Hawˇseˍ li‸ 13
13
Iˉsaˍreˍlaˆ hta‸ awˬ leh meuˇ ve suhˉ jehˬ tuˬ
1Ponˬ laˬ htaˇ, Eˇhpaˍrenˍ chaw teˇ ceuˬ tawˇ yaw ve teˇ yanˇ, awˬ nu ve chaw ceuˬ teˇ hpaˍ kawˆ jaˇve yoˬ. Awˬ nu ve Iˉsaˍreˍlaˆ chaw ceuˬ teˇ hpaˍ, Eˇhpaˍrenˍ chaw hui hta‸ chiˇ nyi tcuhˉ taˍ ve yoˬ. Ya‸ hkʼaˇ, yawˇ hui Baˍlaˆ gʼuiˬsha hta‸ oˉ kʼoˍ pui leh venˇbaˆ te peuˬ ve pa taw gʼa suh-e tuˬ yoˬ. 2Yawˇ hui venˇbaˆ te tcuhˉ taˍ ve yoˬ. Yawˇ hui hpu shaˉ hoˆ teˇ hpaˍ te peuˬ hkʼaw‸ nawˉ, Shaˉ ho‸ oˇ ve teˇ hpaˍ hta‸ tuˉ tanˇ piˇ-oˆ, teh‸ kʼoˆ ve yoˬ. Nuˇ awˬ ho‸ han te taˍ ve shaˉ ho‸ oˇ ve teˇ hpaˍ hta‸, chaw yaˇ teˇ hpaˍ hkʼaˬ hkʼe te leh boˆ nu hpeh‸ tuˬ ve le. 3Chi hta‸ pa taw, chaw oˇ ve teˇ hpaˍ lehˬ mvuhˇ shawˉ teˇ na‸ htaˇ ce la ve ciˍ gʼuiˬ hkʼa shuˍ mehˉ kʼai tuˬ yoˬ. Yawˇ hui lehˬ caˬ jaw‸ kuiˬ lo mvuhˇ haw meuˆ baˬ ve caˬ cuˉ teˇ hpaˍ leh, yehˬ hkʼaw tawˆ la ve mvuhˇ hkʼawˇ hkʼe hpeh‸ tuˬ yoˬ.
4Gʼuiˬsha kʼoˆ ve, Ngaˬlehˬ nawˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ la shehˍ hpaˇ, nawˬ hui ve Gʼuiˬsha hpeh‸ ve yoˬ. Ngaˬ awˬ hkʼoˆ awˬ kaˍ awˬ nu gʼuiˬsha nawˬ hui maˇ gʼa cawˬ piˇ. Ngaˬ teˇ gʼaˇ ceh tiˉ nawˬ hui ve htaiˍ hkʼaw‸ shehˍ hpaˇ hpeh‸ve yoˬ. 5Goˇ choˆ jaˇ ve heh puiˉ hkʼaw lo, ngaˬ nawˬ hui hta‸ ha‸ shaˉ laˇ taˍ ve yoˬ. 6Ya‸ hkʼaˇ, nawˬ hui da‸ jaˇ ve mvuhˇmiˬ hkʼaw gaˬ ve teˇ yanˇ, nawˬ hui hkʼa bvuhˆ gʼa caˇ leh caˆ muiˬ ve hkʼaw ngaˬ hta‸ leunˇ baˬ ve yoˬ. 7Chi hta‸ pa taw, laˇ caˬ shiˉ hkʼa shuˍ ngaˬ nawˬ hui hta‸ che‸ leh, laˇ hkʼa shuˍ nawˬ hui ve ya‸ kʼaw hpuiˇ lo law taˍ tuˬ yoˬ. 8Awˬ yehˇ ehˉ mehˉ kʼai ve yehˬ miˉ tawˍ hkʼa shuˍ, ngaˬ nawˬ hui hta‸ che‸ leh tzuh‸ suhˍ laˇ tuˬ yoˬ. Laˇ caˬ shiˉ hkʼa shuˍ ngaˬ nawˬ hui hta‸ che‸ caˇ leh, haiˬ ve to nuˇ to shaˆ hkʼa shuˍ nawˬ hui hta‸ tzuh‸ suhˍ tuˬ yoˬ.
