Yeˍsaˍkeˍlaˆ li‸ 37
37
Awˬ mu‸ ku hkʼa biˇ cawˬ ve lawˬ hkʼo‸
1Gʼuiˬsha ve kanˇ paˆ ngaˬ geh chehˇ taˍ ve hta‸ ngaˬ jawˬ ve yoˬ. Yawˇ ve Awˬ ha hpu ngaˬ hta‸ awˬ mu ku hkʼa biˇ cawˬ ve lawˬ hkʼo‸ teˇ maˬ hkʼaw shiˍ kʼai laˇ ve yoˬ. 2Yawˇ lehˬ lawˬ hkʼo‸ oˇ ve hkʼa caw zuhˇ lo ngaˬ hta‸ shiˍ maˍ laˇ leh, oˇ kaˬ lo goˇ jaˇ peuˬ ve awˬ mu‸ ku hkʼa biˇ cawˬ taˍ ve hta‸ ngaˬ gʼa mawˬ ve yoˬ. 3Oˇ htaˇ yawˇ lehˬ, Chaw yaˇ-oˬ, awˬ mu‸ ku chi teˇ hpaˍ a sha‸ kʼaw‸ te‸ la hpeh‸-aw laˇ, teh‸ ngaˬ hta‸ kʼoˆ laˇ ve yoˬ.
Ngaˬ kʼaw‸ yaw hkʼaw‸ leh, Gʼuiˬsha-oˬ, chi hta‸ nawˬ ceh tiˉ kʼaw‸ yaw hkʼaw‸ puiˉ ve yoˬ, teh‸ yawˇ hta‸ kʼoˆ piˇ ve yoˬ.
4Yawˇ kʼoˆ ve, Awˬ mu‸ ku chi teˇ hpaˍ hta‸ tawˇ yaw piˇ-oˆ. Awˬ mu‸ ku chi teˇ hpaˍ Gʼuiˬsha tawˇ hta‸ na yuˬ tuˬ kʼoˆ piˇ-oˆ. 5Ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ maˍ piˇ-oˆ. Ngaˬ nawˬ hui awˬ hkʼaw lo shaˉ meuˆ keu laˇ leh, a sha‸ kʼaw‸ te‸ la piˇ tuˬ yoˬ. 6Ngaˬ nawˬ hui hta‸ awˬ kuˇ caˆ teˇ hpaˍ, awˬ shaˍ teˇ hpaˍ, leh awˬ guiˬ kʼuˉ teˇ hpaˍ kʼaw‸ cawˬ la piˇ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ, teh‸ kʼoˆ ve yoˬ.
7Hkʼe te leh, ngaˬhta‸ kʼoˆ laˇ ve hkʼe ngaˬ yawˇ hui hta‸ tawˇ yaw piˇ ve yoˬ. Ngaˬ tawˇ yaw chehˇ ve teˇ yanˇ, awˬ hkawˇ bvuhˬ tawˆ la chehˇ ve hta‸ ngaˬ gʼa kaˇ leh, awˬ mu‸ ku teˇ hpaˍ teˇ maˬ leh teˇ maˬ caˉ da‸ sheˬ ve yoˬ. 8Ngaˬ nyi chehˇ ve teˇ yanˇ, awˬ mu‸ ku oˇ ve teˇ hpaˍ awˬ hkʼoˆ lo awˬ shaˍ leh awˬ kuˇ caˆ teˇ hpaˍ, leh awˬ guiˬ kʼuˉ teˇ hpaˍ kʼaw‸ cawˬ la chehˇ ve hta‸ ngaˬ gʼa mawˬ ve yoˬ. Ya‸ hkʼaˇ, yawˇ hui ve awˬ to hkʼaw lo te‸ chiˉ awˬ shaˉ maˇ cawˬ sheˍ.
9Oˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, mvuhˇ haw hta‸ tawˇ yaw piˇ-oˆ. Chaw chi teˇ hpaˍawˬ hkʼaw lo awˬ shaˉ lo‸-e leh a sha‸ kʼaw‸ te‸ la tuˬ, ngaˬ Gʼuiˬsha lehˬ hkʼaˬ hpawˇ chi hpawˇ lo ve mvuhˇ haw teˇ hpaˍ hta‸ tawˇ piˇ chehˇ ve awˬ lawn yawˇ hui hta‸ kʼoˆ piˇ-oˆ, teh‸ ngaˬ hta‸ kʼoˆ laˇ ve yoˬ.
10Hkʼe te leh, ngaˬ hta‸ kʼoˆ laˇ ve hkʼe ngaˬ tawˇ yaw piˇ ve yoˬ. Awˬ to oˇ ve teˇ hpaˍ hkʼaw awˬ shaˉ lo‸-e leh, yawˇ hui a sha‸ te‸ la leh tu huˉ taˍ ve yoˬ. Yawˇ hui lehˬ ma‸ moˍ lonˉ teˇ moˍ te gʼa law‸ law‸ cawˬ ve yoˬ.
11Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, Iˉsaˍreˍlaˆ chaw teˇ hpaˍlehˬ, awˬ mu‸ ku chi teˇ hpaˍ hkʼe hpeh‸ ve yoˬ. Yawˇ hui lehˬ goˇ kʼai peuˬ leh, yawˇ hui awˬ pon te‸ chiˉ dawˇ law tuˬ maˇ kʼaw‸ cawˬ, teh‸ kʼoˆve yoˬ. 12Chi hta‸ pa taw, ngaˬ ve Iˉsaˍreˍlaˆ chaw teˇ hpaˍ hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, yawˇ hui ve tuˍ hpfuh teˇ hpaˍ hta‸ hpaw baˬ piˇ tuˬ yoˬ. Ngaˬ yawˇ hui hta‸ yuˬ tawˆ piˇ leh, yawˇ hui hta‸ Iˉsaˍreˍlaˆ ve mvuhˇmiˬ hkʼaw lo kʼaw‸ shiˍ hkʼaw‸ veu laˇ piˇ tuˬ yoˬ. 13Ngaˬ yawˇ hui ve tuˍ hpfuh hta‸ hpaw baˬ leh, yawˇ hui hta‸ yuˬ tawˆ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. 14Ngaˬ yawˇ hui awˬ hkʼaw lo shaˉ meuˆ keu piˇ leh, a sha‸ kʼaw‸ te‸ la piˇ peuˬ hkʼaw‸ nawˉ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. Chi hkʼe te tuˬ ngaˬ ka ti‸ te taˍ peuˬ leh, ngaˬ awˬ tehˬ awˬ na te tuˬ yoˬ. Ngaˬ Gʼuiˬsha tawˇ yaw taˍ peuˬ, teh‸ ngaˬ hta‸ kʼoˆ laˇ ve yoˬ.
Yuˇda‸ leh Iˉsaˍreˍlaˆ, mvuhˇmiˬ teˇ peˆ tiˉ hkʼaw chehˇ ve
15Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
16Chaw yaˇ-oˬ, suhˆ taˬ teˇ maˬ yuˬ leh oˇ ve awˬ hkʼoˆ lo, Yuˇda‸ mvuhˇmiˬ teh‸ bvuh‸ taˍ-o‸. Oˇ hkʼe te peuˬ hkʼaw‸ nawˉ, awˬ nu ve suhˆ taˬ teˇ maˬ hta‸ kʼaw‸ yuˬ leh oˇ ve awˬ hkʼoˆ lo Iˉsaˍreˍlaˆ mvuhˇmiˬ teh‸ kʼaw‸ bvuh‸ taˍ-o‸. 17Oˇ ve hkʼaw‸ nawˉ, suhˆ taˬ oˇ ve nyiˇ maˬ maˬ, teˇ taˬ hkʼe tiˉ hpeh‸ la tuˬ nawˬ ve la‸ sheh hkʼaw vawˆ taˍ-o‸. 18Chi hkʼe te ve aˬ hto‸ ma tcuhˉ kuiˬ le, teh‸ nawˬ ve chaw teˇ hpaˍ na nyi laˇ ve kʼo, 19yawˇ hui hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, Iˉsaˍreˍlaˆ teh‸ bvuh‸ taˍ ve suhˆ taˬ chi hta‸ yuˬ leh, Yuˇda‸ teh‸ bvuh‸ taˍ ve suhˆ taˬ geh teh taˍ tuˬ yoˬ. Suhˆ taˬ chi ve nyiˇ maˬ hta‸ ngaˬ teˇ taˬ ceh tiˉ kʼaw‸ hpeh‸ la piˇ leh, ngaˬ ve la‸ sheh hkʼaw vawˆ taˍ tuˬ yoˬ, teh‸ yawˇ hui hta‸ kʼoˆ piˇ-oˆ.
