Heh puiˉ hkʼaw ve li‸ 13
13
Chaw jaˆ teˇ hpaˍ
1Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw teˇ chi nyiˇ ceuˬ hkʼaw, chaw teˇ chi nyiˇ gʼaˇ hta‸ leuˆ yuˬ leh ngaˬ nawˬ hui hta‸ piˇ laˇ tuˬ ve Hkaˍnanˍ mvuhˇmiˬ hta‸ ca jaˆ nyi tcuh-o, teh‸ kʼoˆ ve yoˬ.
3-15Hkʼe te leh, Moˉseˍ lehˬ Paˍranˍ heh puiˉ hkʼaw lo chaw chi ve teˇ chi nyiˇ gʼaˇ hta‸ leuˆ yuˬ leh ca jaˆ nyi peu ve yoˬ.
| Chaw ceuˬ | Awˬ hoˉ |
|---|---|
| Ruˇbenˍ | Saˍkuˇraˆ ve yaˇ Shaˍmaˍ |
| Siˉmonˍ | Hawˇriˆ ve yaˇ Shaˍhpaˆ |
| Yuˇda‸ | Yeˍhpuˇnehˇ ve yaˇ Kaˍlehˆ |
| Iˉsaˍhkaˍ | Yoˇseh‸ ve yaˇ Iˉgaˍlaˆ |
| Eˇhpaˍrenˍ | Nunˍ ve yaˇ Hawˇseˍ |
| Beˍyaˍmenˍ | Raˍhpuˆ ve yaˇ Paˍlaˍtiˆ |
| Zeˍbuˆlonˍ | Sawˇdiˆ ve yaˇ Gaˍdeˍlaˆ |
| Maˍnaˍseˍ | Suˇsiˆ ve yaˇ Gaˍdiˆ |
| Danˍ | Geˍmaˍliˆ ve yaˇ Aˍmeˍlaˆ |
| Aˍshaˍ | Miˆhkeˍlaˆ ve yaˇ Seˍtuˇraˆ |
| Naˍtaˍliˆ | Vaˍhpaˍsiˆ ve yaˇ Naˍbiˆ |
| Gaˆ | Maˍhkiˆ ve yaˇ Geˍlaˆ |
16Chaw chi teˇ hpaˍ lehˬ, mvuhˇmiˬ hta‸ ca jaˆ nyi tuˬ Moˉseˍ kʼai tcuh taˍve chaw teˇ hpaˍ hpeh‸ ve yoˬ. Yawˇ lehˬ Nunˍ ve yaˇ Hawˇseˍ hta‸ Yawˇsuˆ teh‸ awˬ meh awˬ suhˉ kʼaw‸ meh piˇ ve yoˬ.
17Moˉseˍ yawˇ hui hta‸ chi hkʼe kʼoˆ piˇ ve yoˬ. Choˬ kaˬ lo tu leh awˬ na hpawˇ lo cawˬ ve Hkaˍnanˍ mvuhˇmiˬ hta‸ ca jaˆ nyi-o. Oˇ hkʼe te taˉ peuˬ hkʼaw‸ nawˉ, hkʼaw hkʼoˆ lo taˆ-e loˬ. 18Mvuhˇmiˬ oˇ ve hkʼaˬ hkʼe ve mvuhˇmiˬ hpeh‸ ve leh naˍ, chaw hkʼaˬ ma chehˇ leh naˍ, yawˇ hui awˬ gʼaˇ hkʼaˬ ma uiˍ ve leh naˍ, 19mvuhˇmiˬ oˇ ve da‸ leh naˍ, maˇ da‸ leh naˍ, chaw oˇ ve teˇ hpaˍ ta‸ yehˬ hkʼaw chehˇ ve leh naˍ, maˇ chehˇ ve leh naˍ, 20miˬ hkuiˇ da‸ leh naˍ, suhˆ tsuh de lonˉ cawˬ leh naˍ, ca jaˆ nyi-o. Nawˬ hui oˇ hkʼe ca jaˆ nyi peuˬ hkʼaw‸ nawˉ, mvuhˇmiˬ oˇ ve hkʼaw tawˆ ve iˉ shiˍ teˇ hpaˍ hta‸ shaˉ hkʼaw‸ veu laˇ-oˆ, teh‸ yawˇ hui hta‸ kʼoˆ piˇ ve yoˬ. (Awˬ yanˇ oˇ ve lehˬ, a pehˉ meuˇ shiˍ tanˬ meh la ve awˬ yanˇ hpeh‸ ve yoˬ.)
21Hkʼe te leh, yawˇ hui lehˬ awˬ hawˉ hpawˇ lo cawˬ ve Ziˇnaˆ heh puiˉ hkʼaw hta‸ te leh, awˬ na hpawˇ Haˍmaˆ kʼaˍ le‸ paˇ lo cawˬ ve Reˍhawˇbaˆ venˇ lo hkʼa gaˬ ca jaˆ nyi kʼai ve yoˬ. 22Yawˇ hui lehˬ, awˉ lawˉ peuˇ awˬ hawˉ hpawˇ teˇ tawn lo cawˬ ve mvuhˇmiˬ teˇ hpaˍ hta‸ ca jaˆ nyi taˉ leh, Heˍbronˍ venˇ lo gaˬ la ve yoˬ. Oˇ kaˬ lo Aˍhiˆmanˍ, Sheˍshehˇ leh Taˍlaˍmehˇ teh‸ kʼoˆ ve Aˍnaˍkenˍ awˬ ceuˬ awˬ hkʼaˇ teˇ hpaˍ chehˇ taˍ ve yoˬ. (Eˇjiˇtu‸ mvuhˇmiˬ hkʼaw Zawˇnaˆ venˇ hta‸ maˇ tanˬ te sheˍ gʼuˇ suhˍ, suhˍ hkʼaw‸ hkʼe htaˇ ka‸ Heˍbronˍ venˇ hta‸ te taˍ peuˬ ve yoˬ) 23Yawˇ hui Eˇshaˍkawˇlaˆ lawˬ hkʼo‸ lo ya‸ la leh, oˇ kaˬ lo ti taˍ ve a pehˉ meuˇ shiˍ teˇ kʼoˍ hta‸ shaˉ yuˬ ve yoˬ. A pehˉ meuˇ shiˍ oˇ ve hawˇ jaˇ ve pa taw, chaw nyiˇ gʼaˇ gʼa taˆ ve yoˬ. Yawˇ hui lehˬ, aˉ ci ku shiˍ leh maˉ nawˆ shiˍ teˇ hpaˍ hta‸ htawˇ shaˉ hkʼaw‸ veu laˇ piˇ ve yoˬ. 24(Iˉsaˍreˍlaˆ chaw jaˆ teˇ hpaˍ oˇ kaˬ lo a pehˉ meuˇ shiˍ shaˉ yuˬ ve pa taw, chehˇ kuiˬ oˇ ve hta‸ Eˇshaˍkawˇlaˆ#13:24 Chi lehˬ, a pehˉ meuˇ kʼoˍ teh‸ kʼoˆ gaˇ ve yoˬ teh‸ meh piˇ ve yoˬ.)
