Tawˆ kʼai ve li‸ 19
19
Iˉsaˍreˍlaˆ chaw Siˉnaˆ hkʼaw lo gaˬ la ve
1Iˉsaˍreˍlaˆ chaw teˇ hpaˍ, Eˇjiˇtu‸ mvuhˇmiˬ hkʼaw tawˆ la ve ha pa shehˆ maˬ teˇ maˬ, awˬ hkuiˉ puiˍ teˇ nyi gaˬ ve teˇ yanˇ, yawˇ hui Raˍhpiˆdenˍ hkʼaw tawˆ kʼai ve yoˬ. 2Yawˇ hui Siˉnaˆ hteunˍ lo gaˬ la leh, Siˉnaˆ hkʼaw hkuiˉ puiˍ lo deh chehˇ taˍ ve yoˬ. 3Oˇ htaˇ, Moˉseˍ lehˬ Gʼuiˬsha hta‸ hpuˇ da‸ tuˬ hkʼaw hkʼoˆ lo taˆ-e ve yoˬ.
Hkʼaw hkʼoˆ lo Gʼuiˬsha yawˇ hta‸ kuˬ leh, Yaˍkoˆ ve awˬ ceuˬ awˬ hkʼaˇ Iˉsaˍreˍlaˆ chaw hui hta‸ chi hkʼe kʼoˆ piˇ tcuh ve yoˬ. 4Ngaˬ Eˇjiˇtu‸ chaw hui hta‸ hkʼaˬ hkʼe te piˇ taˍ ve hta‸ nawˬ hui gʼa mawˬ taˍ peuˬ ve yoˬ. Aˉ ceˬ lehˬ, yawˇ ve awˬ yehˇ hta‸ yawˇ ve toˍ la‸ kʼuˉ hkʼoˆ teh leh poˬ kʼai ve hkʼe, nawˬ hui hta‸ ngaˬ ve chehˇ kuiˬ lo shiˍ veu laˇ taˍ ve yoˬ. 5Chi hta‸ pa taw, nawˬ hui lehˬ ngaˬ ve tawˇ hta‸ na yuˬ leh, ngaˬ ve ka ti‸ tawˇ hkawˇ hta‸ ha‸ shaˉ taˍ ve kʼo, nawˬ hui lehˬ ngaˬ ve chaw ceuˬ hpeh‸ la tuˬ yoˬ. Miˬguiˬ chi ve hkʼa peu-eˬ ngaˬ ve mawˇ hpeh‸ ve yoˬ. Ya‸ hkʼaˇ, nawˬ hui lehˬ ngaˬ leuˆ yuˬ taˍ ve chaw ceuˬ hpeh‸ la tuˬ yoˬ. 6Nawˬ hui lehˬ, paw hkuˇ hkʼa shuˍ ngaˬ ve kanˉ hta‸ gʼa te leh, ngaˬ awˬ pon fuiˍ teh taˍ ve chaw hpeh‸ la tuˬ yoˬ, teh‸ Moˉseˍ hta‸ kʼoˆ piˇ ve yoˬ. 7Moˉseˍ hkʼaw hkʼoˆ lo ya‸ la leh, Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ kuˬ hpawnˬ peuˬ hkʼaw‸ nawˉ, Gʼuiˬsha yawˇ hta‸ kʼoˆ piˇ taˍ ve tawˇ oˇ ve hkʼa peu-eˬ yawˇ hui hta‸ kʼaw‸ kʼoˆ maˍ piˇ ve yoˬ. 8Chaw hkʼa peu-eˬ nyi ma teˇ shiˍ tiˉ te leh, Gʼuiˬsha kʼoˆ laˇ ve hkʼa peu-eˬ hta‸ ngaˬ hui na yuˬ tuˬ yoˬ, teh‸ kʼoˆ ve yoˬ. Moˉseˍ lehˬ tawˇ oˇ ve Gʼuiˬsha hta‸ ca kʼaw‸ hto piˇ ve yoˬ.
