Tcuh yaˇ li‸ 6
6
Chaw suhˍ gʼaˇ hta‸ leuˆ yuˬ ve
1Awˬ yanˇ oˇ ve awˬ hkʼaw lo, awˬ la‸ gʼawˇ teˇ hpaˍ maˇ la chehˇ htaˇ, Heˍlaˍsaˆ hkawˇ yaw ve Yuˇda‸ chaw teˇ hpaˍ lehˬ, Heˍbrehˇ chaw teˇ hpaˍ hta‸ ca beu ve yoˬ. Awˬ lawn kʼo, teˇ nyi le le caˇ tuˬ pehˬ piˇ ve awˬ hkʼaw lo, yawˇ hui ve mehˇchawˇma teˇ hpaˍ lehˬ, caˇ tuˬ hkʼa deh‸ maˇ gʼa ve hta‸ pa taw yoˬ. 2Oˇ htaˇ, tcuh yaˇ teˇ chi nyiˇ gʼaˇ lehˬ, awˬ la‸ gʼawˇ hkʼa peu-eˬ hta‸ kuˬ hpawnˬ leh kʼoˆ ve, Ngaˬ hui Gʼuiˬsha ve tawˇ hkawˇ maˍ ve kanˉ hta‸ teh taˉ leh caˇ tuˬ dawˬ tuˬ pehˬ caˍ ve kanˉ hta‸ te ve lehˬ maˇ cawˇ. 3Hkʼe te leh, awˬ viˉ awˬ nyi teˇ hpaˍ-oˬ, nawˬ hui awˬ hkʼaw lo awˬ meh da‸ ve, Awˬ ha hpu ka‸ cuˇ yiˍ maˍ yiˍ ka‸ hkʼa biˇ cawˬ ve chaw suhˍ gʼaˇ hta‸ nawˬ hui leuˆ yuˬ sheˍ. Yawˇ hui hta‸ kanˉ chi teˇ maˬ ngaˬ hui te tcuh tuˬ yoˬ. 4Ngaˬ hui lehˬ, bon lawˬ leh bon hkawˇ maˍ piˇ ve kanˉ hta‸ hkʼaˬ htaˆ ka‸ te tuˬ yoˬ teh‸ kʼoˆ piˇ ve yoˬ.
5Yawˇ hui kʼoˆ ve hta‸ chaw awˬ moˍ lonˉ hkʼa peu-eˬ nyi ma cawˇ leh chaw chi teˇ hpaˍ hta‸ leuˆ yuˬ ve yoˬ. Yonˍ ve leh da‸ ve kehˬ ve Awˬ ha hpu hkʼa biˇ cawˬ ve Saˍteˍhpanˍ teˇ gʼaˇ leh, Hpiˇliˇpuˆ, Pawˇhkawˍ, Niˆkaˍnawˍ, Tiˉmonˍ, Paˍmeˍnaˆ leh Yuˇda‸ awˬ liˇ yuˬ ve Anˍtiˆawˍ venˇ yaˇ Niˇkawˇlaˆhui hta‸ leuˆ yuˬ ve yoˬ. 6Tcuh yaˇ hui mehˆ gʼuˇ suhˍ yawˇ hui hta‸ teh taˍ leh, tcuh yaˇ hui bon lawˬ peuˬ hkʼaw‸ nawˉ yawˇ hui awˬ hkʼoˆ la‸ sheh taˍ ve yoˬ.
7Gʼuiˬsha ve tawˇ hkawˇ awˬ gʼuˇ suhˍ bvuhˬ kʼai leh, Yeˍruˆsaˍlehnˍ venˇ awˬ hkʼaw lo awˬ la‸ gʼawˇ maˇ maˇ kʼaw‸ maˇ la ve yoˬ. Paw hkuˇ laiˉ gʼa htawˇ na yuˬ leh yonˍ ve yoˬ.
