Tcuh yaˇ li‸ 4
4
Yuˇda‸ jawˇmawˇ hui Peˍtruˆ leh Yoˇhanˬ hta‸ suhˉ jehˬ ve
1Yawˇ huiˉ maˬ chaw chi ma ve hta‸ maˍ piˇ chehˇ htaˇ, paw hkuˇ teˇ hpaˍ, bon yehˬ lonˉ hta‸ shaw ve ma‸ poˍ leh Saˍduˆkehˇ teˇ hpaˍ yawˇ hui geh gaˬ la ve yoˬ. 2Yawˇ huiˉ maˬ chaw chi ma ve hta‸ maˍ piˇ leh, suh ve chaw hui hta‸ Yeˍsuˆ kʼaw‸ te‸ tu la piˇ ve awˬ lawn bon maˍ ve pa taw, gaˬ la ve chaw chi teˇ hpaˍ hpeh‸ bawˬ jaˇ ve yoˬ. 3Hkʼe te leh, yawˇ huiˉ maˬ hta‸ hpeh yuˬ leh, mvuhˇ hpeu‸ la ve pa taw, shawˉ pawˍ teˇ nyi hkʼa gaˬ htawnˍ hkʼaw keu taˍ ve yoˬ. 4Bon hkawˇ hta‸ gʼa kaˇ ve chaw maˇ maˇ yonˍ ve yoˬ. Yonˍ ve chaw hawˉ hkʼaˆ tiˉ ngaˇ hinˉ gʼaˇ hkʼe cawˬ ve yoˬ.
5Shawˉ pawˍ teˇ nyi hkʼe gaˬ leh Yuˇda‸ chaw hui ve jawˇmawˇ teˇ hpaˍ, awˬ hoˉ chaw mawˇ teˇ hpaˍ leh li‸ bvuh‸ paˍ teˇ hpaˍ Yeˍruˆsaˍlehnˍ venˇ hkʼaw lo hpawnˬ da‸ ve yoˬ. 6Paw hkuˇ lonˉ Aˍnaˆ leh, Kaˍyaˍhpaˆ, Yoˇhanˬ, Aˍleˍsaˍduˆ leh, paw hkuˇ lonˉ ve awˬ ceuˬ awˬ hkʼaˇ hkʼa peu-eˬ htawˇ, yawˇ hui geh teˇ geh hpawnˬ da‸ ve yoˬ. 7Yawˇ huiˉ maˬ hta‸ yawˇ hui awˬ kʼaw ji lo teh taˍ leh kʼoˆ piˇ ve, Nawˬ huiˉ maˬ a shu ve kanˇ paˆ, a shu ve awˬ meh awˬ hawˉ lo chi hkʼe te ve le teh‸ na nyi ve yoˬ.
8Oˇ htaˇ Peˍtruˆ lehˬ, da‸ ve kehˬ ve Awˬ ha hpu hkʼa biˇ cawˬ leh yawˇ hui hta‸ kʼoˆ piˇ ve, Iˉsaˍreˍlaˆ chaw hui ve jawˇ mawˇ leh awˬ hoˉ chaw mawˇ teˇ hpaˍ-oˬ, 9hkui luˬ paˍ teˇ gʼaˇ hta‸ awˬ bon te piˇ leh, yawˇ hta‸ hkʼaˬ hkʼe te gu na-e piˇ ve awˬ lawn ya‸ nyi ngaˬ huiˉ maˬ hta‸ na nyi laˇ ve kʼo, 10nawˬ hui hkʼa peu-eˬ leh Iˉsaˍreˍlaˆ chaw hkʼa peu-eˬ chi hta‸ shiˍ-o‸. Nawˬ hui la‸ ka hkʼoˆ lo hta‸ pehˍ leh suh kuiˬ lo Gʼuiˬsha kʼaw‸ te‸ tu la piˇ ve Naˍzaˍrehˆ chaw Yeˍsuˆ Hkri‸ ve awˬ meh hta‸ pa taw, chaw chi teˇ gʼaˇ na-e la leh, nawˬ hui mehˆ gʼuˇ suhˍ lo huˉ taˍ ve yoˬ. 11Yeˍsuˆ lehˬ,
nawˬ hui yehˬ kawˍ shehˍ hpaˇ teˇ hpaˍ baˬ taˍ ve haˉ pui shiˍ hpeh‸ htawˇ,
awˬ hkuiˉ puiˍ awˬ ceˍ kʼaweh‸ ve haˉ pui shiˍ hpeh‸ la peuˬ. #Chi 118:22
12Yawˇ maˇ heˆ kʼo, awˬ kaˍ awˬ nu chaw teˇ gʼaˇ ka‸ htaiˍ hkʼaw‸ laˇ maˇ gʼa. Awˬ lawn kʼo, ngaˬ hui htaiˍ hkʼaw‸ ve hta‸ gʼa tuˬ, yawˇ ve awˬ meh maˇ heˆ kʼo, miˬguiˬ hkʼoˆ lo chaw yaˇ hui hta‸ piˇ taˍ ve awˬ kaˍ awˬ nu awˬ meh maˇ cawˬ teh‸ Peˍtruˆ kʼoˆ piˇ ve yoˬ.