9Oˇ htaˇ Gʼuiˬsha lehˬ, Yawˇ hui nawˬ hta‸ yonˍ la tuˬ chi beu‸ ngaˬ moˬ awˬ hkʼaw lo nawˬ geh ya‸ la leh, chaw chi ma ve mehˆ gʼuˇ suhˍ nawˬ hta‸ tawˇ yaw laˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ. Iˉsaˍreˍlaˆ chaw teˇ hpaˍ hkʼaˬ hkʼe kʼaw‸ yaw hkʼaw‸ laˇ ve hkʼa peu-eˬ Moˉseˍ Gʼuiˬsha hta‸ kʼaw‸ hto piˇ ve yoˬ.
10Oˇ htaˇ Gʼuiˬsha kʼoˆ ve, Iˉsaˍreˍlaˆ chaw hui geh kʼaw‸ kʼo‸-e leh, ya‸ nyi leh shawˉ pawˍ a shu yawˇ ve awˬ to hta‸ da‸ kehˬ tuˬ te leh, veu‸ kʼaˇ tsuhˇ tuˬ ca kʼoˆ piˇ-oˆ. 11Shehˆ nyi teˇ nyi gaˬ htaˇ, yawˇ hui ngaˬ hta‸ oˉ kʼoˍ pui hpeh‸ tuˬ hkʼa deh‸ gʼa gu taˍ ve yoˬ. Awˬ lawn kʼo, oˇ ve teˇ nyi gaˬ htaˇ chaw hkʼa peu-eˬ ngaˬ hta‸ mawˬ hpeh‸ tuˬ, Siˉnaˆ hkʼaw hkʼoˆ lo ngaˬ ya‸ la tuˬ yoˬ. 12Chaw teˇ gʼaˇ ka‸ hkʼaw oˇ ve hkʼoˆ maˇ gʼa taˆ-e tuˬ leh, hkʼaw oˇ ve hta‸ maˇ gʼa ca htawˇ tuˬ shaˍ ti‸ piˇ leh, hkʼaw oˇ ve hta‸ hkʼa caw zuhˇ caw ko taˍ-o‸. Awˬ lawn kʼo, hkʼaw oˇ ve hta‸ naˆ ve chaw hkʼaˬ ve teˇ gʼaˇ maˇ kʼoˆ, awˬ tehˬ awˬ na gʼa suh tuˬ yoˬ. 13Yawˇ hta‸ haˉ pui gʼa baˬ pehˍ tuˬ yoˬ Maˇ heˆ kʼo, gʼa bawˆ pehˍ tuˬ yoˬ. Yawˇ hta‸ chaw teˇ gʼaˇ ka‸ maˇ gʼa htawˇ. Chaw yaˇ maˇ kʼoˆ, to nuˇ to shaˆ maˇ kʼoˆ, tiˇ pehˍ ve hta‸ gʼa hkanˍ tuˬ yoˬ. Ya‸ hkʼaˇ, behˬ heh ma meuˆ hkawˇ tawˆ la ve teˇ yanˇ, chaw yaˇ teˇ hpaˍ hkʼaw hkʼoˆ lo taˆ-e hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
14Hkʼe te leh, Moˉseˍ hkʼaw hkʼoˆ lo ya‸ la ve yoˬ. Yawˇ chaw oˇ ve teˇ hpaˍ hta‸ da‸ kehˬ tuˬ te tcuh leh, a shu yawˇ ve veu‸ kʼaˇ tsuhˇ tcuh ve yoˬ. 15Oˇ htaˇ Moˉseˍ kʼoˆ ve, Shehˆ nyi teˇ nyi gaˬ kʼo, chaw teˇ gʼaˇ le le hkʼa deh‸ gu taˍ-o‸. Yaˇ miˇ geh taˇ zuh‸, teh‸ yawˇ hui hta‸ kʼoˆ piˇ ve yoˬ.
