaˆ ca tuˬ hpawnˬ laˬ chehˇ ve teˇ yanˇ, Gʼuiˬsha ve awˬ gʼeuˆ aˉ po kʼo hkʼoˆ ba tawˆ la chehˇ ve hta‸ gʼa mawˬ ve yoˬ. 43Hkʼe te leh, Moˉseˍ leh Aˍronˍ aˉ po kʼo bon yehˬ yehˬmiˉhpe‸ lo kʼai ve yoˬ. 44Oˇ htaˇ, Gʼuiˬsha Moˉseˍ hta‸ tawˇ yaw piˇ leh kʼoˆ ve, 45Chaw chi teˇ hpaˍ geh tawˆ kʼai-o. Ngaˬ yawˇ hui hta‸ te luˬ piˇ tuˬ yoˬ, teh‸ kʼoˆ ve yoˬ. Yawˇ huiˉ maˬ nyiˇ gʼaˇ gʼaˇ miˬ chaˇ hkʼoˆ boˆ taˍ ve yoˬ.
46Oˇ htaˇ, Moˉseˍ Aˍronˍ hta‸ tawˇ yaw piˇ leh kʼoˆ ve, Nawˬ ve hkehˇ pe le hta‸ yuˬ leh tuˉ tanˇ kuiˬ hkʼoˆ cawˬ ve aˬ miˍ shiˉ gʼeu‸ yuˬ peuˬ hkʼaw‸ nawˉ, oˇ ve awˬ hkʼoˇ lo sha hawnˉ hkaˆ keu-o. Oˇ hkʼe te peuˬ kʼo, chaw oˇ ve teˇ hpaˍ geh gʼuiˇ kʼai leh yawˇ hui hta‸ da‸ kehˬ tuˬ haˆ ca te piˇ-oˆ. Gʼuiˬsha nyi ma zuhˆ la chehˇ leh, naˬ beuˬ gaˬ la chehˇ taˍ peuˬ, teh‸ Aˍronˍ hta‸ kʼoˆ piˇ ve yoˬ. 47Aˍronˍ lehˬ Moˉseˍ kʼoˆ ve hkʼe, hkehˇ pe le hta‸ yuˬ leh chaw moˍ lonˉ chehˇ taˍ kuiˬ lo gʼuiˇ kʼai ve yoˬ. Naˬ beu‸ gaˬ la chehˇ taˍ peuˬ ve hta‸ yawˇgʼa mawˬ ve teˇ yanˇ, hkehˇ oˇ ve hkʼaw sha hawnˉ yuˬ keu leh, da‸ kehˬ tuˬ haˆ te piˇ ve yoˬ. 48Oˇ hkʼe te ve teˇ yanˇ naˬ beuˬ gaˬ ve mehˉ kʼai ve yoˬ. Yawˇ lehˬ naˬ beuˬ gaˬ suh-e ve chaw leh, te‸ chehˇ sheˍ ve chaw awˬ kaˍ lo huˉ taˍ ve yoˬ. 49Naˬ beuˬ gaˬ suh-e ve chaw hkʼa peu-eˬ teˇ meunˍ awˇ hinˉ suhˍ ha gʼaˇ cawˬ ve yoˬ. Chi ve lehˬ, Kawˇraˆ leh yawˇ ve awˬ chawˇ teˇ hpaˍ suh-e ve hta‸ maˇ shawˍ sheˍ ve yoˬ. 50Naˬ beuˬ gaˬ ve mehˉ kʼai ve teˇ yanˇ, Aˍronˍ lehˬ Moˉseˍ geh aˉ po kʼo bon yehˬ lo kʼaw‸ la ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.