Tawˆ kʼai ve li‸ 18
18
Yeˍtaˍroˍ Moˉseˍ geh ca guiˇ la ve
1Eˇjiˇtu‸ mvuhˇmiˬ hkʼaw Gʼuiˬsha Moˉseˍ leh Iˉsaˍreˍlaˆ chaw hui hta‸ hkʼaˬ hkʼe te shiˍ tawˆ-e piˇ ve awˬ lawn hta‸, Meˇdiˍanˍ mvuhˇmiˬ hkʼaw chehˇ taˍ ve Moˉseˍ ve awˬ puˍ, paw hkuˇ Yeˍtaˍroˍ gʼa kaˇ ve yoˬ. 2Hkʼe te leh, yawˇ Moˉseˍ ve awˬ miˇ ma Ziˆpawˇraˆ hta‸ shiˍ veu laˇ leh, Moˉseˍ geh laˬ ve yoˬ. 3Yeˍtaˍroˍ lehˬ, yaˇ paˍ Geˍraˍsonˍ leh Eˇliˇzaˍ hta‸ htawˇ shiˍ veu laˇ ve yoˬ. (Awˬ lawn kʼo Moˉseˍ kʼoˆ ve, Ngaˬlehˬ shu mvuhˇmiˬ hkʼaw hkehˉ chaw hpeh‸ ve yoˬ, teh‸ kʼoˆ leh yawˇ ve yaˇ paˍ uiˍ hta‸ Geˍraˍsonˍ teh‸ meh piˇ ve yoˬ. 4Yawˇ kʼaw‸ kʼoˆ ve, Ngaˬ pa ve Gʼuiˬsha lehˬ ngaˬ hta‸ Eˇjiˇtu‸ jawˇmawˇ ve la‸ sheh hkʼaw ponˬ laˇ ve yoˬ, teh‸ kʼoˆ leh yaˇ paˍ nyiˇ gʼaˇ teˇ gʼaˇ hta‸ Eˇliˇzaˬ teh‸ meh piˇ ve yoˬ.) 5Yeˍtaˍroˍ lehˬ, Moˉseˍ miˇ ma leh yawˇ ve yaˇ paˍ nyiˇ gʼaˇ hta‸ shiˍ veu leh, da‸ kehˬ ve hkʼaw hkʼoˆ lo deh chehˇ taˍ ve Moˉseˍ geh kʼai ve yoˬ. 6Yawˇ laˬ chehˇ ve awˬ lawn, chaw hta‸ hpehˇ leh Moˉseˍ hta‸ ca kʼoˆ piˇ tcuh ve yoˬ. 7Oˇ htaˇ, Moˉseˍ lehˬ yawˇ ve awˬ puˍ hta‸ ca hpuˇ da‸ tuˬ tawˆ kʼai leh, yawˇ hta‸ boˆ nu piˇ ve yoˬ. Yawˇ hui la‸ sheh caˉ leh tawˇ yaw da‸ peuˬ hkʼaw‸ nawˉ, Moˉseˍ ve aˉ po kʼo hkʼaw lo‸-e ve yoˬ. 8Gʼuiˬsha lehˬ, Iˉsaˍreˍlaˆ chaw hui hta‸ ponˬ piˇ tuˬ Eˇjiˇtu‸ chaw hui hta‸ hkʼaˬ hkʼe te piˇ taˍ ve awˬ lawn maˇ kʼoˆ, ya‸ kʼaw kʼaˉ lo haˍ ve awˬ ceuˬ hta‸ gʼa hpuˇ leh Gʼuiˬsha yawˇ hui hta‸ hkʼaˬ hkʼe te ponˬ piˇ ve awˬ lawn maˇ kʼoˆ, Moˉseˍ yawˇ ve awˬ puˍ hta‸ hto maˍ piˇ ve yoˬ. 9Awˬ lawn oˇ ve teˇ hpaˍ hta‸ Yeˍtaˍroˍ gʼa kaˇ ve teˇ yanˇ, yawˇ ha lehˬ jaˇ leh kʼoˆ ve, 10Eˇjiˇtu‸ jawˇmawˇ la‸ sheh hkʼaw lo nawˬ hui hta‸ ponˬ laˇ shehˍ hpaˇ Gʼuiˬsha hta‸ chiˇ mvuh-o. 11Gʼuiˬsha chi lehˬ, awˬ kaˍ awˬ nu ve gʼuiˬsha teˇ hpaˍ a‸ kehˉ uiˍ jaˇ ve hta‸ chi beu‸ ngaˬ gʼa shiˍ peuˬ. Awˬ lawn kʼo, yawˇ lehˬ nawˬ hui hta‸ gʼaˇ hte‸ fawˉ mehˍ laˇ chehˇ ve Eˇjiˇtu‸ chaw hui ve la‸ sheh hkʼaw lo nawˬ hui hta‸ ponˬ laˇ taˍ peuˬ, teh‸ kʼoˆ ve yoˬ. 12Oˇ ve hkʼaw‸ nawˉ, Yeˍtaˍroˍ lehˬ Gʼuiˬsha hta‸ tuˉ tanˇ tuˬ ve awˬ ceuˬ teˇ hpaˍ yuˬ laˬ ve yoˬ. Aˍronˍ leh Iˉsaˍreˍlaˆ chaw awˬ hoˉ awˬ naˬ hkʼa peu-eˬ htawˇ hpawnˬ laˬ leh, Gʼuiˬsha mehˆ gʼuˇ suhˍ Yeˍtaˍroˍ geh teˇ geh hti caˇ hti dawˬ ve yoˬ.
Suhˉ jehˬ shehˍ hpaˇ teˇ hpaˍ hta‸ leuˆ yuˬ ve
13Shawˉ pawˍ teˇ nyi Moˉseˍ lehˬ, mvuhˇ shawˉ htaˇ ka‸ te leh mvuhˇ hpeu‸ htaˇ hkʼa gaˬ Iˉsaˍreˍlaˆ chaw hui hta‸ suhˉ jehˬ piˇ ve yoˬ. 14Yawˇ oˇ hkʼe te chehˇ ve hta‸ Yeˍtaˍroˍ gʼa mawˬ ve teˇ yanˇ, Nawˬ lehˬ chaw chi teˇ hpaˍ hta‸ aˬ hto‸ ma te piˇ chehˇ ve le. Aˬ hto‸ ma pa taw nawˬ teˇ gʼaˇ tiˉ chehˇ taˍ leh, awˬ nu ve chaw teˇ hpaˍ mvuhˇ shawˉ htaˇ ka‸ te leh mvuhˇ hpeu‸ la htaˇ hkʼa gaˬ nawˬ paˇ lo ceh tiˉ hpoˆ chehˇ taˍ ve le, teh‸ Moˉseˍ hta‸ na nyi ve yoˬ.
15Oˇ htaˇ Moˉseˍ kʼoˆ ve, Chaw chi teˇ hpaˍ Gʼuiˬsha ve a loˍ hta‸ ca tuˬ ngaˬ geh laˬ ve yoˬ. 16Yawˇ hui awˬ hkʼaw lo ya‸ da‸ jiˆ da‸ ve awˬ ceuˬ cawˬ la ve kʼo, ngaˬ geh laˬ leh ngaˬ yawˇ hui hta‸ suhˉ jehˬ piˇ ve yoˬ. Ngaˬ yawˇ hui hta‸ Gʼuiˬsha ve awˬliˇtawˇhkawˇ maˍ piˇ ve yoˬ, teh‸ yawˇ hta‸ kʼaw‸ yaw hkʼaw‸ piˇ ve yoˬ.