13Yawˇ hui lehˬ, Peˍtruˆ leh Yoˇhanˬ nyi ma ha‸ hanˉ ve hta‸ gʼa mawˬ leh, yawˇ huiˉ maˬ li‸ maˇ shiˍ ve chaw, te‸ chiˉ maˇ gʼa henˇ jaw ve chaw hpeh‸ ve hta‸ gʼa shiˍ ve pa taw, anˇ ve yoˬ. Yawˇ huiˉ maˬ Yeˍsuˆ geh chehˇ jaw ve hta‸ yawˇ hui gʼa shiˍ ve yoˬ. 14Na-e la peuˬ ve chaw teˇ gʼaˇ lehˬ, yawˇ huiˉ maˬ geh huˉ chehˇ ve hta‸ gʼa mawˬ ve pa taw, yawˇ hui te‸ chiˉ ka‸ kʼaw‸ kʼoˆ maˇ hpeh‸. 15Oˇ htaˇ, yawˇ huiˉ maˬ hta‸ hpawnˬ da‸ kuiˬ awˬ baˬ lo tawˆ kʼai tcuh peuˬ hkʼaw‸ nawˉ, yawˇ hui teˇ gʼaˇ leh teˇ gʼaˇ jehˬ da‸ leh kʼoˆ ve, 16Chaw chi nyiˇ gʼaˇ hta‸ ngaˬ hui hkʼaˬ hkʼe te tuˬ le. Awˬ lawn kʼo, yawˇ huiˉ maˬ lehˬ, awˬ heˆ awˬ tehˬ awˬ na te tawˆ la ve hta‸ Yeˍruˆsaˍlehnˍ venˇ hkʼaw chehˇ ve chaw hkʼa peu-eˬ gʼa mawˬ gʼa shiˍ ve pa taw, ngaˬ hui te‸ chiˉ ca kʼoˆ maˇ hpeh‸ ve yoˬ. 17ya‸ hkʼaˇ, chaw chi ma ve awˬ hkʼaw lo awˬ lawn chi leuˉ leh maˇ gʼa bvuhˬ kʼai tuˬ, awˬ meh chi hta‸ cuˇ ve awˬ hkʼaw lo teˇ gʼaˇ hta‸ ka‸ maˇ gʼa maˍ tuˬ, yawˇ huiˉ maˬ hta‸ tawˇ hkʼa deh‸ nyiˉ piˇ shaˍ teh‸, yawˇ hui kʼoˆ da‸ ve yoˬ.
18Hkʼe te leh, yawˇ hui yawˇ huiˉ maˬ hta‸ kʼaw‸ kuˬ leh, Yeˍsuˆ ve awˬ meh hta‸ cuˇ ve awˬ hkʼaw lo maˍ piˇ hto piˇ ve teˇ ceuˬ a ciˉ ka‸ taˇ te teh‸ tawˇ piˇ ve yoˬ. 19Ya‸ hkʼaˇ, Peˍtruˆ leh Yoˇhanˬ yawˇ hui hta‸ kʼaw‸ kʼoˆ piˇ ve, Gʼuiˬsha ve tawˇ hkawˇ hta‸ na yuˬ ve a‸ kehˉ nawˬ hui ve tawˇ hkawˇ hta‸ na yuˬ tuˬ, Gʼuiˬsha mehˆ gʼuˇ suhˍ cawˇ maˇ cawˇ ve hta‸ nawˬ hui hkʼaˇ nawˬ hui dawˇ nyi-o. 20Ngaˬ huiˉ maˬ lehˬ, gʼa kaˇ gʼa mawˬ ve awˬ lawn teˇ hpaˍ hta‸ maˇ hto maˇ maˍ ve kʼo, chehˇ maˇ hpeh‸ teh‸ kʼaw‸ kʼoˆ piˇ ve yoˬ. 21Oˇ htaˇ yawˇ hui lehˬ, yawˇ huiˉ maˬ hta‸ tawˇ hkʼa deh‸ kʼaw‸ nyiˉ piˇ leh hpehˇ piˇ ve yoˬ. Chaw chi ma ve hta‸ pa taw yawˇ huiˉ maˬ hta‸ hkʼaˬ hkʼe te ciˍ yanˍ piˇ tuˬ yawˇ hui ca maˇ gʼa ve yoˬ. Awˬ lawn kʼo, hpeh‸ la ve awˬ lawn chi hta‸ pa taw chaw hkʼa peu-eˬ Gʼuiˬsha hta‸ chiˇ uiˍ chiˇ mvuh ve yoˬ. 22Na-e la peuˬ ve, awˬ heˆ chi hta‸ gʼa hkanˍ ve chaw teˇ gʼaˇ lehˬ, a sha‸ awˇ chi hkʼaw‸ hpaˆ gaˬ peuˬ ve yoˬ.
