Philippians 2

1Aman antanta ma, ncè-a-ndav kinè te Kristi a va kine wuƋi Ƌè? Mwoy-ndo a ndav nenga'a a bid kinè Ƌè? Kin humda a Mèzhèɓ nkezla'a Ƌè? Kin woy va kinè ƌè? Ndo a se kinè te va ƌè? 2Man arsa, vagau aman i wuffè holhola'a, vahur te ndav lèmèlèmè, a ndav staƌ, vawoy va kinè lèmèlèmè a ndav staƌ a mèzhèɓ staƌ. 3Kin büzh va, a géƌ nfi va mbalai ɓai; aman vamanda gèƌ a hai, a kin rka ndo ngiƌè ara man a fen kinè. 4Staƌ staƌ tèlèba da hur skwi na genè ka ɓai, aman a géƌ ndo ngiƌè ba.

5Gar haha vahuro, ara man Yèsu Kristi a huro. 6Nenga'a, ko a n'ngots va Zhiklè, a ngu a géƌ ngi nenga'a a srak ka ɓai, aman a gi lèmèlèmè ara Zhiklè; 7aman a ndeda va na a ɓèlè. A ngu lèmèlèmè ara ndo, a n'nza ara ndo. 8Te skwi man a gau ara ndo, a m'manda gèƋna a hai, a nfu gèƋ a Zhiklè, ba a nco m'metsai, m'metsai a wof ngèzlèlè'a.

9Gar haha Zhiklè a n'nzala'a a vata, a mva na nzlembaƋ a gèƋ nzlembaƋ tèlèba, 10aman a nzlembaƋ Yèsu, gurmbèzh tèlè ta da gurɓè a hai, ko te zhiklè, ko a géƋ herkeda, ko t'hwaƋ herkeda. 11A nè'èn tèlè ta ngrédè'a, Yèsu Kristi Bai, a n'njèl Zhiklè, Bab na.

12Gar haha kinè dalahimam ga, ara man kin fi gèƋ a ma ga pèc pècèk, vagu arsa man i zhè a sam kinè genè ka ɓai, aman ko antanta ba, man iyè az a sam kinè ɓai. Vagu a zlau a ngudzai, aman kin mbél kinè. 13Aman Zhikle, nenga'a a gi te ndav kinè, aman kin woya'a, a kin gia'a, ara man ambaba.

14Vagu skwi tèlèba a nkuƋi a va ka ɓai, a mpi gèƋ cèw ka ɓai. 15Aman kinè, vanza, ma az a gèƋ kinè ɓai, zura"a, wudahi Zhiklè, mali az a sam kinè ɓai, te ndev ndohi herkeda man ta gedas ta, a ta ngwode ta a ndohi ambaɓihia"a, te ndev tenga"a kin hèl sam ara skwi nhèl sam t"herkeda, 16a ma nshèffè te rai. Aranta kinè ara skwi njégèr va ga. A pats Kristi, man a ngrédè auda, i hau ambali ka ɓai, 17i ga mizlinè ambali ɓai. Ko ta giyè a skwi man ta va na Zhiklè, nshèffè ga skwi man ta vi a Zhiklè a gèƋ ncè-a-ndav kinè, i wuffè genè, a i wuffè a nda kinè tèlèba.

18Kinè ba, sèi kin wuffè lèmèlèmè, a kin gi langlanga"a a nda iyè! 19Aman i zhèrè te ndav te Bai Yèsu, i da zlinda kinè Timothèe ndul ndul, a nda mendkoy ma kinè a deɓa, a ndav ga a gi langlanga'a. 20Aman i ngatsa ndo ngiƋè ɓai, man a hérèa ara ga ga, a ndzaraha kinè a ndav tèlèba, sèi nenga'a. 21Aman ta tèlèba ta woy skwi ta, skwi Yèsu Kristi ka ɓai.

22Aman kin sun Timothée, nenga'a njkudo ma, a n'nza a sam ga, a ntakahayè a géƋ ma mbela'a, ara kra man a takaha bab na. 23l zhèrè te ndav, te deɓa'a man i tsena skwi man ta da gi a sam ga a ma ma, i war i zlinda kinè Timothée. 24Aman i fì gèƌ a vna, te Bi Yesu, aman iyè a ri ga, a di i dè a sam kinè ndul ndul.

25Aman i huro amba aman i zlinda kinè Epaphrodite ba, kramam nga. Nenga'a ndo mizlinè ga, ndo man nga gi var a vna, ndo sak kinè, ndo ntakaha kinè te di man a ga. 26Mpataka kinè tèlèba a keƌa'a, a ndav nenga'a m'mbeƌa, a géƌ man kin tsena'a, ara man nenga'a mbelakaɓai. 27A patsakai skwa a ndza na man a vèvèd a vava. Aman a nsau Bi Zhiklè te va, nenga'a genè ka ɓai, aman iyè ba, a woy a mbedamay ndav pèc pècèk azɓai.

28A i zlindè ani tsam tsam, aman kin da rka'a, a kin wuffè za'a, a iyè ba, i kuƋi a vata azɓai. 29Voco nenga'a te Bi Yèsu a mwuffè tèlèba, vaslebarde ta ndohi haha! 30Aman a géƋ mizlinè Kristi a m'mbel na pshetühtüh, a nrka nshèffè na ara skwi ambalai, a géƋ man a slaha a ntakahayè te di man a kinè.

Currently Selected:

Philippians 2: MAFNT

Highlight

Copy