Hebrews 13

1Vanze tara'a te mwoy kramamhi kinè te Kristi! 2Nfi mbrokihi a gai, da pca kinè a gèƋ ɓai; aman arsa ndohi ngiƋè ta peda golahi Zhiklè a gai, a ta senaha ɓai. 3Vahur ndohi dangai, ara man kinè te dangai a nda tenga'a, a ndohi te skwi mwuƌitpa, ara man kin te va'a. 4Vaslubordo n'nzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè. 5Mwoy suli da gso ndav kinè ɓai; skwi man kin ngotso, da dè'a kinè! Aman Bi Zhiklè a ngaƌa:

I pra ka ma gèƌ azɓai, i jèke ka a géƌ ngaya azɓai.

6Gar haha nga slaha a nga méné ndav nga, a nga gaƌa:

Bi Zhiklé, nenga'a man a takahayè, i woya man i gi zlau azɓai. Ndo a slaha a ngay mè?

7Vahur ndohi ncè kinè ma nhala'a man ta njè kinè ma Zhiklè. Vapu di a ndikèma nshèffè tenga'a, vadzodzor ncè-a-ndav tenga'a. 8Yèsu Kristi lèmèlèmè ara maƋatsa, a patsna, a mèdèp. 9Vagu maya aman njèma ngiƌè tsaƌ tsaƌ da ngazl kinè a ri ɓai. Amba, aman ndav nga a ngècè wuƋaIì te pombi Zhiklè, te nhér gèƌ a géƌ skwi n'ndi genè ka ɓai; a takaha ta tenga'a man ta jèjerè'a arsa, azɓai. 10Nga ngots sam mvi skwi a Zhiklè, te nenga'a ndohi man ta gi mizlinè a sam nkezla'a, ta slaha ta ndia ɓai.

11Skwihi man bi ndohi mvi skwi a Zhiklè a nckoƌi pombaz a sam nkezla'a a gèƌ malai, ta fa na vogwa a nckondohia'a a dal kokwar. 12Gar haha Yèsu ba, aman a nkezle ta ndohi nenga'a a pombaz va nenga'a, a m'mets na a dal kokwar. 13Gar haha ngodokoy auda a sam nenga'a a dal kokwar, a nga mbi a hori nenga'a. 14Aman a haha, nga ngatsa kokwar man a nzi a mèdèp ɓai; aman nga hèsh nenga'a man a di a shkè.

15Gar haha ngovokoy skwi nshid gèƌ a Zhiklè pèc pècèk; nasa ma nga, man a ngrédè nzlembaƌ nenga'a. 16Mvi skwai, a ngi skwi man amba a sam ndohi ngiƋè, da pca kinè a gèƋ ɓai; aman mvi skwi arsa, ambaba Zhiklè. 17Vafa na gèƋ a ma ndohi ncè kinè ma, vadzodzor tenga'a man ta ɓer nshèffè kinè; ta ara ndohi man Zhiklè a da dzhaƋ ta a géƋè'a. Vagu aman ta slaha a ta gi mizlinè tenga'a a mwufíe; man ta ƌish va a ta kuƌai, a takaha kinè te mè?

18Vatsu rai a géƋ nga! Nga sun a vava mèzhèɓ ndav nga amba, a nga gi maya, aman nga gi zura'a te skwi tèlèba. 19I dzhaƌ kinè holhola'a, aman kin tsi rai a gèƌ ga, a i slaha a i dè a sam kinè ndul ndul. 20Aman Zhiklè gumai, man a ncko Bi nga Yèsu auda te m'metsai, ndo mɓer tambakhi mbia'a te pombaz nderzlèma a mèdèp, 21da va kinè maya, aman te skwi man amba tèlèba kin gi ara man a woya'a. Da gu skwi man ambaba te ndav' nga, te Yèsu Kristi. A Yèsu, n'njèlè pèc pècèk a mèdèp. Amen.

22Aman i bid kinè, dalahimam ga, vaɓür ma haha man i bid kinè a vna! I windo kinè kèshkata genè. 23Vasuna, Timothée, kramam nga, ta pra za'a. Aman a da shkè tsam tsam, i woya nga dè a sam kinè a vna. 24Vaga ta mbalai a ndohi ncè kinè ma, a ndohi Zhiklè tèlèba! Kramamhi te Italie ta ga kinè mbalai. 25Pombai da zhè a nda kinè tèlèba!

Currently Selected:

Hebrews 13: MAFNT

Highlight

Copy

Compare