Saˍteˍhpanˍ hta‸ shu hpeh yuˬ ve
8Saˍteˍhpanˍ lehˬ, awˬ bon leh kanˇ paˆ hkʼa biˇ cawˬ leh, chaw yaˇ hui mehˆ gʼuˇ suhˍ uiˍ jaˇ ve anˇ tuˬ leh awˬ heˆ teˇ hpaˍ hta‸ te ve yoˬ. 9Oˇ htaˇ, ponˬ ve chaw hui teh‸ kʼoˆ ve Yuˇda‸ bon yehˬ hta‸ caˉ da‸ ve chaw hui leh, Kuˇreˍneˍ chaw, Aˍleˍsaˍduˆ chaw, Kiˇliˇkiˆ chaw leh, Aˍsiˆ mvuhˇmiˬ chaw hui tu la leh Saˍteˍhpanˍ hta‸ tawˇ gʼawˬ da‸ ve yoˬ. 10Ya‸ hkʼaˇ, yawˇ yaw ve cuˇ yiˍ tawˇ hkawˇ leh Awˬ ha hpu ve tawˇ hkawˇ hta‸ yawˇ hui tawˍ da‸ maˇ hpeh‸. 11Oˇ htaˇ, yawˇ hui chaw teˇ hpaˍ hta‸ hkʼawˇ jehˬ leh chi hkʼe kʼoˆ tcuh ve, Chaw chi hpaˇ lehˬ, Moˉseˍ hta‸ ka‸ Gʼuiˬsha hta‸ ka‸ maˇ shawˍ maˇ caˆ kʼoˆ ve hta‸ ngaˬ hui gʼa kaˇ peuˬ teh‸ kʼoˆ tcuh ve yoˬ. 12Yawˇ hui lehˬ mvuhˇmiˬ yaˇ teˇ hpaˍ, awˬ hoˉ chaw mawˇ teˇ hpaˍ leh, li‸ bvuh‸ paˍ teˇ hpaˍ hta‸ ca juˆ piˇ leh, Saˍteˍhpanˍ hta‸ ca hpeh yuˬ peuˬ hkʼaw‸ nawˉ, jehˬ da‸ shehˍ hpaˇ awˬ moˬ mehˆ gʼuˇ suhˍ yawˇ hta‸ yuˬ kʼai ve yoˬ. 13Yawˇ hui lehˬ, heˍ ve shaˉ hkiˆ hkanˍ shehˍ hpaˇ oˇ ve teˇ hpaˍ hta‸ kuˬ teh taˍ ve yoˬ. Shaˉ hkiˆ hkanˍ shehˍ hpaˇ oˇ ve teˇ hpaˍ kʼoˆ ve, Chaw chi hpaˇ lehˬ, da‸ kehˬ ve bon yehˬ lonˉ hta‸ leh awˬ liˇ tawˇ hkawˇ hta‸ hkʼaˬ htaˆ ka‸ maˇ shawˍ maˇ caˆ kʼoˆ chehˇ ve yoˬ. 14Naˍzaˍrehˆ chaw Yeˍsuˆ chi teˇ gʼaˇ lehˬ, bon yehˬ lonˉ chi ve hta‸ te luˬ leh, Moˉseˍ ngaˬ hui hta‸ piˇ taˉ laˇ ve awˬ liˇ teˇ hpaˍ hta‸ pa tuˬ yoˬ teh‸ yawˇ chi hkʼe kʼoˆ ve hta‸ ngaˬ hui gʼa kaˇ ve yoˬ teh‸, yawˇ hui kʼoˆ piˇ ve yoˬ. 15Oˇ htaˇ, jehˬ da‸ shehˍ hpaˇ ve awˬ moˍ awˬ hkʼaw lo hkʼa chehˇ ve chaw hkʼa peu-eˬ Saˍteˍhpanˍ hta‸ hkʼa deh‸ nyi htaˇ, yawˇ ve mehˆ hpfuhˇ lehˬ mvuhˇ naw ma tcuh yaˇ ve mehˆ hpfuhˇ hkʼa shuˍ shuˍ hpeh‸ ve hta‸ gʼa mawˬ ve yoˬ.
