Hawˇseˍ li‸ 12
12
1Gʼuiˬsha kʼoˆ ve, Iˉsaˍreˍlaˆ chaw hui mvuhˇ shawˉ htaˇ ka‸ tanˬ leh mvuhˇ hpeu‸ htaˇ hkʼa gaˬ te chehˇ ve kanˉ teˇ hpaˍ lehˬ, te‸ chiˉ tcuhˉ kuiˬ maˇ cawˬ leh, luˬ tuˬ sheˆ tuˬ ceh tiˉ hpeh‸ ve yoˬ. Heˍ ve leh maˇ hteˇ maˇ cawˇ ve teˇ ceuˬ yawˇ hui awˬ hkʼaw lo maˇ la chehˇ ve yoˬ. Yawˇ hui lehˬ Aˍsuˇriˆ chaw hui hta‸ shaˉ caˆ caˇ leh, Eˇjiˇtu‸ chaw hui geh tanˇ kaˬ te da‸ chehˇ ve yoˬ, teh‸ kʼoˆ ve yoˬ.
2Gʼuiˬsha lehˬ Yuˇda‸ chaw hui hta‸ venˇbaˆ taˍ tuˬ teˇ ceuˬ cawˬ ve yoˬ. Iˉsaˍreˍlaˆ chaw hui lehˬ, haiˬ ve kanˉ hta‸ te ve pa taw, yawˇ hui hta‸ htawˇ Gʼuiˬsha ciˍ yanˍ piˇ tuˬ yoˬ. Yawˇ hui te taˍ ve hkʼe, yawˇ yawˇ hui hta‸ kʼaw‸ te hkʼaw‸ piˇ tuˬ yoˬ. 3Yawˇ hui ve awˬ puˍ lonˉ Yaˍkoˆ lehˬ, yawˇ awˬ e ve gʼoˇ peˬ hkʼaw chehˇ sheˍ htaˇ ka‸, yawˇ ve awˬ viˉpaˍ Iˉsawˇ hta‸ ya‸ da‸ chehˇ ve yoˬ. Yawˇ uiˍ la ve teˇ yanˇ Gʼuiˬsha hta‸ ka‸ behˇ da‸ ve yoˬ. 4Yawˇ mvuhˇ naw ma tcuh yaˇ teˇ gʼaˇ hta‸ behˇ da‸ leh gʼaˇ ve yoˬ. Yaˍkoˆ hawˬ leh, yawˇ geh awˬ bon teˇ ceuˬ lawˬ yuˬ ve yoˬ. Gʼuiˬsha lehˬ Beˍteˍlaˆ venˇ hkʼaw lo yawˇ geh laˬ leh, yawˇ hta‸ tawˇ yaw piˇ ve yoˬ. 5Chi lehˬ kanˇ paˆ uiˍ jaˇ ve Jawˇmawˇ Gʼuiˬsha hpeh‸ ve yoˬ. Awˬ meh chi hta‸ cuˇ leh yawˇ hta‸ oˉ kʼoˍ gʼa pui ve yoˬ. 6Chi hta‸ pa taw, Yaˍkoˆ ve awˬ ceuˬ awˬ hkʼaˇ teˇ hpaˍ-oˬ, nawˬ hui ve Gʼuiˬsha hta‸ gʼaˇ va leh, yawˇ geh kʼaw‸ hpfuhˆ kʼaw‸ la-o. Ka ti‸ yeˬ ve hkʼaw hteˇ lehˍ cawˇ leh te-o. Nawˬ hui ve Gʼuiˬsha kanˉ te laˇ tuˬ ta‸ iˉ gawˬ lehˍ chehˇ leh law taˍ-o.
