Yeˍsaˍkeˍlaˆ li‸ 36
36
Gʼuiˬsha ve awˬ bon Iˉsaˍreˍlaˆ hkʼoˆ gaˬ la ve
1Gʼuiˬsha kʼoˆ ve, Chaw yaˇ-oˬ, Iˉsaˍreˍlaˆ hkʼaw pui teˇ hpaˍ hta‸ tawˇ yaw piˇ leh, ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. 2Iˉsaˍreˍlaˆ ve canˇ paˍ teˇ hpaˍ nyi ma uiˍleh, Aˬ sho-eˬ htaˇ ve hkʼaw pui oˇ ve teˇ hpaˍ chi beu‸ ngaˬ hui ve mawˇ hpeh‸ la peuˬ, teh‸ kʼoˆ ve yoˬ.
3Chi hta‸ pa taw, ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Awˬ paˇ awˬ kui lo chehˇ ve chaw ceuˬ teˇ hpaˍ Iˉsaˍreˍlaˆ ve hkʼaw pui teˇ hpaˍ hta‸ bawˆ yuˬ lu yuˬ ve teˇ yanˇ, yawˇ hui hkʼa peu-eˬ Iˉsaˍreˍlaˆ hta‸ maˇ shawˍ maˇ caˆ te ve yoˬ. 4Chi hta‸ pa taw, hkʼaw pui teˇ hpaˍ, iˉ kaˆ lawˬ kʼaˉ leh lawˬ hkʼo‸ teˇ hpaˍ, te luˬ te sheˆ ve hta‸ gʼa hkanˍ ve chehˇ kuiˬ teˇ hpaˍ, leh awˬ nu ve chaw ceuˬ teˇ hpaˍ te luˬ te sheˆ leh hkʼa mvuhˇ hkʼa na kʼoˆ laˇ ve hta‸ gʼa hkanˍ ve venˇ teˇ hpaˍ-oˬ, ngaˬ Gʼuiˬsha nawˬ hui hta‸ kʼoˆ laˇ chehˇ ve tawˇ hta‸ na sheˍ.
5Ngaˬ Gʼuiˬsha lehˬ nyi ma zuhˆ jaˇ ve hkʼaw, awˬ paˇ awˬ kui lo chehˇ taˍ ve chaw ceuˬ teˇ hpaˍ, leuˉ leh Eˇdonˍ chaw hui hta‸ tawˇ yaw piˇ taˍ peuˬ ve yoˬ. Nyi ma uiˍ ve mvuh ve hkʼaw yawˇ hui lehˬ ngaˬ ve mvuhˇmiˬ hta‸ bawˆ yuˬ leh, kʼaˆcaˇ kuiˬ hkʼaw lo cawˬ ve mawˇ teˇ hpaˍ hta‸ yuˬ kʼai ve yoˬ.
6Chi hta‸ pa taw, Iˉsaˍreˍlaˆ mvuhˇmiˬ awˬ lawn tawˇ yaw leh, ngaˬ Gʼuiˬsha nyi ma zuhˆ ve hkʼaw kʼoˆ chehˇ ve tawˇ chi teˇ hpaˍ, hkʼaw pui, iˉ kaˆ lawˬ leh lawˬ hkʼo‸ teˇ hpaˍ hta‸ kʼoˆ maˍ piˇ-oˆ. Awˬ lawn kʼo, chaw ceuˬ teˇ hpaˍ lehˬ oˇ ve teˇ hpaˍ hta‸ hkʼa mvuhˇ hkʼa na kʼoˆ leh, nyiˉ ya‸ piˇ taˍ peuˬ. 7Awˬ paˇ awˬ kui lo chehˇ taˍ ve chaw ceuˬ chi teˇ hpaˍ hta‸ nyiˉ ya‸ piˇ tuˬ ngaˬ Gʼuiˬsha ka ti‸ te ve yoˬ. 8Ya‸ hkʼaˇ, ngaˬ ve chaw teˇ hpaˍ-oˬ, Iˉsaˍreˍlaˆ hkʼaw pui teˇ hpaˍ awˬ hkʼoˆ lo cawˬ ve suhˆ cehˬ teˇ hpaˍ awˬ hpa‸ kʼaw‸ naw‸ la leh, nawˬ hui awˬ pon iˉ shiˍ naw‸ la tuˬ yoˬ. Nawˬ hui maˇ maw maw aˉ hkʼaw lo gʼa kʼaw‸ kʼaw‸ la tuˬ yoˬ. 9Ngaˬ nawˬ hui geh chehˇ taˍ ve yoˬ. Nawˬ hui ve mvuhˇmiˬ hta‸ kʼaw‸ mehˇ leh, oˇ kaˬ lo awˬ yawˇ sheˍ hpeh‸ tuˬ ngaˬ te laˇ tuˬ yoˬ. 10Nawˬ hui ve chaw hta‸ ngaˬ kʼaw‸ maˇ la piˇ tuˬ yoˬ. Nawˬ hui venˇ hkʼaw gʼa chehˇ leh, luˬ kʼai taˍ ve awˬ ceuˬ hkʼa peu-eˬ hta‸ kʼaw‸ gu te tuˬ yoˬ. 11Ngaˬ lehˬ chaw yaˇ leh ceˇ caˬ teˇ hpaˍ hta‸ kʼaw‸ maˇ la piˇ tuˬ yoˬ. Ponˬ laˬ htaˇ a‸kehˉ oˇ kaˬ lo chaw maˇ la leh, nawˬ hui yaˇ maˇ maˇ cawˬ la tuˬ yoˬ. Ponˬ laˬ htaˇ hkʼa shuˍ, ngaˬ nawˬ hui hta‸ oˇ kaˬ lo kʼaw‸ chehˇ tcuh laˇ leh, ponˬ laˬ htaˇ a‸ kehˉ uiˍ la da‸ la piˇ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ. 