20Suhˆ taˬ oˇ ve nyiˇ maˬ hta‸ nawˬ ve la‸ sheh hkʼaw vawˆ taˍ leh, yawˇ hui hta‸ maˍ piˇ-oˆ. 21Oˇ ve hkʼaw‸ nawˉ, yawˇ hui hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, shu mvuhˇmiˬ hkʼaw ca chehˇ kʼai taˍ ve ngaˬ ve chaw hkʼa peu-eˬ ve hta‸ shiˍ tawˆ la piˇ leh, yawˇ hui ve mvuhˇmiˬ lo kʼaw‸ shiˍ hkʼaw‸ veu laˇ piˇ tuˬ yoˬ. 22Iˉsaˍreˍlaˆ mvuhˇmiˬ hkʼaw cawˬ ve hkʼaw pui teˇ hpaˍ awˬ hkʼoˆ lo, ngaˬ yawˇ hui hta‸ chaw teˇ ceuˬ tiˉ kʼaw‸ hpeh‸ la tuˬ hpeh tsuh‸ piˇ tuˬ yoˬ. Yawˇ hui hta‸ uˉ peunˍ tuˬ ve jawˇmawˇ teˇ gʼaˇ tiˉ cawˬ leh, chaw nyiˇ ceuˬ, mvuhˇmiˬ nyiˇ peˆ kʼaw‸ hpeh‸ tuˬ ve maˇ heˆ. 23Yawˇ hui shaˉ ho‸ hta‸ oˉ kʼoˍ kʼaw‸ pui leh, a shu yawˇ awˬ to hta‸ cha‸ chiˆ kʼai piˇ tuˬ ve maˇ heˆ. Yawˇ hui venˇbaˆ te leh ngaˬ hta‸ baˬ taˉ tuˬ ve kanˉ hkʼa peu-eˬ awˬ hkʼaw lo, ngaˬ yawˇ hui hta‸ ponˬ piˇ tuˬ yoˬ. Ngaˬ yawˇ hui hta‸ da‸ kehˬ la piˇ tuˬ yoˬ. Yawˇ hui lehˬ ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ. 24Ngaˬ ve awˬ ceˬ paˍ Daˍviˆ hkʼe ve jawˇmawˇ teˇ gʼaˇ yawˇ hui ve jawˇmawˇ hpeh‸ la tuˬ yoˬ. Yawˇ hui hkʼa peu-eˬ jawˇmawˇ teˇ gʼaˇ tiˉ awˬ hawˉ lo chehˇ leh, ngaˬ ve awˬliˇtawˇhkawˇ teˇ hpaˍ hta‸ ka ti‸ yeˬ ve hkʼaw na yuˬ tuˬ yoˬ. 25Yawˇ hui lehˬ ngaˬ ve awˬ ceˬ paˍ Yaˍkoˆ hta‸ ngaˬ piˇ taˍ ve mvuhˇmiˬ hkʼaw gʼa chehˇ tuˬ yoˬ. Yawˇ hui ve awˬ yaˇ awˬ duˬ leh awˬ ceuˬ awˬ hkʼaˇ teˇ hpaˍ htawˇ, oˇ kaˬ lo co co taiˍ taiˍ gʼa chehˇ tuˬ yoˬ. Ngaˬ ve awˬ ceˬ paˍ Daˍviˆ hkʼe