Suhˉ jehˬ tuˬ ve tawˇ hkawˇ
7Gʼuiˬsha kʼoˆ ve, Iˉsaˍreˍlaˆ chaw teˇ hpaˍ lehˬ Haˍnaˍniˆ chaw hui hkʼa shuˍ maˇ hteˇ maˇ cawˇ ve chaw hpeh‸ ve yoˬ. Yawˇ hui shu hta‸ heˍ caˇ leh, maˇ cawˇ ve yaˍ cuˍ hta‸ yehˇ chehˇ ve yoˬ. 8Ngaˬ hui lehˬ paw sha jaˇ peuˬ. Ngaˬ hui hpu shi mawˇ jeˬ maˇ maˇ ca gʼa taˍ peuˬ. Ngaˬ hui maˇ hteˇ maˇ cawˇ ve hkʼaw hpu shi mawˇ jeˬ maˇ maˇ ca gʼa leh paw sha la peuˬ ve hta‸ chaw teˇ gʼaˇ ka‸ venˇbaˆ taˍ maˇ hpeh‸ taˬ, teh‸ yawˇ hui kʼoˆ chehˇ ve yoˬ. 9Eˇjiˇtu‸ mvuhˇmiˬ hkʼaw lo nawˬ hui hta‸ shiˍ tawˆ la shehˍ hpaˇ lehˬ, ngaˬ Gʼuiˬsha hpeh‸ ve yoˬ. Heh puiˉ hkʼaw lo ngaˬ nawˬ hui geh laˬ htaˇ, nawˬ hui lehˬ aˉ po kʼo hkʼaw chehˇ taˍ ve hkʼe, aˉ po kʼo hkʼaw ngaˬ nawˬ hui hta‸ teˇ pawˆ kʼaw‸ chehˇ tcuh laˇ tuˬ yoˬ.
10Tcuh kaˍ paˍ teˇ hpaˍ hta‸ ngaˬ tawˇ yaw piˇ leh, yawˇ hui hta‸ ngaˬ awˬ heˆ laiˉ ceuˬ maˍ piˇ taˍ ve yoˬ. Tcuh kaˍ paˍ teˇ hpaˍ hta‸ cuˇ leh, ngaˬ ve chaw teˇ hpaˍ hta‸ ngaˬ shaˍ ti‸ piˇ taˍ ve yoˬ. 11Giˇlaˆ mvuhˇmiˬ hkʼaw chaw yaˇ teˇ hpaˍ shaˉ ho‸ hta‸ oˉ kʼoˍ pui chehˇ ve yoˬ. Shaˉ ho‸ oˇ ve teˇ hpaˍ hta‸ oˉ kʼoˍ pui ve chaw hui gʼa suh-e tuˬ yoˬ. Giˇlaˍgaˍ venˇ hkʼaw chaw yaˇ teˇ hpaˍ nuˇ paˍ lonˉ yuˬ leh tuˉ tanˇ chehˇ ve yoˬ. Chi hta‸ pa taw, tuˉ tanˇ kuiˬ oˇ ve teˇ hpaˍ lehˬ, ti mi hkʼaw hpoˆ taˍ ve haˉ pui shiˍ hkʼa shuˍ hpeh‸ la tuˬ yoˬ, teh‸ Gʼuiˬsha kʼoˆ ve yoˬ.
12Ngaˬ hui ve awˬ puˍ lonˉ Yaˍkoˆ lehˬ awˬ miˇ ma gʼa tuˬ, Haˍranˍ mvuhˇmiˬ lo gʼa hpaw-e ve yoˬ. Oˇ kaˬ lo yawˇ chaw teˇ gʼaˇ ve awˬ ceˬ gʼa te leh, yawˬ gʼa hawˉ ve yoˬ. 13Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw ponˬ piˇ leh ha‸ shaˉ piˇ tuˬ, Gʼuiˬsha lehˬ yawˇ hui geh tcuh kaˍ paˍ teˇ gʼaˇ peu laˇ ve yoˬ. 14Iˉsaˍreˍlaˆ chaw hui lehˬ, Gʼuiˬsha hta‸ nyi ma zuhˆ tuˬ te piˇ ve yoˬ. Yawˇ hui oˇ hkʼe te ve pa taw, suh keunˍ ve chaw teˇ hpaˍ hpeh‸ ve yoˬ. Yawˇ hui Gʼuiˬsha ve awˬ me‸ awˬ hponˇ hta‸ te luˬ piˇ ve pa taw, yawˇ yawˇ hui hta‸ ciˍ yanˍ piˇ tuˬ yoˬ.
