Tcuh yaˇ li‸ 7
7
Saˍteˍhpanˍ bon maˍ leh gʼa suh ve
1Oˇ htaˇ paw hkuˇ lonˉ kʼoˆ ve, Chi hkʼe yoˬ laˇ teh‸, Saˍteˍhpanˍ hta‸ na nyi ve yoˬ.
2Saˍteˍhpanˍ kʼaw‸ kʼoˆ ve, Awˬ viˉ awˬ nyi leh awˬ pa hui-oˬ, a ciˉ na sheˍ. Ngaˬ hui ve awˬ pa Aˍbraˍhanˍ lehˬ, Haˍranˍ venˇ lo maˇ ca chehˇ sheˍ awˬ gʼuˇ suhˍ, Meˍsoˇpoˇtaˍmiˆ mvuhˇmiˬ awˬ hkʼaw lo chehˇ htaˇ, awˬ me‸ awˬ hponˇ uiˍ ve Gʼuiˬsha yawˇ geh tawˆ la leh kʼoˆ piˇ ve, 3Nawˬ ve mvuhˇmiˬ leh nawˬ ve chaw ceuˬ teˇ hpaˍ lo tawˆ kʼai leh, ngaˬ nawˬ hta‸ maˍ laˇ tuˬ ve mvuhˇmiˬ lo kʼai-o teh‸, yawˇ hta‸ kʼoˆ piˇ ve yoˬ. 4Oˇ htaˇ, yawˇ Hkaˍlaˍdehˇ mvuhˇmiˬ lo tawˆ kʼai leh, Haˍranˍ venˇ lo ca chehˇ ve yoˬ. Yawˇ ve awˬ pa suh peuˬ hkʼaw‸ nawˉ, Gʼuiˬsha yawˇ hta‸ oˇ kaˬ lo kʼaw‸ tawˆ la tcuh leh, chi beu‸ nawˬ hui chehˇ taˍ ve mvuhˇmiˬ chi awˬ hkʼaw lo jiˆ laˬ tcuh ve yoˬ. 5Mvuhˇmiˬ chi awˬ hkʼaw lo yawˇ hta‸ awˬ shinˉ hkui taw kʼaw hui ka‸ maˇ piˇ. Ya‸ hkʼaˇ, yawˇ yaˇ maˇ cawˬ sheˍ htaˇ ka‸, mvuhˇmiˬ chi yawˇ hta‸ ka‸ yawˇ ve awˬ yaˇ awˬ duˬ hui hta‸ ka‸ piˇ tuˬ yoˬ teh‸, Gʼuiˬsha yawˇ hta‸ kʼoˆ piˇ taˍ ve yoˬ. 6Gʼuiˬsha chi hkʼe kʼoˆ ve, Aˍbraˍhanˍ ve awˬ yaˇ awˬ duˬ hui lehˬ, shu ve mvuhˇmiˬ awˬ hkʼaw lo hkehˉ chaw gʼa te leh, mvuhˇmiˬ yaˇ oˇ ve teˇ hpaˍ awˬ hawˉ lo yawˇ hui awˇ ha hkʼaw‸ hkʼa gaˬ awˬ ceˬ gʼa te leh fawˉ ve mehˍ ve hta‸ gʼa hkanˍ tuˬ yoˬ. #Ahkp 15:13 7Yawˇ hui hta‸ awˬ ceˬ te tcuh ve chaw ceuˬ hta‸ ngaˬ suhˉ jehˬ leh ciˍ yanˍ piˇ tuˬ yoˬ. Oˇ ve awˬ hkʼaw‸ nawˉ, yawˇ hui tawˆ la leh choˬ kaˬ lo ngaˬ hta‸ oˉ kʼoˍ pui tuˬ yoˬ teh‸, Gʼuiˬsha kʼoˆ taˍ ve yoˬ. #Taw 3:12 8Awˬ guiˬ meuˇ shoˍ ve hta‸ caˉ da‸ ve ka ti‸ shaˉ caˆ htawˇ Aˍbraˍhanˍ hta‸ piˇ ve yoˬ. Hkʼe te leh, yawˇ ve yaˇ paˍ Iˉcaˆ paw la leh, hiˉ nyi teˇ nyi gaˬ htaˇ, yawˇ hta‸ awˬ guiˬ meuˇ shoˍ piˇ ve yoˬ. Iˉcaˆ lehˬ yawˇ ve yaˇ paˍ Yaˍkoˆ paw la leh, Yaˍkoˆ htawˇ yawˇ ve awˬ yaˇ teˇ hpaˍ paw la ve yoˬ. Yawˇ hui lehˬ, awˬ puˍ lonˉ teˇ chi nyiˇ gʼaˇ hpeh‸ la ve yoˬ.
9Awˬ puˍ lonˉ teˇ hpaˍ lehˬ, Yoˇseh‸ hta‸ hkawehˉ ve pa taw, Eˇjiˇtu‸ mvuhˇ miˬ lo yawˇ hta‸ hawˇ baˬ ve yoˬ. Ya‸ hkʼaˇ, Gʼuiˬsha yawˇ geh chehˇ leh, 10yawˇ gʼa tu‸ gʼa hkanˍ ve hkʼa peu-eˬ awˬ hkʼaw lo yawˇ hta‸ ponˬ piˇ ve yoˬ. Eˇjiˇtu‸ hkunˉ hawˉ hkanˇ Hpaˍrawˇ mehˆ gʼuˇ suhˍ Yoˇseh‸ kʼai htaˇ, Gʼuiˬ sha yawˇ hta‸ awˬ bon awˬ shinˉ leh cuˇ yiˍ maˍ yiˍ piˇ ve pa taw, hkunˉ hawˉ hkanˇ lehˬ, Eˇjiˇtu‸ mvuhˇmiˬ hkʼa peu-eˬ leh yawˇ ve hawˉ yehˬ ka‸ Yoˇseh‸ hta‸ uˉ peunˍ tcuh ve yoˬ. 11Oˇ htaˇ, Eˇjiˇtu‸ mvuhˇmiˬ leh Hkaˍnanˍ mvuhˇmiˬ hkʼa peu-eˬ awˬ hkʼaw lo meu‸ ve kaˆ ve gaˬ la leh, tu‸ jaˇ hkanˍ jaˇ ve yoˬ. Hkʼe te leh, nyiˬ hui ve awˬ puˍ lonˉ teˇ hpaˍ lehˬ, caˇ tuˬ ca maˇ gʼa ve yoˬ. 12Ya‸ hkʼaˇ, Eˇjiˇtu‸ mvuhˇmiˬ awˬ hkʼaw lo caˬ shiˍ cawˬ ve teh‸ Yaˍkoˆ gʼa kaˇ htaˇ, nyiˬ hui ve awˬ puˍ lonˉ teˇ hpaˍ hta‸ awˉ lawˉ teˇ pawˆ yawˇ peu kʼai ve yoˬ. 13Yawˇ hui nyiˇ pawˆ teˇ pawˆ kʼaw‸ kʼai htaˇ, Yoˇseh‸ lehˬ yawˇ awˬ viˉ awˬ nyi teˇ hpaˍ hta‸ yawˇ awˬ to shiˍ piˇ leh, Hpaˍrawˇ htawˇ Yoˇseh‸ ve awˬ ceuˬ awˬ hkʼaˇ hta‸ gʼa shiˍ ve yoˬ. 14Oˇ htaˇ Yoˇseh‸ lehˬ, awˬ pa Yaˍkoˆ leh yawˇ ve awˬ ceuˬ awˬ hkʼaˇ hkʼa peu-eˬ hta‸ ca shiˍ laˬ tcuh ve yoˬ. Yawˇ hui chaw hkʼa peu-eˬ suhˍ chi ngaˇ gʼaˇ cawˬ ve yoˬ. 15Yaˍkoˆ htawˇ Eˇjiˇtu‸ mvuhˇmiˬ lo kʼai leh, yawˇ awˬ to ka‸, ngaˬ hui ve awˬ puˍ lonˉ hui kaˬ oˇ kaˬ lo suh peuˬ ve yoˬ. 16Yawˇ hui hta‸ Sheˍhkenˍ venˇ lo taˆ kʼo‸-e leh, Sheˍhkenˍ venˇ yaˇ Haˍmawˍ ve awˬ yaˇ awˬ duˬ hui geh Aˍbraˍhanˍ hpu piˇ leh vuiˬ taˍ ve tuˍ hpfuh lo ca tuˍ ve yoˬ.
