Heh puiˉ hkʼaw ve li‸ 14
14
Chaw yaˇ teˇ hpaˍ hkʼanˇ ve
1Teˇ haˉ mvuhˇ hkʼa htiˇ chaw yaˇ teˇ hpaˍ hpoˆ hkʼanˇ chehˇ ve yoˬ. 2Yawˇ hui Moˉseˍ leh Aˍronˍhta‸ hkʼanˇ maˍ piˇ leh kʼoˆ ve, Eˇjiˇtu‸ mvuhˇmiˬ, maˇ heˆ kʼo choˬ kaˬ heh puiˉ hkʼaw lo gʼa suh ve lehˬ leuˉ leh da‸ jaˇ ve yoˬ. 3Aˬ hto‸ ma pa taw, Gʼuiˬsha ngaˬ hui hta‸ mvuhˇmiˬ oˇ ve lo shiˍ kʼai laˇ chehˇ ve le. Ngaˬ hui ve miˇ yaˇ teˇ hpaˍ hta‸ shu shiˍ kʼai tuˬ yoˬ. Eˇjiˇtu‸ mvuhˇmiˬ lo kʼaw‸ hpfuhˆ kʼo‸-e ve kʼo maˇ da‸ laˇ, teh‸ kʼoˆ ve yoˬ. 4Hkeu‸, ngaˬ hui awˬ hoˉ teˇ gʼaˇ hta‸ leuˆ yuˬ leh Eˇjiˇtu‸ mvuhˇmiˬ lo kʼaw‸ kʼo‸-e veuˬ, teh‸ yawˇ hui teˇ gʼaˇ leh teˇ gʼaˇ kʼoˆ da‸ ve yoˬ.
5Oˇ htaˇ, Moˉseˍ leh Aˍronˍ yawˇ hui gʼuˇ suhˍ miˬ chaˇ hkʼoˆ boˆ taˍ ve yoˬ. 6Nunˍ ve yaˇ Yawˇsuˆ lehˬ, Yeˍhpuˇnehˇ ve yaˇ Kaˍlehˆ yawˇ huiˉ maˬ htawˇ dawˇ haˍ jaˇ ve hkʼaw, a shu yawˇ ve veu‸ kʼaˇ hta‸ tzuh‸ suhˍ leh kʼoˆ ve, 7Ngaˬ hui ca jaˆ nyi taˉ ve mvuhˇmiˬ oˇ ve lehˬ, da‸ jaˇ tehˬ tehˬ ve yoˬ. 8Gʼuiˬsha a loˍ cawˇ ve kʼo, yawˇ ngaˬ hui hta‸ shiˍ kʼai laˇ leh, mvuhˇmiˬ oˇ ve ngaˬ hui hta‸ pe‸ laˇ tuˬ yoˬ. 9Gʼuiˬsha hta‸ kʼaw‸ hpfuhˆ ve taˇ te. Oˇ kaˬ lo chehˇ ve chaw hui hta‸ htawˇ taˇ kawˆ. Ngaˬ hui hkʼa sha sha-ehˬ bawˆ gʼaˇ hpeh‸ ve yoˬ. Gʼuiˬsha ngaˬ hui geh chehˇ taˍ leh, yawˇ hui oˉ kʼoˍ pui chehˇ ve gʼuiˬsha teˇ hpaˍ hta‸ yuˬ baˬ piˇ taˍ peuˬ. Chi hta‸ pa taw, yawˇ hui hta‸ taˇ kawˆ, teh‸ yawˇ hui hta‸ kʼoˆ piˇ ve yoˬ. 10Chaw oˇ ve teˇ hpaˍ lehˬ, yawˇ huiˉ maˬ hta‸ haˉ pui baˬ pehˍ-a teh‸ te ve yoˬ. Ya‸ hkʼaˇ, oˇ ve teˇ hkui Gʼuiˬsha ve awˬ gʼeuˆ aˉ po kʼo bon yehˬ hkʼoˆ ba tawˆ la ve hta‸ yawˇ hui gʼa mawˬ ve yoˬ.
