Tcuh yaˇ li‸ 3
3
Hkui luˬ paˍ hta‸ gu na-e piˇ ve
1Teˇ nyi htaˇ Peˍtruˆ leh Yoˇhanˬ, mvuhˇ hpeu‸ hpawˇ shehˆ naˍ riˍ bon lawˬ ve awˬ yanˇ awˬ hkʼaw lo, bon yehˬ lonˉ lo taˆ-e ve yoˬ. 2Paw la htaˇ ka‸ hkui sheh luˬ ve chaw teˇ gʼaˇ lehˬ, bon yehˬ lonˉ hkʼaw lo‸-e ve chaw teˇ hpaˍ geh lawˬ caˇ tuˬ, teˇ nyi le le shu yawˇ hta‸ taˆ laˬ leh, bon yehˬ lonˉ awˬ hkʼaw lo, Nyi sha ve teh‸ kʼoˆ ve yehˬ miˉ awˬ paˇ lo teh taˍ ve yoˬ. 3Peˍtruˆ leh Yoˇhanˬ bon yehˬ lonˉ awˬ hkʼaw lo lo‸-e chehˇ ve hta‸ yawˇ gʼa mawˬ leh yawˇ huiˉ maˬ geh lawˬ ve yoˬ. 4Oˇ htaˇ, Peˍtruˆ leh Yoˇhanˬ yawˇ hta‸ hkʼa deh‸ nyi leh, Ngaˬ huiˉ maˬ hta‸ nyi-o teh‸ Peˍtruˆ kʼoˆ piˇ ve yoˬ. 5Yawˇ lehˬ yawˇ huiˉ maˬ geh teˇ ceuˬ ceuˬ gʼa tuˬ teh‸ dawˇ leh, yawˇ huiˉ maˬ hta‸ hkʼa deh‸ nyi taˍ ve yoˬ. 6Peˍtruˆ kʼoˆ ve, Ngaˬ geh hpu shi maˇ cawˬ. Ya‸ hkʼaˇ, ngaˬ cawˬ ve awˬ ceuˬ nawˬ hta‸ pe‸ laˇ ve yoˬ. Naˍzaˍrehˆ chaw Yeˍsuˆ Hkri‸ ve awˬ meh awˬ hawˉ lo juˇ kʼai loˬ teh‸ kʼoˆ piˇ ve yoˬ. 7Oˇ htaˇ, yawˇ ve la‸ sha paˉ la‸ sheh hta‸ Peˍtruˆ gʼawˬ tu piˇ leh, teˇ cawˬ haˉ yawˇ ve hkui taw peh leh hkui kʼawˍ lehˍ awˬ gʼaˇ cawˬ la ve yoˬ. 8Yawˇ pawˆ tu leh juˇ kʼai ve yoˬ. Yawˇ hui geh teˇ geh bon yehˬ lonˉ hkʼaw lo‸-e leh juˇ kʼai, pawˆ kʼai leh Gʼuiˬ sha hta‸ chiˇ mvuh ve yoˬ. 9Yawˇ juˇ kʼai chehˇ leh Gʼuiˬsha hta‸ chiˇ mvuh chehˇ ve hta‸ chaw hkʼa peu-eˬ gʼa mawˬ ve teˇ yanˇ, 10yawˇ lehˬ bon yehˬ lonˉ ve Nyi sha ve yehˬ miˉ awˬ paˇ lo mui taˍ leh lawˬ caˇ chehˇ ve chaw teˇ gʼaˇ yoˬ teh‸, yawˇ hui gʼa shiˍ ve yoˬ. Yawˇ hkʼaˬ hkʼe hpeh‸ la peuˬ ve hta‸ yawˇ hui gʼa mawˬ leh, yawˇ hui anˇ jaˇ leh dawˇ maˇ tawˆ ve yoˬ.