17Gʼuiˬsha Aˍbraˍhanˍ hta‸ kʼoˆ piˇ taˍ ve awˬ yanˇ biˇ la paˇ neˇ htaˇ, Eˇjiˇtu‸ mvuhˇmiˬ awˬ hkʼaw lo nyiˬ hui ve chaw ceuˬ uiˍ la maˇ la ve yoˬ. 18Yoˇseh‸ hta‸ maˇ shiˍ ve hkunˉ hawˉ hkanˇ teˇ gʼaˇ tawˆ la htaˇ hkʼa gaˬ, yawˇ hui maˇ la chehˇ ve yoˬ. 19Jawˇmawˇ oˇ ve lehˬ, nyiˬ hui ve chaw ceuˬ hta‸ cuˇ yiˍ te leh, yaˇ ehˉ teˇ hpaˍ maˇ gʼa te‸ tuˬ, nyiˬ hui ve awˬ puˍ lonˉ hui hta‸ fawˉ mehˍ leh yaˇ ehˉ teˇ hpaˍ hta‸ yuˬ baˬ tcuh ve yoˬ. 20Oˇ htaˇ, Gʼuiˬsha mehˆ gʼuˇ suhˍ nyi sha jaˇ ve Moˉseˍ teˇ gʼa paw la ve yoˬ. Ha pa sheh lehˇ hkʼa gaˬ awˬ pa ve aˉ hkʼaw lo yawˇ hta‸ hu taˍ ve yoˬ. 21Awˬ hkʼaw‸ nawˉ yawˇ hta‸ ca baˬ taˍ ve teˇ yanˇ, Hpaˍrawˇ ve yaˇ miˇ yawˇ hta‸ gʼawˆ yuˬ leh yawˇ ve yaˇ hkʼe shawˍ leh hu taˍ ve yoˬ. 22Moˉseˍ lehˬ Eˇjiˇtu‸ chaw hui ve cuˇ yiˍ hkʼa peu-eˬ hta‸ gʼa henˇ leh, tawˇ yaw ve awˬ hkʼaw lo maˇ kʼoˆ, kanˉ te ve awˬ hkʼaw lo maˇ kʼoˆ, awˬ gʼaˇ uiˍ jaˇ ve yoˬ.
23Yawˇ a sha‸ awˇ chi hkʼaw‸ gaˬ htaˇ, yawˇ ve awˬ viˉ awˬ nyi Iˉsaˍreˍlaˆ chaw ceuˬ hta‸ ca nyi tuˬ, yawˇ nyi ma hkʼaw dawˇ tawˆ la ve yoˬ. 24Yawˇ ve chaw ceuˬ teˇ gʼaˇ hta‸ shu fawˉ mehˍ chehˇ ve hta‸ yawˇ gʼa mawˬ htaˇ, yawˇ ve chaw hta‸ ga piˇ leh, fawˉ mehˍ chehˇ ve Eˇjiˇtu‸ chaw hta‸ te hkʼaw‸ piˇ leh tiˇ pehˍ ve yoˬ. 25Gʼuiˬsha yawˇ hta‸ cuˇ leh, yawˇ ve chaw ceuˬ hta‸ htaiˍ hkʼaw‸ piˇ chehˇ ve awˬ lawn awˬ viˉ awˬ nyi teˇ hpaˍ shiˍ-aw hehˉ teh‸ Moˉseˍ dawˇ ve htawˇ, yawˇ hui maˇ shiˍ. 26Awˬ hkʼaw‸ nawˉ teˇ nyi yawˇ ve chaw ceuˬ nyiˇ gʼaˇ ya‸ da‸ chehˇ ve hta‸ gʼa mawˬ leh, Awˬ chawˇ hui-oˬ, nawˬ huiˉ maˬ lehˬ awˬ viˉ awˬ nyi hpeh‸ ve yoˬ. Aˬ hto‸ ma pa taw teˇ gʼaˇ hta‸ teˇ gʼaˇ ya‸ da‸ ve le teh‸ kʼoˆ leh, yawˇ huiˉ maˬ kʼaw‸ cawˇ da‸ la tuˬ hka piˇ ve yoˬ. 27Yawˇ ve awˬ chawˇ hta‸ ya‸ shehˍ hpaˇ teˇ gʼaˇ kʼaw‸ kʼoˆ ve, Ngaˬ hui awˬ hkʼoˆ hta‸ jawˇmawˇ leh suhˉ jehˬ shehˍ hpaˇ te tuˬ, a shu nawˬ hta‸ teh taˍ ve le. 28Aˉ nyi htaˇ Eˇjiˇtu‸ chaw hta‸ nawˬ tiˇ pehˍ ve hkʼe, ngaˬ hta‸ ka‸ tiˇ pehˍ gaˇ ve laˇ teh‸ kʼoˆ leh, Moˉseˍ hta‸ ca‸ baˬ ve yoˬ. #Taw 2:14 29Tawˇ hkawˇ oˇ ve hta‸ Moˉseˍ gʼa kaˇ htaˇ, yawˇ Meˇdiˍanˍ mvuhˇmiˬ lo ca hpaw chehˇ ve yoˬ. Yawˇ oˇ kaˬ lo chehˇ htaˇ, yaˇ paˍ nyiˇ gʼaˇ cawˬ la ve yoˬ.
