Tawˆ kʼai ve li‸ 26
26
Gʼuiˬsha ve aˉ po kʼo bon yehˬ
1Awˬ sheuˉ nawˉ-ehˍ, nyiˉ-ehˍ leh nyi naˆ meuˉ-ehˍ ve gʼo‸ hkeh hta‸ yuˬ leh da‸ jaˇ ve hpa teˇ chi hkʼoˆ gʼa te chiˇ ve yoˬ. Hpa oˇ ve teˇ hpaˍ awˬ hkʼoˆ lo, hkeˍruˆ benˍ awˬ han gʼa te keu taˍ ve yoˬ. 2Hpa oˇ ve teˇ hpaˍ lehˬ, zuhˬ hpawˇ 28 shaw‸, kʼehˬ hpawˇ 4 shaw‸ gʼa cawˬ piˇ ve yoˬ. 3Hpa ngaˇ hkʼoˆ hta‸ teˇ maˬ peuˬ teˇ maˬ gʼa tawˉ nehˉ da‸ leh, awˬ nu ve ngaˇ hkʼoˆ hta‸ htawˇ oˇ ve hkʼa shuˍ gʼa tawˉ nehˉ da‸ taˍ ve yoˬ. 4Tawˉ nehˉ da‸ taˍ ve hpa oˇ ve awˬ meuˇ teˇ hpawˇ le le lo, nawˉ-ehˍ ve hpa la‸ kawˬ gʼa tawˉ keu taˍ ve yoˬ. 5Tawˉ nehˉ da‸ taˍ ve hpa teˇ hkʼoˆ ve hta‸ chi hkʼe ve la‸ kawˬ ngaˇ chi maˬ gʼa cawˬ piˇ ve yoˬ. Awˬ nu ve hpa teˇ hkʼoˆ hta‸ htawˇ chi hkʼe ve la‸ kawˬ ngaˇ chi maˬ gʼa te keu piˇ leh, la‸ kawˬ oˇ ve teˇ maˬ leh teˇ maˬ hawˍ da‸ tuˬ gʼa te taˍ ve yoˬ. 6Shi kʼuˉ kʼaweh‸ ngaˇ chi maˬ kʼaw‸ te leh, la‸ kawˬ oˇ ve teˇ hpaˍ hta‸ kʼuˉ da‸ piˇ ve teˇ yanˇ, hpa oˇ ve nyiˇ hkʼoˆ lehˬ teˇ hkʼoˆ tiˉ hpeh‸ la ve yoˬ.
7Aˉ po kʼo bon yehˬ chi hta‸ beh tuˬ awˬ pon aˉ che‸ awˬ mvuh yu leh hpa teˇ chi teˇ hkʼoˆ gʼa te chiˇ ve yoˬ. 8Hpa oˇ ve teˇ hpaˍ lehˬ, zuhˬ hpawˇ 30 shaw‸, kʼehˬ hpawˇ 4 shaw‸ gʼa cawˬ piˇ ve yoˬ. 9Hpa chi ve ngaˇ hkʼoˆ teˇ maˬ leh teˇ maˬ gʼa tawˉ nehˉ da‸ leh, awˬ nu ve hkaw‸ hkʼoˆ hta‸ htawˇ oˇ ve hkʼa shuˍ gʼa tawˉ nehˉ da‸ ve yoˬ. Hkaw‸ hkʼoˆ yuˬ tawˉ nehˉ da‸ taˍ ve hpa chi ve hta‸ aˉ po kʼo awˬ gʼuˇ suhˍ lo gʼa teh keu taˍ ve yoˬ. 10Hpa chi ve teˇ hpaˍ awˬ meuˇ teˇ hpawˇ le le lo, la‸ kawˬ ngaˇ chi maˬ gʼa te keu ve yoˬ. Awˬ nu ve teˇ hkʼoˆ hta‸ htawˇ, chi hkʼe ve la‸ kawˬ ngaˇ chi maˬ gʼa te keu ve yoˬ. 11Kuiˇ kʼuˉ kʼaweh‸ ngaˇ chi maˬ te leh, la‸ kawˬ oˇ ve teˇ hpaˍ hta‸ kʼuˉ gʼawˬ ve teˇ yanˇ, aˉ po kʼo teˇ maˬ hpeh‸ la tuˬ yoˬ. 12Beh leuˉ taˍ ve hpa oˇ ve lehˬ, aˉ po kʼo hkʼaw‸ nawˉ paˉ hpawˇ lo gʼa cawˬ taˍ piˇ ve yoˬ. 13Aˉ po kʼo bon yehˬ teˇ hpawˇ le le lo, teˇ shaw‸ hkʼe gʼa beh zuhˬ taˍ ve yoˬ. Chi lehˬ, aˉ po kʼo bon yehˬ hta‸ hoˆ beh taˍ tuˬ awˬ pon hpeh‸ ve yoˬ.