9Iˉsaˍreˍlaˆ chaw hui-oˬ, ngaˬ nawˬ hui hta‸ te luˬ te sheˆ tuˬ yoˬ. Oˇ htaˇ, a shu nawˬ hui hta‸ ga laˇ gʼa tuˬ le. 10Nawˬ hui lehˬ jawˇmawˇ leh awˬ hoˉ awˬ naˬ teˇ hpaˍ hta‸ lawˬ chehˇ ve yoˬ. Ya‸ hkʼaˇ, yawˇ hui lehˬ nawˬ hui hta‸ hkʼaˬ hkʼe te ponˬ laˇ gʼa tuˬ le. 11Nyi ma zuhˆ ve hkʼaw ngaˬ nawˬ hui hta‸ jawˇmawˇ teˇ hpaˍ piˇ taˍ peuˬ leh, nyi ma zuhˆ ve hkʼaw ngaˬ yawˇ hui hta‸ kʼaw‸ yuˬ baˬ peuˬ ve yoˬ.
12Iˉsaˍreˍlaˆ chaw hui te ya‸ ve venˇbaˆ teˇ hpaˍ li‸ daw hkʼaw bvuh‸ keu taˍ leh, li‸ daw oˇ ve hta‸ hkʼa deh‸ ha‸ shaˉ taˍ ve yoˬ. 13Iˉsaˍreˍlaˆ chaw hui lehˬ, te‸ chehˇ tuˬ a hkaw-anˬ gʼa ve htawˇ, paw la paˇ neˇ ve yaˇ ehˉ lehˬ, awˬ e ve gʼoˇ peˬ hkʼaw maˇ tawˆ la gaˇ ve hkʼa shuˍ, a sha‸ te‸ ve teˇ ceuˬ hta‸ nawˬ hui maˇ ha‸ yuˬ gaˇ. 14Chaw chi teˇ hpaˍ hta‸ suh mvuhˇmiˬ hkʼaw ngaˬ ponˬ piˇ tuˬ ve maˇ heˆ. Maˇ heˆ kʼo, yawˇ hui hta‸ suh ve kanˇ paˆ awˬ hawˉ lo ngaˬ htaiˍ hkʼaw‸ piˇ tuˬ ve maˇ heˆ. 15Iˉsaˍreˍlaˆ chaw hui lehˬ mvuh‸ hkʼa shuˍ uiˍ la da‸ la chehˇ ve htawˇ, mvuhˇ nyi tawˆ hpawˇ lo ve haw jaˇ chiˆ jaˇ ve mvuhˇ haw hta‸ ngaˬ meuˆ laˬ tcuh leh, yawˇ hui ve gʼuiˬ tuˇ leh nanˬ bawˍ teˇ hpaˍ hta‸ ngaˬ fiˍ kʼai goˇ kʼai piˇ tuˬ yoˬ. Awˬ hpfuhˇ hkʼaˆ ve mawˇ teˇ ceuˬ le le htawˇ mehˉ kʼai tuˬ yoˬ. 16Saˍmaˍriˆ chaw hui Gʼuiˬsha hta‸ hpfuhˆ ve pa taw, ciˍ yanˍ ve hta‸ gʼa hkanˍ tuˬ yoˬ. Chaw oˇ ve teˇ hpaˍ lehˬ ma‸ bawˆ kuiˬ lo suh-e peuˬ tuˬ yoˬ. Yaˇ ehˉ teˇ hpaˍ lehˬ miˬ chaˇ hkʼoˆ chiˇ baˬ ve hta‸ gʼa hkanˍ leh, yaˇ hu ma teˇ hpaˍ lehˬ gʼoˇ peˬ shawˆ hkoˇ ve hta‸ gʼa hkanˍ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Hawˇseˍ li‸ 13: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Hawˇseˍ li‸ 13
13
Iˉsaˍreˍlaˆ hta‸ awˬ leh meuˇ ve suhˉ jehˬ tuˬ