ve jawˇmawˇ teˇ gʼaˇ yawˇ hui hta‸ co co taiˍ taiˍ uˉpeunˍ tuˬ yoˬ. 26Ngaˬ yawˇ hui hta‸ ka ti‸ te piˇ leh, yawˇ hui lehˬ co co taiˍ taiˍ gawˬ lehˍ gʼa chehˇ tuˬ yoˬ. Ngaˬ yawˇ hui hta‸ yeˬ la piˇ leh, chaw maˇ la piˇ tuˬ yoˬ. Ngaˬ ve bon yehˬ yawˇ hui ve mvuhˇmiˬ hkʼaw teh taˍ leh, oˇ kaˬ lo co co cawˬ chehˇ tuˬ yoˬ. 27Oˇ kaˬ lo ngaˬ yawˇ hui geh chehˇ taˍ tuˬ yoˬ. Ngaˬ lehˬ yawˇ hui ve Gʼuiˬsha hpeh‸ leh, yawˇ hui lehˬ ngaˬ ve chaw hpeh‸ tuˬ yoˬ. 28Ngaˬ ve bon yehˬ hta‸ oˇ kaˬ yawˇ hui geh co co taiˍ taiˍ teh taˍ piˇ ve teˇ yanˇ, ngaˬ Gʼuiˬsha lehˬ Iˉsaˍreˍlaˆ chaw hui hta‸ ngaˬ ve chaw hpeh‸ la piˇ tuˬ, ngaˬ leuˆ yuˬ taˍ peuˬ ve hta‸ awˬ nu ve chaw ceuˬ teˇ hpaˍ shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 37: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yeˍsaˍkeˍlaˆ li‸ 37
37
Awˬ mu‸ ku hkʼa biˇ cawˬ ve lawˬ hkʼo‸
1Gʼuiˬsha ve kanˇ paˆ ngaˬ geh chehˇ taˍ ve hta‸ ngaˬ jawˬ ve yoˬ. Yawˇ ve Awˬ ha hpu ngaˬ hta‸ awˬ mu ku hkʼa biˇ cawˬ ve lawˬ hkʼo‸ teˇ maˬ hkʼaw shiˍ kʼai laˇ ve yoˬ. 2Yawˇ lehˬ lawˬ hkʼo‸ oˇ ve hkʼa caw zuhˇ lo ngaˬ hta‸ shiˍ maˍ laˇ leh, oˇ kaˬ lo goˇ jaˇ peuˬ ve awˬ mu‸ ku hkʼa biˇ cawˬ taˍ ve hta‸ ngaˬ gʼa mawˬ ve yoˬ. 3Oˇ htaˇ yawˇ lehˬ, Chaw yaˇ-oˬ, awˬ mu‸ ku chi teˇ hpaˍ a sha‸ kʼaw‸ te‸ la hpeh‸-aw laˇ, teh‸ ngaˬ hta‸ kʼoˆ laˇ ve yoˬ.
Ngaˬ kʼaw‸ yaw hkʼaw‸ leh, Gʼuiˬsha-oˬ, chi hta‸ nawˬ ceh tiˉ kʼaw‸ yaw hkʼaw‸ puiˉ ve yoˬ, teh‸ yawˇ hta‸ kʼoˆ piˇ ve yoˬ.