14Aˉ po kʼo hta‸ naˆ tsuhˇ nyiˉ-ehˍ shehˆ taˍ ve yawˬ guiˬ kʼuˉ gʼa beh taˍ ve yoˬ.
15Aˉ po kʼo bon yehˬ hta‸ aˍhkeˇshaˍ suhˆ baˉ gʼa yuˬ ko ve yoˬ. 16Suhˆ baˉ chi teˇ hpaˍ zuhˬ hpawˇ 10 shaw‸, kʼehˬ hpawˇ teˇ shaw‸ teˇ htu gʼa cawˬ piˇ ve yoˬ. 17Suhˆ baˉ chi ve teˇ maˬ leh teˇ maˬ caˉ da‸ piˇ tuˬ, juˇ ehˉ nyiˇ maˬ gʼa te ve yoˬ. Oˇ hkʼe te leh suhˆ baˉ hkʼa peu-eˬ hta‸ gʼa caˉ da‸ piˇ ve yoˬ. 18Aˉ po kʼo awˬ hawˉ hpawˇ lo, suhˆ baˉ nyiˇ baˉ gʼa cawˬ piˇ ve yoˬ. 19Suhˆ baˉ oˇ ve teˇ hpaˍ awˬ hawˉ lo, juˇ dawˆ keu kuiˬ hpu la‸ kawˬ nyiˇ maˬ gʼa te keu leh hkʼa peu-eˬ awˇ chi maˬ gʼa cawˬ piˇ ve yoˬ. 20Aˉ po kʼo awˬ na hpawˇ lo htawˇ, oˇ ve hkʼa shuˍ suhˆ baˉ nyiˇ chi baˉ gʼa cawˬ piˇ ve yoˬ. 21Suhˆ baˉ oˇ ve teˇ hpaˍ awˬ hawˉ lo htawˇ, hpu la‸ kawˬ nyiˇ maˬ gʼa te keu leh hkʼa peu-eˬ awˇ chi maˬ gʼa cawˬ piˇ ve yoˬ. 22Aˉ po kʼo bon yehˬ mvuhˇ nyi kʼehˬ hpawˇ lo suhˆ baˉ hkaw‸ maˬ leh, 23awˬ ceˍ kʼaweh‸ nyiˇ hpawˇ lo teˇ hpawˇ ve suhˆ baˉ nyiˇ maˬ gʼa cawˬ piˇ ve yoˬ. 24Suhˆ baˉ oˇ ve teˇ hpaˍ lehˬ, awˬ hawˉ awˬ na hkʼa shuˍ shuˍ tawˍ lehˍ hpeh‸ leh, la‸ kawˬ teˇ maˬ tiˉ hkʼaw shi keu hpeh‸ tuˬ gʼa te taˍ ve yoˬ. 25Suhˆ baˉ hinˉ baˉ ve hta‸ hpu la‸ kawˬ teˇ chi hkaw‸ maˬ gʼa cawˬ piˇ leh, suhˆ baˉ teˇ baˉ kʼo hpu la‸ kawˬ nyiˇ maˬ gʼa cawˬ piˇ ve yoˬ.