30Awˇ chi hkʼaw‸ ponˬ peuˬ hkʼaw‸ nawˉ, Siˉnaˆ hkʼaw awˬ paˇ lo cawˬ ve heh puiˉ hkʼaw lo aˉ chuˇ buiˇ aˬ miˍ to‸ chehˇ leh, aˬ miˍ ha oˇ ve awˬ hkʼaw lo mvuhˇ naw ma tcuh yaˇ teˇ gʼaˇ hta‸ yawˇ gʼa mawˬ ve yoˬ. 31Moˉseˍ oˇ ve hta‸ gʼa mawˬ htaˇ, yawˇ anˇ leh, hkʼa deh‸ nyi tuˬ awˬ paˇ lo jiˆ kʼai ve yoˬ. 32Jawˇmawˇ Gʼuiˬsha ve awˬ hkawˇ tawˆ la leh, Ngaˬ lehˬ nawˬ ve awˬ puˍ lonˉ hui ve Gʼuiˬsha, Aˍbraˍhanˍ, Iˉcaˆ, Yaˍkoˆ hui ve Gʼuiˬsha hpeh‸ ve yoˬ teh‸ kʼoˆ piˇ ve yoˬ. #Taw 3:6 Oˇ htaˇ Moˉseˍ kawˆ cheˆ leh nyi maˇ haˆ. 33Jawˇmawˇ Gʼuiˬsha yawˇ hta‸ kʼoˆ piˇ ve, Nawˬ ve hkuiˉ nuˆ kʼehˆ-oˆ. Awˬ lawn kʼo, nawˬ huˉ taˍ ve chehˇ kuiˬ lehˬ, da‸ kehˬ ve miˬguiˬ hpeh‸ ve yoˬ. 34Eˇjiˇtu‸ mvuhˇmiˬ awˬ hkʼaw lo ngaˬ ve chaw ceuˬ hta‸ shu fawˉ mehˍ chehˇ ve hta‸ ngaˬ hkʼa deh‸ gʼa mawˬ leh, yawˇ hui hkʼanˇ ve awˬ hkawˇ hta‸ htawˇ ngaˬ gʼa kaˇ ve yoˬ. Yawˇ hui hta‸ ponˬ piˇ tuˬ ngaˬ ya‸ la peuˬ. Chi beu‸ laˬ-o‸. Ngaˬ nawˬ hta‸ Eˇjiˇtu‸ mvuhˇmiˬ lo kʼai tcuh laˇ tuˬ yoˬ teh‸ kʼoˆ piˇ ve yoˬ. #Taw 3:5-10
35Moˉseˍ chi teˇ gʼaˇ hta‸ yawˇ hui baˬ taˉ leh kʼoˆ ve, Jawˇmawˇ leh suhˉ jehˬ shehˍ hpaˇ te tuˬ a shu nawˬ hta‸ teh taˍ ve le. Ya‸ hkʼaˇ, yawˇ jawˇmawˇ leh htaiˍ hkʼaw‸ paˍ hpeh‸ la tuˬ, aˉ chuˇ buiˇ awˬ hkʼaw lo yawˇ gʼa mawˬ ve mvuhˇ naw ma tcuh yaˇ hta‸ Gʼuiˬsha cuˇ leh, Moˉseˍ hta‸ kʼai tcuh ve yoˬ. 36Moˉseˍ lehˬ, Iˉsaˍreˍlaˆ chaw hui hta‸ sheh tawˆ-e ve yoˬ. Eˇjiˇtu‸ mvuhˇmiˬ awˬ hkʼaw lo maˇ kʼoˆ, Laˇ tsuhˇ gʼuiˬ nyi awˬ hkʼaw lo maˇ kʼoˆ, awˇ chi hkʼaw‸ hkʼa gaˬ heh puiˉ hkʼaw lo maˇ kʼoˆ, yawˇ anˇ tuˬ leh awˬ heˆ teˇ hpaˍ hta‸ te ve yoˬ. 37Moˉseˍ chi teˇ gʼaˇ lehˬ, Nawˬ hui ve awˬ ceuˬ awˬ hkʼaˇ awˬ hkʼaw lo ngaˬ hta‸ shuˍ ve tcuh kaˍ paˍ teˇ gʼaˇ nawˬ hui awˬ pon Gʼuiˬsha peu laˇ tuˬ yoˬ teh‸, Iˉsaˍreˍlaˆ chaw hui hta‸ hto piˇ taˍ ve chaw teˇ gʼaˇ hpeh‸ ve yoˬ. #Bon 18:15-18 38Moˉseˍ chi teˇ gʼaˇ lehˬ, Siˉnaˆ hkʼaw hkʼoˆ lo yawˇ hta‸ tawˇ yaw piˇ ve mvuhˇ naw ma tcuh yaˇ geh maˇ kʼoˆ, ngaˬ hui awˬ puˍ lonˉ teˇ hpaˍ geh maˇ kʼoˆ, heh puiˉ hkʼaw lo ve awˬ moˍ awˬ hkʼaw lo chehˇ ve chaw teˇ gʼaˇ hpeh‸ ve yoˬ. Ngaˬ hui hta‸ pe‸ laˇ tuˬ, yawˇ lehˬ te‸ chehˇ ve tawˇ hkawˇ hta‸ ha‸ yuˬ ve yoˬ.
39Ngaˬ hui ve awˬ puˍ lonˉ teˇ hpaˍ lehˬ, yawˇ ve tawˇ hkawˇ hta‸ maˇ na yuˬ leh yawˇ hta‸ chiˇ baˬ ve yoˬ. Yawˇ hui lehˬ Eˇjiˇtu‸ mvuhˇmiˬ lo kʼo‸-e gaˇ ve nyi ma tiˉ cawˬ ve yoˬ. 40Yawˇ hui Aˍronˍ hta‸ kʼoˆ piˇ ve, Awˬ gʼuˇ suhˍ lo ngaˬ hui hta‸ sheh kʼai laˇ tuˬ, ngaˬ hui awˬ pon gʼuiˬsha teˇ hpaˍ te laˇ-oˆ. Awˬ lawn kʼo, ngaˬ hui hta‸ Eˇjiˇtu‸ mvuhˇmiˬ hkʼaw sheh tawˆ la ve Moˉseˍ teˇ gʼaˇ hkʼaˬ hkʼe hpeh‸ leh naˍ, ngaˬ hui maˇ shiˍ teh‸ kʼoˆ piˇ ve yoˬ. #Taw 32:1 41Awˬ nyi awˬ haˉ oˇ ve awˬ hkʼaw lo yawˇ hui lehˬ, nuˇ ehˉ awˬ han shaˉ ho‸ teˇ maˬ te leh oˇ ve hta‸ tanˇ tuˬ tanˇ piˇ leh, yawˇ hui la‸ sheh te taˍ ve kanˉ hta‸ ha lehˬ chehˇ ve yoˬ. 42Ya‸ hkʼaˇ, Gʼuiˬsha yawˇ hui hta‸ hpfuhˆ kʼai leh, meu‸ keu shiˍ teˇ hpaˍ hta‸ oˉ kʼoˍ pui tuˬ yawˇ hui hta‸ hpehˇ piˇ ve yoˬ. Chi hkʼa shuˍ shuˍ, Gʼuiˬsha ve tcuh kaˍ paˍ hui ve li‸ awˬ hkʼaw lo chi hkʼe bvuh‸ taˍ ve,
Iˉsaˍreˍlaˆ chaw teˇ yehˬ-oˬ, nawˬ hui heh puiˉ hkʼaw lo awˇ chi hkʼaw‸ chehˇ htaˇ,
to nuˇ to shaˆ teˇ hpaˍ tiˇ tanˇ leh awˬ kaˍ awˬ nu tanˇ tuˬ teˇ hpaˍ ngaˬ hta‸ tanˇ laˇ ve laˇ.
43Nawˬ hui oˉ kʼoˍ pui tuˬ awˬ pon te taˍ ve Mawˇloˆ shaˉ ho‸ ve hpa aˉ po kʼo leh,
Reˍhpanˍ gʼuiˬsha ve meu‸ keu shiˍ hta‸ nawˬ hui taˍ uiˍ leh taˆ toˇ ve yoˬ.