Sawˉla‸monˍ ve koˇ caˉ lo Peˍtruˆ bon maˍ ve
11Chaw oˇ ve teˇ gʼaˇ lehˬ, Peˍtruˆ leh Yoˇhanˬ hta‸ vawˆ taˍ htaˇ, chaw chi ma ve anˇ jaˇ ve awˬ hkʼaw lo yawˇ huiˉ maˬ geh Sawˉla‸monˍ ve koˇ caˉteh‸ kʼoˆ ve teˇ kaˬ lo gʼuiˇ laˬ ve yoˬ. 12Peˍtruˆ chi hta‸ gʼa mawˬ htaˇ, chaw chi ma ve hta‸ yawˇ kʼoˆ piˇ ve, Iˉsaˍreˍlaˆ chaw teˇ hpaˍ-oˬ, aˬ hto‸ ma pa taw awˬ lawn chi hta‸ naw hui anˇ ve le. Ngaˬ huiˉ maˬ lehˬ, a shu yawˇ ve kanˇ paˆ leh a shu yawˇ ve da‸ hkuiˇ ja hkuiˇ hta‸ pa taw chaw chi teˇ gʼaˇ hta‸ ya‸ kʼaw juˇ piˇ lawˬ ve teh‸ nawˬ hui dawˇ leh, aˬ hto‸ ma pa taw ngaˬ huiˉ maˬ hta‸ tiˉ nyi tiˍ taˍ ve le. 13Aˍbraˍhanˍ, Iˉcaˆ leh Yaˍkoˆ hui ve Gʼuiˬsha hpeh‸ ve, ngaˬ hui ve awˬ puˍ awˬ pi hui ve Gʼuiˬsha lehˬ, yawˇ ve awˬ ceˬ Yeˍsuˆ hta‸ awˬ me‸ awˬ hponˇ tawˆ la piˇ peuˬ. Nawˬ hui lehˬ, yawˇ hta‸ chiˇ a‸ piˇ leh jawˇmawˇ Piˉla‸ yawˇ hta‸ hpehˇ piˇ tuˬ dawˇ cheˆ ve teˇ yanˇ, nawˬ hui jawˇmawˇ Piˉla‸ mehˆ gʼuˇ suhˍ yawˇ hta‸ chiˇ baˬ ve yoˬ. 14Da‸ ve kehˬ ve leh hteˇ ve cawˇ ve Awˬ shehˍ hpaˇ teˇ gʼaˇ hta‸ nawˬ hui chiˇ baˬ leh, shu hta‸ tiˇ pehˍ shehˍ hpaˇ teˇ gʼaˇ hta‸ nawˬ hui lawˬ yuˬ ve yoˬ. 15Co ha te‸ piˇ shehˍ hpaˇ hta‸ nawˬ hui tiˇ pehˍ ve htawˇ, Gʼuiˬsha yawˇ hta‸ suh kuiˬ lo kʼaw‸ te‸ tu la piˇ ve yoˬ. Ngaˬ hui lehˬ, awˬ lawn chi hta‸ shaˉ hkiˆ hkanˍ paˍ hpeh‸ ve yoˬ. 16Nawˬ hui gʼa mawˬ gʼa shiˍ ve chaw chi teˇ gʼaˇ awˬ gʼaˇ cawˬ la ve lehˬ, Yeˍsuˆ ve awˬ meh hta‸ yonˍ ve pa taw, awˬ meh oˇ ve lehˬ yawˇ hta‸ awˬ gʼaˇ cawˬ la piˇ ve yoˬ. Yonˍ ve teˇ ceuˬ lehˬ, Yeˍsuˆ hta‸ pa taw gʼa leh, yonˍ ve oˇ ve lehˬ, nawˬ hui hkʼa peu-eˬ mehˆ gʼuˇ suhˍ chaw chi teˇ gʼaˇ hta‸ hkʼa deh‸ chehˇ sha la piˇ peuˬ.