26Aˍhkeˇshaˍ suhˆ yuˬ leh awˬ hkaˆ teˇ chi ngaˇ maˬ te-o. Aˉ po kʼo bon yehˬ teˇ hpawˇ awˬ pon awˬ hkaˆ ngaˇ maˬ, 27awˬ nu ve teˇ hpawˇ awˬ pon awˬ hkaˆ ngaˇ maˬ, leh aˉ po kʼo bon yehˬ mvuhˇ nyi kʼehˬ hpawˇ awˬ pon awˬ hkaˆ ngaˇ maˬ gʼa te ve yoˬ. 28Awˬ kʼaw ji lo cawˬ ve awˬ hkaˆ lehˬ, awˬ ceˍ kʼaweh‸ nyiˇ hpawˇ lo hkʼa gaˬ gʼa te keu taˍ ve yoˬ. 29Suhˆ baˉ oˇ ve teˇ hpaˍ hta‸ shi oˍ taˍ-o‸. Awˬ hkaˆ oˇ ve teˇ hpaˍ hta‸ yuˬ tiˍ taˍ gʼa tuˬ, shi la‸ kawˬ teˇ hpaˍ te taˍ leh, awˬ hkaˆ teˇ hpaˍ hta‸ shi oˍ taˍ-o‸. 30Hkʼaw hkʼoˆ lo nawˬ hta‸ awˬ hkʼaˇ beˆ maˍ piˇ taˍ peuˬ ve hkʼe, aˉ po kʼo bon yehˬ hta‸ nawˬ gʼa te ve yoˬ.
31Awˬ sheuˉ nawˉ-ehˍ, nyiˉ-ehˍ, nyi naˆ meuˉ-ehˍ cawˬ ve gʼo‸ hkeh hta‸ yuˬ leh, hkeˍruˆbenˍ awˬ han cawˬ ve hpa te chiˇ-oˆ. 32Shi oˍ taˍ ve Aˍhkeˇshaˍ yehˬ hkuiˉ daw awˇ maˬ awˬ hkʼoˆ lo hpa oˇ ve hta‸ gʼa kʼuˉ taˍ ve yoˬ. Yehˬ hkuiˉ daw oˇ ve teˇ hpaˍ hkʼoˆ lo, shi kʼuˉ kʼaw-eh‸ teˇ hpaˍ leh hpu la‸ kawˬ awˇ maˬ gʼa cawˬ piˇ ve yoˬ. 33Ka ti‸ shaˉ caˆ ta kʼoˍ hta‸ ko taˍ ve hpa awˬ hkʼaw hpawˇ lo gʼa teh taˍ ve yoˬ. Hkʼe te leh, hpa oˇ ve lehˬ da‸ kehˬ ve leh da‸ kehˬ jaˇ ve chehˇ kuiˬ hta‸ awˬ tcuhˉ kaˍ tawˍ taˍ ve hkʼe hpeh‸ tuˬ yoˬ. 34Ka ti‸ shaˉ caˆ ta kʼoˍ hta‸ awˬ hoˆ gʼa hoˆ taˍ ve yoˬ. 35Da‸ kehˬ jaˇ ve bawehˇ awˬ baˬ hpawˇ lo hpui lawˇ hta‸ teh taˍ leh, aˉ po kʼo bon yehˬ awˬ hawˉ hpawˇ teˇ ceˍ lo aˬ miˍ kawˆ faiˇ hta‸ gʼa teh taˍ ve yoˬ. Oˇ ve lehˬ, awˬ na hpawˇ lo teh taˍ ve hpui lawˇ teˇ hkʼaˇ hteˇ lehˍ gʼa cawˬ piˇ ve yoˬ.
36Aˉ po kʼo yehˬmiˉhpe‸ hta‸, awˬ sheuˉ nawˉ-ehˍ, nyiˉ-ehˍ, nyi naˆ meuˉ-ehˍ cawˬ ve gʼo‸ hkeh yuˬ te chiˇ taˍ ve da‸ jaˇ ve hpa gʼa yuˬ ko taˍ ve yoˬ. 37Oˇ ve awˬ pon aˍhkeˇshaˍ yehˬ hkuiˉdaw ngaˇ maˬ duˇ ti leh, yehˬ hkuiˉ daw oˇ ve teˇ hpaˍ hta‸ shi gʼa oˍ taˍ ve yoˬ. Oˇ ve awˬ hkʼoˆ lo shi kʼuˉ kʼaw-eh‸ teˇ hpaˍ leh kuiˇ la‸ kawˬ ngaˇ maˬ gʼa te keu taˍ ve yoˬ.