25Yawˇ hui lehˬ, mvuhˇmiˬ oˇ ve hta‸ 40 nyi hkʼa gaˬ jaˆ nyi taˉ peuˬ hkʼaw‸ nawˉ, 26Moˉseˍ, Aˍronˍ leh Iˉsaˍreˍlaˆ chaw teˇ hpaˍ deh chehˇ taˍ kuiˬ, Paˍranˍ heh puiˉ hkʼaw lo cawˬ ve Kaˍdeˍshaˆ teh‸ kʼoˆ ve chehˇ kuiˬ lo kʼaw‸ gaˬ la ve yoˬ. Yawˇ hui gʼa hpuˇ gʼa mawˬ taˉ ve awˬ ceuˬ teˇ hpaˍ yawˇ hui hta‸ kʼoˆ maˍ piˇ leh, yawˇ hui shaˉ veu laˇ ve iˉ shiˍ teˇ hpaˍ yawˇ hui hta‸ maˍ piˇ ve yoˬ. 27Yawˇ hui kʼoˆ ve, Ngaˬ hui mvuhˇmiˬ oˇ ve hta‸ ca jaˆ nyi taˉ peuˬ. Mvuhˇmiˬ oˇ ve hkuiˇ jaˇ da‸ jaˇ ve yoˬ. Oˇ kaˬ lo naw‸ ve iˉ shiˍ teˇ hpaˍ hta‸ ka‸ nyi sheˍ. 28Ya‸ hkʼaˇ, oˇ kaˬ lo chehˇ ve chaw teˇ hpaˍ lehˬ, awˬ gʼaˇ awˬ shaˉ uiˍ jaˇ ve yoˬ. Yawˇ hui ve venˇ teˇ hpaˍ htawˇ uiˍ jaˇ leh, lanˇ venˇ hkʼa deh‸ ko taˍ ve yoˬ. Awˬ to uiˍ jaˇ mvuh jaˇ leh, awˬ gʼaˇ awˬ shaˉ uiˍ jaˇ ve Aˍnaˍkaˆ chaw hui hta‸ ka‸ ngaˬ hui gʼa mawˬ taˉ ve yoˬ. 29Mvuhˇmiˬ oˇ ve awˬ hawˉ hpawˇ teˇ tawn lo, Aˍmaˍlehˆ chaw hui chehˇ taˍ ve yoˬ. Hiˇtiˆ chaw, Yeˍbuˇsiˆ chaw leh Aˍmawˇriˆ chaw teˇ hpaˍ lehˬ hkʼaw hkʼoˆ lo chehˇ taˍ ve yoˬ. Hkaˍnaˍniˆ chaw teˇ hpaˍ lehˬ, Awˬ kʼaw ji ve laˇ tsuhˇ gʼuiˬ leh Yawˇdanˍ iˉ kaˆ lawˬ paˇ lo chehˇ taˍ ve yoˬ, teh‸ Moˉseˍ hta‸ kʼoˆ piˇ ve yoˬ.
30Oˇ htaˇ Kaˍlehˆ tu la leh, Ngaˬ hui mvuhˇmiˬ oˇ ve hta‸ chi beu‸ ca bawˆ yuˬ cawˇ ve yoˬ. Ngaˬ hui bawˆ gʼaˇ hpeh‸ ve yoˬ, teh‸ kʼoˆ ve yoˬ.
31Ya‸ hkʼaˇ, Kaˍlehˆ geh kʼai taˍ ve chaw oˇ ve teˇ hpaˍ kʼoˆ ve, Ngaˬ hui ca bawˆ maˇ hpeh‸ taˬ. Ngaˬ hui awˬ gʼaˇ maˇ cawˬ. Oˇ kaˬ lo chehˇ taˍ ve chaw teˇ hpaˍ lehˬ, ngaˬ hui a‸ kehˉ awˬ gʼaˇ uiˍ jaˇ ve yoˬ, teh‸ kʼoˆ ve yoˬ. 32Yawˇ hui lehˬ, mvuhˇmiˬ oˇ ve awˬ lawn Iˉsaˍreˍlaˆ chaw hui hta‸ heˍ hto piˇ chehˇ ve yoˬ. Yawˇ hui kʼoˆ ve, Mvuhˇmiˬ oˇ ve hkʼaw chehˇ ve chaw teˇ hpaˍ ka‸ caˇ maˇ law‸ dawˬ maˇ law‸ hpeh‸ chehˇ ve yoˬ. Ngaˬ hui gʼa mawˬ taˉ ve chaw teˇ hpaˍ lehˬ, uiˍ jaˇ mvuh jaˇ ve yoˬ. 33Aˍnaˍkaˆ chaw hui hta‸ ka‸ ngaˬ hui gʼa mawˬ taˉ ve yoˬ. Ngaˬ hui lehˬ yawˇ hui mehˆ gʼuˇ suhˍ lo paˉ ce‸ hkʼe ceh hpeh‸ ve yoˬ, teh‸ kʼoˆ ve yoˬ.