1Ponˬ laˬ htaˇ, Eˇhpaˍrenˍ chaw teˇ ceuˬ tawˇ yaw ve teˇ yanˇ, awˬ nu ve chaw ceuˬ teˇ hpaˍ kawˆ jaˇve yoˬ. Awˬ nu ve Iˉsaˍreˍlaˆ chaw ceuˬ teˇ hpaˍ, Eˇhpaˍrenˍ chaw hui hta‸ chiˇ nyi tcuhˉ taˍ ve yoˬ. Ya‸ hkʼaˇ, yawˇ hui Baˍlaˆ gʼuiˬsha hta‸ oˉ kʼoˍ pui leh venˇbaˆ te peuˬ ve pa taw gʼa suh-e tuˬ yoˬ. 2Yawˇ hui venˇbaˆ te tcuhˉ taˍ ve yoˬ. Yawˇ hui hpu shaˉ hoˆ teˇ hpaˍ te peuˬ hkʼaw‸ nawˉ, Shaˉ ho‸ oˇ ve teˇ hpaˍ hta‸ tuˉ tanˇ piˇ-oˆ, teh‸ kʼoˆ ve yoˬ. Nuˇ awˬ ho‸ han te taˍ ve shaˉ ho‸ oˇ ve teˇ hpaˍ hta‸, chaw yaˇ teˇ hpaˍ hkʼaˬ hkʼe te leh boˆ nu hpeh‸ tuˬ ve le. 3Chi hta‸ pa taw, chaw oˇ ve teˇ hpaˍ lehˬ mvuhˇ shawˉ teˇ na‸ htaˇ ce la ve ciˍ gʼuiˬ hkʼa shuˍ mehˉ kʼai tuˬ yoˬ. Yawˇ hui lehˬ caˬ jaw‸ kuiˬ lo mvuhˇ haw meuˆ baˬ ve caˬ cuˉ teˇ hpaˍ leh, yehˬ hkʼaw tawˆ la ve mvuhˇ hkʼawˇ hkʼe hpeh‸ tuˬ yoˬ.
4Gʼuiˬsha kʼoˆ ve, Ngaˬlehˬ nawˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ la shehˍ hpaˇ, nawˬ hui ve Gʼuiˬsha hpeh‸ ve yoˬ. Ngaˬ awˬ hkʼoˆ awˬ kaˍ awˬ nu gʼuiˬsha nawˬ hui maˇ gʼa cawˬ piˇ. Ngaˬ teˇ gʼaˇ ceh tiˉ nawˬ hui ve htaiˍ hkʼaw‸ shehˍ hpaˇ hpeh‸ve yoˬ. 5Goˇ choˆ jaˇ ve heh puiˉ hkʼaw lo, ngaˬ nawˬ hui hta‸ ha‸ shaˉ laˇ taˍ ve yoˬ. 6Ya‸ hkʼaˇ, nawˬ hui da‸ jaˇ ve mvuhˇmiˬ hkʼaw gaˬ ve teˇ yanˇ, nawˬ hui hkʼa bvuhˆ gʼa caˇ leh caˆ muiˬ ve hkʼaw ngaˬ hta‸ leunˇ baˬ ve yoˬ. 7Chi hta‸ pa taw, laˇ caˬ shiˉ hkʼa shuˍ ngaˬ nawˬ hui hta‸ che‸ leh, laˇ hkʼa shuˍ nawˬ hui ve ya‸ kʼaw hpuiˇ lo law taˍ tuˬ yoˬ. 8Awˬ yehˇ ehˉ mehˉ kʼai ve yehˬ miˉ tawˍ hkʼa shuˍ, ngaˬ nawˬ hui hta‸ che‸ leh tzuh‸ suhˍ laˇ tuˬ yoˬ. Laˇ caˬ shiˉ hkʼa shuˍ ngaˬ nawˬ hui hta‸ che‸ caˇ leh, haiˬ ve to nuˇ to shaˆ hkʼa shuˍ nawˬ hui hta‸ tzuh‸ suhˍ tuˬ yoˬ.