17Oˇ htaˇ Yeˍtaˍroˍ kʼoˆ ve, Nawˬ te ve kanˉ chi a ciˉ maˇ cawˇ sheˍ. 18Chi hkʼe tiˉ te ve kʼo, nawˬ awˬ to ka‸, choˬ kaˬ lo huˉ chehˇ ve chaw hkʼa peu-eˬ ka‸ hkeu‸ leh tu‸ hkanˍ jaˇ ve yoˬ. Kanˉ chi lehˬ, nawˬ teˇ gʼaˇ ceh tiˉ te gʼa tuˬ ve kanˉ maˇ heˆ. 19Chi hta‸ pa taw, chi beu‸ ngaˬ dawˇ hkʼaˇ pe‸ laˇ ve hkʼe te-o. Gʼuiˬsha nawˬ geh chehˇ tuˬ yoˬ. Nawˬ lehˬ, chaw yaˇ leh Gʼuiˬsha awˬ kaˍ lo awˬ tan te shehˍ hpaˇ hpeh‸ leh, yawˇ hui loˍ ve awˬ ceuˬ Gʼuiˬsha geh yuˬ kʼai piˇ cawˇ ve yoˬ. 20Nawˬ lehˬ, yawˇ hui hta‸ Gʼuiˬsha ve awˬliˇtawˇhkawˇ maˍ piˇ ve awˬ hkʼoˆ, yawˇ hui hkʼaˬ hkʼe a sha‸ te‸ cawˇ ve leh, hkʼaˬ hkʼe te keunˍ ve awˬ hkʼaˇ maˍ piˇ cawˇ ve yoˬ. 21Chi hkʼe te gʼa tuˬ, nawˬ hui awˬ hkʼaw lo cuˇ yiˍ cawˬ ve chaw, Gʼuiˬsha hta‸ kawˆ ve chaw, hteˇ ve cawˇ ve chaw leh yonˍ hpeh‸ ve chaw hui hta‸ leuˆ yuˬ leh, yawˇ hui hta‸ chaw teˇ hinˉ gʼaˇ, teˇ ha gʼaˇ, ngaˇ chi gʼaˇ, teˇ chi gʼaˇ awˬ hkʼoˆ awˬ hoˉ te tcuh-o. 22Yawˇ hui lehˬ, chaw yaˇ teˇ hpaˍ hta‸ suhˉ jehˬ shehˍ hpaˇ te piˇ lawˬ-o‸. A ciˉ haˍ ve kanˉ teˇ hpaˍ kʼo, nawˬ geh yuˬ laˬ tcuh leh, maˇ haˍ ve kanˉ teˇ hpaˍ kʼo, yawˇ hui hkʼaˇ yawˇ hui te peuˬ piˇ lawˬ-o‸. Chi hkʼe te ve kʼo, yawˇ hui nawˬ hta‸ ga laˇ leh nawˬ ve kanˉ a ciˉ lawˬ la tuˬ yoˬ. 23Chi hkʼe te kʼai ve kʼo, nawˬ ka‸ maˇ heuˬ leh, chaw yaˇ teˇ hpaˍ htawˇ gawˬ lehˍ ve hkʼaw a shu yawˇ ve yehˬ lo kʼo‸-e hpeh‸ tuˬ yoˬ, teh‸ kʼoˆ piˇ ve yoˬ.
24Moˉseˍ lehˬ, yawˇ awˬ puˍ kʼoˆ ve tawˇ hta‸ na yuˬ leh yawˇ kʼoˆ ve hkʼe te ve yoˬ. 25Iˉsaˍreˍlaˆ chaw awˬ hkʼaw lo, dawˇ hkʼaˇ cawˬ leh te puiˉ te gʼa ve chaw teˇ hpaˍ hta‸ leuˆ yuˬ leh, chaw teˇ hinˉ gʼaˇ, teˇ ha gʼaˇ, ngaˇ chi gʼaˇ, teˇ chi gʼaˇ awˬ hkʼoˆ awˬ hoˉ te tcuh ve yoˬ. 26Yawˇ hui lehˬ, suhˉ jehˬ shehˍ hpaˇ hkʼa shuˍ, chaw oˇ ve teˇ hpaˍ hta‸ suhˉ taˆ piˇ ve yoˬ. A ciˉ haˍ ve kanˉ teˇ hpaˍ yawˇ hui Moˉseˍ geh yuˬ kʼai leh, maˇ haˍ ve kanˉ teˇ hpaˍ yawˇ hui hkʼaˇ yawˇ hui te peuˬ kʼai ve yoˬ.
27Oˇ ve hkʼaw‸ nawˉ, Moˉseˍ yawˇ ve awˬ puˍ hta‸ kʼo‸-e tcuh leh, Yeˍtaˍroˍ lehˬ yawˇ ve mvuhˇmiˬ lo kʼaw‸ kʼo‸-e ve yoˬ.