Nyi ma ha‸ hanˉ la tuˬ Hkri‸ yaˇ hui bon lawˬ ve
23Yawˇ huiˉ maˬ hta‸ hpehˇ piˇ peuˬ htaˇ, awˬ chawˇ teˇ hpaˍ geh yawˇ huiˉ maˬ kʼo‸-e leh, paw hkuˇ lonˉ hui leh awˬ hoˉ chaw mawˇ hui hkʼa kʼoˆ laˇ ve hkʼa peu-eˬ yawˇ hui hta‸ kʼaw‸ hto piˇ ve yoˬ. 24Yawˇ hui gʼa kaˇ htaˇ, nyi ma teˇ shiˍ tiˉ taˍ ve awˬ hkʼaw lo, awˬ hkawˇ bvuhˬ chaweh te leh Gʼuiˬsha hta‸ kʼoˆ piˇ ve, Hkʼa peu-eˬ awˬ hkʼoˆ uiˍ ve Jawˇmawˇ-oˬ, nawˬ lehˬ mvuhˇ naw ma, miˬ naˆ ma, laˇ tsuhˇ gʼuiˬ leh oˇ ve teˇ hpaˍ awˬ hkʼaw lo hkʼa cawˬ ve hkʼa peu-eˬ hta‸ te hpanˍ shehˍ hpaˇ hpeh‸ ve yoˬ. 25Nawˬ lehˬ da‸ ve kehˬ ve Awˬ ha hpu hta‸ cuˇ leh nawˬ ve awˬ ceˬ, ngaˬ hui ve awˬ pa Daˍviˆ ve maw‸ kʼaw awˬ hkʼaw lo chi hkʼe kʼoˆ ve,
Aˬ hto‸ ma pa taw buiˇshaˆaˉnaˆ chaw teˇ hpaˍ nyi ma zuhˆ jaˇ ve le.
Aˬ hto‸ ma pa taw chaw yaˇ teˇ hpaˍ awˬ bon maˇ cawˬ ve awˬ ceuˬ hta‸ ca dawˇ nyi ve le.
26Jawˇmawˇ Gʼuiˬsha leh yawˇ ve Hkri‸ hta‸ tawˍ da‸ tuˬ,
chi miˬguiˬ ve hkunˉ hawˉ hkanˇ teˇ hpaˍ tu la leh,
uˉ peunˍ shehˍ hpaˇ teˇ hpaˍ lehˬ teˇ geh hpawnˬ chehˇ ve yoˬ,
teh‸ Daˍviˆ kʼoˆ taˍ ve yoˬ. #Chi 2:1-2 27Nawˬ naˍ manˇ shehˍ taˍ ve, nawˬ ve da‸ kehˬ ve awˬ ceˬ Yeˍsuˆ hta‸ tawˍ da‸ tuˬ, jawˇmawˇ Heˍroˆ leh jawˇmawˇ Poˍtiˆ Piˉla‸, buiˇshaˆaˉnaˆ chaw hui leh, Iˉsaˍreˍlaˆ chaw hui ka‸, venˇ chi awˬ hkʼaw lo awˬ tehˬ awˬ na teˇ geh hpawnˬ da‸ ve yoˬ. 28Aˬ sho-eˬ htaˇ ka‸ nawˬ ve kanˇ paˆ leh nawˬ ve a loˍ cawˇ ve hkʼe nawˬ dawˇ cheˆ taˍ ve hkʼa shuˍ shuˍ hpeh‸ la tuˬ, yawˇ hui hpawnˬ da‸ ve yoˬ. 29Jawˇmawˇ Gʼuiˬsha-oˬ, chi beu‸ yawˇ hui tawˇ nyiˉ laˇ ve hta‸ nawˬ nyi leh, nawˬ ve awˬ ceˬ hui nyi ma ha‸ hanˉ te leh nawˬ ve tawˇ hkawˇ hta‸ maˍ piˇ hpeh‸ tuˬ ga laˇ sheˍ. 30Naˬ ve gawˬ ve hta‸ gu na-e piˇ tuˬ, nawˬ ve la‸ sheh che leh, nawˬ ve da‸ kehˬ ve awˬ ceˬ Yeˍsuˆ ve awˬ meh hta‸ pa taw, awˬ heˆ leh anˇ tuˬ teˇ hpaˍ hta‸ nawˬ te chehˇ ve yoˬ teh‸, yawˇ hui bon lawˬ ve yoˬ.