16Shehˆ nyi teˇ nyi mvuhˇ ba la ve teˇ yanˇ, mvuhˇ gʼaˇ hte‸ tawˍ leh mvuhˇ tiˉ po-e‸ ba la ve yoˬ. Hkʼaw hkʼoˆ lo moˬ hoˆ taˍ leh, behˬ heh ma hkawˇ bvuhˬ tawˆ la ve yoˬ. Oˇ kaˬ lo chehˇ taˍ ve chaw hkʼa peu-eˬ kawˆ jaˇ ve yoˬ. 17Gʼuiˬsha hta‸ ca hpuˇ da‸ tuˬ, Moˉseˍ lehˬ chaw hkʼa peu-eˬ hta‸ shiˍ veu leh hkʼaw hkuiˉ puiˍ lo huˉ taˍ ve yoˬ. 18Siˉnaˆ hkʼaw lehˬ, mvuhˇ hkʼawˇ hkʼa biˇ hoˆ taˍ ve yoˬ. Awˬ lawn kʼo, Gʼuiˬsha lehˬ aˬ miˍ awˬ hkʼaw lo ya‸ la leh hkʼaw oˇ ve awˬ hkʼoˆ lo chehˇ taˍ ve pa taw yoˬ. Aˬ miˍ buiˬ hpfuh hkʼaw tawˆ la ve mvuhˇ hkʼawˇ hkʼa shuˍ, mvuhˇ hkʼawˇ oˇ ve teˇ hpaˍ mvuhˇ naw ma hkʼoˆ taˆ-e chehˇ leh, chaw hkʼa peu-eˬ kawˆ jaˇ ve yoˬ. 19Behˬ heh ma hkawˇ htawˇ shaˬ te shaˬ hehnˇ la ve yoˬ. Moˉseˍ tawˇ yaw ve teˇ yanˇ, Gʼuiˬsha lehˬ mvuhˇ tawˍ ve hkʼaw yawˇ hta‸ kʼaw‸ yaw hkʼaw‸ piˇ ve yoˬ. 20Gʼuiˬsha lehˬ, Siˉnaˆ hkʼaw hkʼoˆ ya‸ la leh, Moˉseˍ hta‸ oˇ kaˬ lo kuˬ yuˬ ve yoˬ. Hkʼe te leh, Moˉseˍ hkʼaw hkʼoˆ lo taˆ-e ve yoˬ. 21Oˇ htaˇ Gʼuiˬsha yawˇ hta‸ kʼoˆ piˇ ve, Nawˬ ve chaw geh kʼaw‸ kʼo‸-e leh, yawˇ hui ko taˍ kuiˬ awˬ hkʼaw hpawˇ lo laˬ leh ngaˬ hta‸ maˇ gʼa ca nyi la tuˬ ca hto piˇ-oˆ. Oˇ hkʼe te ve kʼo, chaw maˇ maˇ gʼa suh tuˬ yoˬ. 22Ngaˬ geh laˬ ve paw hkuˇ teˇ hpaˍ htawˇ, a shu yawˇ awˬ to hta‸ da‸ kehˬ tuˬ gʼa te ve yoˬ. Oˇ hkʼe maˇ te ve kʼo, yawˇ hui hta‸ htawˇ ngaˬ ciˍ yanˍ piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
23Oˇ htaˇ Moˉseˍ lehˬ, Chaw yaˇ teˇ hpaˍ choˬ kaˬ lo taˆ la maˇ hpeh‸ taˬ. Awˬ lawn kʼo, hkʼaw chi ve hta‸ hkʼa caw zuhˇ caw ko leh, da‸ kehˬ piˇ lawˬ tuˬ nawˬ ngaˬ hui hta‸ shaˍ ti‸ hkʼa deh‸ piˇ laˇ taˍ peuˬ ve yoˬ, teh‸ Gʼuiˬsha hta‸ kʼaw‸ yaw hkʼaw‸ piˇ ve yoˬ.
24Oˇ ve hkʼaw‸ nawˉ Gʼuiˬsha lehˬ, Nawˬ hkʼaw hkʼoˆ lo ya‸-e leh Aˍronˍ hta‸ ca kʼaw‸ shiˍ-o‸. Ya‸ hkʼaˇ, paw hkuˇ leh chaw yaˇ teˇ hpaˍ hta‸ hkʼaw hkʼoˆ lo taˇ taˆ la tcuh. Oˇ hkʼe te ve chaw hta‸ ngaˬ ciˍ yanˍ piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ. 25Hkʼe te leh Moˉseˍ hkʼaw hkʼoˆ lo ya‸-e leh, Gʼuiˬsha kʼoˆ ve tawˇ oˇ ve teˇ hpaˍ chaw moˍ lonˉ hta‸ ca kʼaw‸ hto piˇ ve yoˬ.
