Tawˆ kʼai ve li‸ 25
25
Bon yehˬ awˬ pon loˍ ve mawˇ teˇ hpaˍ
1Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw teˇ hpaˍ ngaˬ hta‸ tanˇ laˇ tuˬ kʼoˆ piˇ-oˆ. Tanˇ laˇ gaˇ ve chaw hui ve tanˇ tuˬ teˇ hpaˍ hta‸ ngaˬ awˬ pon nawˬ gʼa ha‸ yuˬ taˍ ve yoˬ. 3Nawˬ gʼa ha‸ yuˬ tuˬ ve mawˇ teˇ hpaˍ lehˬ, hpu, shi, kuiˇ, 4awˬ sheuˉ nawˉ-ehˍ, nyiˉ-ehˍ, nyi maˆ meuˉ-ehˍ cawˬ ve gʼo‸ hkeh, da‸ jaˇ ve hpa, aˉ che‸ awˬ mvuh te taˍ ve hpa, 5naˆ tsuhˇ nyiˉ-ehˍ haw taˍ ve yawˬ ehˉ awˬ guiˬ kʼuˉ, da‸ jaˇ ve shaˍ guiˬ kʼuˉ, aˍhkeˇshaˍ suhˆ, 6kawˆ faiˇ awˬ pon naˍ manˇ, naˍ manˇ hawnˉ leh sha hawnˉ, 7paw hkuˇ ve veu‸ kʼaˇ leh nyi ma pui beh tuˬ ve hta‸ tcuhˉ tuˬ ve shehnˉ shiˍ chi teˇ hpaˍ hpeh‸ ve yoˬ. 8Ngaˬ yawˇ hui geh lo chehˇ hpeh‸ tuˬ, yawˇ hui lehˬ ngaˬ awˬ pon da‸ kehˬ ve aˉ po kʼo teˇ maˬ gʼa te laˇ ve yoˬ. 9Ngaˬ chehˇ tuˬ ve aˉ po kʼo leh, oˇ ve awˬ hkʼaw lo hkʼa cawˬ ve mawˇ teˇ hpaˍ hta‸ ngaˬ maˍ laˇ ve hkʼe hkʼa deh‸ te-o.
Ka ti‸ shaˉ caˆ ta kʼoˍ
10Aˍhkeˇshaˍ suhˆ hta‸ yuˬ leh, zuhˬ hpawˇ 2 shaw‸ teˇ htu, kʼehˬ hpawˇ teˇ shaw‸ teˇ htu leh mvuh hpawˇ teˇ shaw‸ teˇ htu cawˬ ve ta kʼoˍ teˇ maˬ gʼa te ve yoˬ. 11Oˇ ve hta‸ shi caˆ yuˬ leh hkʼa caw zuhˇ gʼa te nehˉ taˍ ve yoˬ. 12Shi la‸ kawˬ awˇ maˬ te leh ta kʼoˍ oˇ ve awˇ ceˍ lo gʼa hpeh taˍ ve yoˬ. 13Aˍhkeˇshaˍ suhˆ yuˬ te taˍ ve suhˆ taˬ teˇ hpaˍ hta‸ shi hkʼa deh‸ oˍ taˍ-o‸. 14Suhˆ taˬ oˇ ve teˇ hpaˍ lehˬ, shi la‸ kawˬ oˇ ve hkʼaw shi keu leh, ta kʼoˍ hta‸ taˆ kʼai tuˬ awˬ pon hpeh‸ ve yoˬ. 15Suhˆ taˬ oˇ ve teˇ hpaˍ lehˬ, shi la‸ kawˬ oˇ ve teˇ hpaˍ hkʼaw hkʼaˬ htaˆ ka‸ gʼa shi keu taˍ leh, teˇ pawˆ ka‸ maˇ gʼa yuˬ tawˆ. 16Ngaˬ nawˬ hui hta‸ piˇ laˇ tuˬ ve haˉ pui baˉ nyiˇ maˬ hta‸ ta kʼoˍ oˇ ve hkʼaw keu taˍ-o‸.