Hkʼe te leh, ngaˬ nawˬ hui hta‸ Baˍbuˍlonˍ venˇ coˇ paˉ hkʼa gaˬ shiˍ kʼai tuˬ yoˬ teh‸ bvuh‸ taˍ ve yoˬ. #Amo 5:25-27
44Ngaˬ hui ve awˬ puˍ lonˉ teˇ hpaˍ lehˬ, heh puiˉ hkʼaw lo ka ti‸ shaˉ caˆ hpa aˉ po kʼo cawˬ ve yoˬ. Moˉseˍ yawˇ awˬ hkʼaˇ hta‸ gʼa mawˬ ve hkʼa shuˍ shuˍ gʼa te ve teh‸, Gʼuiˬsha kʼoˆ piˇ taˍ ve hkʼe yawˇ te taˍ ve hpa aˉ po kʼo hpeh‸ ve yoˬ. 45Ngaˬ hui ve awˬ puˍ lonˉ teˇ hpaˍ mehˆ gʼuˇ suhˍ Gʼuiˬsha lehˬ buiˇshaˆaˉnaˆ chaw hui hta‸ gʼa‸ kʼoˬ peuˬ hkʼaw‸ nawˉ, ngaˬ hui ve awˬ puˍ lonˉ hui lehˬ, Yawˇsuˆ geh teˇ geh mvuhˇmiˬ chi awˬ hkʼaw lo lo‸ la htaˇ, hpa aˉ po kʼo oˇ ve hta‸ yuˬ lo‸ la ve yoˬ. Hpa aˉ po kʼo oˇ ve lehˬ, Daˍviˆ ve awˬ co-e htaˇ hkʼa gaˬ cawˬ taˍ ve yoˬ. 46Daˍviˆ lehˬ, Gʼuiˬsha nyi ma cawˇ ve chaw hpeh‸ leh Yaˍkoˆ ve Gʼuiˬsha awˬ pon chehˇ kuiˬ yehˬ te tuˬ a hkaw-anˬ lawˬ ve htawˇ, 47Gʼuiˬsha awˬ pon yehˬ gʼa te ve teˇ gʼaˇ lehˬ Sawˉla‸monˍ yoˬ.
48Ya‸ hkʼaˇ, uiˍ jaˇ mvuh jaˇ ve Gʼuiˬsha lehˬ, chaw yaˇ la‸ sheh te taˍ ve yehˬ awˬ hkʼaw lo chehˇ ve maˇ heˆ. Gʼuiˬsha ve tcuh kaˍ paˍ kʼoˆ taˍ ve hkʼe,
49Mvuhˇ naw ma lehˬ, ngaˬ ve kʼaw jaw hpeh‸ ve yoˬ.
Miˬguiˬ lehˬ ngaˬ hkui sheh taˍ kuiˬ hpeh‸ ve yoˬ.
Ngaˬ awˬ pon nawˬ hui hkʼaˬ hkʼe ve yehˬ te tuˬ ve le.
Ngaˬ jehˇ tuˬ ve chehˇ kuiˬ hkʼaˬ ve teˇ kaˬ le.
50Chi hkʼa peu-eˬ hta‸ ngaˬ ve la‸ sheh te taˍ ve maˇ heˆ laˇ teh‸, Jawˇmawˇ Gʼuiˬsha kʼoˆ ve yoˬ.#Isy 66:1-2
51Kʼawˍ peˍ heh ve chaw, nyi ma leh naˍ paw awˬ guiˬ meuˇ maˇ shoˍ ve chaw teˇ hpaˍ-oˬ, nawˬ hui hkʼaˬ htaˆ ka‸ da‸ ve kehˬ ve Awˬ ha hpu hta‸ tawˍ taˍ ve yoˬ. Nawˬ hui ve awˬ puˍ lonˉ teˇ hpaˍ te ve hkʼe, nawˬ hui htawˇ te chehˇ ve yoˬ. 52Nawˬ hui ve awˬ puˍ lonˉ teˇ hpaˍ maˇ fawˉ maˇ mehˍ piˇ ve, Gʼuiˬsha ve tcuh kaˍ paˍ hkʼaˬ ve teˇ gʼaˇ cawˬ le. Hteˇ ve cawˇ ve chaw teˇ gʼaˇ laˬ tuˬ ve awˬ lawn hto piˇ ve chaw hui hta‸ yawˇ hui tiˇ pehˍ ve yoˬ. Chi beu‸ htawˇ, hteˇ ve cawˇ ve chaw oˇ ve teˇ gʼaˇ hta‸ nawˬ hui chiˇ a‸ leh tiˇ pehˍ peuˬ. 53Mvuhˇ naw ma tcuh yaˇ hui ve la‸ sheh awˬ hkʼaw lo awˬliˇtawˇhkawˇ hta‸ nawˬ hui gʼa taˍ ve ka‸, nawˬ hui maˇ na yuˬ teh‸ yawˇ hui hta‸ kʼoˆ piˇ ve yoˬ.
Saˍteˍhpanˍ hta‸ haˉ pui baˬ pehˍ ve
54Tawˇ hkawˇ chi teˇ hpaˍ hta‸ chaw chi ma ve gʼa kaˇ htaˇ, yawˇ hui yawˇ hta‸ nyi ma zuhˆ jaˇ leh, ciˬ geu‸ ve yoˬ. 55Oˇ htaˇ Saˍteˍhpanˍ lehˬ, da‸ ve kehˬ ve Awˬ ha hpu hkʼa biˇ cawˬ leh, mvuhˇ naw ma lo chiˇ nyi ve teˇ yanˇ, Gʼuiˬsha ve awˬ me‸ awˬ hponˇ hta‸ ka‸, Gʼuiˬsha ve la‸ sha paˉ lo Yeˍsuˆ huˉ chehˇ ve hta‸ ka‸ gʼa mawˬ leh kʼoˆ ve, Nyi loˬ. 56Mvuhˇ naw ma hpaw taˍ leh, Gʼuiˬsha ve la‸ sha paˉ lo chaw yaˇ ve Yaˇ hpu huˉ chehˇ ve hta‸ ngaˬ mawˬ ve yoˬ teh‸ yawˇ kʼoˆ ve yoˬ.
57Oˇ htaˇ, yawˇ hui gʼaˇ hte‸ kuˬ leh, a shu yawˇ ve naˍ paw tsuhˇ taˍ leh yawˇ hui hkʼa peu-eˬ teˇ geh Saˍteˍhpanˍ geh gʼuiˇ lo‸-e ve yoˬ. 58Peuˬ leh, venˇ awˬ baˬ lo yawˇ hta‸ gʼawˬ tawˆ-e leh, yawˇ hta‸ haˉ pui shiˍ ga hpoˆ baˬ ve yoˬ. Shaˉ hkiˆ hkanˍ shehˍ hpaˇ hui htawˇ, a shu yawˇ ve aˉ po‸ kʼehˆ leh Sawˉlu‸ meh ve chaw haˉ paˍ teˇ gʼaˇ ve hkui paˇ lo teh taˍ ve yoˬ. 59Yawˇ hui Saˍteˍhpanˍ hta‸ haˉ pui shiˍ ga baˬ chehˇ htaˇ, Saˍteˍhpanˍ bon lawˬ leh, Jawˇmawˇ Yeˍsuˆ-oˬ, ngaˬ ve co ha hta‸ ha‸ yuˬ laˇ-oˆ teh‸ kʼoˆ ve yoˬ. 60Oˇ htaˇ yawˇ hkui tcuhˉ teh leh, Jawˇ mawˇ-oˬ, venˇbaˆ chi yawˇ hui awˬ hkʼoˆ hta‸ taˇ taˍ teh‸, awˬ hkawˇ bvuhˬ chaweh kuˬ ve yoˬ. Chi hkʼe kʼoˆ peuˬ hkʼaw‸ nawˉ, yawˇ suh ve yoˬ.