Currently Selected:
Tawˆ kʼai ve li‸ 19: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 19
19
Iˉsaˍreˍlaˆ chaw Siˉnaˆ hkʼaw lo gaˬ la ve
1Iˉsaˍreˍlaˆ chaw teˇ hpaˍ, Eˇjiˇtu‸ mvuhˇmiˬ hkʼaw tawˆ la ve ha pa shehˆ maˬ teˇ maˬ, awˬ hkuiˉ puiˍ teˇ nyi gaˬ ve teˇ yanˇ, yawˇ hui Raˍhpiˆdenˍ hkʼaw tawˆ kʼai ve yoˬ. 2Yawˇ hui Siˉnaˆ hteunˍ lo gaˬ la leh, Siˉnaˆ hkʼaw hkuiˉ puiˍ lo deh chehˇ taˍ ve yoˬ. 3Oˇ htaˇ, Moˉseˍ lehˬ Gʼuiˬsha hta‸ hpuˇ da‸ tuˬ hkʼaw hkʼoˆ lo taˆ-e ve yoˬ.
Hkʼaw hkʼoˆ lo Gʼuiˬsha yawˇ hta‸ kuˬ leh, Yaˍkoˆ ve awˬ ceuˬ awˬ hkʼaˇ Iˉsaˍreˍlaˆ chaw hui hta‸ chi hkʼe kʼoˆ piˇ tcuh ve yoˬ. 4Ngaˬ Eˇjiˇtu‸ chaw hui hta‸ hkʼaˬ hkʼe te piˇ taˍ ve hta‸ nawˬ hui gʼa mawˬ taˍ peuˬ ve yoˬ. Aˉ ceˬ lehˬ, yawˇ ve awˬ yehˇ hta‸ yawˇ ve toˍ la‸ kʼuˉ hkʼoˆ teh leh poˬ kʼai ve hkʼe, nawˬ hui hta‸ ngaˬ ve chehˇ kuiˬ lo shiˍ veu laˇ taˍ ve yoˬ. 5Chi hta‸ pa taw, nawˬ hui lehˬ ngaˬ ve tawˇ hta‸ na yuˬ leh, ngaˬ ve ka ti‸ tawˇ hkawˇ hta‸ ha‸ shaˉ taˍ ve kʼo, nawˬ hui lehˬ ngaˬ ve chaw ceuˬ hpeh‸ la tuˬ yoˬ. Miˬguiˬ chi ve hkʼa peu-eˬ ngaˬ ve mawˇ hpeh‸ ve yoˬ. Ya‸ hkʼaˇ, nawˬ hui lehˬ ngaˬ leuˆ yuˬ taˍ ve chaw ceuˬ hpeh‸ la tuˬ yoˬ. 6Nawˬ hui lehˬ, paw hkuˇ hkʼa shuˍ ngaˬ ve kanˉ hta‸ gʼa te leh, ngaˬ awˬ pon fuiˍ teh taˍ ve chaw hpeh‸ la tuˬ yoˬ, teh‸ Moˉseˍ hta‸ kʼoˆ piˇ ve yoˬ. 7Moˉseˍ hkʼaw hkʼoˆ lo ya‸ la leh, Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ kuˬ hpawnˬ peuˬ hkʼaw‸ nawˉ, Gʼuiˬsha yawˇ hta‸ kʼoˆ piˇ taˍ ve tawˇ oˇ ve hkʼa peu-eˬ yawˇ hui hta‸ kʼaw‸ kʼoˆ maˍ piˇ ve yoˬ. 8Chaw hkʼa peu-eˬ nyi ma teˇ shiˍ tiˉ te leh, Gʼuiˬsha kʼoˆ laˇ ve hkʼa peu-eˬ hta‸ ngaˬ hui na yuˬ tuˬ yoˬ, teh‸ kʼoˆ ve yoˬ. Moˉseˍ lehˬ tawˇ oˇ ve Gʼuiˬsha hta‸ ca kʼaw‸ hto piˇ ve yoˬ.