12Ngaˬ ve Iˉsaˍreˍlaˆ chaw teˇ hpaˍ-oˬ, mvuhˇmiˬ oˇ ve hkʼaw ngaˬ nawˬ hui hta‸ kʼaw‸ shiˍ hkʼaw‸ veu laˇ piˇ tuˬ yoˬ. Mvuhˇmiˬ oˇ ve lehˬ, nawˬ hui ve mvuhˇmiˬ hpeh‸ leh, teˇ pawˆ ka‸ nawˬ ve yaˇ teˇ hpaˍ hta‸ awˍ meu‸ suh-e piˇ lawˬ tuˬ ve maˇ heˆ.
13Ngaˬ Gʼuiˬsha chi hkʼe kʼoˆ ve yoˬ. Mvuhˇmiˬ hta‸ chaw yaˇ teˇ hpaˍ, Chaw hta‸ caˇ shehˍ hpaˇ teh‸ kʼoˆ ve tawˇ oˇ ve cawˇ ve yoˬ. Mvuhˇmiˬ lehˬ chaw ceuˬ teˇ hpaˍ ve yaˇ hta‸ hiˉ yuˬ ve yoˬ, teh‸ yawˇ hui kʼoˆ ve yoˬ. 14Ya‸ hkʼaˇ, ya‸ nyi hkʼaw‸ nawˉ kʼo, Mvuhˇmiˬ lehˬ chaw hta‸ caˇ shehˍ hpaˇ leh yaˇ ehˉ hta‸ hiˉ yuˬ shehˍ hpaˇ, teh‸ kʼaw‸ kʼoˆ tuˬ ve maˇ heˆ. Ngaˬ Gʼuiˬsha kʼoˆ taˍ peuˬ ve yoˬ. 15Mvuhˇmiˬ lehˬ, chaw ceuˬ teˇ hpaˍ hkʼa mvuhˇ hkʼa na kʼoˆ ve tawˇ hta‸ kʼaw‸ na tuˬ ve maˇ heˆ. Mvuhˇmiˬ lehˬ, chaw ceuˬ teˇ hpaˍ ve yaˇ hta‸ kʼaw‸ hiˉ yuˬ tuˬ ve maˇ heˆ. Ngaˬ Gʼuiˬsha kʼoˆ taˍ peuˬ ve yoˬ.
Iˉsaˍreˍlaˆ chaw awˬ suhˉ
16Gʼuiˬsha ngaˬ hta‸ chi hkʼe kʼoˆ laˇ ve yoˬ. 17Chaw yaˇ-oˬ, Iˉsaˍreˍlaˆ chaw teˇ hpaˍ chehˇ ve cawˬ ve lehˬ mvuhˇmiˬ hta‸ cha‸ chiˆ kʼai piˇ lawˬ ve yoˬ. Yawˇ hui te ve dawˇ ve teˇ hpaˍ lehˬ awˬ liˇ laˬ chehˇ ve yaˇ miˇ hkʼa shuˍ maˇ da‸ maˇ kehˬ, teh‸ ngaˬ shawˍ taˍ ve yoˬ. 18Yawˇ hui chaw hta‸ tiˇ pehˍ leh, shaˉ ho‸ hta‸ oˉ kʼoˍ pui ve hkʼaw mvuhˇmiˬ hta‸ cha‸ chiˆ kʼai tuˬ te ve pa taw, ngaˬ ve nyi ma zuhˆ ve awˬ ceuˬ yawˇ hui hta‸ leh‸ nyi tcuh ve yoˬ. 19Yawˇ hui te chehˇ ve kanˉ hta‸ keunˍ da‸ ve hkʼe, ngaˬ yawˇ hui hta‸ ciˍ yanˍ piˇ leh, yawˇ hui hta‸ awˬ nu ve mvuhˇmiˬ teˇ hpaˍ lo hpaˆ da‸ kʼai piˇ lawˬ ve yoˬ. 20Yawˇ hui hkʼa gaˬ ve chehˇ kuiˬ teˇ hpaˍ hkʼaw, yawˇ hui ngaˬ ve da‸ kehˬ ve awˬ meh hta‸ awˬ me‸ awˬ hponˇ luˬ kʼai tuˬ te leh, chaw yaˇ teˇ hpaˍ lehˬ, Chaw chi teˇ hpaˍ Gʼuiˬsha yawˇ hui hta‸ piˇ taˍ ve mvuhˇmiˬ hkʼaw gʼa tawˆ kʼai ve yoˬ, teh‸ kʼoˆ ve yoˬ. 21Iˉsaˍreˍlaˆ chaw teˇ hpaˍ lehˬ yawˇ hui hkʼa gaˬ ve chehˇ kuiˬ teˇ hpaˍ hkʼaw, ngaˬ ve awˬ meh hta‸ awˬ me‸ awˬ hponˇ luˬ kʼai tuˬ te ve pa taw, ngaˬ hta‸ heuˆ jaˇ ve yoˬ.