4Yawˇ kʼoˆ ve, Awˬ mu‸ ku chi teˇ hpaˍ hta‸ tawˇ yaw piˇ-oˆ. Awˬ mu‸ ku chi teˇ hpaˍ Gʼuiˬsha tawˇ hta‸ na yuˬ tuˬ kʼoˆ piˇ-oˆ. 5Ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ maˍ piˇ-oˆ. Ngaˬ nawˬ hui awˬ hkʼaw lo shaˉ meuˆ keu laˇ leh, a sha‸ kʼaw‸ te‸ la piˇ tuˬ yoˬ. 6Ngaˬ nawˬ hui hta‸ awˬ kuˇ caˆ teˇ hpaˍ, awˬ shaˍ teˇ hpaˍ, leh awˬ guiˬ kʼuˉ teˇ hpaˍ kʼaw‸ cawˬ la piˇ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ, teh‸ kʼoˆ ve yoˬ.
7Hkʼe te leh, ngaˬhta‸ kʼoˆ laˇ ve hkʼe ngaˬ yawˇ hui hta‸ tawˇ yaw piˇ ve yoˬ. Ngaˬ tawˇ yaw chehˇ ve teˇ yanˇ, awˬ hkawˇ bvuhˬ tawˆ la chehˇ ve hta‸ ngaˬ gʼa kaˇ leh, awˬ mu‸ ku teˇ hpaˍ teˇ maˬ leh teˇ maˬ caˉ da‸ sheˬ ve yoˬ. 8Ngaˬ nyi chehˇ ve teˇ yanˇ, awˬ mu‸ ku oˇ ve teˇ hpaˍ awˬ hkʼoˆ lo awˬ shaˍ leh awˬ kuˇ caˆ teˇ hpaˍ, leh awˬ guiˬ kʼuˉ teˇ hpaˍ kʼaw‸ cawˬ la chehˇ ve hta‸ ngaˬ gʼa mawˬ ve yoˬ. Ya‸ hkʼaˇ, yawˇ hui ve awˬ to hkʼaw lo te‸ chiˉ awˬ shaˉ maˇ cawˬ sheˍ.
9Oˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, mvuhˇ haw hta‸ tawˇ yaw piˇ-oˆ. Chaw chi teˇ hpaˍawˬ hkʼaw lo awˬ shaˉ lo‸-e leh a sha‸ kʼaw‸ te‸ la tuˬ, ngaˬ Gʼuiˬsha lehˬ hkʼaˬ hpawˇ chi hpawˇ lo ve mvuhˇ haw teˇ hpaˍ hta‸ tawˇ piˇ chehˇ ve awˬ lawn yawˇ hui hta‸ kʼoˆ piˇ-oˆ, teh‸ ngaˬ hta‸ kʼoˆ laˇ ve yoˬ.
10Hkʼe te leh, ngaˬ hta‸ kʼoˆ laˇ ve hkʼe ngaˬ tawˇ yaw piˇ ve yoˬ. Awˬ to oˇ ve teˇ hpaˍ hkʼaw awˬ shaˉ lo‸-e leh, yawˇ hui a sha‸ te‸ la leh tu huˉ taˍ ve yoˬ. Yawˇ hui lehˬ ma‸ moˍ lonˉ teˇ moˍ te gʼa law‸ law‸ cawˬ ve yoˬ.
11Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, Iˉsaˍreˍlaˆ chaw teˇ hpaˍlehˬ, awˬ mu‸ ku chi teˇ hpaˍ hkʼe hpeh‸ ve yoˬ. Yawˇ hui lehˬ goˇ kʼai peuˬ leh, yawˇ hui awˬ pon te‸ chiˉ dawˇ law tuˬ maˇ kʼaw‸ cawˬ, teh‸ kʼoˆve yoˬ. 12Chi hta‸ pa taw, ngaˬ ve Iˉsaˍreˍlaˆ chaw teˇ hpaˍ hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, yawˇ hui ve tuˍ hpfuh teˇ hpaˍ hta‸ hpaw baˬ piˇ tuˬ yoˬ. Ngaˬ yawˇ hui hta‸ yuˬ tawˆ piˇ leh, yawˇ hui hta‸ Iˉsaˍreˍlaˆ ve mvuhˇmiˬ hkʼaw lo kʼaw‸ shiˍ hkʼaw‸ veu laˇ piˇ tuˬ yoˬ. 13Ngaˬ yawˇ hui ve tuˍ hpfuh hta‸ hpaw baˬ leh, yawˇ hui hta‸ yuˬ tawˆ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. 14Ngaˬ yawˇ hui awˬ hkʼaw lo shaˉ meuˆ keu piˇ leh, a sha‸ kʼaw‸ te‸ la piˇ peuˬ hkʼaw‸ nawˉ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. Chi hkʼe te tuˬ ngaˬ ka ti‸ te taˍ peuˬ leh, ngaˬ awˬ tehˬ awˬ na te tuˬ yoˬ. Ngaˬ Gʼuiˬsha tawˇ yaw taˍ peuˬ, teh‸ ngaˬ hta‸ kʼoˆ laˇ ve yoˬ.