17Shi hta‸ yuˬ leh zuhˬ hpawˇ nyiˇ shaw‸ teˇ htu, kʼehˬ hpawˇ teˇ shaw‸ teˇ htu cawˬ ve ta kʼoˍ awˬ hoˆ teˇ maˬ hta‸ htawˇ gʼa te ve yoˬ. 18Shi yuˬ te taˍ ve hkeˍruˆbenˍ nyiˇ maˬ hta‸ awˬ hoˆ oˇ ve awˬ hkʼoˆ, 19teˇ hpawˇ teˇ maˬ gʼa te tcuhˉ naw‸ piˇ taˍ ve yoˬ. 20Hkeˍruˆbenˍ oˇ ve nyiˇ maˬ lehˬ ta kʼoˍ hta‸ ha‸ shaˉ tuˬ toˍ la‸ kʼuˉ gʼa hpe beh piˇ taˍ ve yoˬ. Yawˇ hui lehˬ ta kʼoˍ awˬ hoˆ awˬ hkʼoˆ lo mehˆ hpfuhˇ tawˍ da‸ leh gʼa chehˇ taˍ piˇ ve yoˬ. 21Awˬ hoˆ oˇ ve ta kʼoˍ hta‸ gʼa yuˬ beh piˇ leh, ngaˬ piˇ laˇ tuˬ ve haˉ pui baˉ nyiˇ maˬ hta‸ ta kʼoˍ oˇ ve hkʼaw gʼa keu taˍ ve yoˬ. 22Ngaˬ nawˬ hui hta‸ oˇ kaˬ lo hpuˇ da‸ tuˬ yoˬ. Hkeˍruˆbenˍ oˇ ve nyiˇ maˬ awˬ kaˍ, ta kʼoˍ hkʼoˆ lo Iˉsaˍreˍlaˆ chaw teˇ hpaˍ awˬ pon ngaˬ ve awˬliˇtawˇhkawˇ hkʼa peu-eˬ piˇ laˇ tuˬ yoˬ.
Hkaoˍmonˇ taˍ kuiˬ hpui lawˇ
23Aˍhkeˇshaˍ suhˆ hta‸ yuˬ leh, zuhˬ hpawˇ nyiˇ shaw‸, kʼehˬ hpawˇ teˇ shaw‸, mvuh hpawˇ teˇ shaw‸ teˇ htu cawˬ ve hpui lawˇ teˇ maˬ hta‸ gʼa te ve yoˬ. 24Oˇ ve hta‸ shi hkʼa deh‸ oˍ leh, oˇ ve hkʼa caw zuhˇ shi caˆ yuˬ leh gʼa dawˆ nehˉ taˍ ve yoˬ. 25Oˇ ve hkʼa caw zuhˇ lo, la‸ taw kʼaw teˇ paˉ fe awˬ hkʼaˇ te taˍ leh, awˬ hkʼaˇ oˇ ve hkʼoˆ shi caˆ gʼa nehˉ keu taˍ ve yoˬ. 26Hpui lawˇ awˬ pon shi la‸ kawˬ 4 maˬ gʼa te leh, hkui sheh 4 maˬ tcuhˉ taˍ kuiˬ lo gʼa hpeh keu taˍ ve yoˬ. 27La‸ kawˬ chi ve teˇ hpaˍ lehˬ, hpui lawˇ hta‸ taˆ kʼai tuˬ suhˆ taˬ shi keu kuiˬ hpeh‸ leh, shi caˆ nehˉ keu taˍ ve awˬ hkʼaˇ awˬ paˇ lo gʼa cawˬ piˇ ve yoˬ. 28Aˍhkeˇshaˍ suhˆ hta‸ yuˬ leh suhˆ taˬ teˇ hpaˍ hta‸ te taˍ-o‸. Oˇ ve teˇ hpaˍ hta‸ shi oˍ taˍ-o‸. 29A pehˉ meuˇ gʼuiˬ tanˇ htaˇ yehˇ tuˬ ve hkehˇ teˇ hpaˍ, kawˆ teˇ hpaˍ leh mu‸ hkʼu teˇ hpaˍ hta‸ gʼa te taˍ ve yoˬ. Oˇ ve hkʼa peu-eˬ hta‸ shi ceh tiˉ gʼa yuˬ te ve yoˬ. 30Hpui lawˇ oˇ ve hta‸ ka ti‸ shaˉ caˆ ta kʼoˍ gʼuˇ suhˍ gʼa teh taˍ leh, oˇ ve awˬ hkʼoˆ lo ngaˬ hta‸ tanˇ laˇ taˍ ve hkaoˍmonˇ hkʼaˬ htaˆ ka‸ gʼa teh taˍ ve yoˬ.