31Yawˇ hui bon lawˬ peuˬ hkʼaw‸ nawˉ, yawˇ hui hpawnˬ da‸ ve chehˇ kuiˬ hiˆ la ve yoˬ. Yawˇ hui hkʼa peu-eˬ awˬ hkʼaw lo da‸ ve kehˬ ve Awˬ ha hpu biˇ la leh, Gʼuiˬsha ve tawˇ hkawˇ hta‸ nyi ma ha‸ hanˉ te leh maˍ ve yoˬ.
Mawˇ hkʼa peu-eˬ hta‸ teˇ geh yehˇ ve
32Yonˍ ve chaw awˬ moˍ lonˉ oˇ ve lehˬ, nyi ma teˇ shiˍ tiˉ, dawˇ hkʼaˇ teˇ hkʼaˇ tiˉ taˍ ve yoˬ. Hkʼaˬ ve teˇ gʼaˇ maˇ kʼoˆ, a shu yawˇ cawˬ ve mawˇ jeˬ hta‸ a shu yawˇ ve teh‸ maˇ kʼoˆ leh, hkʼa cawˬ ve mawˇ hkʼa peu-eˬ hta‸ teˇ geh yehˇ ve yoˬ. 33Tcuh yaˇ hui lehˬ, uiˍ jaˇ ve kanˇ paˆ awˬ hkʼaw lo, Jawˇmawˇ Yeˍsuˆ kʼaw‸ te‸ tu la ve awˬ lawn shaˉ hkiˆ hkanˍ ve yoˬ. Yawˇ hui hkʼa peu-eˬ awˬ hkʼoˆ hta‸ uiˍ jaˇ ve awˬ bon cawˬ ve yoˬ. 34Yawˇ hui awˬ hkʼaw lo loˍ ve cuˆ ve chaw teˇ gʼaˇ ka‸ maˇ cawˬ. Awˬ lawn kʼo, miˬguiˬ leh yehˬ hkʼa cawˬ ve chaw teˇ hpaˍ, yawˇ hui ve miˬguiˬ leh yehˬ hta‸ hawˇ leh, gʼa ve hpu hta‸ yuˬ laˬ leh, tcuh yaˇ hui ve hkui paˇ lo taˍ ve yoˬ. 35Yawˇ hui ve awˬ moˍ awˬ hkʼaw lo, teˇ gʼaˇ peuˬ teˇ gʼaˇ loˍ ve hkʼe yawˇ hui hta‸ pehˬ piˇ ve yoˬ.
36Oˇ htaˇ, Kuˇpaˍruˆ conˇ lo paw la ve Leˍviˆ chaw, Yoˇseh‸ meh ve chaw teˇ gʼaˇ cawˬ ve yoˬ. Tcuh yaˇ hui yawˇ hta‸ awˬ meh awˬ suhˉ Baˍnaˍbaˆ teh‸ meh piˇ ve yoˬ. Baˍnaˍbaˆ kʼoˆ ve tcuhˉ kuiˬ lehˬ, awˬ gʼaˇ piˇ shehˍ hpaˇ teh‸ kʼoˆ ve yoˬ. 37Yawˇ cawˬ taˍ ve miˬguiˬ teˇ peˆ hta‸ hawˇ leh, gʼa ve hpu hta‸ tcuh yaˇ hui ve hkui paˇ lo laˬ taˍ ve yoˬ.
Currently Selected:
Tcuh yaˇ li‸ 4: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tcuh yaˇ li‸ 4
4
Yuˇda‸ jawˇmawˇ hui Peˍtruˆ leh Yoˇhanˬ hta‸ suhˉ jehˬ ve
1Yawˇ huiˉ maˬ chaw chi ma ve hta‸ maˍ piˇ chehˇ htaˇ, paw hkuˇ teˇ hpaˍ, bon yehˬ lonˉ hta‸ shaw ve ma‸ poˍ leh Saˍduˆkehˇ teˇ hpaˍ yawˇ hui geh gaˬ la ve yoˬ. 2Yawˇ huiˉ maˬ chaw chi ma ve hta‸ maˍ piˇ leh, suh ve chaw hui hta‸ Yeˍsuˆ kʼaw‸ te‸ tu la piˇ ve awˬ lawn bon maˍ ve pa taw, gaˬ la ve chaw chi teˇ hpaˍ hpeh‸ bawˬ jaˇ ve yoˬ. 3Hkʼe te leh, yawˇ huiˉ maˬ hta‸ hpeh yuˬ leh, mvuhˇ hpeu‸ la ve pa taw, shawˉ pawˍ teˇ nyi hkʼa gaˬ htawnˍ hkʼaw keu taˍ ve yoˬ. 4Bon hkawˇ hta‸ gʼa kaˇ ve chaw maˇ maˇ yonˍ ve yoˬ. Yonˍ ve chaw hawˉ hkʼaˆ tiˉ ngaˇ hinˉ gʼaˇ hkʼe cawˬ ve yoˬ.
5Shawˉ pawˍ teˇ nyi hkʼe gaˬ leh Yuˇda‸ chaw hui ve jawˇmawˇ teˇ hpaˍ, awˬ hoˉ chaw mawˇ teˇ hpaˍ leh li‸ bvuh‸ paˍ teˇ hpaˍ Yeˍruˆsaˍlehnˍ venˇ hkʼaw lo hpawnˬ da‸ ve yoˬ. 6Paw hkuˇ lonˉ Aˍnaˆ leh, Kaˍyaˍhpaˆ, Yoˇhanˬ, Aˍleˍsaˍduˆ leh, paw hkuˇ lonˉ ve awˬ ceuˬ awˬ hkʼaˇ hkʼa peu-eˬ htawˇ, yawˇ hui geh teˇ geh hpawnˬ da‸ ve yoˬ. 7Yawˇ huiˉ maˬ hta‸ yawˇ hui awˬ kʼaw ji lo teh taˍ leh kʼoˆ piˇ ve, Nawˬ huiˉ maˬ a shu ve kanˇ paˆ, a shu ve awˬ meh awˬ hawˉ lo chi hkʼe te ve le teh‸ na nyi ve yoˬ.
8Oˇ htaˇ Peˍtruˆ lehˬ, da‸ ve kehˬ ve Awˬ ha hpu hkʼa biˇ cawˬ leh yawˇ hui hta‸ kʼoˆ piˇ ve, Iˉsaˍreˍlaˆ chaw hui ve jawˇ mawˇ leh awˬ hoˉ chaw mawˇ teˇ hpaˍ-oˬ, 9hkui luˬ paˍ teˇ gʼaˇ hta‸ awˬ bon te piˇ leh, yawˇ hta‸ hkʼaˬ hkʼe te gu na-e piˇ ve awˬ lawn ya‸ nyi ngaˬ huiˉ maˬ hta‸ na nyi laˇ ve kʼo, 10nawˬ hui hkʼa peu-eˬ leh Iˉsaˍreˍlaˆ chaw hkʼa peu-eˬ chi hta‸ shiˍ-o‸. Nawˬ hui la‸ ka hkʼoˆ lo hta‸ pehˍ leh suh kuiˬ lo Gʼuiˬsha kʼaw‸ te‸ tu la piˇ ve Naˍzaˍrehˆ chaw Yeˍsuˆ Hkri‸ ve awˬ meh hta‸ pa taw, chaw chi teˇ gʼaˇ na-e la leh, nawˬ hui mehˆ gʼuˇ suhˍ lo huˉ taˍ ve yoˬ. 11Yeˍsuˆ lehˬ,
nawˬ hui yehˬ kawˍ shehˍ hpaˇ teˇ hpaˍ baˬ taˍ ve haˉ pui shiˍ hpeh‸ htawˇ,
awˬ hkuiˉ puiˍ awˬ ceˍ kʼaweh‸ ve haˉ pui shiˍ hpeh‸ la peuˬ. #Chi 118:22
12Yawˇ maˇ heˆ kʼo, awˬ kaˍ awˬ nu chaw teˇ gʼaˇ ka‸ htaiˍ hkʼaw‸ laˇ maˇ gʼa. Awˬ lawn kʼo, ngaˬ hui htaiˍ hkʼaw‸ ve hta‸ gʼa tuˬ, yawˇ ve awˬ meh maˇ heˆ kʼo, miˬguiˬ hkʼoˆ lo chaw yaˇ hui hta‸ piˇ taˍ ve awˬ kaˍ awˬ nu awˬ meh maˇ cawˬ teh‸ Peˍtruˆ kʼoˆ piˇ ve yoˬ.