17Awˬ viˉ awˬ nyi teˇ hpaˍ-oˬ, nawˬ hui ve jawˇmawˇ teˇ hpaˍ maˇ shiˍ leh te ve hkʼe, nawˬ hui htawˇ maˇ shiˍ leh chi hkʼe te ve hta‸ ngaˬ shiˍ ve yoˬ. 18Gʼuiˬsha lehˬ yawˇ ve Hkri‸ gʼa tu‸ gʼa hkanˍ tuˬ yoˬ teh‸, yawˇ ve tcuh kaˍ paˍ hui hta‸ cuˇ leh awˬ gʼuˇ suhˍ htaˇ ka‸ kʼoˆ taˍ ve hkʼe, yawˇ te biˇ la peuˬ. 19Hkʼe te leh, Gʼuiˬsha nawˬ hui ve venˇ baˆ hta‸ shiˆ baˬ laˇ tuˬ, venˇbaˆ hta‸ dawˇ hpfuhˆ leh nyi ma kʼaw‸ pa-o. Chi hkʼe te ve kʼo, Jawˇmawˇ Gʼuiˬsha lo laˬ ve dawˇ sha ve awˬ yanˇ gaˬ la leh, 20nawˬ hui awˬ pon leuˆ yuˬ taˍ ve Yeˍsuˆ teh‸ kʼoˆ ve Hkri‸ teˇ gʼaˇ hta‸ yawˇ peu laˇ tuˬ yoˬ. 21Gʼuiˬsha lehˬ, aˬ sho-eˬ htaˇ ka‸ yawˇ ve da‸ kehˬ ve tcuh kaˍ paˍ teˇ hpaˍ hta‸ cuˇ leh kʼoˆ taˍ ve hkʼa shuˍ shuˍ, awˬ ceuˬ hkʼa peu-eˬ ve hta‸ awˬ suhˉ kʼaw‸ gu te htaˇ hkʼa gaˬ, Yeˍsuˆ mvuhˇ naw ma hkʼoˆ lo gʼa chehˇ tuˬ yoˬ. 22Moˉseˍ kʼoˆ ve, Jawˇmawˇ Gʼuiˬsha lehˬ, nawˬ hui ve awˬ ceuˬ awˬ hkʼaˇ awˬ hkʼaw lo, ngaˬ hta‸ shuˍ ve tcuh kaˍ paˍ teˇ gʼaˇ hta‸ nawˬ hui awˬ pon tawˆ la piˇ tuˬ yoˬ. Yawˇ nawˬ hui hta‸ hkʼa kʼoˆ laˇ ve tawˇ hkawˇ teˇ hpaˍ hta‸ nawˬ hui gʼa na yuˬ tuˬ yoˬ. 23A shu teˇ gʼaˇ maˇ kʼoˆ, Gʼuiˬsha ve tcuh kaˍ paˍ oˇ ve teˇ gʼaˇ ve tawˇ hkawˇ hta‸ maˇ na yuˬ ve kʼo, chaw oˇ ve teˇ gʼaˇ lehˬ, a shu yawˇ ve chaw ceuˬ awˬ hkʼaw lo tawˆ baˬ ve hta‸ gʼa hkanˍ tuˬ yoˬ teh‸ Moˉseˍ kʼoˆ taˍ ve yoˬ. #Bon 18:15-19, Okʼo 23:29 24Saˍmo-eˍlaˆ hta‸ tanˬ leh, yawˇ awˬ hkʼaw‸ nawˉ hkʼa tawˆ la ve tcuh kaˍ paˍ hkʼa peu-eˬ lehˬ, awˬ nyi awˬ haˉ chi teˇ hpaˍ awˬ lawn hta‸ kʼoˆ taˍ ve yoˬ. 25Nawˬ hui lehˬ, Gʼuiˬsha ve tcuh kaˍ paˍ hui ve awˬ yaˇ awˬ duˬ hpeh‸ leh, nawˬ hui ve awˬ puˍ awˬ pi teˇ hpaˍ hta‸ Gʼuiˬ sha piˇ taˍ ve ka ti‸ shaˉ caˆ hta‸ caˉ da‸ ve awˬ yaˇ awˬ duˬ hui htawˇ hpeh‸ ve yoˬ. Ka ti‸ shaˉ caˆ oˇ ve lehˬ, Gʼuiˬsha Aˍbraˍhanˍ hta‸ kʼoˆ piˇ ve, Nawˬ ve awˬ ceuˬ awˬ hkʼaˇ hta‸ pa taw, miˬguiˬ chaw ceuˬ hkʼa peu-eˬ awˬ bon gʼa tuˬ yoˬ teh‸ Gʼuiˬ sha kʼoˆ taˍ ve yoˬ. #Ahkp 12:3 26Nawˬ hui awˬ hkʼaw lo teˇ gʼaˇ le le, a shu yawˇ ve venˇbaˆ hta‸ hpfuhˆ baˬ taˉ ve pa taw, Gʼuiˬsha nawˬ hui hta‸ na‸ piˇ tuˬ, yawˇ lehˬ yawˇ ve awˬ ceˬ hta‸ tawˆ la piˇ leh, nawˬ hui geh awˉ lawˉ peu laˇ ve yoˬ teh‸, Peˍtruˆ yawˇ hui hta‸ kʼoˆ piˇ ve yoˬ.