Kawˇ faiˇ tuˉ teh kuiˬ
31Shi yuˬ leh aˬ miˍ tuˉ teh kuiˬ hta‸ htawˇ gʼa te ve yoˬ. Awˬ hkuiˉ daw, awˬ kʼaˉ le‸, leh suhˉ veˆ awˬ han teˇ hpaˍ hta‸ teˇ pawˆ tiˉ gʼa te tcuhˉ naw‸ piˇ taˍ ve yoˬ. 32Aˬ miˍ tuˉ teh kuiˬ chi ve hkʼaw, awˬ kʼaˉ le‸ ehˉ hkaw‸ maˬ gʼa cawˬ piˇ leh, teˇ hpawˇ lo shehˆ maˬ gʼa te keu taˍ ve yoˬ. 33Awˬ kʼaˉ le‸ chi ve hkaw‸ maˬ awˬ hkʼoˆ lo awˬ tuˍ tuˍ taˍ ve lawˉ bo veˆ hta‸ shuˍ ve suhˉ veˆ shehˆ maˬ gʼa cawˬ piˇ ve yoˬ. 34Aˬ miˍ hkuiˉ daw chi ve awˬ hkʼoˆ lo htawˇ, lawˉ bo veˆ hta‸ shuˍ ve suhˉ veˆ 4 maˬ gʼa cawˬ piˇ ve yoˬ. 35Awˬ kʼaˉ le‸ hkaw‸ maˬ oˇ ve teˇ maˬ le le awˬ hawˉ lo awˬ tuˍ tuˍ taˍ ve teˇ maˬ gʼa cawˬ piˇ ve yoˬ. 36Awˬ tuˍ tuˍ taˍ ve oˇ ve teˇ hpaˍ leh awˬ kʼaˉ le‸ teˇ hpaˍ lehˬ, aˬ miˍ kawˆ faiˇ hkuiˉ daw hta‸ gʼa te tcuhˉ nawˬ piˇ taˍ leh, oˇ ve hkʼa peu-eˬ hta‸ shi ceh tiˉ gʼa yuˬ te taˍ ve yoˬ. 37Aˬ miˍ kawˆ faiˇ suhˍ maˬ hta‸ htawˇ gʼa te taˍ leh, awˬ gʼeuˆ ba lehˍ cawˬ tuˬ kawˆ faiˇ oˇ ve teˇ hpaˍ hta‸ gʼa tuˉ teh taˍ ve yoˬ. 38Sho nuˆ leh sho nuˆ keu taˍ kuiˬ hta‸ htawˇ shi tiˉ gʼa yuˬ te ve yoˬ. 39Aˬ miˍ tuˉ teh kuiˬ leh, awˬ hkʼeun oˇ ve hkʼa peu-eˬ hta‸ shi 20 cawehˬ hkʼe yuˬ leh gʼa te taˍ ve yoˬ. 40Hkʼaw hkʼoˆ lo nawˬ hta‸ awˬ hkʼaˇ beˆ maˍ piˇ taˍ ve hkʼe hkʼa deh‸ te-o.