22Chi beu‸ ngaˬ Gʼuiˬsha ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ-oˆ. Chi beu‸ ngaˬ te tuˬ ve kanˉ lehˬ, nawˬ hui Iˉsaˍreˍlaˆ chaw awˬ pon maˇ heˆ. Nawˬ hui hkʼa gaˬ kuiˬ teˇ kaˬ le le lo nawˬ hui awˬ me‸ awˬ hponˇ te luˬ chehˇ ve ngaˬ ve awˬ meh awˬ pon hpeh‸ ve yoˬ. 23Nawˬ hui awˬ me‸ awˬhponˇ te luˬ chehˇ ve ngaˬ ve da‸ kehˬ ve awˬ meh hta‸ awˬ nu ve chaw ceuˬ teˇ hpaˍ hta‸ ngaˬ hpeu‸ maˍ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. Ngaˬ Gʼuiˬsha kʼoˆ taˍ peuˬ ve yoˬ. Ngaˬ nawˬ hui hta‸ yehˇ leh, ngaˬ da‸ kehˬ jaˇ ve awˬ lawn awˬ nu ve chaw ceuˬ teˇ hpaˍ hta‸ hpeu‸ maˍpiˇ tuˬ yoˬ. 24Ngaˬ nawˬ hui hta‸ awˬ nu ve mvuhˇmiˬ teˇ hpaˍ hkʼaw yuˬ tawˆ leh, nawˬ hui ve mvuhˇmiˬ lo kʼaw‸ shiˍ hkʼaw‸ veu laˇ tuˬ yoˬ. 25Kehˬ ve iˉ kaˆ ngaˬ nawˬ hui hta‸ hpeh‸ pfuhˍ leh, nawˬ hui hta‸ cha‸ chiˆ piˇ law ve shaˉ ho‸ leh awˬ nu ve awˬ ceuˬ hkʼa peu-eˬ hta‸ tsuhˇ baˬ laˇ tuˬ yoˬ. 26Ngaˬ nawˬ hui hta‸ nyi ma awˬ suhˉ leh dawˇ hkʼaˇ awˬ suhˉ cawˬ la piˇ tuˬ yoˬ. Haˉ pui hkʼe heh ve nawˬ hui ve nyi ma hta‸ ngaˬ yuˬ baˬ leh, na yuˬ puiˉ ve nyi ma piˇ laˇ tuˬ yoˬ. 27Ngaˬ ve Awˬ ha hpu nawˬ hui awˬ hkʼaw lo keu laˇ leh, ngaˬ nawˬ hui hta‸ piˇ taˍ ve awˬliˇtawˇhkawˇ teˇ hpaˍ hta‸ nawˬ hui na yuˬ, maˇ na yuˬ ve hta‸ ngaˬ nyi taˍ tuˬ yoˬ. 28Oˇ htaˇ, nawˬ hui ve awˬ puˍ awˬ pi hui hta‸ ngaˬ piˇ taˍ ve mvuhˇmiˬ hkʼaw nawˬ hui gʼa chehˇ tuˬ yoˬ. Nawˬ hui lehˬ ngaˬ ve chaw hpeh‸ leh, ngaˬ lehˬ nawˬ hui ve Gʼuiˬsha hpeh‸ tuˬ yoˬ. 29Nawˬ hui hta‸ cha‸ chiˆ piˇ lawˬ ve awˬ ceuˬteˇ hpaˍ hkʼaw, ngaˬ nawˬ hui hta‸ ponˬ laˇ tuˬ yoˬ. Nawˬ hui maˇ gʼa meu‸ maˇ gʼa kaˆ jehˇ tuˬ, caˬ shiˍ hta‸ tawˇ piˇ leh maˇ la piˇ tuˬ yoˬ. 30Nawˬ hui lehˬ awˬ nu ve chaw ceuˬ teˇ hpaˍ mehˆ gʼuˇ suhˍ lo, meu‸ jaˇ kaˆ jaˇ leh awˬ me‸ awˬ hponˇ maˇ gʼa luˬ kʼai tuˬ, nawˬ hui ve iˉ shiˍ cehˬ leh ti mi teˇ hpaˍ hta‸ ngaˬ awˬ shiˍ awˬ nu maˇ maˇ naw‸ la piˇ tuˬ yoˬ. 31Nawˬ hui lehˬ te ya‸ taˉ peuˬ ve haiˬ ve kanˉ teˇ hpaˍ hta‸ kʼaw‸ dawˇ nawˇ leh, nawˬ hui ve venˇbaˆ hta‸ pa taw nyi ma luˬ jaˇ tuˬ yoˬ. 32Iˉsaˍreˍlaˆ-oˬ, awˬ ceuˬ chi teˇ hpaˍ hta‸ ngaˬ te laˇ chehˇ ve lehˬ, nawˬ hui awˬ pon te laˇ chehˇ ve maˇ heˆ, teh‸ ngaˬ nawˬ hui hta‸ shiˍ piˇ lawˬ gaˇ ve yoˬ. Nawˬ hui te chehˇ ve kanˉ lehˬ hkʼaˬ ma awˬ me‸ awˬ hponˇ maˇ cawˬ ve leh, hkʼaˬ ma ya‸ taw tuˬ cawˬ ve nawˬ hui hta‸ shiˍ la jawˬ la piˇ lawˬ gaˇ ve yoˬ, teh‸ Gʼuiˬsha kʼoˆ ve yoˬ.