13Yawˇ hui lehˬ, Peˍtruˆ leh Yoˇhanˬ nyi ma ha‸ hanˉ ve hta‸ gʼa mawˬ leh, yawˇ huiˉ maˬ li‸ maˇ shiˍ ve chaw, te‸ chiˉ maˇ gʼa henˇ jaw ve chaw hpeh‸ ve hta‸ gʼa shiˍ ve pa taw, anˇ ve yoˬ. Yawˇ huiˉ maˬ Yeˍsuˆ geh chehˇ jaw ve hta‸ yawˇ hui gʼa shiˍ ve yoˬ. 14Na-e la peuˬ ve chaw teˇ gʼaˇ lehˬ, yawˇ huiˉ maˬ geh huˉ chehˇ ve hta‸ gʼa mawˬ ve pa taw, yawˇ hui te‸ chiˉ ka‸ kʼaw‸ kʼoˆ maˇ hpeh‸. 15Oˇ htaˇ, yawˇ huiˉ maˬ hta‸ hpawnˬ da‸ kuiˬ awˬ baˬ lo tawˆ kʼai tcuh peuˬ hkʼaw‸ nawˉ, yawˇ hui teˇ gʼaˇ leh teˇ gʼaˇ jehˬ da‸ leh kʼoˆ ve, 16Chaw chi nyiˇ gʼaˇ hta‸ ngaˬ hui hkʼaˬ hkʼe te tuˬ le. Awˬ lawn kʼo, yawˇ huiˉ maˬ lehˬ, awˬ heˆ awˬ tehˬ awˬ na te tawˆ la ve hta‸ Yeˍruˆsaˍlehnˍ venˇ hkʼaw chehˇ ve chaw hkʼa peu-eˬ gʼa mawˬ gʼa shiˍ ve pa taw, ngaˬ hui te‸ chiˉ ca kʼoˆ maˇ hpeh‸ ve yoˬ. 17ya‸ hkʼaˇ, chaw chi ma ve awˬ hkʼaw lo awˬ lawn chi leuˉ leh maˇ gʼa bvuhˬ kʼai tuˬ, awˬ meh chi hta‸ cuˇ ve awˬ hkʼaw lo teˇ gʼaˇ hta‸ ka‸ maˇ gʼa maˍ tuˬ, yawˇ huiˉ maˬ hta‸ tawˇ hkʼa deh‸ nyiˉ piˇ shaˍ teh‸, yawˇ hui kʼoˆ da‸ ve yoˬ.
18Hkʼe te leh, yawˇ hui yawˇ huiˉ maˬ hta‸ kʼaw‸ kuˬ leh, Yeˍsuˆ ve awˬ meh hta‸ cuˇ ve awˬ hkʼaw lo maˍ piˇ hto piˇ ve teˇ ceuˬ a ciˉ ka‸ taˇ te teh‸ tawˇ piˇ ve yoˬ. 19Ya‸ hkʼaˇ, Peˍtruˆ leh Yoˇhanˬ yawˇ hui hta‸ kʼaw‸ kʼoˆ piˇ ve, Gʼuiˬsha ve tawˇ hkawˇ hta‸ na yuˬ ve a‸ kehˉ nawˬ hui ve tawˇ hkawˇ hta‸ na yuˬ tuˬ, Gʼuiˬsha mehˆ gʼuˇ suhˍ cawˇ maˇ cawˇ ve hta‸ nawˬ hui hkʼaˇ nawˬ hui dawˇ nyi-o. 20Ngaˬ huiˉ maˬ lehˬ, gʼa kaˇ gʼa mawˬ ve awˬ lawn teˇ hpaˍ hta‸ maˇ hto maˇ maˍ ve kʼo, chehˇ maˇ hpeh‸ teh‸ kʼaw‸ kʼoˆ piˇ ve yoˬ. 21Oˇ htaˇ yawˇ hui lehˬ, yawˇ huiˉ maˬ hta‸ tawˇ hkʼa deh‸ kʼaw‸ nyiˉ piˇ leh hpehˇ piˇ ve yoˬ. Chaw chi ma ve hta‸ pa taw yawˇ huiˉ maˬ hta‸ hkʼaˬ hkʼe te ciˍ yanˍ piˇ tuˬ yawˇ hui ca maˇ gʼa ve yoˬ. Awˬ lawn kʼo, hpeh‸ la ve awˬ lawn chi hta‸ pa taw chaw hkʼa peu-eˬ Gʼuiˬsha hta‸ chiˇ uiˍ chiˇ mvuh ve yoˬ. 22Na-e la peuˬ ve, awˬ heˆ chi hta‸ gʼa hkanˍ ve chaw teˇ gʼaˇ lehˬ, a sha‸ awˇ chi hkʼaw‸ hpaˆ gaˬ peuˬ ve yoˬ.