Currently Selected:
Heh puiˉ hkʼaw ve li‸ 13: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 13
13
Chaw jaˆ teˇ hpaˍ
1Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw teˇ chi nyiˇ ceuˬ hkʼaw, chaw teˇ chi nyiˇ gʼaˇ hta‸ leuˆ yuˬ leh ngaˬ nawˬ hui hta‸ piˇ laˇ tuˬ ve Hkaˍnanˍ mvuhˇmiˬ hta‸ ca jaˆ nyi tcuh-o, teh‸ kʼoˆ ve yoˬ.
3-15Hkʼe te leh, Moˉseˍ lehˬ Paˍranˍ heh puiˉ hkʼaw lo chaw chi ve teˇ chi nyiˇ gʼaˇ hta‸ leuˆ yuˬ leh ca jaˆ nyi peu ve yoˬ.
| Chaw ceuˬ | Awˬ hoˉ |
|---|---|
| Ruˇbenˍ | Saˍkuˇraˆ ve yaˇ Shaˍmaˍ |
| Siˉmonˍ | Hawˇriˆ ve yaˇ Shaˍhpaˆ |
| Yuˇda‸ | Yeˍhpuˇnehˇ ve yaˇ Kaˍlehˆ |
| Iˉsaˍhkaˍ | Yoˇseh‸ ve yaˇ Iˉgaˍlaˆ |
| Eˇhpaˍrenˍ | Nunˍ ve yaˇ Hawˇseˍ |
| Beˍyaˍmenˍ | Raˍhpuˆ ve yaˇ Paˍlaˍtiˆ |
| Zeˍbuˆlonˍ | Sawˇdiˆ ve yaˇ Gaˍdeˍlaˆ |
| Maˍnaˍseˍ | Suˇsiˆ ve yaˇ Gaˍdiˆ |
| Danˍ | Geˍmaˍliˆ ve yaˇ Aˍmeˍlaˆ |
| Aˍshaˍ | Miˆhkeˍlaˆ ve yaˇ Seˍtuˇraˆ |
| Naˍtaˍliˆ | Vaˍhpaˍsiˆ ve yaˇ Naˍbiˆ |
| Gaˆ | Maˍhkiˆ ve yaˇ Geˍlaˆ |
16Chaw chi teˇ hpaˍ lehˬ, mvuhˇmiˬ hta‸ ca jaˆ nyi tuˬ Moˉseˍ kʼai tcuh taˍve chaw teˇ hpaˍ hpeh‸ ve yoˬ. Yawˇ lehˬ Nunˍ ve yaˇ Hawˇseˍ hta‸ Yawˇsuˆ teh‸ awˬ meh awˬ suhˉ kʼaw‸ meh piˇ ve yoˬ.
17Moˉseˍ yawˇ hui hta‸ chi hkʼe kʼoˆ piˇ ve yoˬ. Choˬ kaˬ lo tu leh awˬ na hpawˇ lo cawˬ ve Hkaˍnanˍ mvuhˇmiˬ hta‸ ca jaˆ nyi-o. Oˇ hkʼe te taˉ peuˬ hkʼaw‸ nawˉ, hkʼaw hkʼoˆ lo taˆ-e loˬ. 18Mvuhˇmiˬ oˇ ve hkʼaˬ hkʼe ve mvuhˇmiˬ hpeh‸ ve leh naˍ, chaw hkʼaˬ ma chehˇ leh naˍ, yawˇ hui awˬ gʼaˇ hkʼaˬ ma uiˍ ve leh naˍ, 19mvuhˇmiˬ oˇ ve da‸ leh naˍ, maˇ da‸ leh naˍ, chaw oˇ ve teˇ hpaˍ ta‸ yehˬ hkʼaw chehˇ ve leh naˍ, maˇ chehˇ ve leh naˍ, 20miˬ hkuiˇ da‸ leh naˍ, suhˆ tsuh de lonˉ cawˬ leh naˍ, ca jaˆ nyi-o. Nawˬ hui oˇ hkʼe ca jaˆ nyi peuˬ hkʼaw‸ nawˉ, mvuhˇmiˬ oˇ ve hkʼaw tawˆ ve iˉ shiˍ teˇ hpaˍ hta‸ shaˉ hkʼaw‸ veu laˇ-oˆ, teh‸ yawˇ hui hta‸ kʼoˆ piˇ ve yoˬ. (Awˬ yanˇ oˇ ve lehˬ, a pehˉ meuˇ shiˍ tanˬ meh la ve awˬ yanˇ hpeh‸ ve yoˬ.)