Currently Selected:
Tcuh yaˇ li‸ 7: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tcuh yaˇ li‸ 7
7
Saˍteˍhpanˍ bon maˍ leh gʼa suh ve
1Oˇ htaˇ paw hkuˇ lonˉ kʼoˆ ve, Chi hkʼe yoˬ laˇ teh‸, Saˍteˍhpanˍ hta‸ na nyi ve yoˬ.
2Saˍteˍhpanˍ kʼaw‸ kʼoˆ ve, Awˬ viˉ awˬ nyi leh awˬ pa hui-oˬ, a ciˉ na sheˍ. Ngaˬ hui ve awˬ pa Aˍbraˍhanˍ lehˬ, Haˍranˍ venˇ lo maˇ ca chehˇ sheˍ awˬ gʼuˇ suhˍ, Meˍsoˇpoˇtaˍmiˆ mvuhˇmiˬ awˬ hkʼaw lo chehˇ htaˇ, awˬ me‸ awˬ hponˇ uiˍ ve Gʼuiˬsha yawˇ geh tawˆ la leh kʼoˆ piˇ ve, 3Nawˬ ve mvuhˇmiˬ leh nawˬ ve chaw ceuˬ teˇ hpaˍ lo tawˆ kʼai leh, ngaˬ nawˬ hta‸ maˍ laˇ tuˬ ve mvuhˇmiˬ lo kʼai-o teh‸, yawˇ hta‸ kʼoˆ piˇ ve yoˬ. 4Oˇ htaˇ, yawˇ Hkaˍlaˍdehˇ mvuhˇmiˬ lo tawˆ kʼai leh, Haˍranˍ venˇ lo ca chehˇ ve yoˬ. Yawˇ ve awˬ pa suh peuˬ hkʼaw‸ nawˉ, Gʼuiˬsha yawˇ hta‸ oˇ kaˬ lo kʼaw‸ tawˆ la tcuh leh, chi beu‸ nawˬ hui chehˇ taˍ ve mvuhˇmiˬ chi awˬ hkʼaw lo jiˆ laˬ tcuh ve yoˬ. 5Mvuhˇmiˬ chi awˬ hkʼaw lo yawˇ hta‸ awˬ shinˉ hkui taw kʼaw hui ka‸ maˇ piˇ. Ya‸ hkʼaˇ, yawˇ yaˇ maˇ cawˬ sheˍ htaˇ ka‸, mvuhˇmiˬ chi yawˇ hta‸ ka‸ yawˇ ve awˬ yaˇ awˬ duˬ hui hta‸ ka‸ piˇ tuˬ yoˬ teh‸, Gʼuiˬsha yawˇ hta‸ kʼoˆ piˇ taˍ ve yoˬ. 6Gʼuiˬsha chi hkʼe kʼoˆ ve, Aˍbraˍhanˍ ve awˬ yaˇ awˬ duˬ hui lehˬ, shu ve mvuhˇmiˬ awˬ hkʼaw lo hkehˉ chaw gʼa te leh, mvuhˇmiˬ yaˇ oˇ ve teˇ hpaˍ awˬ hawˉ lo yawˇ hui awˇ ha hkʼaw‸ hkʼa gaˬ awˬ ceˬ gʼa te leh fawˉ ve mehˍ ve hta‸ gʼa hkanˍ tuˬ yoˬ. #Ahkp 15:13 7Yawˇ hui hta‸ awˬ ceˬ te tcuh ve chaw ceuˬ hta‸ ngaˬ suhˉ jehˬ leh ciˍ yanˍ piˇ tuˬ yoˬ. Oˇ ve awˬ hkʼaw‸ nawˉ, yawˇ hui tawˆ la leh choˬ kaˬ lo ngaˬ hta‸ oˉ kʼoˍ pui tuˬ yoˬ teh‸, Gʼuiˬsha kʼoˆ taˍ ve yoˬ. #Taw 3:12 8Awˬ guiˬ meuˇ shoˍ ve hta‸ caˉ da‸ ve ka ti‸ shaˉ caˆ htawˇ Aˍbraˍhanˍ hta‸ piˇ ve yoˬ. Hkʼe te leh, yawˇ ve yaˇ paˍ Iˉcaˆ paw la leh, hiˉ nyi teˇ nyi gaˬ htaˇ, yawˇ hta‸ awˬ guiˬ meuˇ shoˍ piˇ ve yoˬ. Iˉcaˆ lehˬ yawˇ ve yaˇ paˍ Yaˍkoˆ paw la leh, Yaˍkoˆ htawˇ yawˇ ve awˬ yaˇ teˇ hpaˍ paw la ve yoˬ. Yawˇ hui lehˬ, awˬ puˍ lonˉ teˇ chi nyiˇ gʼaˇ hpeh‸ la ve yoˬ.
9Awˬ puˍ lonˉ teˇ hpaˍ lehˬ, Yoˇseh‸ hta‸ hkawehˉ ve pa taw, Eˇjiˇtu‸ mvuhˇ miˬ lo yawˇ hta‸ hawˇ baˬ ve yoˬ. Ya‸ hkʼaˇ, Gʼuiˬsha yawˇ geh chehˇ leh, 10yawˇ gʼa tu‸ gʼa hkanˍ ve hkʼa peu-eˬ awˬ hkʼaw lo yawˇ hta‸ ponˬ piˇ ve yoˬ. Eˇjiˇtu‸ hkunˉ hawˉ hkanˇ Hpaˍrawˇ mehˆ gʼuˇ suhˍ Yoˇseh‸ kʼai htaˇ, Gʼuiˬ sha yawˇ hta‸ awˬ bon awˬ shinˉ leh cuˇ yiˍ maˍ yiˍ piˇ ve pa taw, hkunˉ hawˉ hkanˇ lehˬ, Eˇjiˇtu‸ mvuhˇmiˬ hkʼa peu-eˬ leh yawˇ ve hawˉ yehˬ ka‸ Yoˇseh‸ hta‸ uˉ peunˍ tcuh ve yoˬ. 11Oˇ htaˇ, Eˇjiˇtu‸ mvuhˇmiˬ leh Hkaˍnanˍ mvuhˇmiˬ hkʼa peu-eˬ awˬ hkʼaw lo meu‸ ve kaˆ ve gaˬ la leh, tu‸ jaˇ hkanˍ jaˇ ve yoˬ. Hkʼe te leh, nyiˬ hui ve awˬ puˍ lonˉ teˇ hpaˍ lehˬ, caˇ tuˬ ca maˇ gʼa ve yoˬ. 12Ya‸ hkʼaˇ, Eˇjiˇtu‸ mvuhˇmiˬ awˬ hkʼaw lo caˬ shiˍ cawˬ ve teh‸ Yaˍkoˆ gʼa kaˇ htaˇ, nyiˬ hui ve awˬ puˍ lonˉ teˇ hpaˍ hta‸ awˉ lawˉ teˇ pawˆ yawˇ peu kʼai ve yoˬ. 13Yawˇ hui nyiˇ pawˆ teˇ pawˆ kʼaw‸ kʼai htaˇ, Yoˇseh‸ lehˬ yawˇ awˬ viˉ awˬ nyi teˇ hpaˍ hta‸ yawˇ awˬ to shiˍ piˇ leh, Hpaˍrawˇ htawˇ Yoˇseh‸ ve awˬ ceuˬ awˬ hkʼaˇ hta‸ gʼa shiˍ ve yoˬ. 14Oˇ htaˇ Yoˇseh‸ lehˬ, awˬ pa Yaˍkoˆ leh yawˇ ve awˬ ceuˬ awˬ hkʼaˇ hkʼa peu-eˬ hta‸ ca shiˍ laˬ tcuh ve yoˬ. Yawˇ hui chaw hkʼa peu-eˬ suhˍ chi ngaˇ gʼaˇ cawˬ ve yoˬ. 15Yaˍkoˆ htawˇ Eˇjiˇtu‸ mvuhˇmiˬ lo kʼai leh, yawˇ awˬ to ka‸, ngaˬ hui ve awˬ puˍ lonˉ hui kaˬ oˇ kaˬ lo suh peuˬ ve yoˬ. 16Yawˇ hui hta‸ Sheˍhkenˍ venˇ lo taˆ kʼo‸-e leh, Sheˍhkenˍ venˇ yaˇ Haˍmawˍ ve awˬ yaˇ awˬ duˬ hui geh Aˍbraˍhanˍ hpu piˇ leh vuiˬ taˍ ve tuˍ hpfuh lo ca tuˍ ve yoˬ.