Currently Selected:
Tcuh yaˇ li‸ 6: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tcuh yaˇ li‸ 6
6
Chaw suhˍ gʼaˇ hta‸ leuˆ yuˬ ve
1Awˬ yanˇ oˇ ve awˬ hkʼaw lo, awˬ la‸ gʼawˇ teˇ hpaˍ maˇ la chehˇ htaˇ, Heˍlaˍsaˆ hkawˇ yaw ve Yuˇda‸ chaw teˇ hpaˍ lehˬ, Heˍbrehˇ chaw teˇ hpaˍ hta‸ ca beu ve yoˬ. Awˬ lawn kʼo, teˇ nyi le le caˇ tuˬ pehˬ piˇ ve awˬ hkʼaw lo, yawˇ hui ve mehˇchawˇma teˇ hpaˍ lehˬ, caˇ tuˬ hkʼa deh‸ maˇ gʼa ve hta‸ pa taw yoˬ. 2Oˇ htaˇ, tcuh yaˇ teˇ chi nyiˇ gʼaˇ lehˬ, awˬ la‸ gʼawˇ hkʼa peu-eˬ hta‸ kuˬ hpawnˬ leh kʼoˆ ve, Ngaˬ hui Gʼuiˬsha ve tawˇ hkawˇ maˍ ve kanˉ hta‸ teh taˉ leh caˇ tuˬ dawˬ tuˬ pehˬ caˍ ve kanˉ hta‸ te ve lehˬ maˇ cawˇ. 3Hkʼe te leh, awˬ viˉ awˬ nyi teˇ hpaˍ-oˬ, nawˬ hui awˬ hkʼaw lo awˬ meh da‸ ve, Awˬ ha hpu ka‸ cuˇ yiˍ maˍ yiˍ ka‸ hkʼa biˇ cawˬ ve chaw suhˍ gʼaˇ hta‸ nawˬ hui leuˆ yuˬ sheˍ. Yawˇ hui hta‸ kanˉ chi teˇ maˬ ngaˬ hui te tcuh tuˬ yoˬ. 4Ngaˬ hui lehˬ, bon lawˬ leh bon hkawˇ maˍ piˇ ve kanˉ hta‸ hkʼaˬ htaˆ ka‸ te tuˬ yoˬ teh‸ kʼoˆ piˇ ve yoˬ.
5Yawˇ hui kʼoˆ ve hta‸ chaw awˬ moˍ lonˉ hkʼa peu-eˬ nyi ma cawˇ leh chaw chi teˇ hpaˍ hta‸ leuˆ yuˬ ve yoˬ. Yonˍ ve leh da‸ ve kehˬ ve Awˬ ha hpu hkʼa biˇ cawˬ ve Saˍteˍhpanˍ teˇ gʼaˇ leh, Hpiˇliˇpuˆ, Pawˇhkawˍ, Niˆkaˍnawˍ, Tiˉmonˍ, Paˍmeˍnaˆ leh Yuˇda‸ awˬ liˇ yuˬ ve Anˍtiˆawˍ venˇ yaˇ Niˇkawˇlaˆhui hta‸ leuˆ yuˬ ve yoˬ. 6Tcuh yaˇ hui mehˆ gʼuˇ suhˍ yawˇ hui hta‸ teh taˍ leh, tcuh yaˇ hui bon lawˬ peuˬ hkʼaw‸ nawˉ yawˇ hui awˬ hkʼoˆ la‸ sheh taˍ ve yoˬ.
7Gʼuiˬsha ve tawˇ hkawˇ awˬ gʼuˇ suhˍ bvuhˬ kʼai leh, Yeˍruˆsaˍlehnˍ venˇ awˬ hkʼaw lo awˬ la‸ gʼawˇ maˇ maˇ kʼaw‸ maˇ la ve yoˬ. Paw hkuˇ laiˉ gʼa htawˇ na yuˬ leh yonˍ ve yoˬ.