Moˉseˍ bon lawˬ ve
11Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Chaw chi teˇ hpaˍ ngaˬ hta‸ hkʼaˬ maw maw kʼaw‸ hpfuhˆ chehˇ tuˬ sheˍ ve le. Ngaˬ yawˇ hui hta‸ anˇ tuˬ awˬ heˆ teˇ hpaˍ chi taw taw te maˍ piˇ chehˇ ve htawˇ, yawˇ hui hkʼaˬ maw maw nyi ma heh chehˇ tuˬ sheˍ ve le. 12Ngaˬ yawˇ hui awˬ hkʼoˆ lo naˬ beuˬ gaˬ la piˇ tuˬ yoˬ. Ya‸ hkʼaˇ, ngaˬ nawˬ hta‸ chaw ceu lonˉ teˇ ceuˬ ve awˬ pa hpeh‸ la piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
13Oˇ htaˇ Moˉseˍ Gʼuiˬsha hta‸ chi hkʼe kʼaw‸ kʼoˆ piˇ ve yoˬ. Nawˬ ve kanˇ paˆ awˬ hkʼaw lo, chaw chi teˇ hpaˍ hta‸ nawˬ Eˇjiˇtu‸ mvuhˇmiˬ hkʼaw shiˍ tawˆ la piˇ taˍ ve yoˬ. Nawˬ chaw chi teˇ hpaˍ hta‸ hkʼaˬ hkʼe te piˇ ve awˬ lawn hta‸ Eˇjiˇtu‸ chaw teˇ hpaˍ gʼa kʼaw‸ kaˇ ve kʼo, 14yawˇ hui teˇ caˉ mvuhˇmiˬ chi hkʼaw chehˇ ve chaw hui hta‸ kʼaw‸ hto piˇ tuˬ yoˬ. Nawˬ ngaˬ hui geh chehˇ taˍ ve hta‸ maˇ kʼoˆ, mvuhˇ law‸ kʼaw htaˇ moˬ yehˬ hkuiˉ daw ngaˬ hui hta‸ shiˍ kʼai laˇ ve leh, mvuhˇ hpeu‸ htaˇ aˬ miˍ yehˬ hkuiˉ daw ngaˬ hui hta‸ awˬ gʼeuˆ paw laˇ chehˇ ve hta‸ maˇ kʼoˆ, mvuhˇmiˬ chi hkʼaw chehˇ taˍ ve chaw hui gʼa kaˇ taˍ peuˬ ve yoˬ. 15Chi beu‸ nawˬ lehˬ, nawˬ ve chaw chi hkʼa peu-eˬ ve hta‸ tiˇ pehˍ piˇ ve kʼo, nawˬ ve kanˇ paˆ hkʼaˬ ma uiˍ jaˇ ve hta‸ gʼa shiˍ gʼa kaˇ taˍ ve awˬ nu ve chaw ceuˬ teˇ hpaˍ chi hkʼe kʼoˆ tuˬ yoˬ. 16Iˉsaˍreˍlaˆ chaw hui hta‸ piˇ tuˬ ka ti‸ te taˍ ve mvuhˇmiˬ oˇ ve awˬ hkʼaw lo, nawˬ yawˇ hui hta‸ shiˍ kʼai piˇ maˇ gʼa ve pa taw, yawˇ hui hta‸ heh puiˉ hkʼaw lo ceh nawˬ tiˇ pehˍ piˇ taˉ ve yoˬ, teh‸ yawˇ hui kʼoˆ tuˬ yoˬ. 17Chi hta‸ pa taw Gʼuiˬsha-oˬ, nawˬ ve kanˇ paˆ ngaˬ hui hta‸ maw laˇ leh, nawˬ ka ti‸ te taˍ peuˬ ve hkʼe a ciˉ te laˇ-oˆ. 18Awˬ lawn kʼo, nawˬ chi hkʼe kʼoˆ taˍ peuˬ ve yoˬ. Ngaˬ lehˬ nyi ma haˆ haˆ maˇ zuhˆ puiˉ. Ngaˬ lehˬ ha‸ pehnˇ uiˍ ve, ka ti‸ yeˬ ve, leh te ya‸ ve venˇbaˆ teˇ hpaˍ hta‸ hpehˇ piˇ ve yoˬ. Ya‸ hkʼaˇ, awˬ pa awˬ e teˇ hpaˍ te ya‸ ve venˇbaˆ awˬ pon yawˇ hui ve yaˇ shehˆ co awˇ co htaˇ hkʼa gaˬ ngaˬ ciˍ yanˍ piˇ tuˬ yoˬ, teh‸ nawˬ kʼoˆ taˍ peuˬ ve yoˬ. 19Chi hta‸ pa taw Gʼuiˬsha-oˬ, maˇ peˍ maˇ pa puiˉ ve nawˬ ve ha‸ pehnˇ ve hkʼaw, chaw chi teˇ hpaˍ te ya‸ ve venˇbaˆ hta‸ a ciˉ hpehˇ piˇ-oˆ. Ngaˬ nawˬ hta‸ lawˬ hkawˉ ve yoˬ, teh‸ Gʼuiˬsha hta‸ kʼoˆ piˇ ve yoˬ.