33Gʼuiˬsha kʼoˆ ve, Ngaˬ nawˬ hui ve venˇbaˆ hta‸ yuˬ baˬ laˇ peuˬ ve teˇ yanˇ, ngaˬ nawˬ hui hta‸ nawˬ hui ve venˇ hkʼaw kʼaw‸ chehˇ tcuh leh, luˬ kʼai taˍ peuˬ ve teˇ hpaˍ hta‸ kʼaw‸ gu te tcuh laˇ tuˬ yoˬ. 34Nawˬ hui ve ti mi paˇ lo hpanˍ kʼai chehˇ ve chaw teˇ hpaˍ lehˬ, ti mi oˇ ve teˇ hpaˍ hkʼaˬ ma naˉ jaˇ peuˬ ve hta‸ gʼa mawˬ ve yoˬ. Ya‸ hkʼaˇ, ti mi oˇ ve teˇ hpaˍ ngaˬ nawˬ hui hta‸ kʼaw‸ te caˇ tcuh laˇ tuˬ yoˬ. 35Mvuhˇmiˬ oˇ ve lehˬ, teˇ pawˆ htaˇ hteunˍ lonˉ hkʼe hpeh‸ chehˇ ve htawˇ, chi beu‸ Eˍdenˍ hko hkʼe kʼaw‸ hpeh‸ la taˍ peuˬ ve hta‸ maˇ kʼoˆ, teˇ pawˆ htaˇ luˬ kʼai paˆ kʼai taˍ ve venˇ teˇ hpaˍ, chi beu‸ chaw kʼaw‸ chehˇ leh kʼaw‸ gu da‸ taˍ peuˬ ve hta‸ maˇ kʼoˆ, chaw hkʼa peu-eˬ gʼa mawˬ tuˬ yoˬ. 36Oˇ htaˇ, cawˬ taˉ sheˍ ve awˬ paˇ awˬ kui lo chehˇ ve chaw ceuˬ teˇ hpaˍ lehˬ, ngaˬ awˬ suhˉ kʼaw‸ gu te taˍ peuˬ ve hta‸ shiˍ la tuˬ yoˬ. Chi hkʼe te tuˬ ngaˬ Gʼuiˬsha ka ti‸ te taˍ peuˬ leh, awˬ tehˬ awˬ na te tuˬ ve yoˬ, teh‸ kʼoˆ ve yoˬ.
37Gʼuiˬsha kʼoˆ ve, Ngaˬ lehˬ Iˉsaˍreˍlaˆ chaw hui hta‸ yawˇ hui loˍ ve awˬ ceuˬ ngaˬ geh kʼaw‸ lawˬ yuˬ tcuh leh, yawˇ hui hta‸ yawˬ moˍ lonˉ hkʼa shuˍ kʼaw‸ maˇ la piˇ tuˬ yoˬ. 38Chi beu‸ luˬ kʼai taˍ ve venˇ teˇ hpaˍ lehˬ, teˇ pawˆ htaˇ Yeˍruˆsaˍlehnˍ venˇ hkʼaw pawehˇ te leh tuˉ tanˇ piˇ tuˬ shaw hpoˆ taˍ ve yawˬ moˍ lonˉ hkʼa shuˍ chaw hkʼa biˇ kʼaw‸ cawˬ la tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 36: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yeˍsaˍkeˍlaˆ li‸ 36
36
Gʼuiˬsha ve awˬ bon Iˉsaˍreˍlaˆ hkʼoˆ gaˬ la ve
1Gʼuiˬsha kʼoˆ ve, Chaw yaˇ-oˬ, Iˉsaˍreˍlaˆ hkʼaw pui teˇ hpaˍ hta‸ tawˇ yaw piˇ leh, ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. 2Iˉsaˍreˍlaˆ ve canˇ paˍ teˇ hpaˍ nyi ma uiˍleh, Aˬ sho-eˬ htaˇ ve hkʼaw pui oˇ ve teˇ hpaˍ chi beu‸ ngaˬ hui ve mawˇ hpeh‸ la peuˬ, teh‸ kʼoˆ ve yoˬ.