Nyi ma ha‸ hanˉ la tuˬ Hkri‸ yaˇ hui bon lawˬ ve
23Yawˇ huiˉ maˬ hta‸ hpehˇ piˇ peuˬ htaˇ, awˬ chawˇ teˇ hpaˍ geh yawˇ huiˉ maˬ kʼo‸-e leh, paw hkuˇ lonˉ hui leh awˬ hoˉ chaw mawˇ hui hkʼa kʼoˆ laˇ ve hkʼa peu-eˬ yawˇ hui hta‸ kʼaw‸ hto piˇ ve yoˬ. 24Yawˇ hui gʼa kaˇ htaˇ, nyi ma teˇ shiˍ tiˉ taˍ ve awˬ hkʼaw lo, awˬ hkawˇ bvuhˬ chaweh te leh Gʼuiˬsha hta‸ kʼoˆ piˇ ve, Hkʼa peu-eˬ awˬ hkʼoˆ uiˍ ve Jawˇmawˇ-oˬ, nawˬ lehˬ mvuhˇ naw ma, miˬ naˆ ma, laˇ tsuhˇ gʼuiˬ leh oˇ ve teˇ hpaˍ awˬ hkʼaw lo hkʼa cawˬ ve hkʼa peu-eˬ hta‸ te hpanˍ shehˍ hpaˇ hpeh‸ ve yoˬ. 25Nawˬ lehˬ da‸ ve kehˬ ve Awˬ ha hpu hta‸ cuˇ leh nawˬ ve awˬ ceˬ, ngaˬ hui ve awˬ pa Daˍviˆ ve maw‸ kʼaw awˬ hkʼaw lo chi hkʼe kʼoˆ ve,
Aˬ hto‸ ma pa taw buiˇshaˆaˉnaˆ chaw teˇ hpaˍ nyi ma zuhˆ jaˇ ve le.
Aˬ hto‸ ma pa taw chaw yaˇ teˇ hpaˍ awˬ bon maˇ cawˬ ve awˬ ceuˬ hta‸ ca dawˇ nyi ve le.
26Jawˇmawˇ Gʼuiˬsha leh yawˇ ve Hkri‸ hta‸ tawˍ da‸ tuˬ,
chi miˬguiˬ ve hkunˉ hawˉ hkanˇ teˇ hpaˍ tu la leh,
uˉ peunˍ shehˍ hpaˇ teˇ hpaˍ lehˬ teˇ geh hpawnˬ chehˇ ve yoˬ,
teh‸ Daˍviˆ kʼoˆ taˍ ve yoˬ. #Chi 2:1-2 27Nawˬ naˍ manˇ shehˍ taˍ ve, nawˬ ve da‸ kehˬ ve awˬ ceˬ Yeˍsuˆ hta‸ tawˍ da‸ tuˬ, jawˇmawˇ Heˍroˆ leh jawˇmawˇ Poˍtiˆ Piˉla‸, buiˇshaˆaˉnaˆ chaw hui leh, Iˉsaˍreˍlaˆ chaw hui ka‸, venˇ chi awˬ hkʼaw lo awˬ tehˬ awˬ na teˇ geh hpawnˬ da‸ ve yoˬ. 28Aˬ sho-eˬ htaˇ ka‸ nawˬ ve kanˇ paˆ leh nawˬ ve a loˍ cawˇ ve hkʼe nawˬ dawˇ cheˆ taˍ ve hkʼa shuˍ shuˍ hpeh‸ la tuˬ, yawˇ hui hpawnˬ da‸ ve yoˬ. 29Jawˇmawˇ Gʼuiˬsha-oˬ, chi beu‸ yawˇ hui tawˇ nyiˉ laˇ ve hta‸ nawˬ nyi leh, nawˬ ve awˬ ceˬ hui nyi ma ha‸ hanˉ te leh nawˬ ve tawˇ hkawˇ hta‸ maˍ piˇ hpeh‸ tuˬ ga laˇ sheˍ. 30Naˬ ve gawˬ ve hta‸ gu na-e piˇ tuˬ, nawˬ ve la‸ sheh che leh, nawˬ ve da‸ kehˬ ve awˬ ceˬ Yeˍsuˆ ve awˬ meh hta‸ pa taw, awˬ heˆ leh anˇ tuˬ teˇ hpaˍ hta‸ nawˬ te chehˇ ve yoˬ teh‸, yawˇ hui bon lawˬ ve yoˬ.