20Gʼuiˬsha kʼaw‸ yaw hkʼaw‸ leh kʼoˆ ve, Nawˬ lawˬ hkawˉ ve hkʼe ngaˬ yawˇ hui ve venˇbaˆ hta‸ hpehˇ piˇ tuˬ yoˬ. 21Ya‸ hkʼaˇ, ngaˬ chi hkʼe kʼa ti‸ te ve yoˬ. Ngaˬ a sha‸ te‸ chehˇ leh ngaˬ ve awˬ me‸ awˬ hponˇ miˬguiˬ hkʼoˆ biˇ sheˆ chehˇ ve hkʼe, 22chaw chi teˇ hpaˍ teˇ gʼaˇ ka‸ mvuhˇmiˬ oˇ ve hkʼaw gʼa lo‸-e tuˬ ve maˇ heˆ. Yawˇ hui lehˬ Eˇjiˇtu‸ mvuhˇmiˬ hkʼaw leh, heh puiˉ hkʼaw lo ngaˬ ve awˬ gʼeuˆ leh ngaˬ te maˍ piˇ ve anˇ tuˬ teˇ hpaˍ hta‸ gʼa mawˬ peuˬ ve yoˬ. Ya‸ hkʼaˇ, yawˇ hui ngaˬ hta‸ nyi ma zuhˆ tuˬ te laˇ leh, ngaˬ ve tawˇ hta‸ maˇ na yuˬ. 23Yawˇ hui ve awˬ puˍ awˬ pi hui hta‸ ngaˬ piˇ tuˬ ka ti‸ te taˍ peuˬ ve mvuhˇmiˬ oˇ ve hkʼaw yawˇ hui gʼa lo‸-e tuˬ ve maˇ heˆ. 24Ya‸ hkʼaˇ, ngaˬ ve awˬ ceˬ Kaˍlehˆ lehˬ, awˬ nu ve chaw teˇ hpaˍ hkʼe maˇ heˆ. Yawˇ lehˬ ngaˬ hta‸ ka ti‸ yeˬ chehˇ ve pa taw, yawˇ ca jaˆ nyi taˉ peuˬ ve mvuhˇmiˬ oˇ ve hkʼaw gʼa lo‸-e leh, 25yawˇ ve awˬ ceuˬ awˬ hkʼaˇ teˇ hpaˍ lehˬ, chi beu‸ Aˍmaˍlehˆ chaw, Hkaˍnaˍniˆ chaw hui chehˇ taˍ ve mvuhˇmiˬ hkʼaw gʼa chehˇ tuˬ yoˬ. Shawˉ pawˍ kʼo, awˬ hkʼaw‸ nawˉ hpawˇ lo kʼaw‸ hpfuhˆ kʼo‸-e leh, Suh ve laˇ tsuhˇ gʼuiˬ hpawˇ lo caw kʼai-o, teh‸ Moˉseˍ hta‸ kʼoˆ piˇ ve yoˬ.
Hkʼanˇ ve chaw hui hta‸ Gʼuiˬsha ciˍ yanˍ piˇ ve
26Gʼuiˬsha lehˬ Moˉseˍ leh Aˍronˍ hta‸ chi hkʼe kʼoˆ piˇ ve yoˬ. 27Haiˬ ve chaw chi teˇ hpaˍ hkʼaˬ maw maw hkʼanˇ chehˇ tuˬ sheˍ ve le. Yawˇ hui hkʼanˇ chehˇ ve awˬ hkawˇ hta‸ ngaˬ kaˇ bvuhˆ jaˇ peuˬ. 28Chi beu‸ yawˇ hui hta‸ chi hkʼe kʼoˆ piˇ-oˆ. Ngaˬ te‸ chehˇ ve hkʼe, nawˬ hui lawˬ ve hta‸ ngaˬ te laˇ tuˬ yoˬ. Ngaˬ, Gʼuiˬsha chi hkʼe kʼoˆ ve yoˬ. 29Nawˬ hui gʼa suh leh, nawˬ hui ve awˬ to heh puiˉ hkʼaw lo gʼawˆ baˬ ve hta‸ gʼa hkanˍ tuˬ yoˬ. Nawˬ hui hkʼanˇ puiˉ jaˇ ve pa taw, a sha‸ nyiˇ chi hkʼaw‸ awˬ hkʼoˆ ve chaw teˇ gʼaˇ ka‸ mvuhˇmiˬ oˇ ve hkʼaw gʼa lo‸-e tuˬ ve maˇ heˆ. 30Ngaˬ nawˬ hui hta‸ oˇ kaˬ lo chehˇ tcuh laˇ tuˬ ka ti te taˍ peuˬ ve htawˇ, Yawˇsuˆ leh Kaˍlehˆ maˇ heˆ kʼo, nawˬ hui teˇ gʼaˇ ka‸ mvuhˇmiˬ oˇ ve hkʼaw maˇ gʼa lo‸-e. 31Nawˬ hui ve miˇ yaˇ teˇ hpaˍ hta‸ shu shiˍ kʼai tuˬ yoˬ, teh‸ nawˬ hui kʼoˆ ve yoˬ. Ya‸ hkʼaˇ, yawˇ hui hta‸ nawˬ hui chiˇ baˬ ve mvuhˇmiˬ oˇ ve hkʼaw ngaˬ shiˍ kʼai piˇ tuˬ yoˬ. 32Nawˬ hui lehˬ choˬ kaˬ heh puiˉ hkʼaw lo ceh gʼa suh taˉ tuˬ yoˬ. 33Nawˬ hui ve yaˇ teˇ hpaˍ lehˬ, hteunˍ lonˉ chi ve hkʼaw awˇ chi hkʼaw‸ gʼa te toˇ chehˇ tuˬ yoˬ. Nawˬ hui suh peuˬ htaˇ hkʼa gaˬ, yawˇ hui lehˬ nawˬ hui maˇ na yuˬ puiˉ ve awˬ tan gʼa tu‸ gʼa hkanˍ chehˇ tuˬ yoˬ. 34Nawˬ hui te ya‸ ve venˇbaˆ awˬ tan awˇ chi hkʼaw‸ gʼa hkanˍ tuˬ yoˬ. Nawˬ hui mvuhˇmiˬ oˇ ve hta‸ teˇ nyi ca jaˆ nyi ve awˬ tan teˇ hkʼaw‸ gʼa hkanˍ tuˬ yoˬ. Ngaˬ hta‸ hpfuhˆ ve chaw hkʼaˬ hkʼe hpeh‸ la ve hta‸ nawˬ hui shiˍ la tuˬ yoˬ. 35Ngaˬ hta‸ kʼaw‸ hpfuhˆ ve chaw haiˬ teˇ hpaˍ hta‸ chi hkʼe ciˍ yanˍ piˇ tuˬ ngaˬ dawˇ cheˆ taˍ peuˬ. Choˬ ka‸ heh puiˉ hkʼaw lo nawˬ hui hkʼa peu-eˬ gʼa suh tuˬ yoˬ. Ngaˬ, Gʼuiˬsha chi hkʼe kʼoˆ taˍ ve awˬ lawn yawˇ hui hta‸ kʼoˆ piˇ-oˆ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
36-37Mvuhˇmiˬ oˇ ve hta‸ ca jaˆ nyi tuˬ Moˉseˍ kʼai peu taˍ ve chaw oˇ ve teˇ hpaˍ lehˬ, Iˉsaˍreˍlaˆ chaw hui hta‸ awˬ lawn laiˉ ceuˬ heˍ hto piˇ ve pa taw, Iˉsaˍreˍ laˆ chaw teˇ hpaˍ hkʼanˇ ve yoˬ. Hkʼe te leh, Gʼuiˬsha yawˇ hui awˬ hkʼoˆ naˬ beuˬ gaˬ la piˇ leh, yawˇ hui suh-e ve yoˬ. 38Chaw jaˆ teˇ chi nyiˇ gʼaˇ awˬ hkʼaw lo, Yawˇsuˆ leh Kaˍlehˆ ceh tiˉ te‸ chehˇ taˉ ve yoˬ.
Mvuhˇmiˬ oˇ ve hta‸ ca bawˆ yuˬ tuˬ awˬ hkʼaˇ gu ve
39Moˉseˍ lehˬ Gʼuiˬsha kʼoˆ ve tawˇ oˇ ve hkʼa peu-eˬ, Iˉsaˍreˍlaˆ chaw hui hta‸ kʼoˆ maˍ piˇ ve teˇ yanˇ, yawˇ hui dawˇ haˍ jaˇ ve yoˬ. 40Shawˉ pawˍ mvuhˇ shawˉ teˇ na‸, yawˇ hui mvuhˇmiˬ oˇ ve hta‸ ca bawˆ tuˬ tawˆ kʼai ve yoˬ. Yawˇ hui kʼoˆ ve, Ngaˬ hui te ya‸ jaˇ peuˬ. Gʼuiˬsha pe‸ laˇ taˍ ve mvuhˇmiˬ oˇ ve hta‸ ca bawˆ yuˬ tuˬ, ngaˬ hui hkʼa deh‸ gu taˍ peuˬ, teh‸ kʼoˆ ve yoˬ.
41Ya‸ hkʼaˇ Moˉseˍ kʼoˆ ve, Hkʼe kʼo aˬ hto‸ ma pa taw Gʼuiˬsha kʼoˆ laˇ ve tawˇ hta‸ nawˬ hui maˇ ha‸ yuˬ ve le. Nawˬ hui bawˆ gʼaˇ tuˬ ve maˇ heˆ. 42Taˇ kʼai loˬ. Gʼuiˬsha nawˬ hui geh maˇ chehˇ. Nawˬ hui shonˇ ve tiˉ yoˬ. 43Nawˬ hui Aˍmaˍlehˆ chaw leh Hkaˍnaˍniˆ chaw hui hta‸ hpuˇ ve teˇ yanˇ, nawˬ hui suh-e ve tiˉ yoˬ. Nawˬ hui Gʼuiˬsha ve tawˇ hta‸ maˇ na yuˬ ve pa taw, yawˇ nawˬ hui geh chehˇ tuˬ ve maˇ heˆ, teh‸ yawˇ hui hta‸ kʼoˆ piˇ ve yoˬ.
44Moˉseˍ maˇ kʼo, Gʼuiˬsha ve ka ti‸ shaˉ caˆ ta kʼoˍ maˇ kʼoˆ, yawˇ hui geh maˇ kʼai ve htawˇ, yawˇ hui hkʼaw hkʼoˆ lo taˆ-e ve yoˬ. 45Oˇ htaˇ, Aˍmaˍlehˆ chaw leh Hkaˍnaˍniˆ chaw teˇ hpaˍ yawˇ hui hta‸ gʼa‸ bawˆ leh, Hawˇmaˍ venˇ lo hkʼa gaˬ gʼa‸ yuˬ laˬ ve yoˬ.