Currently Selected:
Hawˇseˍ li‸ 12: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Hawˇseˍ li‸ 12
12
1Gʼuiˬsha kʼoˆ ve, Iˉsaˍreˍlaˆ chaw hui mvuhˇ shawˉ htaˇ ka‸ tanˬ leh mvuhˇ hpeu‸ htaˇ hkʼa gaˬ te chehˇ ve kanˉ teˇ hpaˍ lehˬ, te‸ chiˉ tcuhˉ kuiˬ maˇ cawˬ leh, luˬ tuˬ sheˆ tuˬ ceh tiˉ hpeh‸ ve yoˬ. Heˍ ve leh maˇ hteˇ maˇ cawˇ ve teˇ ceuˬ yawˇ hui awˬ hkʼaw lo maˇ la chehˇ ve yoˬ. Yawˇ hui lehˬ Aˍsuˇriˆ chaw hui hta‸ shaˉ caˆ caˇ leh, Eˇjiˇtu‸ chaw hui geh tanˇ kaˬ te da‸ chehˇ ve yoˬ, teh‸ kʼoˆ ve yoˬ.
2Gʼuiˬsha lehˬ Yuˇda‸ chaw hui hta‸ venˇbaˆ taˍ tuˬ teˇ ceuˬ cawˬ ve yoˬ. Iˉsaˍreˍlaˆ chaw hui lehˬ, haiˬ ve kanˉ hta‸ te ve pa taw, yawˇ hui hta‸ htawˇ Gʼuiˬsha ciˍ yanˍ piˇ tuˬ yoˬ. Yawˇ hui te taˍ ve hkʼe, yawˇ yawˇ hui hta‸ kʼaw‸ te hkʼaw‸ piˇ tuˬ yoˬ. 3Yawˇ hui ve awˬ puˍ lonˉ Yaˍkoˆ lehˬ, yawˇ awˬ e ve gʼoˇ peˬ hkʼaw chehˇ sheˍ htaˇ ka‸, yawˇ ve awˬ viˉpaˍ Iˉsawˇ hta‸ ya‸ da‸ chehˇ ve yoˬ. Yawˇ uiˍ la ve teˇ yanˇ Gʼuiˬsha hta‸ ka‸ behˇ da‸ ve yoˬ. 4Yawˇ mvuhˇ naw ma tcuh yaˇ teˇ gʼaˇ hta‸ behˇ da‸ leh gʼaˇ ve yoˬ. Yaˍkoˆ hawˬ leh, yawˇ geh awˬ bon teˇ ceuˬ lawˬ yuˬ ve yoˬ. Gʼuiˬsha lehˬ Beˍteˍlaˆ venˇ hkʼaw lo yawˇ geh laˬ leh, yawˇ hta‸ tawˇ yaw piˇ ve yoˬ. 5Chi lehˬ kanˇ paˆ uiˍ jaˇ ve Jawˇmawˇ Gʼuiˬsha hpeh‸ ve yoˬ. Awˬ meh chi hta‸ cuˇ leh yawˇ hta‸ oˉ kʼoˍ gʼa pui ve yoˬ. 6Chi hta‸ pa taw, Yaˍkoˆ ve awˬ ceuˬ awˬ hkʼaˇ teˇ hpaˍ-oˬ, nawˬ hui ve Gʼuiˬsha hta‸ gʼaˇ va leh, yawˇ geh kʼaw‸ hpfuhˆ kʼaw‸ la-o. Ka ti‸ yeˬ ve hkʼaw hteˇ lehˍ cawˇ leh te-o. Nawˬ hui ve Gʼuiˬsha kanˉ te laˇ tuˬ ta‸ iˉ gawˬ lehˍ chehˇ leh law taˍ-o.
