Luke 6:27-49

Aman kinè, man kin tsena ma ga, i gaƋa kinè: Vawoy ndohi mayamhi kinè a ndav kinè! Vaga ta skwi man amba a ndohi man ta ga kinè shèwa! Ndohi man ta phomde kinè, vapshè ta ma! Va­tsu rai a géƋ ndohi man ta derƋe kinè. Man ndo a tsama ka bazlazlam, ngwoda na civèƋ ngiƋè! Ndo man a cèma ka dawar ngaya, va na nt'hwaƋa'a a va'aî Ndo man a jhèƋè skwi a sam ngaya, va na! Ndo man a ngezlama ka skwi ngaya, jèka na! A skwi man kin woya ndohi ta ga kinè, vaga ta tenga'a lèmèlèmè. Aman kin woy ndohi man ta woy kinè genè, kin fèn ta ndohi ngiƋè a mè? Ko ndohi malihai ta woy tengahia'a man ta woy ta. Aman kin menda ta skwi man amba a deɓa a ndohi man ta ga kinè skwi man amba, kin fèn ta ndohi ngiƋè a mè? Ko ndohi malihai ta gia arsa. Aman kin va ta skwai a nslembelom a ndohi man kin hur kin da ngècè skwi kinè a deɓa, kin fèn ta ndohi ngiƋè a mè? Ko ndohi malihai ta vi skwai a nslembelom a ndohi malihai, a ta woy a ta ngècè skwi ta a deɓa. Aman vawoy ndohi mayamhi kinè, vagu skwi man amba, vava ta skwi a nslembelom a ndohi man kin hur ɓai, nga ngècè mbia'a a deɓa. A skwi ntul kinè a gi a mbia'a te zhiklè, a ta da baba kinè wudahi Zhiklè te géƋè'a. Ndohi man ta shid gèƋ azɓai, a ndohi ambaɓihia'a ta si Zhiklè te va genè. Anai, ndo da se kinè te va, lèmèlèmè ara ndohi ta si Zhiklè, Bab kinè, te va. Kin bazla na mali a gèƋ a ndo ngiƋè ɓai, a Zhiklè a da bazla kinè mali a jgèƋ kinè azɓai. Kin pa na mali a gèƋ ndo ngiƋè ɓai, aman Zhiklè a da pa kinè mali a gèƌ azɓai. Vapra ta mali a ndohai, a ta da pre kinè. Vavau skwai, a ta da va kinè skwai. A ta liva kinè amba, a ta erda'a, a ta giƋè'a, aman a zhüvahi a ri kinè. Aman a skwi man kin livè a vna, ta da livè a kinè ba. A ngaƋa ta a nglèlègèƋma: Ndo mandazlai a slaha a nfiƋè ma mandazli ngiƋè Ƌè? Cèw ba ta wush ta hi a vèvèƋ azɓi Ƌè? Ndo man a slebi skwai, a fena ndo nsleba na azɓai. Aman ndo staƋ staƋ tèlèba, man nslebau ma, a ndi lèmèlèmè ara ndo nsleba na. Ka rka kuza te di kramam ngaya, a ka rka goƋozlom wof te di ngaya azɓi èhèmè? Ehèmè ka woy a ka gaƋa na kramam ngaya: Kramam ga, kazlaƋai, i woya man i cko ka kuza auda te di ngaya! Aman na haha ka rka goƋozlom wof te di ngaya ɓai! Ka ndo n'ngwèƋè ndo, sèi ka cko goƋozlom wof auda te di ngaya nshèlèkura'a. Te deɓa'a ka rka tsaraya'a, aman ka cko kuza auda te di kramam ngaya. Wof man amba a yi wuda nenga'a ambaɓia'a azɓai. A wof man ambaɓai a yi wud man amba azɓai. Aman ta sun wof staƋ staƋ tèlèba te nyi na. Ta ngècè vatak te wof kslor azɓai, a ta ndi kslor te wandar azɓai. Ndo man amba a cko skwi man amba auda te ndav nenga'a man amba. A ndo man ambaɓai a cko skwi man ambaɓai auda te ndav nenga'a man ambaɓai. Skwi man a n'ndha te ndav, a gaƋkaƋauda te ma. Kin babayè Bai, Bai èhèmè, a kin gi skwi man i gaƋa kinè, azɓai? Ndo staƋ staƋ tèlèba man a shkè a sam ga, a tsena ma ga, a gia'a, i war i ngreda kinè a skwi man i lèmƋè a vna. Nenga'a lèmèlèmè ara ndo man a rèm gai, a ri vèvèƌ, a pi verzi gi nenga'a a géƌ pra. A iyam mbia'a a hai, a tsi gai, a slaha man a mbèƌè azɓai, te man verzi nenga'a nra amba. Aman ndo man a tsena'a, a gi arsa azɓai, nenga'a lèmèlèmè ara ndo man a ramda gi nenga'a a géƌ wyak, verzia azɓai. A iyam mbia'a a hai, a tsi gai, tsam tsam m'mbèƌa, ngedas sa tèle.