Currently Selected:
Heh puiˉ hkʼaw ve li‸ 14: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 14
14
Chaw yaˇ teˇ hpaˍ hkʼanˇ ve
1Teˇ haˉ mvuhˇ hkʼa htiˇ chaw yaˇ teˇ hpaˍ hpoˆ hkʼanˇ chehˇ ve yoˬ. 2Yawˇ hui Moˉseˍ leh Aˍronˍhta‸ hkʼanˇ maˍ piˇ leh kʼoˆ ve, Eˇjiˇtu‸ mvuhˇmiˬ, maˇ heˆ kʼo choˬ kaˬ heh puiˉ hkʼaw lo gʼa suh ve lehˬ leuˉ leh da‸ jaˇ ve yoˬ. 3Aˬ hto‸ ma pa taw, Gʼuiˬsha ngaˬ hui hta‸ mvuhˇmiˬ oˇ ve lo shiˍ kʼai laˇ chehˇ ve le. Ngaˬ hui ve miˇ yaˇ teˇ hpaˍ hta‸ shu shiˍ kʼai tuˬ yoˬ. Eˇjiˇtu‸ mvuhˇmiˬ lo kʼaw‸ hpfuhˆ kʼo‸-e ve kʼo maˇ da‸ laˇ, teh‸ kʼoˆ ve yoˬ. 4Hkeu‸, ngaˬ hui awˬ hoˉ teˇ gʼaˇ hta‸ leuˆ yuˬ leh Eˇjiˇtu‸ mvuhˇmiˬ lo kʼaw‸ kʼo‸-e veuˬ, teh‸ yawˇ hui teˇ gʼaˇ leh teˇ gʼaˇ kʼoˆ da‸ ve yoˬ.
5Oˇ htaˇ, Moˉseˍ leh Aˍronˍ yawˇ hui gʼuˇ suhˍ miˬ chaˇ hkʼoˆ boˆ taˍ ve yoˬ. 6Nunˍ ve yaˇ Yawˇsuˆ lehˬ, Yeˍhpuˇnehˇ ve yaˇ Kaˍlehˆ yawˇ huiˉ maˬ htawˇ dawˇ haˍ jaˇ ve hkʼaw, a shu yawˇ ve veu‸ kʼaˇ hta‸ tzuh‸ suhˍ leh kʼoˆ ve, 7Ngaˬ hui ca jaˆ nyi taˉ ve mvuhˇmiˬ oˇ ve lehˬ, da‸ jaˇ tehˬ tehˬ ve yoˬ. 8Gʼuiˬsha a loˍ cawˇ ve kʼo, yawˇ ngaˬ hui hta‸ shiˍ kʼai laˇ leh, mvuhˇmiˬ oˇ ve ngaˬ hui hta‸ pe‸ laˇ tuˬ yoˬ. 9Gʼuiˬsha hta‸ kʼaw‸ hpfuhˆ ve taˇ te. Oˇ kaˬ lo chehˇ ve chaw hui hta‸ htawˇ taˇ kawˆ. Ngaˬ hui hkʼa sha sha-ehˬ bawˆ gʼaˇ hpeh‸ ve yoˬ. Gʼuiˬsha ngaˬ hui geh chehˇ taˍ leh, yawˇ hui oˉ kʼoˍ pui chehˇ ve gʼuiˬsha teˇ hpaˍ hta‸ yuˬ baˬ piˇ taˍ peuˬ. Chi hta‸ pa taw, yawˇ hui hta‸ taˇ kawˆ, teh‸ yawˇ hui hta‸ kʼoˆ piˇ ve yoˬ. 10Chaw oˇ ve teˇ hpaˍ lehˬ, yawˇ huiˉ maˬ hta‸ haˉ pui baˬ pehˍ-a teh‸ te ve yoˬ. Ya‸ hkʼaˇ, oˇ ve teˇ hkui Gʼuiˬsha ve awˬ gʼeuˆ aˉ po kʼo bon yehˬ hkʼoˆ ba tawˆ la ve hta‸ yawˇ hui gʼa mawˬ ve yoˬ.