Currently Selected:
Tawˆ kʼai ve li‸ 18: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 18
18
Yeˍtaˍroˍ Moˉseˍ geh ca guiˇ la ve
1Eˇjiˇtu‸ mvuhˇmiˬ hkʼaw Gʼuiˬsha Moˉseˍ leh Iˉsaˍreˍlaˆ chaw hui hta‸ hkʼaˬ hkʼe te shiˍ tawˆ-e piˇ ve awˬ lawn hta‸, Meˇdiˍanˍ mvuhˇmiˬ hkʼaw chehˇ taˍ ve Moˉseˍ ve awˬ puˍ, paw hkuˇ Yeˍtaˍroˍ gʼa kaˇ ve yoˬ. 2Hkʼe te leh, yawˇ Moˉseˍ ve awˬ miˇ ma Ziˆpawˇraˆ hta‸ shiˍ veu laˇ leh, Moˉseˍ geh laˬ ve yoˬ. 3Yeˍtaˍroˍ lehˬ, yaˇ paˍ Geˍraˍsonˍ leh Eˇliˇzaˍ hta‸ htawˇ shiˍ veu laˇ ve yoˬ. (Awˬ lawn kʼo Moˉseˍ kʼoˆ ve, Ngaˬlehˬ shu mvuhˇmiˬ hkʼaw hkehˉ chaw hpeh‸ ve yoˬ, teh‸ kʼoˆ leh yawˇ ve yaˇ paˍ uiˍ hta‸ Geˍraˍsonˍ teh‸ meh piˇ ve yoˬ. 4Yawˇ kʼaw‸ kʼoˆ ve, Ngaˬ pa ve Gʼuiˬsha lehˬ ngaˬ hta‸ Eˇjiˇtu‸ jawˇmawˇ ve la‸ sheh hkʼaw ponˬ laˇ ve yoˬ, teh‸ kʼoˆ leh yaˇ paˍ nyiˇ gʼaˇ teˇ gʼaˇ hta‸ Eˇliˇzaˬ teh‸ meh piˇ ve yoˬ.) 5Yeˍtaˍroˍ lehˬ, Moˉseˍ miˇ ma leh yawˇ ve yaˇ paˍ nyiˇ gʼaˇ hta‸ shiˍ veu leh, da‸ kehˬ ve hkʼaw hkʼoˆ lo deh chehˇ taˍ ve Moˉseˍ geh kʼai ve yoˬ. 6Yawˇ laˬ chehˇ ve awˬ lawn, chaw hta‸ hpehˇ leh Moˉseˍ hta‸ ca kʼoˆ piˇ tcuh ve yoˬ. 7Oˇ htaˇ, Moˉseˍ lehˬ yawˇ ve awˬ puˍ hta‸ ca hpuˇ da‸ tuˬ tawˆ kʼai leh, yawˇ hta‸ boˆ nu piˇ ve yoˬ. Yawˇ hui la‸ sheh caˉ leh tawˇ yaw da‸ peuˬ hkʼaw‸ nawˉ, Moˉseˍ ve aˉ po kʼo hkʼaw lo‸-e ve yoˬ. 8Gʼuiˬsha lehˬ, Iˉsaˍreˍlaˆ chaw hui hta‸ ponˬ piˇ tuˬ Eˇjiˇtu‸ chaw hui hta‸ hkʼaˬ hkʼe te piˇ taˍ ve awˬ lawn maˇ kʼoˆ, ya‸ kʼaw kʼaˉ lo haˍ ve awˬ ceuˬ hta‸ gʼa hpuˇ leh Gʼuiˬsha yawˇ hui hta‸ hkʼaˬ hkʼe te ponˬ piˇ ve awˬ lawn maˇ kʼoˆ, Moˉseˍ yawˇ ve awˬ puˍ hta‸ hto