Suhˉ jehˬ tuˬ ve tawˇ hkawˇ
7Gʼuiˬsha kʼoˆ ve, Iˉsaˍreˍlaˆ chaw teˇ hpaˍ lehˬ Haˍnaˍniˆ chaw hui hkʼa shuˍ maˇ hteˇ maˇ cawˇ ve chaw hpeh‸ ve yoˬ. Yawˇ hui shu hta‸ heˍ caˇ leh, maˇ cawˇ ve yaˍ cuˍ hta‸ yehˇ chehˇ ve yoˬ. 8Ngaˬ hui lehˬ paw sha jaˇ peuˬ. Ngaˬ hui hpu shi mawˇ jeˬ maˇ maˇ ca gʼa taˍ peuˬ. Ngaˬ hui maˇ hteˇ maˇ cawˇ ve hkʼaw hpu shi mawˇ jeˬ maˇ maˇ ca gʼa leh paw sha la peuˬ ve hta‸ chaw teˇ gʼaˇ ka‸ venˇbaˆ taˍ maˇ hpeh‸ taˬ, teh‸ yawˇ hui kʼoˆ chehˇ ve yoˬ. 9Eˇjiˇtu‸ mvuhˇmiˬ hkʼaw lo nawˬ hui hta‸ shiˍ tawˆ la shehˍ hpaˇ lehˬ, ngaˬ Gʼuiˬsha hpeh‸ ve yoˬ. Heh puiˉ hkʼaw lo ngaˬ nawˬ hui geh laˬ htaˇ, nawˬ hui lehˬ aˉ po kʼo hkʼaw chehˇ taˍ ve hkʼe, aˉ po kʼo hkʼaw ngaˬ nawˬ hui hta‸ teˇ pawˆ kʼaw‸ chehˇ tcuh laˇ tuˬ yoˬ.
10Tcuh kaˍ paˍ teˇ hpaˍ hta‸ ngaˬ tawˇ yaw piˇ leh, yawˇ hui hta‸ ngaˬ awˬ heˆ laiˉ ceuˬ maˍ piˇ taˍ ve yoˬ. Tcuh kaˍ paˍ teˇ hpaˍ hta‸ cuˇ leh, ngaˬ ve chaw teˇ hpaˍ hta‸ ngaˬ shaˍ ti‸ piˇ taˍ ve yoˬ. 11Giˇlaˆ mvuhˇmiˬ hkʼaw chaw yaˇ teˇ hpaˍ shaˉ ho‸ hta‸ oˉ kʼoˍ pui chehˇ ve yoˬ. Shaˉ ho‸ oˇ ve teˇ hpaˍ hta‸ oˉ kʼoˍ pui ve chaw hui gʼa suh-e tuˬ yoˬ. Giˇlaˍgaˍ venˇ hkʼaw chaw yaˇ teˇ hpaˍ nuˇ paˍ lonˉ yuˬ leh tuˉ tanˇ chehˇ ve yoˬ. Chi hta‸ pa taw, tuˉ tanˇ kuiˬ oˇ ve teˇ hpaˍ lehˬ, ti mi hkʼaw hpoˆ taˍ ve haˉ pui shiˍ hkʼa shuˍ hpeh‸ la tuˬ yoˬ, teh‸ Gʼuiˬsha kʼoˆ ve yoˬ.
12Ngaˬ hui ve awˬ puˍ lonˉ Yaˍkoˆ lehˬ awˬ miˇ ma gʼa tuˬ, Haˍranˍ mvuhˇmiˬ lo gʼa hpaw-e ve yoˬ. Oˇ kaˬ lo yawˇ chaw teˇ gʼaˇ ve awˬ ceˬ gʼa te leh, yawˬ gʼa hawˉ ve yoˬ. 13Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw ponˬ piˇ leh ha‸ shaˉ piˇ tuˬ, Gʼuiˬsha lehˬ yawˇ hui geh tcuh kaˍ paˍ teˇ gʼaˇ peu laˇ ve yoˬ. 14Iˉsaˍreˍlaˆ chaw hui lehˬ, Gʼuiˬsha hta‸ nyi ma zuhˆ tuˬ te piˇ ve yoˬ. Yawˇ hui oˇ hkʼe te ve pa taw, suh keunˍ ve chaw teˇ hpaˍ hpeh‸ ve yoˬ. Yawˇ hui Gʼuiˬsha ve awˬ me‸ awˬ hponˇ hta‸ te luˬ piˇ ve pa taw, yawˇ yawˇ hui hta‸ ciˍ yanˍ piˇ tuˬ yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.