Currently Selected:
Tcuh yaˇ li‸ 3: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tcuh yaˇ li‸ 3
3
Hkui luˬ paˍ hta‸ gu na-e piˇ ve
1Teˇ nyi htaˇ Peˍtruˆ leh Yoˇhanˬ, mvuhˇ hpeu‸ hpawˇ shehˆ naˍ riˍ bon lawˬ ve awˬ yanˇ awˬ hkʼaw lo, bon yehˬ lonˉ lo taˆ-e ve yoˬ. 2Paw la htaˇ ka‸ hkui sheh luˬ ve chaw teˇ gʼaˇ lehˬ, bon yehˬ lonˉ hkʼaw lo‸-e ve chaw teˇ hpaˍ geh lawˬ caˇ tuˬ, teˇ nyi le le shu yawˇ hta‸ taˆ laˬ leh, bon yehˬ lonˉ awˬ hkʼaw lo, Nyi sha ve teh‸ kʼoˆ ve yehˬ miˉ awˬ paˇ lo teh taˍ ve yoˬ. 3Peˍtruˆ leh Yoˇhanˬ bon yehˬ lonˉ awˬ hkʼaw lo lo‸-e chehˇ ve hta‸ yawˇ gʼa mawˬ leh yawˇ huiˉ maˬ geh lawˬ ve yoˬ. 4Oˇ htaˇ, Peˍtruˆ leh Yoˇhanˬ yawˇ hta‸ hkʼa deh‸ nyi leh, Ngaˬ huiˉ maˬ hta‸ nyi-o teh‸ Peˍtruˆ kʼoˆ piˇ ve yoˬ. 5Yawˇ lehˬ yawˇ huiˉ maˬ geh teˇ ceuˬ ceuˬ gʼa tuˬ teh‸ dawˇ leh, yawˇ huiˉ maˬ hta‸ hkʼa deh‸ nyi taˍ ve yoˬ. 6Peˍtruˆ kʼoˆ ve, Ngaˬ geh hpu shi maˇ cawˬ. Ya‸ hkʼaˇ, ngaˬ cawˬ ve awˬ ceuˬ nawˬ hta‸ pe‸ laˇ ve yoˬ. Naˍzaˍrehˆ chaw Yeˍsuˆ Hkri‸ ve awˬ meh awˬ hawˉ lo juˇ kʼai loˬ teh‸ kʼoˆ piˇ ve yoˬ. 7Oˇ htaˇ, yawˇ ve la‸ sha paˉ la‸ sheh hta‸ Peˍtruˆ gʼawˬ tu piˇ leh, teˇ cawˬ haˉ yawˇ ve hkui taw peh leh hkui kʼawˍ lehˍ awˬ gʼaˇ cawˬ la ve yoˬ. 8Yawˇ pawˆ tu leh juˇ kʼai ve yoˬ. Yawˇ hui geh teˇ geh bon yehˬ lonˉ hkʼaw lo‸-e leh juˇ kʼai, pawˆ kʼai leh Gʼuiˬ sha hta‸ chiˇ mvuh ve yoˬ. 9Yawˇ juˇ kʼai chehˇ leh Gʼuiˬsha hta‸ chiˇ mvuh chehˇ ve hta‸ chaw hkʼa peu-eˬ gʼa mawˬ ve teˇ yanˇ, 10yawˇ lehˬ bon yehˬ lonˉ ve Nyi sha ve yehˬ miˉ awˬ paˇ lo mui taˍ leh lawˬ caˇ chehˇ ve chaw teˇ gʼaˇ yoˬ teh‸, yawˇ hui gʼa shiˍ ve yoˬ. Yawˇ hkʼaˬ hkʼe hpeh‸ la peuˬ ve hta‸ yawˇ hui gʼa mawˬ leh, yawˇ hui anˇ jaˇ leh dawˇ maˇ tawˆ ve yoˬ.