Moˉseˍ bon lawˬ ve
11Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Chaw chi teˇ hpaˍ ngaˬ hta‸ hkʼaˬ maw maw kʼaw‸ hpfuhˆ chehˇ tuˬ sheˍ ve le. Ngaˬ yawˇ hui hta‸ anˇ tuˬ awˬ heˆ teˇ hpaˍ chi taw taw te maˍ piˇ chehˇ ve htawˇ, yawˇ hui hkʼaˬ maw maw nyi ma heh chehˇ tuˬ sheˍ ve le. 12Ngaˬ yawˇ hui awˬ hkʼoˆ lo naˬ beuˬ gaˬ la piˇ tuˬ yoˬ. Ya‸ hkʼaˇ, ngaˬ nawˬ hta‸ chaw ceu lonˉ teˇ ceuˬ ve awˬ pa hpeh‸ la piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
13Oˇ htaˇ Moˉseˍ Gʼuiˬsha hta‸ chi hkʼe kʼaw‸ kʼoˆ piˇ ve yoˬ. Nawˬ ve kanˇ paˆ awˬ hkʼaw lo, chaw chi teˇ hpaˍ hta‸ nawˬ Eˇjiˇtu‸ mvuhˇmiˬ hkʼaw shiˍ tawˆ la piˇ taˍ ve yoˬ. Nawˬ chaw chi teˇ hpaˍ hta‸ hkʼaˬ hkʼe te piˇ ve awˬ lawn hta‸ Eˇjiˇtu‸ chaw teˇ hpaˍ gʼa kʼaw‸ kaˇ ve kʼo, 14yawˇ hui teˇ caˉ mvuhˇmiˬ chi hkʼaw chehˇ ve chaw hui hta‸ kʼaw‸ hto piˇ tuˬ yoˬ. Nawˬ ngaˬ hui geh chehˇ taˍ ve hta‸ maˇ kʼoˆ, mvuhˇ law‸ kʼaw htaˇ moˬ yehˬ hkuiˉ daw ngaˬ hui hta‸ shiˍ kʼai laˇ ve leh, mvuhˇ hpeu‸ htaˇ aˬ miˍ yehˬ hkuiˉ daw ngaˬ hui hta‸ awˬ gʼeuˆ paw laˇ chehˇ ve hta‸ maˇ kʼoˆ, mvuhˇmiˬ chi hkʼaw chehˇ taˍ ve chaw hui gʼa kaˇ taˍ peuˬ ve yoˬ. 15Chi beu‸ nawˬ lehˬ, nawˬ ve chaw chi hkʼa peu-eˬ ve hta‸ tiˇ pehˍ piˇ ve kʼo, nawˬ ve kanˇ paˆ hkʼaˬ ma uiˍ jaˇ ve hta‸ gʼa shiˍ gʼa kaˇ taˍ ve awˬ nu ve chaw ceuˬ teˇ hpaˍ chi hkʼe kʼoˆ tuˬ yoˬ. 16Iˉsaˍreˍlaˆ chaw hui hta‸ piˇ tuˬ ka ti‸ te taˍ ve mvuhˇmiˬ oˇ ve awˬ hkʼaw lo, nawˬ yawˇ hui hta‸ shiˍ kʼai piˇ maˇ gʼa ve pa taw, yawˇ hui hta‸ heh puiˉ hkʼaw lo ceh nawˬ tiˇ pehˍ piˇ taˉ ve yoˬ, teh‸ yawˇ hui kʼoˆ tuˬ yoˬ. 17Chi hta‸ pa taw Gʼuiˬsha-oˬ, nawˬ ve kanˇ paˆ ngaˬ hui hta‸ maw laˇ leh, nawˬ ka ti‸ te taˍ peuˬ ve hkʼe a ciˉ te laˇ-oˆ. 18Awˬ lawn kʼo, nawˬ chi hkʼe kʼoˆ taˍ peuˬ ve yoˬ. Ngaˬ lehˬ nyi ma haˆ haˆ maˇ zuhˆ puiˉ. Ngaˬ lehˬ ha‸ pehnˇ uiˍ ve, ka ti‸ yeˬ ve, leh te ya‸ ve venˇbaˆ teˇ hpaˍ hta‸ hpehˇ piˇ ve yoˬ. Ya‸ hkʼaˇ, awˬ pa awˬ e teˇ hpaˍ te ya‸ ve venˇbaˆ awˬ pon yawˇ hui ve yaˇ shehˆ co awˇ co htaˇ hkʼa gaˬ ngaˬ ciˍ yanˍ piˇ tuˬ yoˬ, teh‸ nawˬ kʼoˆ taˍ peuˬ ve yoˬ. 19Chi hta‸ pa taw Gʼuiˬsha-oˬ, maˇ peˍ maˇ pa puiˉ ve nawˬ ve ha‸ pehnˇ ve hkʼaw, chaw chi teˇ hpaˍ te ya‸ ve venˇbaˆ hta‸ a ciˉ hpehˇ piˇ-oˆ. Ngaˬ nawˬ hta‸ lawˬ hkawˉ ve yoˬ, teh‸ Gʼuiˬsha hta‸ kʼoˆ piˇ ve yoˬ.