21Hkʼe te leh, yawˇ hui lehˬ awˬ hawˉ hpawˇ lo cawˬ ve Ziˇnaˆ heh puiˉ hkʼaw hta‸ te leh, awˬ na hpawˇ Haˍmaˆ kʼaˍ le‸ paˇ lo cawˬ ve Reˍhawˇbaˆ venˇ lo hkʼa gaˬ ca jaˆ nyi kʼai ve yoˬ. 22Yawˇ hui lehˬ, awˉ lawˉ peuˇ awˬ hawˉ hpawˇ teˇ tawn lo cawˬ ve mvuhˇmiˬ teˇ hpaˍ hta‸ ca jaˆ nyi taˉ leh, Heˍbronˍ venˇ lo gaˬ la ve yoˬ. Oˇ kaˬ lo Aˍhiˆmanˍ, Sheˍshehˇ leh Taˍlaˍmehˇ teh‸ kʼoˆ ve Aˍnaˍkenˍ awˬ ceuˬ awˬ hkʼaˇ teˇ hpaˍ chehˇ taˍ ve yoˬ. (Eˇjiˇtu‸ mvuhˇmiˬ hkʼaw Zawˇnaˆ venˇ hta‸ maˇ tanˬ te sheˍ gʼuˇ suhˍ, suhˍ hkʼaw‸ hkʼe htaˇ ka‸ Heˍbronˍ venˇ hta‸ te taˍ peuˬ ve yoˬ) 23Yawˇ hui Eˇshaˍkawˇlaˆ lawˬ hkʼo‸ lo ya‸ la leh, oˇ kaˬ lo ti taˍ ve a pehˉ meuˇ shiˍ teˇ kʼoˍ hta‸ shaˉ yuˬ ve yoˬ. A pehˉ meuˇ shiˍ oˇ ve hawˇ jaˇ ve pa taw, chaw nyiˇ gʼaˇ gʼa taˆ ve yoˬ. Yawˇ hui lehˬ, aˉ ci ku shiˍ leh maˉ nawˆ shiˍ teˇ hpaˍ hta‸ htawˇ shaˉ hkʼaw‸ veu laˇ piˇ ve yoˬ. 24(Iˉsaˍreˍlaˆ chaw jaˆ teˇ hpaˍ oˇ kaˬ lo a pehˉ meuˇ shiˍ shaˉ yuˬ ve pa taw, chehˇ kuiˬ oˇ ve hta‸ Eˇshaˍkawˇlaˆ#13:24 Chi lehˬ, a pehˉ meuˇ kʼoˍ teh‸ kʼoˆ gaˇ ve yoˬ teh‸ meh piˇ ve yoˬ.)
