Luke 22
22
1Ngolala movar man skwi nshégèrè a te di ɓai, man ta baba na Pâque, ndul ndul. 2A ndohi mvi skwi a Zhiklè mbibihia'a, a malamhai, ta woy maya nkeƌè'a; aman ta gu zlau ndohai.
3A SaƋan a ndo a ndav Judas, man ta baba na Iscariot. Nenga'a staƋ te va 12. 4A nenga'a a mdo, a ta goƌ a nda ndohi mvi skwi a Zhiklè mbibihia'a, a bi sojèhai, ara man a vi Yèsu a ri a tenga'a. 5A ta wuffè, a ta derzla ma ta, a ta va na sulai. 6A nenga'a a nco. Aman a ngaƌda ma a hi aranta ma, a woy maya man a vi a ri a tenga'a, aman ndohi ta hèzlèwè a ta rubi azɓai.
7A pats movar man skwi nshégèrè a te di ɓai, ta zli tambak Pâque. 8Yèsu a nzlinde ta nda Pierre a Jean, a ngaƋa:
Vodo, vatila nga skwi n'ndi Pâque, aman nga ndia'a.
9A ta gaƋa na:
Ka woya man nga tilè'a tema?
10A nenga'a a ngaƋa ta:
Na haha, man kin Ƌè a kokwar mbia'a, kin da zli gèƋ a ndo ngiƋè, duzlak a gèƋ. Vadzodzora, a gi man a Ƌè a pa. 11A kin gaƌa na a babgia'a: Ndo njèngè ma a ngaƌa ka: Gi mbrok ga tema, aman nga ndi skwi n'ndi Pâque a golahi ga? 12A nenga'a a di a ngreda kinè gi mbia'a te géƋè'a, kolongwi te pa. Vatül skwi n'ndi Pâque te pa!
13Aman to do, ta ngots skwi tèlèba, ara man nenga'a a ngreƋa ta, a ta tül skwi n'ndi Pâque.
14Aman tiƌè sama ma, ta nzahai a sam skwi n'ndai, a nda ndohi sak. 15A nenga'a a ngaƋa ta:
Mpataka n'ndi skwi n'ndi Pâque a nda kinè a keƋyè, ga skwa a dzayè. 16Aman i gaƋa kinè, anai i ndi skwi n'ndi Pâque te deɓ anta asaɓai, ha a di n'nga ma te kokwar Bi Zhiklè.
17A nco kokwai, a nshüd gèƋ, a ngaƋa:
Voco nenga'a, vakezla'a a va kinè'. 18Aman i gaƌa kinè, anai i si barassa asaɓai, ha kokwar Bi Zhiklè a mshkè ma.
19A nco movar, a nshüd gèƋ, a ntsaka'a, a mva ta, a ngaƋa:
Na haha, va ga, man i via'a a géƋ kinè. Skwi haha vagau, a kin héryè.
20Lèmèlèmè kokwai, te deɓ skwi n'ndai, a ngaƋa:
Kokwi haha, skwi nderzle nga mɓua'a te pombaz ga, man a mbaƋa a géƋ kinè. 21Aman na haha ndo man a gayè ri a gèƌ, a zhè! Nga ndi skwi a vna. 22Kra-ndo a di a Ƌè na, ara man Zhiklè a woya'a. Aman wobau a géƋ ndo man a ga na ri a gèƋ.
23A ta hüno, a ta dzhoƋo a va ta:
Ndo nda gi arsa, wa?
24Te deɓa'a ta tsu gèjau:
Te va nga, nfena ngiƋè wa?
25A nenga'a a ngaƋa ta:
Bihi ndohi herkeda ta gi bi ta. A ndohi ta baba ta ndohi man ta kwor ta 'ndohi ngi skwi man amba'. 26Aman kinè, az arsa ɓai! Aman ndo man a fena ngiƋè te va kinè, da nda a ntabawa'a. 27A ndo ncè ma ndohai, da gu a ndo ntakaha ta ndohai. Nfena wa? Ndo man a nzi a table Ƌè, Ƌè ndo man a gi mizlinè nenga'a Ƌè? Ndo man a nzi a table ka ɓi Ƌè? Aman iyò, i shkè a sam kinè ara ndo ntakaha kinè.