17Gʼuiˬsha Aˍbraˍhanˍ hta‸ kʼoˆ piˇ taˍ ve awˬ yanˇ biˇ la paˇ neˇ htaˇ, Eˇjiˇtu‸ mvuhˇmiˬ awˬ hkʼaw lo nyiˬ hui ve chaw ceuˬ uiˍ la maˇ la ve yoˬ. 18Yoˇseh‸ hta‸ maˇ shiˍ ve hkunˉ hawˉ hkanˇ teˇ gʼaˇ tawˆ la htaˇ hkʼa gaˬ, yawˇ hui maˇ la chehˇ ve yoˬ. 19Jawˇmawˇ oˇ ve lehˬ, nyiˬ hui ve chaw ceuˬ hta‸ cuˇ yiˍ te leh, yaˇ ehˉ teˇ hpaˍ maˇ gʼa te‸ tuˬ, nyiˬ hui ve awˬ puˍ lonˉ hui hta‸ fawˉ mehˍ leh yaˇ ehˉ teˇ hpaˍ hta‸ yuˬ baˬ tcuh ve yoˬ. 20Oˇ htaˇ, Gʼuiˬsha mehˆ gʼuˇ suhˍ nyi sha jaˇ ve Moˉseˍ teˇ gʼa paw la ve yoˬ. Ha pa sheh lehˇ hkʼa gaˬ awˬ pa ve aˉ hkʼaw lo yawˇ hta‸ hu taˍ ve yoˬ. 21Awˬ hkʼaw‸ nawˉ yawˇ hta‸ ca baˬ taˍ ve teˇ yanˇ, Hpaˍrawˇ ve yaˇ miˇ yawˇ hta‸ gʼawˆ yuˬ leh yawˇ ve yaˇ hkʼe shawˍ leh hu taˍ ve yoˬ. 22Moˉseˍ lehˬ Eˇjiˇtu‸ chaw hui ve cuˇ yiˍ hkʼa peu-eˬ hta‸ gʼa henˇ leh, tawˇ yaw ve awˬ hkʼaw lo maˇ kʼoˆ, kanˉ te ve awˬ hkʼaw lo maˇ kʼoˆ, awˬ gʼaˇ uiˍ jaˇ ve yoˬ.
23Yawˇ a sha‸ awˇ chi hkʼaw‸ gaˬ htaˇ, yawˇ ve awˬ viˉ awˬ nyi Iˉsaˍreˍlaˆ chaw ceuˬ hta‸ ca nyi tuˬ, yawˇ nyi ma hkʼaw dawˇ tawˆ la ve yoˬ. 24Yawˇ ve chaw ceuˬ teˇ gʼaˇ hta‸ shu fawˉ mehˍ chehˇ ve hta‸ yawˇ gʼa mawˬ htaˇ, yawˇ ve chaw hta‸ ga piˇ leh, fawˉ mehˍ chehˇ ve Eˇjiˇtu‸ chaw hta‸ te hkʼaw‸ piˇ leh tiˇ pehˍ ve yoˬ. 25Gʼuiˬsha yawˇ hta‸ cuˇ leh, yawˇ ve chaw ceuˬ hta‸ htaiˍ hkʼaw‸ piˇ chehˇ ve awˬ lawn awˬ viˉ awˬ nyi teˇ hpaˍ shiˍ-aw hehˉ teh‸ Moˉseˍ dawˇ ve htawˇ, yawˇ hui maˇ shiˍ. 26Awˬ hkʼaw‸ nawˉ teˇ nyi yawˇ ve chaw ceuˬ nyiˇ gʼaˇ ya‸ da‸ chehˇ ve hta‸ gʼa mawˬ leh, Awˬ chawˇ hui-oˬ, nawˬ huiˉ maˬ lehˬ awˬ viˉ awˬ nyi hpeh‸ ve yoˬ. Aˬ hto‸ ma pa taw teˇ gʼaˇ hta‸ teˇ gʼaˇ ya‸ da‸ ve le teh‸ kʼoˆ leh, yawˇ huiˉ maˬ kʼaw‸ cawˇ da‸ la tuˬ hka piˇ ve yoˬ. 27Yawˇ ve awˬ chawˇ hta‸ ya‸ shehˍ hpaˇ teˇ gʼaˇ kʼaw‸ kʼoˆ ve, Ngaˬ hui awˬ hkʼoˆ hta‸ jawˇmawˇ leh suhˉ jehˬ shehˍ hpaˇ te tuˬ, a shu nawˬ hta‸ teh taˍ ve le. 28Aˉ nyi htaˇ Eˇjiˇtu‸ chaw hta‸ nawˬ tiˇ pehˍ ve hkʼe, ngaˬ hta‸ ka‸ tiˇ pehˍ gaˇ ve laˇ teh‸ kʼoˆ leh, Moˉseˍ hta‸ ca‸ baˬ ve yoˬ. #Taw 2:14 29Tawˇ hkawˇ oˇ ve hta‸ Moˉseˍ gʼa kaˇ htaˇ, yawˇ Meˇdiˍanˍ mvuhˇmiˬ lo ca hpaw chehˇ ve yoˬ. Yawˇ oˇ kaˬ lo chehˇ htaˇ, yaˇ paˍ nyiˇ gʼaˇ cawˬ la ve yoˬ.