Yuˇda‸ leh Iˉsaˍreˍlaˆ, mvuhˇmiˬ teˇ peˆ tiˉ hkʼaw chehˇ ve
15Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
16Chaw yaˇ-oˬ, suhˆ taˬ teˇ maˬ yuˬ leh oˇ ve awˬ hkʼoˆ lo, Yuˇda‸ mvuhˇmiˬ teh‸ bvuh‸ taˍ-o‸. Oˇ hkʼe te peuˬ hkʼaw‸ nawˉ, awˬ nu ve suhˆ taˬ teˇ maˬ hta‸ kʼaw‸ yuˬ leh oˇ ve awˬ hkʼoˆ lo Iˉsaˍreˍlaˆ mvuhˇmiˬ teh‸ kʼaw‸ bvuh‸ taˍ-o‸. 17Oˇ ve hkʼaw‸ nawˉ, suhˆ taˬ oˇ ve nyiˇ maˬ maˬ, teˇ taˬ hkʼe tiˉ hpeh‸ la tuˬ nawˬ ve la‸ sheh hkʼaw vawˆ taˍ-o‸. 18Chi hkʼe te ve aˬ hto‸ ma tcuhˉ kuiˬ le, teh‸ nawˬ ve chaw teˇ hpaˍ na nyi laˇ ve kʼo, 19yawˇ hui hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, Iˉsaˍreˍlaˆ teh‸ bvuh‸ taˍ ve suhˆ taˬ chi hta‸ yuˬ leh, Yuˇda‸ teh‸ bvuh‸ taˍ ve suhˆ taˬ geh teh taˍ tuˬ yoˬ. Suhˆ taˬ chi ve nyiˇ maˬ hta‸ ngaˬ teˇ taˬ ceh tiˉ kʼaw‸ hpeh‸ la piˇ leh, ngaˬ ve la‸ sheh hkʼaw vawˆ taˍ tuˬ yoˬ, teh‸ yawˇ hui hta‸ kʼoˆ piˇ-oˆ.