Sawˉla‸monˍ ve koˇ caˉ lo Peˍtruˆ bon maˍ ve
11Chaw oˇ ve teˇ gʼaˇ lehˬ, Peˍtruˆ leh Yoˇhanˬ hta‸ vawˆ taˍ htaˇ, chaw chi ma ve anˇ jaˇ ve awˬ hkʼaw lo yawˇ huiˉ maˬ geh Sawˉla‸monˍ ve koˇ caˉteh‸ kʼoˆ ve teˇ kaˬ lo gʼuiˇ laˬ ve yoˬ. 12Peˍtruˆ chi hta‸ gʼa mawˬ htaˇ, chaw chi ma ve hta‸ yawˇ kʼoˆ piˇ ve, Iˉsaˍreˍlaˆ chaw teˇ hpaˍ-oˬ, aˬ hto‸ ma pa taw awˬ lawn chi hta‸ naw hui anˇ ve le. Ngaˬ huiˉ maˬ lehˬ, a shu yawˇ ve kanˇ paˆ leh a shu yawˇ ve da‸ hkuiˇ ja hkuiˇ hta‸ pa taw chaw chi teˇ gʼaˇ hta‸ ya‸ kʼaw juˇ piˇ lawˬ ve teh‸ nawˬ hui dawˇ leh, aˬ hto‸ ma pa taw ngaˬ huiˉ maˬ hta‸ tiˉ nyi tiˍ taˍ ve le. 13Aˍbraˍhanˍ, Iˉcaˆ leh Yaˍkoˆ hui ve Gʼuiˬsha hpeh‸ ve, ngaˬ hui ve awˬ puˍ awˬ pi hui ve Gʼuiˬsha lehˬ, yawˇ ve awˬ ceˬ Yeˍsuˆ hta‸ awˬ me‸ awˬ hponˇ tawˆ la piˇ peuˬ. Nawˬ hui lehˬ, yawˇ hta‸ chiˇ a‸ piˇ leh jawˇmawˇ Piˉla‸ yawˇ hta‸ hpehˇ piˇ tuˬ dawˇ cheˆ ve teˇ yanˇ, nawˬ hui jawˇmawˇ Piˉla‸ mehˆ gʼuˇ suhˍ yawˇ hta‸ chiˇ baˬ ve yoˬ. 14Da‸ ve kehˬ ve leh hteˇ ve cawˇ ve Awˬ shehˍ hpaˇ teˇ gʼaˇ hta‸ nawˬ hui chiˇ baˬ leh, shu hta‸ tiˇ pehˍ shehˍ hpaˇ teˇ gʼaˇ hta‸ nawˬ hui lawˬ yuˬ ve yoˬ. 15Co ha te‸ piˇ shehˍ hpaˇ hta‸ nawˬ hui tiˇ pehˍ ve htawˇ, Gʼuiˬsha yawˇ hta‸ suh kuiˬ lo kʼaw‸ te‸ tu la piˇ ve yoˬ. Ngaˬ hui lehˬ, awˬ lawn chi hta‸ shaˉ hkiˆ hkanˍ paˍ hpeh‸ ve yoˬ. 16Nawˬ hui gʼa mawˬ gʼa shiˍ ve chaw chi teˇ gʼaˇ awˬ gʼaˇ cawˬ la ve lehˬ, Yeˍsuˆ ve awˬ meh hta‸ yonˍ ve pa taw, awˬ meh oˇ ve lehˬ yawˇ hta‸ awˬ gʼaˇ cawˬ la piˇ ve yoˬ. Yonˍ ve teˇ ceuˬ lehˬ, Yeˍsuˆ hta‸ pa taw gʼa leh, yonˍ ve oˇ ve lehˬ, nawˬ hui hkʼa peu-eˬ mehˆ gʼuˇ suhˍ chaw chi teˇ gʼaˇ hta‸ hkʼa deh‸ chehˇ sha la piˇ peuˬ.