20Gʼuiˬsha kʼaw‸ yaw hkʼaw‸ leh kʼoˆ ve, Nawˬ lawˬ hkawˉ ve hkʼe ngaˬ yawˇ hui ve venˇbaˆ hta‸ hpehˇ piˇ tuˬ yoˬ. 21Ya‸ hkʼaˇ, ngaˬ chi hkʼe kʼa ti‸ te ve yoˬ. Ngaˬ a sha‸ te‸ chehˇ leh ngaˬ ve awˬ me‸ awˬ hponˇ miˬguiˬ hkʼoˆ biˇ sheˆ chehˇ ve hkʼe, 22chaw chi teˇ hpaˍ teˇ gʼaˇ ka‸ mvuhˇmiˬ oˇ ve hkʼaw gʼa lo‸-e tuˬ ve maˇ heˆ. Yawˇ hui lehˬ Eˇjiˇtu‸ mvuhˇmiˬ hkʼaw leh, heh puiˉ hkʼaw lo ngaˬ ve awˬ gʼeuˆ leh ngaˬ te maˍ piˇ ve anˇ tuˬ teˇ hpaˍ hta‸ gʼa mawˬ peuˬ ve yoˬ. Ya‸ hkʼaˇ, yawˇ hui ngaˬ hta‸ nyi ma zuhˆ tuˬ te laˇ leh, ngaˬ ve tawˇ hta‸ maˇ na yuˬ. 23Yawˇ hui ve awˬ puˍ awˬ pi hui hta‸ ngaˬ piˇ tuˬ ka ti‸ te taˍ peuˬ ve mvuhˇmiˬ oˇ ve hkʼaw yawˇ hui gʼa lo‸-e tuˬ ve maˇ heˆ. 24Ya‸ hkʼaˇ, ngaˬ ve awˬ ceˬ Kaˍlehˆ lehˬ, awˬ nu ve chaw teˇ hpaˍ hkʼe maˇ heˆ. Yawˇ lehˬ ngaˬ hta‸ ka ti‸ yeˬ chehˇ ve pa taw, yawˇ ca jaˆ nyi taˉ peuˬ ve mvuhˇmiˬ oˇ ve hkʼaw gʼa lo‸-e leh, 25yawˇ ve awˬ ceuˬ awˬ hkʼaˇ teˇ hpaˍ lehˬ, chi beu‸ Aˍmaˍlehˆ chaw, Hkaˍnaˍniˆ chaw hui chehˇ taˍ ve mvuhˇmiˬ hkʼaw gʼa chehˇ tuˬ yoˬ. Shawˉ pawˍ kʼo, awˬ hkʼaw‸ nawˉ hpawˇ lo kʼaw‸ hpfuhˆ kʼo‸-e leh, Suh ve laˇ tsuhˇ gʼuiˬ hpawˇ lo caw kʼai-o, teh‸ Moˉseˍ hta‸ kʼoˆ piˇ ve yoˬ.
Hkʼanˇ ve chaw hui hta‸ Gʼuiˬsha ciˍ yanˍ piˇ ve
26Gʼuiˬsha lehˬ Moˉseˍ leh Aˍronˍ hta‸ chi hkʼe kʼoˆ piˇ ve yoˬ. 27Haiˬ ve chaw chi teˇ hpaˍ hkʼaˬ maw maw hkʼanˇ chehˇ tuˬ sheˍ ve le. Yawˇ hui hkʼanˇ chehˇ ve awˬ hkawˇ hta‸ ngaˬ kaˇ bvuhˆ jaˇ peuˬ. 28Chi beu‸ yawˇ hui hta‸ chi hkʼe kʼoˆ piˇ-oˆ. Ngaˬ te‸ chehˇ ve hkʼe, nawˬ hui lawˬ ve hta‸ ngaˬ te laˇ tuˬ yoˬ. Ngaˬ, Gʼuiˬsha chi hkʼe kʼoˆ ve yoˬ. 29Nawˬ hui gʼa suh leh, nawˬ hui ve awˬ to heh puiˉ hkʼaw lo gʼawˆ baˬ ve hta‸ gʼa hkanˍ tuˬ yoˬ. Nawˬ hui hkʼanˇ puiˉ jaˇ ve pa taw, a sha‸ nyiˇ chi hkʼaw‸ awˬ hkʼoˆ ve chaw teˇ gʼaˇ ka‸ mvuhˇmiˬ oˇ ve hkʼaw gʼa lo‸-e tuˬ ve maˇ heˆ. 30Ngaˬ nawˬ hui hta‸ oˇ kaˬ lo chehˇ tcuh laˇ tuˬ ka ti te taˍ peuˬ ve htawˇ, Yawˇsuˆ leh Kaˍlehˆ maˇ heˆ kʼo, nawˬ hui teˇ gʼaˇ ka‸ mvuhˇmiˬ oˇ ve hkʼaw maˇ gʼa lo‸-e. 31Nawˬ hui ve miˇ yaˇ teˇ hpaˍ hta‸ shu shiˍ kʼai tuˬ yoˬ, teh‸ nawˬ hui kʼoˆ ve yoˬ. Ya‸ hkʼaˇ, yawˇ hui hta‸ nawˬ hui chiˇ baˬ ve mvuhˇmiˬ oˇ ve hkʼaw ngaˬ shiˍ kʼai piˇ tuˬ yoˬ. 32Nawˬ hui lehˬ choˬ kaˬ heh puiˉ hkʼaw lo ceh gʼa suh taˉ tuˬ yoˬ. 33Nawˬ hui ve yaˇ teˇ hpaˍ lehˬ, hteunˍ lonˉ chi ve