Currently Selected:
Tawˆ kʼai ve li‸ 25: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 25
25
Bon yehˬ awˬ pon loˍ ve mawˇ teˇ hpaˍ
1Oˇ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw teˇ hpaˍ ngaˬ hta‸ tanˇ laˇ tuˬ kʼoˆ piˇ-oˆ. Tanˇ laˇ gaˇ ve chaw hui ve tanˇ tuˬ teˇ hpaˍ hta‸ ngaˬ awˬ pon nawˬ gʼa ha‸ yuˬ taˍ ve yoˬ. 3Nawˬ gʼa ha‸ yuˬ tuˬ ve mawˇ teˇ hpaˍ lehˬ, hpu, shi, kuiˇ, 4awˬ sheuˉ nawˉ-ehˍ, nyiˉ-ehˍ, nyi maˆ meuˉ-ehˍ cawˬ ve gʼo‸ hkeh, da‸ jaˇ ve hpa, aˉ che‸ awˬ mvuh te taˍ ve hpa, 5naˆ tsuhˇ nyiˉ-ehˍ haw taˍ ve yawˬ ehˉ awˬ guiˬ kʼuˉ, da‸ jaˇ ve shaˍ guiˬ kʼuˉ, aˍhkeˇshaˍ suhˆ, 6kawˆ faiˇ awˬ pon naˍ manˇ, naˍ manˇ hawnˉ leh sha hawnˉ, 7paw hkuˇ ve veu‸ kʼaˇ leh nyi ma pui beh tuˬ ve hta‸ tcuhˉ tuˬ ve shehnˉ shiˍ chi teˇ hpaˍ hpeh‸ ve yoˬ. 8Ngaˬ yawˇ hui geh lo chehˇ hpeh‸ tuˬ, yawˇ hui lehˬ ngaˬ awˬ pon da‸ kehˬ ve aˉ po kʼo teˇ maˬ gʼa te laˇ ve yoˬ. 9Ngaˬ chehˇ tuˬ ve aˉ po kʼo leh, oˇ ve awˬ hkʼaw lo hkʼa cawˬ ve mawˇ teˇ hpaˍ hta‸ ngaˬ maˍ laˇ ve hkʼe hkʼa deh‸ te-o.
Ka ti‸ shaˉ caˆ ta kʼoˍ
10Aˍhkeˇshaˍ suhˆ hta‸ yuˬ leh, zuhˬ hpawˇ 2 shaw‸ teˇ htu, kʼehˬ hpawˇ teˇ shaw‸ teˇ htu leh mvuh hpawˇ teˇ shaw‸ teˇ htu cawˬ ve ta kʼoˍ teˇ maˬ gʼa te ve yoˬ. 11Oˇ ve hta‸ shi caˆ yuˬ leh hkʼa caw zuhˇ gʼa te nehˉ taˍ ve yoˬ. 12Shi la‸ kawˬ awˇ maˬ te leh ta kʼoˍ oˇ ve awˇ ceˍ lo gʼa hpeh taˍ ve yoˬ. 13Aˍhkeˇshaˍ suhˆ yuˬ te taˍ ve suhˆ taˬ teˇ hpaˍ hta‸ shi hkʼa deh‸ oˍ taˍ-o‸. 14Suhˆ taˬ oˇ ve teˇ hpaˍ lehˬ, shi la‸ kawˬ oˇ ve hkʼaw shi keu leh, ta kʼoˍ hta‸ taˆ kʼai tuˬ awˬ pon hpeh‸ ve yoˬ. 15Suhˆ taˬ oˇ ve teˇ hpaˍ lehˬ, shi la‸ kawˬ oˇ ve teˇ hpaˍ hkʼaw hkʼaˬ htaˆ ka‸ gʼa shi keu taˍ leh, teˇ pawˆ ka‸ maˇ gʼa yuˬ tawˆ. 16Ngaˬ nawˬ hui hta‸ piˇ laˇ tuˬ ve haˉ pui baˉ nyiˇ maˬ hta‸ ta kʼoˍ oˇ ve hkʼaw keu taˍ-o‸.