9Oˇ htaˇ Gʼuiˬsha lehˬ, Yawˇ hui nawˬ hta‸ yonˍ la tuˬ chi beu‸ ngaˬ moˬ awˬ hkʼaw lo nawˬ geh ya‸ la leh, chaw chi ma ve mehˆ gʼuˇ suhˍ nawˬ hta‸ tawˇ yaw laˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ. Iˉsaˍreˍlaˆ chaw teˇ hpaˍ hkʼaˬ hkʼe kʼaw‸ yaw hkʼaw‸ laˇ ve hkʼa peu-eˬ Moˉseˍ Gʼuiˬsha hta‸ kʼaw‸ hto piˇ ve yoˬ.
10Oˇ htaˇ Gʼuiˬsha kʼoˆ ve, Iˉsaˍreˍlaˆ chaw hui geh kʼaw‸ kʼo‸-e leh, ya‸ nyi leh shawˉ pawˍ a shu yawˇ ve awˬ to hta‸ da‸ kehˬ tuˬ te leh, veu‸ kʼaˇ tsuhˇ tuˬ ca kʼoˆ piˇ-oˆ. 11Shehˆ nyi teˇ nyi gaˬ htaˇ, yawˇ hui ngaˬ hta‸ oˉ kʼoˍ pui hpeh‸ tuˬ hkʼa deh‸ gʼa gu taˍ ve yoˬ. Awˬ lawn kʼo, oˇ ve teˇ nyi gaˬ htaˇ chaw hkʼa peu-eˬ ngaˬ hta‸ mawˬ hpeh‸ tuˬ, Siˉnaˆ hkʼaw hkʼoˆ lo ngaˬ ya‸ la tuˬ yoˬ. 12Chaw teˇ gʼaˇ ka‸ hkʼaw oˇ ve hkʼoˆ maˇ gʼa taˆ-e tuˬ leh, hkʼaw oˇ ve hta‸ maˇ gʼa ca htawˇ tuˬ shaˍ ti‸ piˇ leh, hkʼaw oˇ ve hta‸ hkʼa caw zuhˇ caw ko taˍ-o‸. Awˬ lawn kʼo, hkʼaw oˇ ve hta‸ naˆ ve chaw hkʼaˬ ve teˇ gʼaˇ maˇ kʼoˆ, awˬ tehˬ awˬ na gʼa suh tuˬ yoˬ. 13Yawˇ hta‸ haˉ pui gʼa baˬ pehˍ tuˬ yoˬ Maˇ heˆ kʼo, gʼa bawˆ pehˍ tuˬ yoˬ. Yawˇ hta‸ chaw teˇ gʼaˇ ka‸ maˇ gʼa htawˇ. Chaw yaˇ maˇ kʼoˆ, to nuˇ to shaˆ maˇ kʼoˆ, tiˇ pehˍ ve hta‸ gʼa hkanˍ tuˬ yoˬ. Ya‸ hkʼaˇ, behˬ heh ma meuˆ hkawˇ tawˆ la ve teˇ yanˇ, chaw yaˇ teˇ hpaˍ hkʼaw hkʼoˆ lo taˆ-e hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
14Hkʼe te leh, Moˉseˍ hkʼaw hkʼoˆ lo ya‸ la ve yoˬ. Yawˇ chaw oˇ ve teˇ hpaˍ hta‸ da‸ kehˬ tuˬ te tcuh leh, a shu yawˇ ve veu‸ kʼaˇ tsuhˇ tcuh ve yoˬ. 15Oˇ htaˇ Moˉseˍ kʼoˆ ve, Shehˆ nyi teˇ nyi gaˬ kʼo, chaw teˇ gʼaˇ le le hkʼa deh‸ gu taˍ-o‸. Yaˇ miˇ geh taˇ zuh‸, teh‸ yawˇ hui hta‸ kʼoˆ piˇ ve yoˬ.