28Aman kinè, kin Ƌüsho a nda iyè te skwi man a jkedyè. 29A i gaƋa kinè: Lèmèlèmè ara man nga derzla ma a Bab ga a vay kokwar bai, 30lèmèlèmè i derzla ma a nda kinè, a kin ndi skwai, a kin si skwai a sam table ga te kokwar bi ga. A kin nzi agéƋ sam n'nzi bihai, a kin gi kita verzi ndohi Israel 12.
31A Yèsu a ngaƋa:
Simon, Simon! Na haha, SaƋan a woy kinè, a woya mpèvè kinè ara dau. 32Aman iyè, i tsi ri a géƋ ngaya, aman ncè-a-ndav ngaya a ndivè azɓai. A ka, aman pats ngiƋè ka menkaƋa deɓa, ka va ta wuƋi a kramamhi ngaya.
33A nenga'a a ngaƋa na:
Bai, ko man nga Ƌè dangai a ka, ko man i da metsi ga a va ka, nga a ka genè!
34A nenga'a a ngaƋa:
Pierre, i gaƋa ka, a patsna ka cèkèlma a géƋ ga, sak makar, ga ngarah a tsi da'ai, a ka da gaƋa: I sun nenga'a ɓai.
35A nenga'a a ngaƋa ta:
Aman i zlinde kinè a gozhèm suli ka ɓai, a gozhèm nhèsh skwi ka ɓai, a kotokoroh ka ɓai, skwi man kin ngatsa ɓai, a zhi Ƌè?
A ta gaƋa:
Azɓai.
36A nenga'a a ngaƋa ta:
Aman antanta, ndo man a ngots gozhèm sulai, da co, lèmèlèmè gozhèm nhèsh skwai. A ndo man a ngatsa ɓai, da preda suƌkova na a ma, da sum kafahi gwèsh. 37Aman i gaƌa kinè, skwi haha man ta windo te ƌèlèwèr Zhiklè a gèƌ ga, sèi a gai: Ta ngra na nenga'a a va ndohi malihai. A skwi man ta goƌ a gèƌ ga, a da gai.
38A ta gaƌa:
Bai, na haha kafahi gwèsh cèw.
A nenga'a a ngaƌa ta:
Dè'a!
39A to do auda, a nenga'a a mdo, ara man a gia pèc pècèk, a za oliviers. A golahi nenga'a ta dzodzora. 40Aman a shkè a sama'a, a ngaƋa ta:
Vatsu rai, skwa da pe kinè a wi ɓaü
41A nenga'aam'mendavanaadeɓaasam ta, dra ara nkèl kwa a ndikè a pa, a ngurɓahai, a ntsu rai, 42a ngaƋa:
Bab ga, aman ka woya'a, co kokwi haha auda a sam ga; aman ara man i woya ka ɓai, ara man ka, ka mwoya'a.
43A gol Zhiklè a ngudoko na va a dai, aman a mva na wuƋai. 44Zlau a nkeƋda hi a vèvèƋ, a ntsu ri holhola'a, a vazaza nenga'a a ntkwè a hi a herkeda, ara pombaz. 45A nslambaƋa te ntsi ri nenga'a, a mshkè a sam golahi nenga'a, a n'ngats ta, ndav tenga'a a mbeƌè ta nza zumbuta'a. 46A nenga'a a ngaƋa ta:
Kin nzhunè èhèmè? VaslambaƋa, vatsu rai, skwaƋa pe kinè a wi ɓai!
47Aman a gèƋè dai, na haha, ndohi rèƋèƋèa ta shkè, a staƋ te va 12, nenga'a man ta baba na Judas, a mshkè a ma tenga'a, a nherda na va a Yèsu, a nkelawa na ri a da'ai. 48A Yèsu a ngaƋa na:
Judas, ka gi ri a géƋ Kra-ndo a nkèlèwè ri a da'ai Ƌè?