Currently Selected:
Tawˆ kʼai ve li‸ 26: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 26
26
Gʼuiˬsha ve aˉ po kʼo bon yehˬ
1Awˬ sheuˉ nawˉ-ehˍ, nyiˉ-ehˍ leh nyi naˆ meuˉ-ehˍ ve gʼo‸ hkeh hta‸ yuˬ leh da‸ jaˇ ve hpa teˇ chi hkʼoˆ gʼa te chiˇ ve yoˬ. Hpa oˇ ve teˇ hpaˍ awˬ hkʼoˆ lo, hkeˍruˆ benˍ awˬ han gʼa te keu taˍ ve yoˬ. 2Hpa oˇ ve teˇ hpaˍ lehˬ, zuhˬ hpawˇ 28 shaw‸, kʼehˬ hpawˇ 4 shaw‸ gʼa cawˬ piˇ ve yoˬ. 3Hpa ngaˇ hkʼoˆ hta‸ teˇ maˬ peuˬ teˇ maˬ gʼa tawˉ nehˉ da‸ leh, awˬ nu ve ngaˇ hkʼoˆ hta‸ htawˇ oˇ ve hkʼa shuˍ gʼa tawˉ nehˉ da‸ taˍ ve yoˬ. 4Tawˉ nehˉ da‸ taˍ ve hpa oˇ ve awˬ meuˇ teˇ hpawˇ le le lo, nawˉ-ehˍ ve hpa la‸ kawˬ gʼa tawˉ keu taˍ ve yoˬ. 5Tawˉ nehˉ da‸ taˍ ve hpa teˇ hkʼoˆ ve hta‸ chi hkʼe ve la‸ kawˬ ngaˇ chi maˬ gʼa cawˬ piˇ ve yoˬ. Awˬ nu ve hpa teˇ hkʼoˆ hta‸ htawˇ chi hkʼe ve la‸ kawˬ ngaˇ chi maˬ gʼa te keu piˇ leh, la‸ kawˬ oˇ ve teˇ maˬ leh teˇ maˬ hawˍ da‸ tuˬ gʼa te taˍ ve yoˬ. 6Shi kʼuˉ kʼaweh‸ ngaˇ chi maˬ kʼaw‸ te leh, la‸ kawˬ oˇ ve teˇ hpaˍ hta‸ kʼuˉ da‸ piˇ ve teˇ yanˇ, hpa oˇ ve nyiˇ hkʼoˆ lehˬ teˇ hkʼoˆ tiˉ hpeh‸ la ve yoˬ.
7Aˉ po kʼo bon yehˬ chi hta‸ beh tuˬ awˬ pon aˉ che‸ awˬ mvuh yu leh hpa teˇ chi teˇ hkʼoˆ gʼa te chiˇ ve yoˬ. 8Hpa oˇ ve teˇ hpaˍ lehˬ, zuhˬ hpawˇ 30 shaw‸, kʼehˬ hpawˇ 4 shaw‸ gʼa cawˬ piˇ ve yoˬ. 9Hpa chi ve ngaˇ hkʼoˆ teˇ maˬ leh teˇ maˬ gʼa tawˉ nehˉ da‸ leh, awˬ nu ve hkaw‸ hkʼoˆ hta‸ htawˇ oˇ ve hkʼa shuˍ gʼa tawˉ nehˉ da‸ ve yoˬ. Hkaw‸ hkʼoˆ yuˬ tawˉ nehˉ da‸ taˍ ve hpa chi ve hta‸ aˉ po kʼo awˬ gʼuˇ suhˍ lo gʼa teh keu taˍ ve yoˬ. 10Hpa chi ve teˇ hpaˍ awˬ meuˇ teˇ hpawˇ le le lo, la‸ kawˬ ngaˇ chi maˬ gʼa te keu ve yoˬ. Awˬ nu ve teˇ hkʼoˆ hta‸ htawˇ, chi hkʼe ve la‸ kawˬ ngaˇ chi maˬ gʼa te keu ve yoˬ. 11Kuiˇ kʼuˉ kʼaweh‸ ngaˇ chi maˬ te leh, la‸ kawˬ oˇ ve teˇ hpaˍ hta‸ kʼuˉ gʼawˬ ve teˇ yanˇ, aˉ po kʼo teˇ maˬ hpeh‸ la tuˬ yoˬ. 12Beh leuˉ taˍ ve hpa oˇ ve lehˬ, aˉ po kʼo hkʼaw‸ nawˉ paˉ hpawˇ lo gʼa cawˬ taˍ piˇ ve yoˬ. 13Aˉ po kʼo bon yehˬ teˇ hpawˇ le le lo, teˇ shaw‸ hkʼe gʼa beh zuhˬ taˍ ve yoˬ. Chi lehˬ, aˉ po kʼo bon yehˬ hta‸ hoˆ beh taˍ tuˬ awˬ pon hpeh‸ ve yoˬ.