3Chi hta‸ pa taw, ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Awˬ paˇ awˬ kui lo chehˇ ve chaw ceuˬ teˇ hpaˍ Iˉsaˍreˍlaˆ ve hkʼaw pui teˇ hpaˍ hta‸ bawˆ yuˬ lu yuˬ ve teˇ yanˇ, yawˇ hui hkʼa peu-eˬ Iˉsaˍreˍlaˆ hta‸ maˇ shawˍ maˇ caˆ te ve yoˬ. 4Chi hta‸ pa taw, hkʼaw pui teˇ hpaˍ, iˉ kaˆ lawˬ kʼaˉ leh lawˬ hkʼo‸ teˇ hpaˍ, te luˬ te sheˆ ve hta‸ gʼa hkanˍ ve chehˇ kuiˬ teˇ hpaˍ, leh awˬ nu ve chaw ceuˬ teˇ hpaˍ te luˬ te sheˆ leh hkʼa mvuhˇ hkʼa na kʼoˆ laˇ ve hta‸ gʼa hkanˍ ve venˇ teˇ hpaˍ-oˬ, ngaˬ Gʼuiˬsha nawˬ hui hta‸ kʼoˆ laˇ chehˇ ve tawˇ hta‸ na sheˍ.
5Ngaˬ Gʼuiˬsha lehˬ nyi ma zuhˆ jaˇ ve hkʼaw, awˬ paˇ awˬ kui lo chehˇ taˍ ve chaw ceuˬ teˇ hpaˍ, leuˉ leh Eˇdonˍ chaw hui hta‸ tawˇ yaw piˇ taˍ peuˬ ve yoˬ. Nyi ma uiˍ ve mvuh ve hkʼaw yawˇ hui lehˬ ngaˬ ve mvuhˇmiˬ hta‸ bawˆ yuˬ leh, kʼaˆcaˇ kuiˬ hkʼaw lo cawˬ ve mawˇ teˇ hpaˍ hta‸ yuˬ kʼai ve yoˬ.
6Chi hta‸ pa taw, Iˉsaˍreˍlaˆ mvuhˇmiˬ awˬ lawn tawˇ yaw leh, ngaˬ Gʼuiˬsha nyi ma zuhˆ ve hkʼaw kʼoˆ chehˇ ve tawˇ chi teˇ hpaˍ, hkʼaw pui, iˉ kaˆ lawˬ leh lawˬ hkʼo‸ teˇ hpaˍ hta‸ kʼoˆ maˍ piˇ-oˆ. Awˬ lawn kʼo, chaw ceuˬ teˇ hpaˍ lehˬ oˇ ve teˇ hpaˍ hta‸ hkʼa mvuhˇ hkʼa na kʼoˆ leh, nyiˉ ya‸ piˇ taˍ peuˬ. 7Awˬ paˇ awˬ kui lo chehˇ taˍ ve chaw ceuˬ chi teˇ hpaˍ hta‸ nyiˉ ya‸ piˇ tuˬ ngaˬ Gʼuiˬsha ka ti‸ te ve yoˬ. 8Ya‸ hkʼaˇ, ngaˬ ve chaw teˇ hpaˍ-oˬ, Iˉsaˍreˍlaˆ hkʼaw pui teˇ hpaˍ awˬ hkʼoˆ lo cawˬ ve suhˆ cehˬ teˇ hpaˍ awˬ hpa‸ kʼaw‸ naw‸ la leh, nawˬ hui awˬ pon iˉ shiˍ naw‸ la tuˬ yoˬ. Nawˬ hui maˇ maw maw aˉ hkʼaw lo gʼa kʼaw‸ kʼaw‸ la tuˬ yoˬ. 9Ngaˬ nawˬ hui geh chehˇ taˍ ve yoˬ. Nawˬ hui ve mvuhˇmiˬ hta‸ kʼaw‸ mehˇ leh, oˇ kaˬ lo awˬ yawˇ sheˍ hpeh‸ tuˬ ngaˬ te laˇ tuˬ yoˬ. 10Nawˬ hui ve chaw hta‸ ngaˬ kʼaw‸ maˇ la piˇ tuˬ yoˬ. Nawˬ hui venˇ hkʼaw gʼa chehˇ leh, luˬ kʼai taˍ ve awˬ ceuˬ hkʼa peu-eˬ hta‸ kʼaw‸ gu te tuˬ yoˬ. 11Ngaˬ lehˬ chaw yaˇ leh ceˇ caˬ teˇ hpaˍ hta‸ kʼaw‸ maˇ la piˇ tuˬ yoˬ. Ponˬ laˬ htaˇ a‸kehˉ oˇ kaˬ lo chaw maˇ la leh, nawˬ hui yaˇ maˇ maˇ cawˬ la tuˬ yoˬ. Ponˬ laˬ htaˇ hkʼa shuˍ, ngaˬ nawˬ hui hta‸ oˇ kaˬ lo kʼaw‸ chehˇ tcuh laˇ leh, ponˬ laˬ htaˇ a‸ kehˉ uiˍ la da‸ la piˇ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ. 