20Suhˆ taˬ oˇ ve nyiˇ maˬ hta‸ nawˬ ve la‸ sheh hkʼaw vawˆ taˍ leh, yawˇ hui hta‸ maˍ piˇ-oˆ. 21Oˇ ve hkʼaw‸ nawˉ, yawˇ hui hta‸ chi hkʼe kʼoˆ piˇ-oˆ. Ngaˬ Gʼuiˬsha lehˬ, shu mvuhˇmiˬ hkʼaw ca chehˇ kʼai taˍ ve ngaˬ ve chaw hkʼa peu-eˬ ve hta‸ shiˍ tawˆ la piˇ leh, yawˇ hui ve mvuhˇmiˬ lo kʼaw‸ shiˍ hkʼaw‸ veu laˇ piˇ tuˬ yoˬ. 22Iˉsaˍreˍlaˆ mvuhˇmiˬ hkʼaw cawˬ ve hkʼaw pui teˇ hpaˍ awˬ hkʼoˆ lo, ngaˬ yawˇ hui hta‸ chaw teˇ ceuˬ tiˉ kʼaw‸ hpeh‸ la tuˬ hpeh tsuh‸ piˇ tuˬ yoˬ. Yawˇ hui hta‸ uˉ peunˍ tuˬ ve jawˇmawˇ teˇ gʼaˇ tiˉ cawˬ leh, chaw nyiˇ ceuˬ, mvuhˇmiˬ nyiˇ peˆ kʼaw‸ hpeh‸ tuˬ ve maˇ heˆ. 23Yawˇ hui shaˉ ho‸ hta‸ oˉ kʼoˍ kʼaw‸ pui leh, a shu yawˇ awˬ to hta‸ cha‸ chiˆ kʼai piˇ tuˬ ve maˇ heˆ. Yawˇ hui venˇbaˆ te leh ngaˬ hta‸ baˬ taˉ tuˬ ve kanˉ hkʼa peu-eˬ awˬ hkʼaw lo, ngaˬ yawˇ hui hta‸ ponˬ piˇ tuˬ yoˬ. Ngaˬ yawˇ hui hta‸ da‸ kehˬ la piˇ tuˬ yoˬ. Yawˇ hui lehˬ ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ. 24Ngaˬ ve awˬ ceˬ paˍ Daˍviˆ hkʼe ve jawˇmawˇ teˇ gʼaˇ yawˇ hui ve jawˇmawˇ hpeh‸ la tuˬ yoˬ. Yawˇ hui hkʼa peu-eˬ jawˇmawˇ teˇ gʼaˇ tiˉ awˬ hawˉ lo chehˇ leh, ngaˬ ve awˬliˇtawˇhkawˇ teˇ hpaˍ hta‸ ka ti‸ yeˬ ve hkʼaw na yuˬ tuˬ yoˬ. 25Yawˇ hui lehˬ ngaˬ ve awˬ ceˬ paˍ Yaˍkoˆ hta‸ ngaˬ piˇ taˍ ve mvuhˇmiˬ hkʼaw gʼa chehˇ tuˬ yoˬ. Yawˇ hui ve awˬ yaˇ awˬ duˬ leh awˬ ceuˬ awˬ hkʼaˇ teˇ hpaˍ htawˇ, oˇ kaˬ lo co co taiˍ taiˍ gʼa chehˇ tuˬ yoˬ. Ngaˬ ve awˬ ceˬ paˍ Daˍviˆ hkʼe ve jawˇmawˇ teˇ gʼaˇ yawˇ hui hta‸ co co taiˍ taiˍ uˉpeunˍ tuˬ yoˬ. 26Ngaˬ yawˇ hui hta‸ ka ti‸ te piˇ leh, yawˇ hui lehˬ co co taiˍ taiˍ gawˬ lehˍ gʼa chehˇ tuˬ yoˬ. Ngaˬ yawˇ hui hta‸ yeˬ la piˇ leh, chaw maˇ la piˇ tuˬ yoˬ. Ngaˬ ve bon yehˬ yawˇ hui ve mvuhˇmiˬ hkʼaw teh taˍ leh, oˇ kaˬ lo co co cawˬ chehˇ tuˬ yoˬ. 27Oˇ kaˬ lo ngaˬ yawˇ hui geh chehˇ taˍ tuˬ yoˬ. Ngaˬ lehˬ yawˇ hui ve Gʼuiˬsha hpeh‸ leh, yawˇ hui lehˬ ngaˬ ve chaw hpeh‸ tuˬ yoˬ. 28Ngaˬ ve bon yehˬ hta‸ oˇ kaˬ yawˇ hui geh co co taiˍ taiˍ teh taˍ piˇ ve teˇ yanˇ, ngaˬ Gʼuiˬsha lehˬ Iˉsaˍreˍlaˆ chaw hui hta‸ ngaˬ ve chaw hpeh‸ la piˇ tuˬ, ngaˬ leuˆ yuˬ taˍ peuˬ ve hta‸ awˬ nu ve chaw ceuˬ teˇ hpaˍ shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.