14Aˉ po kʼo hta‸ naˆ tsuhˇ nyiˉ-ehˍ shehˆ taˍ ve yawˬ guiˬ kʼuˉ gʼa beh taˍ ve yoˬ.
15Aˉ po kʼo bon yehˬ hta‸ aˍhkeˇshaˍ suhˆ baˉ gʼa yuˬ ko ve yoˬ. 16Suhˆ baˉ chi teˇ hpaˍ zuhˬ hpawˇ 10 shaw‸, kʼehˬ hpawˇ teˇ shaw‸ teˇ htu gʼa cawˬ piˇ ve yoˬ. 17Suhˆ baˉ chi ve teˇ maˬ leh teˇ maˬ caˉ da‸ piˇ tuˬ, juˇ ehˉ nyiˇ maˬ gʼa te ve yoˬ. Oˇ hkʼe te leh suhˆ baˉ hkʼa peu-eˬ hta‸ gʼa caˉ da‸ piˇ ve yoˬ. 18Aˉ po kʼo awˬ hawˉ hpawˇ lo, suhˆ baˉ nyiˇ baˉ gʼa cawˬ piˇ ve yoˬ. 19Suhˆ baˉ oˇ ve teˇ hpaˍ awˬ hawˉ lo, juˇ dawˆ keu kuiˬ hpu la‸ kawˬ nyiˇ maˬ gʼa te keu leh hkʼa peu-eˬ awˇ chi maˬ gʼa cawˬ piˇ ve yoˬ. 20Aˉ po kʼo awˬ na hpawˇ lo htawˇ, oˇ ve hkʼa shuˍ suhˆ baˉ nyiˇ chi baˉ gʼa cawˬ piˇ ve yoˬ. 21Suhˆ baˉ oˇ ve teˇ hpaˍ awˬ hawˉ lo htawˇ, hpu la‸ kawˬ nyiˇ maˬ gʼa te keu leh hkʼa peu-eˬ awˇ chi maˬ gʼa cawˬ piˇ ve yoˬ. 22Aˉ po kʼo bon yehˬ mvuhˇ nyi kʼehˬ hpawˇ lo suhˆ baˉ hkaw‸ maˬ leh, 23awˬ ceˍ kʼaweh‸ nyiˇ hpawˇ lo teˇ hpawˇ ve suhˆ baˉ nyiˇ maˬ gʼa cawˬ piˇ ve yoˬ. 24Suhˆ baˉ oˇ ve teˇ hpaˍ lehˬ, awˬ hawˉ awˬ na hkʼa shuˍ shuˍ tawˍ lehˍ hpeh‸ leh, la‸ kawˬ teˇ maˬ tiˉ hkʼaw shi keu hpeh‸ tuˬ gʼa te taˍ ve yoˬ. 25Suhˆ baˉ hinˉ baˉ ve hta‸ hpu la‸ kawˬ teˇ chi hkaw‸ maˬ gʼa cawˬ piˇ leh, suhˆ baˉ teˇ baˉ kʼo hpu la‸ kawˬ nyiˇ maˬ gʼa cawˬ piˇ ve yoˬ.