12Ngaˬ ve Iˉsaˍreˍlaˆ chaw teˇ hpaˍ-oˬ, mvuhˇmiˬ oˇ ve hkʼaw ngaˬ nawˬ hui hta‸ kʼaw‸ shiˍ hkʼaw‸ veu laˇ piˇ tuˬ yoˬ. Mvuhˇmiˬ oˇ ve lehˬ, nawˬ hui ve mvuhˇmiˬ hpeh‸ leh, teˇ pawˆ ka‸ nawˬ ve yaˇ teˇ hpaˍ hta‸ awˍ meu‸ suh-e piˇ lawˬ tuˬ ve maˇ heˆ.
13Ngaˬ Gʼuiˬsha chi hkʼe kʼoˆ ve yoˬ. Mvuhˇmiˬ hta‸ chaw yaˇ teˇ hpaˍ, Chaw hta‸ caˇ shehˍ hpaˇ teh‸ kʼoˆ ve tawˇ oˇ ve cawˇ ve yoˬ. Mvuhˇmiˬ lehˬ chaw ceuˬ teˇ hpaˍ ve yaˇ hta‸ hiˉ yuˬ ve yoˬ, teh‸ yawˇ hui kʼoˆ ve yoˬ. 14Ya‸ hkʼaˇ, ya‸ nyi hkʼaw‸ nawˉ kʼo, Mvuhˇmiˬ lehˬ chaw hta‸ caˇ shehˍ hpaˇ leh yaˇ ehˉ hta‸ hiˉ yuˬ shehˍ hpaˇ, teh‸ kʼaw‸ kʼoˆ tuˬ ve maˇ heˆ. Ngaˬ Gʼuiˬsha kʼoˆ taˍ peuˬ ve yoˬ. 15Mvuhˇmiˬ lehˬ, chaw ceuˬ teˇ hpaˍ hkʼa mvuhˇ hkʼa na kʼoˆ ve tawˇ hta‸ kʼaw‸ na tuˬ ve maˇ heˆ. Mvuhˇmiˬ lehˬ, chaw ceuˬ teˇ hpaˍ ve yaˇ hta‸ kʼaw‸ hiˉ yuˬ tuˬ ve maˇ heˆ. Ngaˬ Gʼuiˬsha kʼoˆ taˍ peuˬ ve yoˬ.
Iˉsaˍreˍlaˆ chaw awˬ suhˉ
16Gʼuiˬsha ngaˬ hta‸ chi hkʼe kʼoˆ laˇ ve yoˬ. 17Chaw yaˇ-oˬ, Iˉsaˍreˍlaˆ chaw teˇ hpaˍ chehˇ ve cawˬ ve lehˬ mvuhˇmiˬ hta‸ cha‸ chiˆ kʼai piˇ lawˬ ve yoˬ. Yawˇ hui te ve dawˇ ve teˇ hpaˍ lehˬ awˬ liˇ laˬ chehˇ ve yaˇ miˇ hkʼa shuˍ maˇ da‸ maˇ kehˬ, teh‸ ngaˬ shawˍ taˍ ve yoˬ. 18Yawˇ hui chaw hta‸ tiˇ pehˍ leh, shaˉ ho‸ hta‸ oˉ kʼoˍ pui ve hkʼaw mvuhˇmiˬ hta‸ cha‸ chiˆ kʼai tuˬ te ve pa taw, ngaˬ ve nyi ma zuhˆ ve awˬ ceuˬ yawˇ hui hta‸ leh‸ nyi tcuh ve yoˬ. 19Yawˇ hui te chehˇ ve kanˉ hta‸ keunˍ da‸ ve hkʼe, ngaˬ yawˇ hui hta‸ ciˍ yanˍ piˇ leh, yawˇ hui hta‸ awˬ nu ve mvuhˇmiˬ teˇ hpaˍ lo hpaˆ da‸ kʼai piˇ lawˬ ve yoˬ. 20Yawˇ hui hkʼa gaˬ ve chehˇ kuiˬ teˇ hpaˍ hkʼaw, yawˇ hui ngaˬ ve da‸ kehˬ ve awˬ meh hta‸ awˬ me‸ awˬ hponˇ luˬ kʼai tuˬ te leh, chaw yaˇ teˇ hpaˍ lehˬ, Chaw chi teˇ hpaˍ Gʼuiˬsha yawˇ hui hta‸ piˇ taˍ ve mvuhˇmiˬ hkʼaw gʼa tawˆ kʼai ve yoˬ, teh‸ kʼoˆ ve yoˬ. 21Iˉsaˍreˍlaˆ chaw teˇ hpaˍ lehˬ yawˇ hui hkʼa gaˬ ve chehˇ kuiˬ teˇ hpaˍ hkʼaw, ngaˬ ve awˬ meh hta‸ awˬ me‸ awˬ hponˇ luˬ kʼai tuˬ te ve pa taw, ngaˬ hta‸ heuˆ jaˇ ve yoˬ.