31Yawˇ hui bon lawˬ peuˬ hkʼaw‸ nawˉ, yawˇ hui hpawnˬ da‸ ve chehˇ kuiˬ hiˆ la ve yoˬ. Yawˇ hui hkʼa peu-eˬ awˬ hkʼaw lo da‸ ve kehˬ ve Awˬ ha hpu biˇ la leh, Gʼuiˬsha ve tawˇ hkawˇ hta‸ nyi ma ha‸ hanˉ te leh maˍ ve yoˬ.
Mawˇ hkʼa peu-eˬ hta‸ teˇ geh yehˇ ve
32Yonˍ ve chaw awˬ moˍ lonˉ oˇ ve lehˬ, nyi ma teˇ shiˍ tiˉ, dawˇ hkʼaˇ teˇ hkʼaˇ tiˉ taˍ ve yoˬ. Hkʼaˬ ve teˇ gʼaˇ maˇ kʼoˆ, a shu yawˇ cawˬ ve mawˇ jeˬ hta‸ a shu yawˇ ve teh‸ maˇ kʼoˆ leh, hkʼa cawˬ ve mawˇ hkʼa peu-eˬ hta‸ teˇ geh yehˇ ve yoˬ. 33Tcuh yaˇ hui lehˬ, uiˍ jaˇ ve kanˇ paˆ awˬ hkʼaw lo, Jawˇmawˇ Yeˍsuˆ kʼaw‸ te‸ tu la ve awˬ lawn shaˉ hkiˆ hkanˍ ve yoˬ. Yawˇ hui hkʼa peu-eˬ awˬ hkʼoˆ hta‸ uiˍ jaˇ ve awˬ bon cawˬ ve yoˬ. 34Yawˇ hui awˬ hkʼaw lo loˍ ve cuˆ ve chaw teˇ gʼaˇ ka‸ maˇ cawˬ. Awˬ lawn kʼo, miˬguiˬ leh yehˬ hkʼa cawˬ ve chaw teˇ hpaˍ, yawˇ hui ve miˬguiˬ leh yehˬ hta‸ hawˇ leh, gʼa ve hpu hta‸ yuˬ laˬ leh, tcuh yaˇ hui ve hkui paˇ lo taˍ ve yoˬ. 35Yawˇ hui ve awˬ moˍ awˬ hkʼaw lo, teˇ gʼaˇ peuˬ teˇ gʼaˇ loˍ ve hkʼe yawˇ hui hta‸ pehˬ piˇ ve yoˬ.
36Oˇ htaˇ, Kuˇpaˍruˆ conˇ lo paw la ve Leˍviˆ chaw, Yoˇseh‸ meh ve chaw teˇ gʼaˇ cawˬ ve yoˬ. Tcuh yaˇ hui yawˇ hta‸ awˬ meh awˬ suhˉ Baˍnaˍbaˆ teh‸ meh piˇ ve yoˬ. Baˍnaˍbaˆ kʼoˆ ve tcuhˉ kuiˬ lehˬ, awˬ gʼaˇ piˇ shehˍ hpaˇ teh‸ kʼoˆ ve yoˬ. 37Yawˇ cawˬ taˍ ve miˬguiˬ teˇ peˆ hta‸ hawˇ leh, gʼa ve hpu hta‸ tcuh yaˇ hui ve hkui paˇ lo laˬ taˍ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.