maˍ piˇ ve yoˬ. 9Awˬ lawn oˇ ve teˇ hpaˍ hta‸ Yeˍtaˍroˍ gʼa kaˇ ve teˇ yanˇ, yawˇ ha lehˬ jaˇ leh kʼoˆ ve, 10Eˇjiˇtu‸ jawˇmawˇ la‸ sheh hkʼaw lo nawˬ hui hta‸ ponˬ laˇ shehˍ hpaˇ Gʼuiˬsha hta‸ chiˇ mvuh-o. 11Gʼuiˬsha chi lehˬ, awˬ kaˍ awˬ nu ve gʼuiˬsha teˇ hpaˍ a‸ kehˉ uiˍ jaˇ ve hta‸ chi beu‸ ngaˬ gʼa shiˍ peuˬ. Awˬ lawn kʼo, yawˇ lehˬ nawˬ hui hta‸ gʼaˇ hte‸ fawˉ mehˍ laˇ chehˇ ve Eˇjiˇtu‸ chaw hui ve la‸ sheh hkʼaw lo nawˬ hui hta‸ ponˬ laˇ taˍ peuˬ, teh‸ kʼoˆ ve yoˬ. 12Oˇ ve hkʼaw‸ nawˉ, Yeˍtaˍroˍ lehˬ Gʼuiˬsha hta‸ tuˉ tanˇ tuˬ ve awˬ ceuˬ teˇ hpaˍ yuˬ laˬ ve yoˬ. Aˍronˍ leh Iˉsaˍreˍlaˆ chaw awˬ hoˉ awˬ naˬ hkʼa peu-eˬ htawˇ hpawnˬ laˬ leh, Gʼuiˬsha mehˆ gʼuˇ suhˍ Yeˍtaˍroˍ geh teˇ geh hti caˇ hti dawˬ ve yoˬ.
Suhˉ jehˬ shehˍ hpaˇ teˇ hpaˍ hta‸ leuˆ yuˬ ve
13Shawˉ pawˍ teˇ nyi Moˉseˍ lehˬ, mvuhˇ shawˉ htaˇ ka‸ te leh mvuhˇ hpeu‸ htaˇ hkʼa gaˬ Iˉsaˍreˍlaˆ chaw hui hta‸ suhˉ jehˬ piˇ ve yoˬ. 14Yawˇ oˇ hkʼe te chehˇ ve hta‸ Yeˍtaˍroˍ gʼa mawˬ ve teˇ yanˇ, Nawˬ lehˬ chaw chi teˇ hpaˍ hta‸ aˬ hto‸ ma te piˇ chehˇ ve le. Aˬ hto‸ ma pa taw nawˬ teˇ gʼaˇ tiˉ chehˇ taˍ leh, awˬ nu ve chaw teˇ hpaˍ mvuhˇ shawˉ htaˇ ka‸ te leh mvuhˇ hpeu‸ la htaˇ hkʼa gaˬ nawˬ paˇ lo ceh tiˉ hpoˆ chehˇ taˍ ve le, teh‸ Moˉseˍ hta‸ na nyi ve yoˬ.
15Oˇ htaˇ Moˉseˍ kʼoˆ ve, Chaw chi teˇ hpaˍ Gʼuiˬsha ve a loˍ hta‸ ca tuˬ ngaˬ geh laˬ ve yoˬ. 16Yawˇ hui awˬ hkʼaw lo ya‸ da‸ jiˆ da‸ ve awˬ ceuˬ cawˬ la ve kʼo, ngaˬ geh laˬ leh ngaˬ yawˇ hui hta‸ suhˉ jehˬ piˇ ve yoˬ. Ngaˬ yawˇ hui hta‸ Gʼuiˬsha ve awˬliˇtawˇhkawˇ maˍ piˇ ve yoˬ, teh‸ yawˇ hta‸ kʼaw‸ yaw hkʼaw‸ piˇ ve yoˬ.