16Shehˆ nyi teˇ nyi mvuhˇ ba la ve teˇ yanˇ, mvuhˇ gʼaˇ hte‸ tawˍ leh mvuhˇ tiˉ po-e‸ ba la ve yoˬ. Hkʼaw hkʼoˆ lo moˬ hoˆ taˍ leh, behˬ heh ma hkawˇ bvuhˬ tawˆ la ve yoˬ. Oˇ kaˬ lo chehˇ taˍ ve chaw hkʼa peu-eˬ kawˆ jaˇ ve yoˬ. 17Gʼuiˬsha hta‸ ca hpuˇ da‸ tuˬ, Moˉseˍ lehˬ chaw hkʼa peu-eˬ hta‸ shiˍ veu leh hkʼaw hkuiˉ puiˍ lo huˉ taˍ ve yoˬ. 18Siˉnaˆ hkʼaw lehˬ, mvuhˇ hkʼawˇ hkʼa biˇ hoˆ taˍ ve yoˬ. Awˬ lawn kʼo, Gʼuiˬsha lehˬ aˬ miˍ awˬ hkʼaw lo ya‸ la leh hkʼaw oˇ ve awˬ hkʼoˆ lo chehˇ taˍ ve pa taw yoˬ. Aˬ miˍ buiˬ hpfuh hkʼaw tawˆ la ve mvuhˇ hkʼawˇ hkʼa shuˍ, mvuhˇ hkʼawˇ oˇ ve teˇ hpaˍ mvuhˇ naw ma hkʼoˆ taˆ-e chehˇ leh, chaw hkʼa peu-eˬ kawˆ jaˇ ve yoˬ. 19Behˬ heh ma hkawˇ htawˇ shaˬ te shaˬ hehnˇ la ve yoˬ. Moˉseˍ tawˇ yaw ve teˇ yanˇ, Gʼuiˬsha lehˬ mvuhˇ tawˍ ve hkʼaw yawˇ hta‸ kʼaw‸ yaw hkʼaw‸ piˇ ve yoˬ. 20Gʼuiˬsha lehˬ, Siˉnaˆ hkʼaw hkʼoˆ ya‸ la leh, Moˉseˍ hta‸ oˇ kaˬ lo kuˬ yuˬ ve yoˬ. Hkʼe te leh, Moˉseˍ hkʼaw hkʼoˆ lo taˆ-e ve yoˬ. 21Oˇ htaˇ Gʼuiˬsha yawˇ hta‸ kʼoˆ piˇ ve, Nawˬ ve chaw geh kʼaw‸ kʼo‸-e leh, yawˇ hui ko taˍ kuiˬ awˬ hkʼaw hpawˇ lo laˬ leh ngaˬ hta‸ maˇ gʼa ca nyi la tuˬ ca hto piˇ-oˆ. Oˇ hkʼe te ve kʼo, chaw maˇ maˇ gʼa suh tuˬ yoˬ. 22Ngaˬ geh laˬ ve paw hkuˇ teˇ hpaˍ htawˇ, a shu yawˇ awˬ to hta‸ da‸ kehˬ tuˬ gʼa te ve yoˬ. Oˇ hkʼe maˇ te ve kʼo, yawˇ hui hta‸ htawˇ ngaˬ ciˍ yanˍ piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
23Oˇ htaˇ Moˉseˍ lehˬ, Chaw yaˇ teˇ hpaˍ choˬ kaˬ lo taˆ la maˇ hpeh‸ taˬ. Awˬ lawn kʼo, hkʼaw chi ve hta‸ hkʼa caw zuhˇ caw ko leh, da‸ kehˬ piˇ lawˬ tuˬ nawˬ ngaˬ hui hta‸ shaˍ ti‸ hkʼa deh‸ piˇ laˇ taˍ peuˬ ve yoˬ, teh‸ Gʼuiˬsha hta‸ kʼaw‸ yaw hkʼaw‸ piˇ ve yoˬ.
24Oˇ ve hkʼaw‸ nawˉ Gʼuiˬsha lehˬ, Nawˬ hkʼaw hkʼoˆ lo ya‸-e leh Aˍronˍ hta‸ ca kʼaw‸ shiˍ-o‸. Ya‸ hkʼaˇ, paw hkuˇ leh chaw yaˇ teˇ hpaˍ hta‸ hkʼaw hkʼoˆ lo taˇ taˆ la tcuh. Oˇ hkʼe te ve chaw hta‸ ngaˬ ciˍ yanˍ piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ. 25Hkʼe te leh Moˉseˍ hkʼaw hkʼoˆ lo ya‸-e leh, Gʼuiˬsha kʼoˆ ve tawˇ oˇ ve teˇ hpaˍ chaw moˍ lonˉ hta‸ ca kʼaw‸ hto piˇ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.