Saˍteˍhpanˍ hta‸ shu hpeh yuˬ ve
8Saˍteˍhpanˍ lehˬ, awˬ bon leh kanˇ paˆ hkʼa biˇ cawˬ leh, chaw yaˇ hui mehˆ gʼuˇ suhˍ uiˍ jaˇ ve anˇ tuˬ leh awˬ heˆ teˇ hpaˍ hta‸ te ve yoˬ. 9Oˇ htaˇ, ponˬ ve chaw hui teh‸ kʼoˆ ve Yuˇda‸ bon yehˬ hta‸ caˉ da‸ ve chaw hui leh, Kuˇreˍneˍ chaw, Aˍleˍsaˍduˆ chaw, Kiˇliˇkiˆ chaw leh, Aˍsiˆ mvuhˇmiˬ chaw hui tu la leh Saˍteˍhpanˍ hta‸ tawˇ gʼawˬ da‸ ve yoˬ. 10Ya‸ hkʼaˇ, yawˇ yaw ve cuˇ yiˍ tawˇ hkawˇ leh Awˬ ha hpu ve tawˇ hkawˇ hta‸ yawˇ hui tawˍ da‸ maˇ hpeh‸. 11Oˇ htaˇ, yawˇ hui chaw teˇ hpaˍ hta‸ hkʼawˇ jehˬ leh chi hkʼe kʼoˆ tcuh ve, Chaw chi hpaˇ lehˬ, Moˉseˍ hta‸ ka‸ Gʼuiˬsha hta‸ ka‸ maˇ shawˍ maˇ caˆ kʼoˆ ve hta‸ ngaˬ hui gʼa kaˇ peuˬ teh‸ kʼoˆ tcuh ve yoˬ. 12Yawˇ hui lehˬ mvuhˇmiˬ yaˇ teˇ hpaˍ, awˬ hoˉ chaw mawˇ teˇ hpaˍ leh, li‸ bvuh‸ paˍ teˇ hpaˍ hta‸ ca juˆ piˇ leh, Saˍteˍhpanˍ hta‸ ca hpeh yuˬ peuˬ hkʼaw‸ nawˉ, jehˬ da‸ shehˍ hpaˇ awˬ moˬ mehˆ gʼuˇ suhˍ yawˇ hta‸ yuˬ kʼai ve yoˬ. 13Yawˇ hui lehˬ, heˍ ve shaˉ hkiˆ hkanˍ shehˍ hpaˇ oˇ ve teˇ hpaˍ hta‸ kuˬ teh taˍ ve yoˬ. Shaˉ hkiˆ hkanˍ shehˍ hpaˇ oˇ ve teˇ hpaˍ kʼoˆ ve, Chaw chi hpaˇ lehˬ, da‸ kehˬ ve bon yehˬ lonˉ hta‸ leh awˬ liˇ tawˇ hkawˇ hta‸ hkʼaˬ htaˆ ka‸ maˇ shawˍ maˇ caˆ kʼoˆ chehˇ ve yoˬ. 14Naˍzaˍrehˆ chaw Yeˍsuˆ chi teˇ gʼaˇ lehˬ, bon yehˬ lonˉ chi ve hta‸ te luˬ leh, Moˉseˍ ngaˬ hui hta‸ piˇ taˉ laˇ ve awˬ liˇ teˇ hpaˍ hta‸ pa tuˬ yoˬ teh‸ yawˇ chi hkʼe kʼoˆ ve hta‸ ngaˬ hui gʼa kaˇ ve yoˬ teh‸, yawˇ hui kʼoˆ piˇ ve yoˬ. 15Oˇ htaˇ, jehˬ da‸ shehˍ hpaˇ ve awˬ moˍ awˬ hkʼaw lo hkʼa chehˇ ve chaw hkʼa peu-eˬ Saˍteˍhpanˍ hta‸ hkʼa deh‸ nyi htaˇ, yawˇ ve mehˆ hpfuhˇ lehˬ mvuhˇ naw ma tcuh yaˇ ve mehˆ hpfuhˇ hkʼa shuˍ shuˍ hpeh‸ ve hta‸ gʼa mawˬ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.