17Shi hta‸ yuˬ leh zuhˬ hpawˇ nyiˇ shaw‸ teˇ htu, kʼehˬ hpawˇ teˇ shaw‸ teˇ htu cawˬ ve ta kʼoˍ awˬ hoˆ teˇ maˬ hta‸ htawˇ gʼa te ve yoˬ. 18Shi yuˬ te taˍ ve hkeˍruˆbenˍ nyiˇ maˬ hta‸ awˬ hoˆ oˇ ve awˬ hkʼoˆ, 19teˇ hpawˇ teˇ maˬ gʼa te tcuhˉ naw‸ piˇ taˍ ve yoˬ. 20Hkeˍruˆbenˍ oˇ ve nyiˇ maˬ lehˬ ta kʼoˍ hta‸ ha‸ shaˉ tuˬ toˍ la‸ kʼuˉ gʼa hpe beh piˇ taˍ ve yoˬ. Yawˇ hui lehˬ ta kʼoˍ awˬ hoˆ awˬ hkʼoˆ lo mehˆ hpfuhˇ tawˍ da‸ leh gʼa chehˇ taˍ piˇ ve yoˬ. 21Awˬ hoˆ oˇ ve ta kʼoˍ hta‸ gʼa yuˬ beh piˇ leh, ngaˬ piˇ laˇ tuˬ ve haˉ pui baˉ nyiˇ maˬ hta‸ ta kʼoˍ oˇ ve hkʼaw gʼa keu taˍ ve yoˬ. 22Ngaˬ nawˬ hui hta‸ oˇ kaˬ lo hpuˇ da‸ tuˬ yoˬ. Hkeˍruˆbenˍ oˇ ve nyiˇ maˬ awˬ kaˍ, ta kʼoˍ hkʼoˆ lo Iˉsaˍreˍlaˆ chaw teˇ hpaˍ awˬ pon ngaˬ ve awˬliˇtawˇhkawˇ hkʼa peu-eˬ piˇ laˇ tuˬ yoˬ.
Hkaoˍmonˇ taˍ kuiˬ hpui lawˇ
23Aˍhkeˇshaˍ suhˆ hta‸ yuˬ leh, zuhˬ hpawˇ nyiˇ shaw‸, kʼehˬ hpawˇ teˇ shaw‸, mvuh hpawˇ teˇ shaw‸ teˇ htu cawˬ ve hpui lawˇ teˇ maˬ hta‸ gʼa te ve yoˬ. 24Oˇ ve hta‸ shi hkʼa deh‸ oˍ leh, oˇ ve hkʼa caw zuhˇ shi caˆ yuˬ leh gʼa dawˆ nehˉ taˍ ve yoˬ. 25Oˇ ve hkʼa caw zuhˇ lo, la‸ taw kʼaw teˇ paˉ fe awˬ hkʼaˇ te taˍ leh, awˬ hkʼaˇ oˇ ve hkʼoˆ shi caˆ gʼa nehˉ keu taˍ ve yoˬ. 26Hpui lawˇ awˬ pon shi la‸ kawˬ 4 maˬ gʼa te leh, hkui sheh 4 maˬ tcuhˉ taˍ kuiˬ lo gʼa hpeh keu taˍ ve yoˬ. 27La‸ kawˬ chi ve teˇ hpaˍ lehˬ, hpui lawˇ hta‸ taˆ kʼai tuˬ suhˆ taˬ shi keu kuiˬ hpeh‸ leh, shi caˆ nehˉ keu taˍ ve awˬ hkʼaˇ awˬ paˇ lo gʼa cawˬ piˇ ve yoˬ. 28Aˍhkeˇshaˍ suhˆ hta‸ yuˬ leh suhˆ taˬ teˇ hpaˍ hta‸ te taˍ-o‸. Oˇ ve teˇ hpaˍ hta‸ shi oˍ taˍ-o‸. 29A pehˉ meuˇ gʼuiˬ tanˇ htaˇ yehˇ tuˬ ve hkehˇ teˇ hpaˍ, kawˆ teˇ hpaˍ leh mu‸ hkʼu teˇ hpaˍ hta‸ gʼa te taˍ ve yoˬ. Oˇ ve hkʼa peu-eˬ hta‸ shi ceh tiˉ gʼa yuˬ te ve yoˬ. 30Hpui lawˇ oˇ ve hta‸ ka ti‸ shaˉ caˆ ta kʼoˍ gʼuˇ suhˍ gʼa teh taˍ leh, oˇ ve awˬ hkʼoˆ lo ngaˬ hta‸ tanˇ laˇ taˍ ve hkaoˍmonˇ hkʼaˬ htaˆ ka‸ gʼa teh taˍ ve yoˬ.
Kawˇ faiˇ tuˉ teh kuiˬ
31Shi yuˬ leh aˬ miˍ tuˉ teh kuiˬ hta‸ htawˇ gʼa te ve yoˬ. Awˬ hkuiˉ daw, awˬ kʼaˉ le‸, leh suhˉ veˆ awˬ han teˇ hpaˍ hta‸ teˇ pawˆ tiˉ gʼa te tcuhˉ naw‸ piˇ taˍ ve yoˬ. 32Aˬ miˍ tuˉ teh kuiˬ chi ve hkʼaw, awˬ kʼaˉ le‸ ehˉ hkaw‸ maˬ gʼa cawˬ piˇ leh, teˇ hpawˇ lo shehˆ maˬ gʼa te keu taˍ ve yoˬ. 33Awˬ kʼaˉ le‸ chi ve hkaw‸ maˬ awˬ hkʼoˆ lo awˬ tuˍ tuˍ taˍ ve lawˉ bo veˆ hta‸ shuˍ ve suhˉ veˆ shehˆ maˬ gʼa cawˬ piˇ ve yoˬ. 34Aˬ miˍ hkuiˉ daw chi ve awˬ hkʼoˆ lo htawˇ, lawˉ bo veˆ hta‸ shuˍ ve suhˉ veˆ 4 maˬ gʼa cawˬ piˇ ve yoˬ. 35Awˬ kʼaˉ le‸ hkaw‸ maˬ oˇ ve teˇ maˬ le le awˬ hawˉ lo awˬ tuˍ tuˍ taˍ ve teˇ maˬ gʼa cawˬ piˇ ve yoˬ. 36Awˬ tuˍ tuˍ taˍ ve oˇ ve teˇ hpaˍ leh awˬ kʼaˉ le‸ teˇ hpaˍ lehˬ, aˬ miˍ kawˆ faiˇ hkuiˉ daw hta‸ gʼa te tcuhˉ nawˬ piˇ taˍ leh, oˇ ve hkʼa peu-eˬ hta‸ shi ceh tiˉ gʼa yuˬ te taˍ ve yoˬ. 37Aˬ miˍ kawˆ faiˇ suhˍ maˬ hta‸ htawˇ gʼa te taˍ leh, awˬ gʼeuˆ ba lehˍ cawˬ tuˬ kawˆ faiˇ oˇ ve teˇ hpaˍ hta‸ gʼa tuˉ teh taˍ ve yoˬ. 38Sho nuˆ leh sho nuˆ keu taˍ kuiˬ hta‸ htawˇ shi tiˉ gʼa yuˬ te ve yoˬ. 39Aˬ miˍ tuˉ teh kuiˬ leh, awˬ hkʼeun oˇ ve hkʼa peu-eˬ hta‸ shi 20 cawehˬ hkʼe yuˬ leh gʼa te taˍ ve yoˬ. 40Hkʼaw hkʼoˆ lo nawˬ hta‸ awˬ hkʼaˇ beˆ maˍ piˇ taˍ ve hkʼe hkʼa deh‸ te-o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.