9Iˉsaˍreˍlaˆ chaw hui-oˬ, ngaˬ nawˬ hui hta‸ te luˬ te sheˆ tuˬ yoˬ. Oˇ htaˇ, a shu nawˬ hui hta‸ ga laˇ gʼa tuˬ le. 10Nawˬ hui lehˬ jawˇmawˇ leh awˬ hoˉ awˬ naˬ teˇ hpaˍ hta‸ lawˬ chehˇ ve yoˬ. Ya‸ hkʼaˇ, yawˇ hui lehˬ nawˬ hui hta‸ hkʼaˬ hkʼe te ponˬ laˇ gʼa tuˬ le. 11Nyi ma zuhˆ ve hkʼaw ngaˬ nawˬ hui hta‸ jawˇmawˇ teˇ hpaˍ piˇ taˍ peuˬ leh, nyi ma zuhˆ ve hkʼaw ngaˬ yawˇ hui hta‸ kʼaw‸ yuˬ baˬ peuˬ ve yoˬ.
12Iˉsaˍreˍlaˆ chaw hui te ya‸ ve venˇbaˆ teˇ hpaˍ li‸ daw hkʼaw bvuh‸ keu taˍ leh, li‸ daw oˇ ve hta‸ hkʼa deh‸ ha‸ shaˉ taˍ ve yoˬ. 13Iˉsaˍreˍlaˆ chaw hui lehˬ, te‸ chehˇ tuˬ a hkaw-anˬ gʼa ve htawˇ, paw la paˇ neˇ ve yaˇ ehˉ lehˬ, awˬ e ve gʼoˇ peˬ hkʼaw maˇ tawˆ la gaˇ ve hkʼa shuˍ, a sha‸ te‸ ve teˇ ceuˬ hta‸ nawˬ hui maˇ ha‸ yuˬ gaˇ. 14Chaw chi teˇ hpaˍ hta‸ suh mvuhˇmiˬ hkʼaw ngaˬ ponˬ piˇ tuˬ ve maˇ heˆ. Maˇ heˆ kʼo, yawˇ hui hta‸ suh ve kanˇ paˆ awˬ hawˉ lo ngaˬ htaiˍ hkʼaw‸ piˇ tuˬ ve maˇ heˆ. 15Iˉsaˍreˍlaˆ chaw hui lehˬ mvuh‸ hkʼa shuˍ uiˍ la da‸ la chehˇ ve htawˇ, mvuhˇ nyi tawˆ hpawˇ lo ve haw jaˇ chiˆ jaˇ ve mvuhˇ haw hta‸ ngaˬ meuˆ laˬ tcuh leh, yawˇ hui ve gʼuiˬ tuˇ leh nanˬ bawˍ teˇ hpaˍ hta‸ ngaˬ fiˍ kʼai goˇ kʼai piˇ tuˬ yoˬ. Awˬ hpfuhˇ hkʼaˆ ve mawˇ teˇ ceuˬ le le htawˇ mehˉ kʼai tuˬ yoˬ. 16Saˍmaˍriˆ chaw hui Gʼuiˬsha hta‸ hpfuhˆ ve pa taw, ciˍ yanˍ ve hta‸ gʼa hkanˍ tuˬ yoˬ. Chaw oˇ ve teˇ hpaˍ lehˬ ma‸ bawˆ kuiˬ lo suh-e peuˬ tuˬ yoˬ. Yaˇ ehˉ teˇ hpaˍ lehˬ miˬ chaˇ hkʼoˆ chiˇ baˬ ve hta‸ gʼa hkanˍ leh, yaˇ hu ma teˇ hpaˍ lehˬ gʼoˇ peˬ shawˆ hkoˇ ve hta‸ gʼa hkanˍ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.