17Oˇ htaˇ Yeˍtaˍroˍ kʼoˆ ve, Nawˬ te ve kanˉ chi a ciˉ maˇ cawˇ sheˍ. 18Chi hkʼe tiˉ te ve kʼo, nawˬ awˬ to ka‸, choˬ kaˬ lo huˉ chehˇ ve chaw hkʼa peu-eˬ ka‸ hkeu‸ leh tu‸ hkanˍ jaˇ ve yoˬ. Kanˉ chi lehˬ, nawˬ teˇ gʼaˇ ceh tiˉ te gʼa tuˬ ve kanˉ maˇ heˆ. 19Chi hta‸ pa taw, chi beu‸ ngaˬ dawˇ hkʼaˇ pe‸ laˇ ve hkʼe te-o. Gʼuiˬsha nawˬ geh chehˇ tuˬ yoˬ. Nawˬ lehˬ, chaw yaˇ leh Gʼuiˬsha awˬ kaˍ lo awˬ tan te shehˍ hpaˇ hpeh‸ leh, yawˇ hui loˍ ve awˬ ceuˬ Gʼuiˬsha geh yuˬ kʼai piˇ cawˇ ve yoˬ. 20Nawˬ lehˬ, yawˇ hui hta‸ Gʼuiˬsha ve awˬliˇtawˇhkawˇ maˍ piˇ ve awˬ hkʼoˆ, yawˇ hui hkʼaˬ hkʼe a sha‸ te‸ cawˇ ve leh, hkʼaˬ hkʼe te keunˍ ve awˬ hkʼaˇ maˍ piˇ cawˇ ve yoˬ. 21Chi hkʼe te gʼa tuˬ, nawˬ hui awˬ hkʼaw lo cuˇ yiˍ cawˬ ve chaw, Gʼuiˬsha hta‸ kawˆ ve chaw, hteˇ ve cawˇ ve chaw leh yonˍ hpeh‸ ve chaw hui hta‸ leuˆ yuˬ leh, yawˇ hui hta‸ chaw teˇ hinˉ gʼaˇ, teˇ ha gʼaˇ, ngaˇ chi gʼaˇ, teˇ chi gʼaˇ awˬ hkʼoˆ awˬ hoˉ te tcuh-o. 22Yawˇ hui lehˬ, chaw yaˇ teˇ hpaˍ hta‸ suhˉ jehˬ shehˍ hpaˇ te piˇ lawˬ-o‸. A ciˉ haˍ ve kanˉ teˇ hpaˍ kʼo, nawˬ geh yuˬ laˬ tcuh leh, maˇ haˍ ve kanˉ teˇ hpaˍ kʼo, yawˇ hui hkʼaˇ yawˇ hui te peuˬ piˇ lawˬ-o‸. Chi hkʼe te ve kʼo, yawˇ hui nawˬ hta‸ ga laˇ leh nawˬ ve kanˉ a ciˉ lawˬ la tuˬ yoˬ. 23Chi hkʼe te kʼai ve kʼo, nawˬ ka‸ maˇ heuˬ leh, chaw yaˇ teˇ hpaˍ htawˇ gawˬ lehˍ ve hkʼaw a shu yawˇ ve yehˬ lo kʼo‸-e hpeh‸ tuˬ yoˬ, teh‸ kʼoˆ piˇ ve yoˬ.
24Moˉseˍ lehˬ, yawˇ awˬ puˍ kʼoˆ ve tawˇ hta‸ na yuˬ leh yawˇ kʼoˆ ve hkʼe te ve yoˬ. 25Iˉsaˍreˍlaˆ chaw awˬ hkʼaw lo, dawˇ hkʼaˇ cawˬ leh te puiˉ te gʼa ve chaw teˇ hpaˍ hta‸ leuˆ yuˬ leh, chaw teˇ hinˉ gʼaˇ, teˇ ha gʼaˇ, ngaˇ chi gʼaˇ, teˇ chi gʼaˇ awˬ hkʼoˆ awˬ hoˉ te tcuh ve yoˬ. 26Yawˇ hui lehˬ, suhˉ jehˬ shehˍ hpaˇ hkʼa shuˍ, chaw oˇ ve teˇ hpaˍ hta‸ suhˉ taˆ piˇ ve yoˬ. A ciˉ haˍ ve kanˉ teˇ hpaˍ yawˇ hui Moˉseˍ geh yuˬ kʼai leh, maˇ haˍ ve kanˉ teˇ hpaˍ yawˇ hui hkʼaˇ yawˇ hui te peuˬ kʼai ve yoˬ.
27Oˇ ve hkʼaw‸ nawˉ, Moˉseˍ yawˇ ve awˬ puˍ hta‸ kʼo‸-e tcuh leh, Yeˍtaˍroˍ lehˬ yawˇ ve mvuhˇmiˬ lo kʼaw‸ kʼo‸-e ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.