17Awˬ viˉ awˬ nyi teˇ hpaˍ-oˬ, nawˬ hui ve jawˇmawˇ teˇ hpaˍ maˇ shiˍ leh te ve hkʼe, nawˬ hui htawˇ maˇ shiˍ leh chi hkʼe te ve hta‸ ngaˬ shiˍ ve yoˬ. 18Gʼuiˬsha lehˬ yawˇ ve Hkri‸ gʼa tu‸ gʼa hkanˍ tuˬ yoˬ teh‸, yawˇ ve tcuh kaˍ paˍ hui hta‸ cuˇ leh awˬ gʼuˇ suhˍ htaˇ ka‸ kʼoˆ taˍ ve hkʼe, yawˇ te biˇ la peuˬ. 19Hkʼe te leh, Gʼuiˬsha nawˬ hui ve venˇ baˆ hta‸ shiˆ baˬ laˇ tuˬ, venˇbaˆ hta‸ dawˇ hpfuhˆ leh nyi ma kʼaw‸ pa-o. Chi hkʼe te ve kʼo, Jawˇmawˇ Gʼuiˬsha lo laˬ ve dawˇ sha ve awˬ yanˇ gaˬ la leh, 20nawˬ hui awˬ pon leuˆ yuˬ taˍ ve Yeˍsuˆ teh‸ kʼoˆ ve Hkri‸ teˇ gʼaˇ hta‸ yawˇ peu laˇ tuˬ yoˬ. 21Gʼuiˬsha lehˬ, aˬ sho-eˬ htaˇ ka‸ yawˇ ve da‸ kehˬ ve tcuh kaˍ paˍ teˇ hpaˍ hta‸ cuˇ leh kʼoˆ taˍ ve hkʼa shuˍ shuˍ, awˬ ceuˬ hkʼa peu-eˬ ve hta‸ awˬ suhˉ kʼaw‸ gu te htaˇ hkʼa gaˬ, Yeˍsuˆ mvuhˇ naw ma hkʼoˆ lo gʼa chehˇ tuˬ yoˬ. 22Moˉseˍ kʼoˆ ve, Jawˇmawˇ Gʼuiˬsha lehˬ, nawˬ hui ve awˬ ceuˬ awˬ hkʼaˇ awˬ hkʼaw lo, ngaˬ hta‸ shuˍ ve tcuh kaˍ paˍ teˇ gʼaˇ hta‸ nawˬ hui awˬ pon tawˆ la piˇ tuˬ yoˬ. Yawˇ nawˬ hui hta‸ hkʼa kʼoˆ laˇ ve tawˇ hkawˇ teˇ hpaˍ hta‸ nawˬ hui gʼa na yuˬ tuˬ yoˬ. 23A shu teˇ gʼaˇ maˇ kʼoˆ, Gʼuiˬsha ve tcuh kaˍ paˍ oˇ ve teˇ gʼaˇ ve tawˇ hkawˇ hta‸ maˇ na yuˬ ve kʼo, chaw oˇ ve teˇ gʼaˇ lehˬ, a shu yawˇ ve chaw ceuˬ awˬ hkʼaw lo tawˆ baˬ ve hta‸ gʼa hkanˍ tuˬ yoˬ teh‸ Moˉseˍ kʼoˆ taˍ ve yoˬ. #Bon 18:15-19, Okʼo 23:29 24Saˍmo-eˍlaˆ hta‸ tanˬ leh, yawˇ awˬ hkʼaw‸ nawˉ hkʼa tawˆ la ve tcuh kaˍ paˍ hkʼa peu-eˬ lehˬ, awˬ nyi awˬ haˉ chi teˇ hpaˍ awˬ lawn hta‸ kʼoˆ taˍ ve yoˬ. 25Nawˬ hui lehˬ, Gʼuiˬsha ve tcuh kaˍ paˍ hui ve awˬ yaˇ awˬ duˬ hpeh‸ leh, nawˬ hui ve awˬ puˍ awˬ pi teˇ hpaˍ hta‸ Gʼuiˬ sha piˇ taˍ ve ka ti‸ shaˉ caˆ hta‸ caˉ da‸ ve awˬ yaˇ awˬ duˬ hui htawˇ hpeh‸ ve yoˬ. Ka ti‸ shaˉ caˆ oˇ ve lehˬ, Gʼuiˬsha Aˍbraˍhanˍ hta‸ kʼoˆ piˇ ve, Nawˬ ve awˬ ceuˬ awˬ hkʼaˇ hta‸ pa taw, miˬguiˬ chaw ceuˬ hkʼa peu-eˬ awˬ bon gʼa tuˬ yoˬ teh‸ Gʼuiˬ sha kʼoˆ taˍ ve yoˬ. #Ahkp 12:3 26Nawˬ hui awˬ hkʼaw lo teˇ gʼaˇ le le, a shu yawˇ ve venˇbaˆ hta‸ hpfuhˆ baˬ taˉ ve pa taw, Gʼuiˬsha nawˬ hui hta‸ na‸ piˇ tuˬ, yawˇ lehˬ yawˇ ve awˬ ceˬ hta‸ tawˆ la piˇ leh, nawˬ hui geh awˉ lawˉ peu laˇ ve yoˬ teh‸, Peˍtruˆ yawˇ hui hta‸ kʼoˆ piˇ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.