26Aˍhkeˇshaˍ suhˆ yuˬ leh awˬ hkaˆ teˇ chi ngaˇ maˬ te-o. Aˉ po kʼo bon yehˬ teˇ hpawˇ awˬ pon awˬ hkaˆ ngaˇ maˬ, 27awˬ nu ve teˇ hpawˇ awˬ pon awˬ hkaˆ ngaˇ maˬ, leh aˉ po kʼo bon yehˬ mvuhˇ nyi kʼehˬ hpawˇ awˬ pon awˬ hkaˆ ngaˇ maˬ gʼa te ve yoˬ. 28Awˬ kʼaw ji lo cawˬ ve awˬ hkaˆ lehˬ, awˬ ceˍ kʼaweh‸ nyiˇ hpawˇ lo hkʼa gaˬ gʼa te keu taˍ ve yoˬ. 29Suhˆ baˉ oˇ ve teˇ hpaˍ hta‸ shi oˍ taˍ-o‸. Awˬ hkaˆ oˇ ve teˇ hpaˍ hta‸ yuˬ tiˍ taˍ gʼa tuˬ, shi la‸ kawˬ teˇ hpaˍ te taˍ leh, awˬ hkaˆ teˇ hpaˍ hta‸ shi oˍ taˍ-o‸. 30Hkʼaw hkʼoˆ lo nawˬ hta‸ awˬ hkʼaˇ beˆ maˍ piˇ taˍ peuˬ ve hkʼe, aˉ po kʼo bon yehˬ hta‸ nawˬ gʼa te ve yoˬ.
31Awˬ sheuˉ nawˉ-ehˍ, nyiˉ-ehˍ, nyi naˆ meuˉ-ehˍ cawˬ ve gʼo‸ hkeh hta‸ yuˬ leh, hkeˍruˆbenˍ awˬ han cawˬ ve hpa te chiˇ-oˆ. 32Shi oˍ taˍ ve Aˍhkeˇshaˍ yehˬ hkuiˉ daw awˇ maˬ awˬ hkʼoˆ lo hpa oˇ ve hta‸ gʼa kʼuˉ taˍ ve yoˬ. Yehˬ hkuiˉ daw oˇ ve teˇ hpaˍ hkʼoˆ lo, shi kʼuˉ kʼaw-eh‸ teˇ hpaˍ leh hpu la‸ kawˬ awˇ maˬ gʼa cawˬ piˇ ve yoˬ. 33Ka ti‸ shaˉ caˆ ta kʼoˍ hta‸ ko taˍ ve hpa awˬ hkʼaw hpawˇ lo gʼa teh taˍ ve yoˬ. Hkʼe te leh, hpa oˇ ve lehˬ da‸ kehˬ ve leh da‸ kehˬ jaˇ ve chehˇ kuiˬ hta‸ awˬ tcuhˉ kaˍ tawˍ taˍ ve hkʼe hpeh‸ tuˬ yoˬ. 34Ka ti‸ shaˉ caˆ ta kʼoˍ hta‸ awˬ hoˆ gʼa hoˆ taˍ ve yoˬ. 35Da‸ kehˬ jaˇ ve bawehˇ awˬ baˬ hpawˇ lo hpui lawˇ hta‸ teh taˍ leh, aˉ po kʼo bon yehˬ awˬ hawˉ hpawˇ teˇ ceˍ lo aˬ miˍ kawˆ faiˇ hta‸ gʼa teh taˍ ve yoˬ. Oˇ ve lehˬ, awˬ na hpawˇ lo teh taˍ ve hpui lawˇ teˇ hkʼaˇ hteˇ lehˍ gʼa cawˬ piˇ ve yoˬ.
36Aˉ po kʼo yehˬmiˉhpe‸ hta‸, awˬ sheuˉ nawˉ-ehˍ, nyiˉ-ehˍ, nyi naˆ meuˉ-ehˍ cawˬ ve gʼo‸ hkeh yuˬ te chiˇ taˍ ve da‸ jaˇ ve hpa gʼa yuˬ ko taˍ ve yoˬ. 37Oˇ ve awˬ pon aˍhkeˇshaˍ yehˬ hkuiˉdaw ngaˇ maˬ duˇ ti leh, yehˬ hkuiˉ daw oˇ ve teˇ hpaˍ hta‸ shi gʼa oˍ taˍ ve yoˬ. Oˇ ve awˬ hkʼoˆ lo shi kʼuˉ kʼaw-eh‸ teˇ hpaˍ leh kuiˇ la‸ kawˬ ngaˇ maˬ gʼa te keu taˍ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.