22Chi beu‸ ngaˬ Gʼuiˬsha ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ-oˆ. Chi beu‸ ngaˬ te tuˬ ve kanˉ lehˬ, nawˬ hui Iˉsaˍreˍlaˆ chaw awˬ pon maˇ heˆ. Nawˬ hui hkʼa gaˬ kuiˬ teˇ kaˬ le le lo nawˬ hui awˬ me‸ awˬ hponˇ te luˬ chehˇ ve ngaˬ ve awˬ meh awˬ pon hpeh‸ ve yoˬ. 23Nawˬ hui awˬ me‸ awˬhponˇ te luˬ chehˇ ve ngaˬ ve da‸ kehˬ ve awˬ meh hta‸ awˬ nu ve chaw ceuˬ teˇ hpaˍ hta‸ ngaˬ hpeu‸ maˍ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. Ngaˬ Gʼuiˬsha kʼoˆ taˍ peuˬ ve yoˬ. Ngaˬ nawˬ hui hta‸ yehˇ leh, ngaˬ da‸ kehˬ jaˇ ve awˬ lawn awˬ nu ve chaw ceuˬ teˇ hpaˍ hta‸ hpeu‸ maˍpiˇ tuˬ yoˬ. 24Ngaˬ nawˬ hui hta‸ awˬ nu ve mvuhˇmiˬ teˇ hpaˍ hkʼaw yuˬ tawˆ leh, nawˬ hui ve mvuhˇmiˬ lo kʼaw‸ shiˍ hkʼaw‸ veu laˇ tuˬ yoˬ. 25Kehˬ ve iˉ kaˆ ngaˬ nawˬ hui hta‸ hpeh‸ pfuhˍ leh, nawˬ hui hta‸ cha‸ chiˆ piˇ law ve shaˉ ho‸ leh awˬ nu ve awˬ ceuˬ hkʼa peu-eˬ hta‸ tsuhˇ baˬ laˇ tuˬ yoˬ. 26Ngaˬ nawˬ hui hta‸ nyi ma awˬ suhˉ leh dawˇ hkʼaˇ awˬ suhˉ cawˬ la piˇ tuˬ yoˬ. Haˉ pui hkʼe heh ve nawˬ hui ve nyi ma hta‸ ngaˬ yuˬ baˬ leh, na yuˬ puiˉ ve nyi ma piˇ laˇ tuˬ yoˬ. 27Ngaˬ ve Awˬ ha hpu nawˬ hui awˬ hkʼaw lo keu laˇ leh, ngaˬ nawˬ hui hta‸ piˇ taˍ ve awˬliˇtawˇhkawˇ teˇ hpaˍ hta‸ nawˬ hui na yuˬ, maˇ na yuˬ ve hta‸ ngaˬ nyi taˍ tuˬ yoˬ. 28Oˇ htaˇ, nawˬ hui ve awˬ puˍ awˬ pi hui hta‸ ngaˬ piˇ taˍ ve mvuhˇmiˬ hkʼaw nawˬ hui gʼa chehˇ tuˬ yoˬ. Nawˬ hui lehˬ ngaˬ ve chaw hpeh‸ leh, ngaˬ lehˬ nawˬ hui ve Gʼuiˬsha hpeh‸ tuˬ yoˬ. 29Nawˬ hui hta‸ cha‸ chiˆ piˇ lawˬ ve awˬ ceuˬteˇ hpaˍ hkʼaw, ngaˬ nawˬ hui hta‸ ponˬ laˇ tuˬ yoˬ. Nawˬ hui maˇ gʼa meu‸ maˇ gʼa kaˆ jehˇ tuˬ, caˬ shiˍ hta‸ tawˇ piˇ leh maˇ la piˇ tuˬ yoˬ. 30Nawˬ hui lehˬ awˬ nu ve chaw ceuˬ teˇ hpaˍ mehˆ gʼuˇ suhˍ lo, meu‸ jaˇ kaˆ jaˇ leh awˬ me‸ awˬ hponˇ maˇ gʼa luˬ kʼai tuˬ, nawˬ hui ve iˉ shiˍ cehˬ leh ti mi teˇ hpaˍ hta‸ ngaˬ awˬ shiˍ awˬ nu maˇ maˇ naw‸ la piˇ tuˬ yoˬ. 31Nawˬ hui lehˬ te ya‸ taˉ peuˬ ve haiˬ ve kanˉ teˇ hpaˍ hta‸ kʼaw‸ dawˇ nawˇ leh, nawˬ hui ve venˇbaˆ hta‸ pa taw nyi ma luˬ jaˇ tuˬ yoˬ. 32Iˉsaˍreˍlaˆ-oˬ, awˬ ceuˬ chi teˇ hpaˍ hta‸ ngaˬ te laˇ chehˇ ve lehˬ, nawˬ hui awˬ pon te laˇ chehˇ ve maˇ heˆ, teh‸ ngaˬ nawˬ hui hta‸ shiˍ piˇ lawˬ gaˇ ve yoˬ. Nawˬ hui te chehˇ ve kanˉ lehˬ hkʼaˬ ma awˬ me‸ awˬ hponˇ maˇ cawˬ ve leh, hkʼaˬ ma ya‸ taw tuˬ cawˬ ve nawˬ hui hta‸ shiˍ la jawˬ la piˇ lawˬ gaˇ ve yoˬ, teh‸ Gʼuiˬsha kʼoˆ ve yoˬ.
33Gʼuiˬsha kʼoˆ ve, Ngaˬ nawˬ hui ve venˇbaˆ hta‸ yuˬ baˬ laˇ peuˬ ve teˇ yanˇ, ngaˬ nawˬ hui hta‸ nawˬ hui ve venˇ hkʼaw kʼaw‸ chehˇ tcuh leh, luˬ kʼai taˍ peuˬ ve teˇ hpaˍ hta‸ kʼaw‸ gu te tcuh laˇ tuˬ yoˬ. 34Nawˬ hui ve ti mi paˇ lo hpanˍ kʼai chehˇ ve chaw teˇ hpaˍ lehˬ, ti mi oˇ ve teˇ hpaˍ hkʼaˬ ma naˉ jaˇ peuˬ ve hta‸ gʼa mawˬ ve yoˬ. Ya‸ hkʼaˇ, ti mi oˇ ve teˇ hpaˍ ngaˬ nawˬ hui hta‸ kʼaw‸ te caˇ tcuh laˇ tuˬ yoˬ. 35Mvuhˇmiˬ oˇ ve lehˬ, teˇ pawˆ htaˇ hteunˍ lonˉ hkʼe hpeh‸ chehˇ ve htawˇ, chi beu‸ Eˍdenˍ hko hkʼe kʼaw‸ hpeh‸ la taˍ peuˬ ve hta‸ maˇ kʼoˆ, teˇ pawˆ htaˇ luˬ kʼai paˆ kʼai taˍ ve venˇ teˇ hpaˍ, chi beu‸ chaw kʼaw‸ chehˇ leh kʼaw‸ gu da‸ taˍ peuˬ ve hta‸ maˇ kʼoˆ, chaw hkʼa peu-eˬ gʼa mawˬ tuˬ yoˬ. 36Oˇ htaˇ, cawˬ taˉ sheˍ ve awˬ paˇ awˬ kui lo chehˇ ve chaw ceuˬ teˇ hpaˍ lehˬ, ngaˬ awˬ suhˉ kʼaw‸ gu te taˍ peuˬ ve hta‸ shiˍ la tuˬ yoˬ. Chi hkʼe te tuˬ ngaˬ Gʼuiˬsha ka ti‸ te taˍ peuˬ leh, awˬ tehˬ awˬ na te tuˬ ve yoˬ, teh‸ kʼoˆ ve yoˬ.
37Gʼuiˬsha kʼoˆ ve, Ngaˬ lehˬ Iˉsaˍreˍlaˆ chaw hui hta‸ yawˇ hui loˍ ve awˬ ceuˬ ngaˬ geh kʼaw‸ lawˬ yuˬ tcuh leh, yawˇ hui hta‸ yawˬ moˍ lonˉ hkʼa shuˍ kʼaw‸ maˇ la piˇ tuˬ yoˬ. 38Chi beu‸ luˬ kʼai taˍ ve venˇ teˇ hpaˍ lehˬ, teˇ pawˆ htaˇ Yeˍruˆsaˍlehnˍ venˇ hkʼaw pawehˇ te leh tuˉ tanˇ piˇ tuˬ shaw hpoˆ taˍ ve yawˬ moˍ lonˉ hkʼa shuˍ chaw hkʼa biˇ kʼaw‸ cawˬ la tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.