hkʼaw awˇ chi hkʼaw‸ gʼa te toˇ chehˇ tuˬ yoˬ. Nawˬ hui suh peuˬ htaˇ hkʼa gaˬ, yawˇ hui lehˬ nawˬ hui maˇ na yuˬ puiˉ ve awˬ tan gʼa tu‸ gʼa hkanˍ chehˇ tuˬ yoˬ. 34Nawˬ hui te ya‸ ve venˇbaˆ awˬ tan awˇ chi hkʼaw‸ gʼa hkanˍ tuˬ yoˬ. Nawˬ hui mvuhˇmiˬ oˇ ve hta‸ teˇ nyi ca jaˆ nyi ve awˬ tan teˇ hkʼaw‸ gʼa hkanˍ tuˬ yoˬ. Ngaˬ hta‸ hpfuhˆ ve chaw hkʼaˬ hkʼe hpeh‸ la ve hta‸ nawˬ hui shiˍ la tuˬ yoˬ. 35Ngaˬ hta‸ kʼaw‸ hpfuhˆ ve chaw haiˬ teˇ hpaˍ hta‸ chi hkʼe ciˍ yanˍ piˇ tuˬ ngaˬ dawˇ cheˆ taˍ peuˬ. Choˬ ka‸ heh puiˉ hkʼaw lo nawˬ hui hkʼa peu-eˬ gʼa suh tuˬ yoˬ. Ngaˬ, Gʼuiˬsha chi hkʼe kʼoˆ taˍ ve awˬ lawn yawˇ hui hta‸ kʼoˆ piˇ-oˆ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
36-37Mvuhˇmiˬ oˇ ve hta‸ ca jaˆ nyi tuˬ Moˉseˍ kʼai peu taˍ ve chaw oˇ ve teˇ hpaˍ lehˬ, Iˉsaˍreˍlaˆ chaw hui hta‸ awˬ lawn laiˉ ceuˬ heˍ hto piˇ ve pa taw, Iˉsaˍreˍ laˆ chaw teˇ hpaˍ hkʼanˇ ve yoˬ. Hkʼe te leh, Gʼuiˬsha yawˇ hui awˬ hkʼoˆ naˬ beuˬ gaˬ la piˇ leh, yawˇ hui suh-e ve yoˬ. 38Chaw jaˆ teˇ chi nyiˇ gʼaˇ awˬ hkʼaw lo, Yawˇsuˆ leh Kaˍlehˆ ceh tiˉ te‸ chehˇ taˉ ve yoˬ.
Mvuhˇmiˬ oˇ ve hta‸ ca bawˆ yuˬ tuˬ awˬ hkʼaˇ gu ve
39Moˉseˍ lehˬ Gʼuiˬsha kʼoˆ ve tawˇ oˇ ve hkʼa peu-eˬ, Iˉsaˍreˍlaˆ chaw hui hta‸ kʼoˆ maˍ piˇ ve teˇ yanˇ, yawˇ hui dawˇ haˍ jaˇ ve yoˬ. 40Shawˉ pawˍ mvuhˇ shawˉ teˇ na‸, yawˇ hui mvuhˇmiˬ oˇ ve hta‸ ca bawˆ tuˬ tawˆ kʼai ve yoˬ. Yawˇ hui kʼoˆ ve, Ngaˬ hui te ya‸ jaˇ peuˬ. Gʼuiˬsha pe‸ laˇ taˍ ve mvuhˇmiˬ oˇ ve hta‸ ca bawˆ yuˬ tuˬ, ngaˬ hui hkʼa deh‸ gu taˍ peuˬ, teh‸ kʼoˆ ve yoˬ.
41Ya‸ hkʼaˇ Moˉseˍ kʼoˆ ve, Hkʼe kʼo aˬ hto‸ ma pa taw Gʼuiˬsha kʼoˆ laˇ ve tawˇ hta‸ nawˬ hui maˇ ha‸ yuˬ ve le. Nawˬ hui bawˆ gʼaˇ tuˬ ve maˇ heˆ. 42Taˇ kʼai loˬ. Gʼuiˬsha nawˬ hui geh maˇ chehˇ. Nawˬ hui shonˇ ve tiˉ yoˬ. 43Nawˬ hui Aˍmaˍlehˆ chaw leh Hkaˍnaˍniˆ chaw hui hta‸ hpuˇ ve teˇ yanˇ, nawˬ hui suh-e ve tiˉ yoˬ. Nawˬ hui Gʼuiˬsha ve tawˇ hta‸ maˇ na yuˬ ve pa taw, yawˇ nawˬ hui geh chehˇ tuˬ ve maˇ heˆ, teh‸ yawˇ hui hta‸ kʼoˆ piˇ ve yoˬ.
44Moˉseˍ maˇ kʼo, Gʼuiˬsha ve ka ti‸ shaˉ caˆ ta kʼoˍ maˇ kʼoˆ, yawˇ hui geh maˇ kʼai ve htawˇ, yawˇ hui hkʼaw hkʼoˆ lo taˆ-e ve yoˬ. 45Oˇ htaˇ, Aˍmaˍlehˆ chaw leh Hkaˍnaˍniˆ chaw teˇ hpaˍ yawˇ hui hta‸ gʼa‸ bawˆ leh, Hawˇmaˍ venˇ lo hkʼa gaˬ gʼa‸ yuˬ laˬ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.