30Awˇ chi hkʼaw‸ ponˬ peuˬ hkʼaw‸ nawˉ, Siˉnaˆ hkʼaw awˬ paˇ lo cawˬ ve heh puiˉ hkʼaw lo aˉ chuˇ buiˇ aˬ miˍ to‸ chehˇ leh, aˬ miˍ ha oˇ ve awˬ hkʼaw lo mvuhˇ naw ma tcuh yaˇ teˇ gʼaˇ hta‸ yawˇ gʼa mawˬ ve yoˬ. 31Moˉseˍ oˇ ve hta‸ gʼa mawˬ htaˇ, yawˇ anˇ leh, hkʼa deh‸ nyi tuˬ awˬ paˇ lo jiˆ kʼai ve yoˬ. 32Jawˇmawˇ Gʼuiˬsha ve awˬ hkawˇ tawˆ la leh, Ngaˬ lehˬ nawˬ ve awˬ puˍ lonˉ hui ve Gʼuiˬsha, Aˍbraˍhanˍ, Iˉcaˆ, Yaˍkoˆ hui ve Gʼuiˬsha hpeh‸ ve yoˬ teh‸ kʼoˆ piˇ ve yoˬ. #Taw 3:6 Oˇ htaˇ Moˉseˍ kawˆ cheˆ leh nyi maˇ haˆ. 33Jawˇmawˇ Gʼuiˬsha yawˇ hta‸ kʼoˆ piˇ ve, Nawˬ ve hkuiˉ nuˆ kʼehˆ-oˆ. Awˬ lawn kʼo, nawˬ huˉ taˍ ve chehˇ kuiˬ lehˬ, da‸ kehˬ ve miˬguiˬ hpeh‸ ve yoˬ. 34Eˇjiˇtu‸ mvuhˇmiˬ awˬ hkʼaw lo ngaˬ ve chaw ceuˬ hta‸ shu fawˉ mehˍ chehˇ ve hta‸ ngaˬ hkʼa deh‸ gʼa mawˬ leh, yawˇ hui hkʼanˇ ve awˬ hkawˇ hta‸ htawˇ ngaˬ gʼa kaˇ ve yoˬ. Yawˇ hui hta‸ ponˬ piˇ tuˬ ngaˬ ya‸ la peuˬ. Chi beu‸ laˬ-o‸. Ngaˬ nawˬ hta‸ Eˇjiˇtu‸ mvuhˇmiˬ lo kʼai tcuh laˇ tuˬ yoˬ teh‸ kʼoˆ piˇ ve yoˬ. #Taw 3:5-10
35Moˉseˍ chi teˇ gʼaˇ hta‸ yawˇ hui baˬ taˉ leh kʼoˆ ve, Jawˇmawˇ leh suhˉ jehˬ shehˍ hpaˇ te tuˬ a shu nawˬ hta‸ teh taˍ ve le. Ya‸ hkʼaˇ, yawˇ jawˇmawˇ leh htaiˍ hkʼaw‸ paˍ hpeh‸ la tuˬ, aˉ chuˇ buiˇ awˬ hkʼaw lo yawˇ gʼa mawˬ ve mvuhˇ naw ma tcuh yaˇ hta‸ Gʼuiˬsha cuˇ leh, Moˉseˍ hta‸ kʼai tcuh ve yoˬ. 36Moˉseˍ lehˬ, Iˉsaˍreˍlaˆ chaw hui hta‸ sheh tawˆ-e ve yoˬ. Eˇjiˇtu‸ mvuhˇmiˬ awˬ hkʼaw lo maˇ kʼoˆ, Laˇ tsuhˇ gʼuiˬ nyi awˬ hkʼaw lo maˇ kʼoˆ, awˇ chi hkʼaw‸ hkʼa gaˬ heh puiˉ hkʼaw lo maˇ kʼoˆ, yawˇ anˇ tuˬ leh awˬ heˆ teˇ hpaˍ hta‸ te ve yoˬ. 37Moˉseˍ chi teˇ gʼaˇ lehˬ, Nawˬ hui ve awˬ ceuˬ awˬ hkʼaˇ awˬ hkʼaw lo ngaˬ hta‸ shuˍ ve tcuh kaˍ paˍ teˇ gʼaˇ nawˬ hui awˬ pon Gʼuiˬsha peu laˇ tuˬ yoˬ teh‸, Iˉsaˍreˍlaˆ chaw hui hta‸ hto piˇ taˍ ve chaw teˇ gʼaˇ hpeh‸ ve yoˬ. #Bon 18:15-18 38Moˉseˍ chi teˇ gʼaˇ lehˬ, Siˉnaˆ hkʼaw hkʼoˆ lo yawˇ hta‸ tawˇ yaw piˇ ve mvuhˇ naw ma tcuh yaˇ geh maˇ kʼoˆ, ngaˬ hui awˬ puˍ lonˉ teˇ hpaˍ geh maˇ kʼoˆ, heh puiˉ hkʼaw lo ve awˬ moˍ awˬ hkʼaw lo chehˇ ve chaw teˇ gʼaˇ hpeh‸ ve yoˬ. Ngaˬ hui hta‸ pe‸ laˇ tuˬ, yawˇ lehˬ te‸ chehˇ ve tawˇ hkawˇ hta‸ ha‸ yuˬ ve yoˬ.
39Ngaˬ hui ve awˬ puˍ lonˉ teˇ hpaˍ lehˬ, yawˇ ve tawˇ hkawˇ hta‸ maˇ na yuˬ leh yawˇ hta‸ chiˇ baˬ ve yoˬ. Yawˇ hui lehˬ Eˇjiˇtu‸ mvuhˇmiˬ lo kʼo‸-e gaˇ ve nyi ma tiˉ cawˬ ve yoˬ. 40Yawˇ hui Aˍronˍ hta‸ kʼoˆ piˇ ve, Awˬ gʼuˇ suhˍ lo ngaˬ hui hta‸ sheh kʼai laˇ tuˬ, ngaˬ hui awˬ pon gʼuiˬsha teˇ hpaˍ te laˇ-oˆ. Awˬ lawn kʼo, ngaˬ hui hta‸ Eˇjiˇtu‸ mvuhˇmiˬ hkʼaw sheh tawˆ la ve Moˉseˍ teˇ gʼaˇ hkʼaˬ hkʼe hpeh‸ leh naˍ, ngaˬ hui maˇ shiˍ teh‸ kʼoˆ piˇ ve yoˬ. #Taw 32:1 41Awˬ nyi awˬ haˉ oˇ ve awˬ hkʼaw lo yawˇ hui lehˬ, nuˇ ehˉ awˬ han shaˉ ho‸ teˇ maˬ te leh oˇ ve hta‸ tanˇ tuˬ tanˇ piˇ leh, yawˇ hui la‸ sheh te taˍ ve kanˉ hta‸ ha lehˬ chehˇ ve yoˬ. 42Ya‸ hkʼaˇ, Gʼuiˬsha yawˇ hui hta‸ hpfuhˆ kʼai leh, meu‸ keu shiˍ teˇ hpaˍ hta‸ oˉ kʼoˍ pui tuˬ yawˇ hui hta‸ hpehˇ piˇ ve yoˬ. Chi hkʼa shuˍ shuˍ, Gʼuiˬsha ve tcuh kaˍ paˍ hui ve li‸ awˬ hkʼaw lo chi hkʼe bvuh‸ taˍ ve,
Iˉsaˍreˍlaˆ chaw teˇ yehˬ-oˬ, nawˬ hui heh puiˉ hkʼaw lo awˇ chi hkʼaw‸ chehˇ htaˇ,
to nuˇ to shaˆ teˇ hpaˍ tiˇ tanˇ leh awˬ kaˍ awˬ nu tanˇ tuˬ teˇ hpaˍ ngaˬ hta‸ tanˇ laˇ ve laˇ.
43Nawˬ hui oˉ kʼoˍ pui tuˬ awˬ pon te taˍ ve Mawˇloˆ shaˉ ho‸ ve hpa aˉ po kʼo leh,
Reˍhpanˍ gʼuiˬsha ve meu‸ keu shiˍ hta‸ nawˬ hui taˍ uiˍ leh taˆ toˇ ve yoˬ.