25Yawˇ hui lehˬ, mvuhˇmiˬ oˇ ve hta‸ 40 nyi hkʼa gaˬ jaˆ nyi taˉ peuˬ hkʼaw‸ nawˉ, 26Moˉseˍ, Aˍronˍ leh Iˉsaˍreˍlaˆ chaw teˇ hpaˍ deh chehˇ taˍ kuiˬ, Paˍranˍ heh puiˉ hkʼaw lo cawˬ ve Kaˍdeˍshaˆ teh‸ kʼoˆ ve chehˇ kuiˬ lo kʼaw‸ gaˬ la ve yoˬ. Yawˇ hui gʼa hpuˇ gʼa mawˬ taˉ ve awˬ ceuˬ teˇ hpaˍ yawˇ hui hta‸ kʼoˆ maˍ piˇ leh, yawˇ hui shaˉ veu laˇ ve iˉ shiˍ teˇ hpaˍ yawˇ hui hta‸ maˍ piˇ ve yoˬ. 27Yawˇ hui kʼoˆ ve, Ngaˬ hui mvuhˇmiˬ oˇ ve hta‸ ca jaˆ nyi taˉ peuˬ. Mvuhˇmiˬ oˇ ve hkuiˇ jaˇ da‸ jaˇ ve yoˬ. Oˇ kaˬ lo naw‸ ve iˉ shiˍ teˇ hpaˍ hta‸ ka‸ nyi sheˍ. 28Ya‸ hkʼaˇ, oˇ kaˬ lo chehˇ ve chaw teˇ hpaˍ lehˬ, awˬ gʼaˇ awˬ shaˉ uiˍ jaˇ ve yoˬ. Yawˇ hui ve venˇ teˇ hpaˍ htawˇ uiˍ jaˇ leh, lanˇ venˇ hkʼa deh‸ ko taˍ ve yoˬ. Awˬ to uiˍ jaˇ mvuh jaˇ leh, awˬ gʼaˇ awˬ shaˉ uiˍ jaˇ ve Aˍnaˍkaˆ chaw hui hta‸ ka‸ ngaˬ hui gʼa mawˬ taˉ ve yoˬ. 29Mvuhˇmiˬ oˇ ve awˬ hawˉ hpawˇ teˇ tawn lo, Aˍmaˍlehˆ chaw hui chehˇ taˍ ve yoˬ. Hiˇtiˆ chaw, Yeˍbuˇsiˆ chaw leh Aˍmawˇriˆ chaw teˇ hpaˍ lehˬ hkʼaw hkʼoˆ lo chehˇ taˍ ve yoˬ. Hkaˍnaˍniˆ chaw teˇ hpaˍ lehˬ, Awˬ kʼaw ji ve laˇ tsuhˇ gʼuiˬ leh Yawˇdanˍ iˉ kaˆ lawˬ paˇ lo chehˇ taˍ ve yoˬ, teh‸ Moˉseˍ hta‸ kʼoˆ piˇ ve yoˬ.
30Oˇ htaˇ Kaˍlehˆ tu la leh, Ngaˬ hui mvuhˇmiˬ oˇ ve hta‸ chi beu‸ ca bawˆ yuˬ cawˇ ve yoˬ. Ngaˬ hui bawˆ gʼaˇ hpeh‸ ve yoˬ, teh‸ kʼoˆ ve yoˬ.
31Ya‸ hkʼaˇ, Kaˍlehˆ geh kʼai taˍ ve chaw oˇ ve teˇ hpaˍ kʼoˆ ve, Ngaˬ hui ca bawˆ maˇ hpeh‸ taˬ. Ngaˬ hui awˬ gʼaˇ maˇ cawˬ. Oˇ kaˬ lo chehˇ taˍ ve chaw teˇ hpaˍ lehˬ, ngaˬ hui a‸ kehˉ awˬ gʼaˇ uiˍ jaˇ ve yoˬ, teh‸ kʼoˆ ve yoˬ. 32Yawˇ hui lehˬ, mvuhˇmiˬ oˇ ve awˬ lawn Iˉsaˍreˍlaˆ chaw hui hta‸ heˍ hto piˇ chehˇ ve yoˬ. Yawˇ hui kʼoˆ ve, Mvuhˇmiˬ oˇ ve hkʼaw chehˇ ve chaw teˇ hpaˍ ka‸ caˇ maˇ law‸ dawˬ maˇ law‸ hpeh‸ chehˇ ve yoˬ. Ngaˬ hui gʼa mawˬ taˉ ve chaw teˇ hpaˍ lehˬ, uiˍ jaˇ mvuh jaˇ ve yoˬ. 33Aˍnaˍkaˆ chaw hui hta‸ ka‸ ngaˬ hui gʼa mawˬ taˉ ve yoˬ. Ngaˬ hui lehˬ yawˇ hui mehˆ gʼuˇ suhˍ lo paˉ ce‸ hkʼe ceh hpeh‸ ve yoˬ, teh‸ kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.