49Aman ndohi man a tsagi nenga'a, ta rka skwi man a ga, ta gaƌa na:
Bai, nga gu var a kafahi gwèsh cè?
50Staƌ te va tenga'a a ntsahama na zlembaƋ civèƋ ri mandai a ɓèl bi ndohi mvi skwi a Zhiklè ngiƋè. 51A Yèsu a m'mbeƋa ta a ma:
Vajèkeda!
A n'nuɓa na zlembaƋ a pa, a ntila'a. 52A Yèsu a ngaƌa ta ndohi mvi skwi a Zhiklè mbibihia'a, a ndohi mbibihia'a te gi Zhiklè, a ndohi nhala'a, man ta shkè a ta gshè'a:
Kin shkè a kafahi gwèsh, a gèƌgaƋa, i ndo metsar ƌè? 53Pèc pècèk, i nza a sam kinè te gi Zhiklè, a kin fahay ri ɓai. Aman a patsna, pats kinè, pats wuƌibi ruva.
54A ta gso, a ta da'a, a ta ckoƋa a gi bi ndohi mvi skwi a Zhiklè; a Pierre a ndzodzora te deɓa dra. 55Aman ta vatsa vogwa te ndev gala, a ta ɓica va a pa, Pierre a n'nza te ndev tenga'a. 56A ngwoz mizlinè ngiƋè a nrka'a, a di vogwa, a mpa na di nƋèzlè'a, a ngaƌa:
Ko nenga'a ba a n'nza a sam na!
57A Pierre a ntsokol ma, a ngaƋa:
Ngwoz, i sun nenga'a ɓai!
58Te deɓa kètè, ndo ngiƌè a nrka'a, a ngaƌa:
Ka ba, staƋ te va tenga'a!
A Pierre a m'mbeƋa na a ma:
Masli ga, i ka ɓai!
59Te deɓ nasa, ndo ngiƌè a ngaƌa:
A vava, ko nenga'a a n'nza a sam na. Nenga'a ndo Galilée.
60A Pierre a ngaƌa:
Masli ga, i sun skwi man ka gèƌè ɓai!
A nasa nasa, aman a ngoƌo ma, ngarah a ntsu da'ai. 61A Bai Yèsu a n'ngwoda va, a mpa na di a Pierre. A ma Bi Yèsu a nhaka na a gèƌ a Pierre, ara man a gaƌa na:
Ga ngarah a tsi da'ai, ka cèkèlma a gèƌ ga, sak makar.
62A Pierre a mdo auda, a nkuƌau a vata. 63A ndohi man ta ɓer Yèsu, ta ngwossaha, a ta tsau. 64Ta pizlèma na dai, ta dzhoƋo, a ta gaƋa:
65Ngra nga, ntse ka wa?
A skwi ngiƋè tsaƋ tsaƋ ta gaƋa na, a ta durƋo a vna. 66Aman sam nciƋa ta ma, ndohi nhala'a ta ɓica va, ko ndohi mvi skwi a Zhiklè mbibihia'a, a malamhai, a ta da'a a sam ncèmma tenga'a, a ta gaƌa:
67Aman ka Kristi, ngra nga!
A nenga'a a ngaƌa ta:
Ko man i gaƌa kinè, kin cè a ndav azɓi genè. 68I dzhaƌ kinè, kin mbeƌay a ma azɓai, kin priyè azɓi genè. 69Aman anai, Kra-ndo a da nzi a civèƌ ri mandi Zhíklè Bi wuƌai.
70Tèlèba ta gaƌa:
Gar haha, ka kra Zhiklè ƌè?
A nenga'a a ngaƌa ta:
Ara ngèƌè kinè, i nenga'a.
71A ta gaƌa:
Sèi nga ngècè skwi malwuƌi ngiƌè za ƌè? Nga, a ri nga, nga tsena'a te ma nenga'a.
Currently Selected:
Luke 22: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989