Hkʼe te leh, ngaˬ nawˬ hui hta‸ Baˍbuˍlonˍ venˇ coˇ paˉ hkʼa gaˬ shiˍ kʼai tuˬ yoˬ teh‸ bvuh‸ taˍ ve yoˬ. #Amo 5:25-27
44Ngaˬ hui ve awˬ puˍ lonˉ teˇ hpaˍ lehˬ, heh puiˉ hkʼaw lo ka ti‸ shaˉ caˆ hpa aˉ po kʼo cawˬ ve yoˬ. Moˉseˍ yawˇ awˬ hkʼaˇ hta‸ gʼa mawˬ ve hkʼa shuˍ shuˍ gʼa te ve teh‸, Gʼuiˬsha kʼoˆ piˇ taˍ ve hkʼe yawˇ te taˍ ve hpa aˉ po kʼo hpeh‸ ve yoˬ. 45Ngaˬ hui ve awˬ puˍ lonˉ teˇ hpaˍ mehˆ gʼuˇ suhˍ Gʼuiˬsha lehˬ buiˇshaˆaˉnaˆ chaw hui hta‸ gʼa‸ kʼoˬ peuˬ hkʼaw‸ nawˉ, ngaˬ hui ve awˬ puˍ lonˉ hui lehˬ, Yawˇsuˆ geh teˇ geh mvuhˇmiˬ chi awˬ hkʼaw lo lo‸ la htaˇ, hpa aˉ po kʼo oˇ ve hta‸ yuˬ lo‸ la ve yoˬ. Hpa aˉ po kʼo oˇ ve lehˬ, Daˍviˆ ve awˬ co-e htaˇ hkʼa gaˬ cawˬ taˍ ve yoˬ. 46Daˍviˆ lehˬ, Gʼuiˬsha nyi ma cawˇ ve chaw hpeh‸ leh Yaˍkoˆ ve Gʼuiˬsha awˬ pon chehˇ kuiˬ yehˬ te tuˬ a hkaw-anˬ lawˬ ve htawˇ, 47Gʼuiˬsha awˬ pon yehˬ gʼa te ve teˇ gʼaˇ lehˬ Sawˉla‸monˍ yoˬ.
48Ya‸ hkʼaˇ, uiˍ jaˇ mvuh jaˇ ve Gʼuiˬsha lehˬ, chaw yaˇ la‸ sheh te taˍ ve yehˬ awˬ hkʼaw lo chehˇ ve maˇ heˆ. Gʼuiˬsha ve tcuh kaˍ paˍ kʼoˆ taˍ ve hkʼe,
49Mvuhˇ naw ma lehˬ, ngaˬ ve kʼaw jaw hpeh‸ ve yoˬ.
Miˬguiˬ lehˬ ngaˬ hkui sheh taˍ kuiˬ hpeh‸ ve yoˬ.
Ngaˬ awˬ pon nawˬ hui hkʼaˬ hkʼe ve yehˬ te tuˬ ve le.
Ngaˬ jehˇ tuˬ ve chehˇ kuiˬ hkʼaˬ ve teˇ kaˬ le.
50Chi hkʼa peu-eˬ hta‸ ngaˬ ve la‸ sheh te taˍ ve maˇ heˆ laˇ teh‸, Jawˇmawˇ Gʼuiˬsha kʼoˆ ve yoˬ.#Isy 66:1-2
51Kʼawˍ peˍ heh ve chaw, nyi ma leh naˍ paw awˬ guiˬ meuˇ maˇ shoˍ ve chaw teˇ hpaˍ-oˬ, nawˬ hui hkʼaˬ htaˆ ka‸ da‸ ve kehˬ ve Awˬ ha hpu hta‸ tawˍ taˍ ve yoˬ. Nawˬ hui ve awˬ puˍ lonˉ teˇ hpaˍ te ve hkʼe, nawˬ hui htawˇ te chehˇ ve yoˬ. 52Nawˬ hui ve awˬ puˍ lonˉ teˇ hpaˍ maˇ fawˉ maˇ mehˍ piˇ ve, Gʼuiˬsha ve tcuh kaˍ paˍ hkʼaˬ ve teˇ gʼaˇ cawˬ le. Hteˇ ve cawˇ ve chaw teˇ gʼaˇ laˬ tuˬ ve awˬ lawn hto piˇ ve chaw hui hta‸ yawˇ hui tiˇ pehˍ ve yoˬ. Chi beu‸ htawˇ, hteˇ ve cawˇ ve chaw oˇ ve teˇ gʼaˇ hta‸ nawˬ hui chiˇ a‸ leh tiˇ pehˍ peuˬ. 53Mvuhˇ naw ma tcuh yaˇ hui ve la‸ sheh awˬ hkʼaw lo awˬliˇtawˇhkawˇ hta‸ nawˬ hui gʼa taˍ ve ka‸, nawˬ hui maˇ na yuˬ teh‸ yawˇ hui hta‸ kʼoˆ piˇ ve yoˬ.
Saˍteˍhpanˍ hta‸ haˉ pui baˬ pehˍ ve
54Tawˇ hkawˇ chi teˇ hpaˍ hta‸ chaw chi ma ve gʼa kaˇ htaˇ, yawˇ hui yawˇ hta‸ nyi ma zuhˆ jaˇ leh, ciˬ geu‸ ve yoˬ. 55Oˇ htaˇ Saˍteˍhpanˍ lehˬ, da‸ ve kehˬ ve Awˬ ha hpu hkʼa biˇ cawˬ leh, mvuhˇ naw ma lo chiˇ nyi ve teˇ yanˇ, Gʼuiˬsha ve awˬ me‸ awˬ hponˇ hta‸ ka‸, Gʼuiˬsha ve la‸ sha paˉ lo Yeˍsuˆ huˉ chehˇ ve hta‸ ka‸ gʼa mawˬ leh kʼoˆ ve, Nyi loˬ. 56Mvuhˇ naw ma hpaw taˍ leh, Gʼuiˬsha ve la‸ sha paˉ lo chaw yaˇ ve Yaˇ hpu huˉ chehˇ ve hta‸ ngaˬ mawˬ ve yoˬ teh‸ yawˇ kʼoˆ ve yoˬ.
57Oˇ htaˇ, yawˇ hui gʼaˇ hte‸ kuˬ leh, a shu yawˇ ve naˍ paw tsuhˇ taˍ leh yawˇ hui hkʼa peu-eˬ teˇ geh Saˍteˍhpanˍ geh gʼuiˇ lo‸-e ve yoˬ. 58Peuˬ leh, venˇ awˬ baˬ lo yawˇ hta‸ gʼawˬ tawˆ-e leh, yawˇ hta‸ haˉ pui shiˍ ga hpoˆ baˬ ve yoˬ. Shaˉ hkiˆ hkanˍ shehˍ hpaˇ hui htawˇ, a shu yawˇ ve aˉ po‸ kʼehˆ leh Sawˉlu‸ meh ve chaw haˉ paˍ teˇ gʼaˇ ve hkui paˇ lo teh taˍ ve yoˬ. 59Yawˇ hui Saˍteˍhpanˍ hta‸ haˉ pui shiˍ ga baˬ chehˇ htaˇ, Saˍteˍhpanˍ bon lawˬ leh, Jawˇmawˇ Yeˍsuˆ-oˬ, ngaˬ ve co ha hta‸ ha‸ yuˬ laˇ-oˆ teh‸ kʼoˆ ve yoˬ. 60Oˇ htaˇ yawˇ hkui tcuhˉ teh leh, Jawˇ mawˇ-oˬ, venˇbaˆ chi yawˇ hui awˬ hkʼoˆ hta‸ taˇ taˍ teh‸, awˬ hkawˇ bvuhˬ chaweh kuˬ ve yoˬ. Chi hkʼe kʼoˆ peuˬ hkʼaw‸ nawˉ, yawˇ suh ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.