Acts 19

1Te deɓa'a aman Apollos a zhè te kokwar Corinthe, Paul a shèwèlè te kokwarhi te géƋè'a, a mshkè a ma kokwar Ephèse, a n'ngats ta golahi Yèsu kètè, 2a ngaƋa ta:

Kin ngots Mèzhèɓ Zhiklè Ƌè, aman kin co Yèsu a ndav?

Ta gaƋa na:

Nga tsena ma va na haha ɓai, aman Mèzhèɓ Zhiklè a zhè.

3A ngaƋa ta:

Kin bu baptême a nzlembaƋ ngè?

Ta gaƋa:

Baptême Jean.

4Paul a ngaƋa:

Jean a ngu baptême a géƋ n'ngwèƋè ndav, a ngaƋa ta ndohi man ta cè nenga'a a ndav, man a di a shkè te deɓ nenga'a: Nenga'a Yèsu.

5A géƌ ma haha, ta gau baptême a nzlembaƋ Bi Yèsu. 6Aman Paul a nfa ta ri a gèƋ, Mèzhèɓ Zhiklè a mshkè a géƋ tenga'a, a ta goƋ ma a né'èn tsaƋ tsaƋ, a ta hodko ma. 7A ndohi tèlèba ta gi 12.

8A Paul a mdo a gi njèngè ma Zhiklè, a njè ma Zhiklè, a njè ta ma auda tèlè, ki makar, a nsenda ta, a n'ngreda ta ma kokwar Bi Zhiklè. 9Aman ndav ndohi ngiƋè ngwora, ta ca a ndav ɓai, a ta durƋo civèƋ Zhiklè a sam di mpi ndohi Zhiklè tèlèba; te deɓa'a Paul a njèke ta a pa, a nhelka ta golahi Yèsu a tsagi nenga'a, a njènga ta pèc pècèk te gi njèngè Tyrannus. 10Skwi haha a ngu mvi cèw, aman ndohi tèlèba te kokwar Asie ta tsena ma Bi Yèsu, ndohi Juif ba a ndohi man Juif ka ɓi ba.

11A Zhiklè a ngu nrkedi mɓia'a a Paul. 12Aman ta co maslaka nkèpa'a, a di maslaka a va nenga'a, a ta fa ta a gèƋ ndohi matakwan, matakwan tenga'a a ndal na, a mèzhèɓhi ambaɓihia'a ta jèke ta. 13A ndohi Juif ngiƋè matskata man ta sawala a pa, ndohi m'mbèh skwai man ta mboh skwi a géƋ mèzhèɓhi amhaɓihia'a a nzlembaƋ Bi Yèsu, a ta gaƋa:

Nga dzam kinè a nzlembaƋ Yèsu, man Paul a njè'a!

14Tenga wud ndo Juif, Scèva, ndo mvi skwi a Zhiklè, tsaraƋ, man ta gu arsa. 15Aman mèzhèɓ ambaɓai a m'mbeƋa ta a ma:

Yèsu, i sun amba; Paul, i sun amba; aman kinè, kin wa?

16A ndo man Mèzhèɓambaɓai a ga na, a nkala ta a va, a ngu a ngul ta, a ta hu ta aƋai, te gi matsa, a mblè a va. 17A skwi haha, ndohi tèlèba man ta nza te kokwar Ephèse, ta tsena'a, ndohi Juif a ndohi man Juif ka ɓai; a zlau a ndza ta tèlèba, a ta slubordo nzlembaƋ Bi Yèsu a vata.

18A ndohi kumba te ndev ndohi man ta co Yèsu a ndav, a ta shkè, a ta ngreda malai a skwi man ta gau, auda. 19Ndohi kumba man ta mboh skwai, ta hulko Ƌèlèwèrhai, a ta fa ta vogwa, a sam di ndohai, a ta ngra gani Ƌèlèwèr, a gi suli 50.000. 20Ma Bi Yèsu a zlèzlèmè a ma ma arsa a wuƋai.

21Aman skwi haha klèng ma, Paul a nhuro, a woya a mbizhè a ndev Macédoine a Achaie, aman a Ƌè a kokwar Jérusalem, a ngaƋa:

Te deɓa'a man i do a pa, sèi i Ƌè aman i rka kokwar Rome ba.

22A nzlinde ta ndohi cèw, Timothée a Erastus, a kokwar Macédoine, aman ta takaha. A nenga'a a n'nza a kokwar Asie kètè.

23Te ndev nasa, ndav ndohi kètè a hubètè a géƋ ma civèƋ Bi Yèsu. 24Aman ndo ngiƋè, nzlembaƋ na Démetrius, ngwozla nviƋ verzhègenè, a nvüƋo skwi ngiƋè ara Diane, a verzhègenè, a ndohi mizlinè nenga'a ta ngots suli a vna kumba. 25A mɓic ta tengahia'a, a ndohi ntakaha ta te mizlinè matsa, a ngaƋa:

Ndohi ga, kin suna, nga ngots suli kumba te mizlinè haha, a kin rka'a, a kin tsena'a, aman te kokwar Ephèse genè ka ɓai, aman ko te Asie tèlèɓa, 26Paul matsa a fì ma a hai, a gi aman ndohi kumba ta jèke nga, a mfa ta ma a gèƋ, a gaƋa: Zhiklèhai, man ri ndo a ngau, ta zhiklèhi ka ɓi fèt.

27Aman mizlinè gani nga genè ka ɓai, man a di a ndi a skwi ambalai; aman ko gi Diane, man Asie a herkeda tèlèba ta tsi ri a nenga'a, ngwoz man ta sla na zhiklè mbia'a, ta da rka ara skwi ambalai, a n'njèl nenga'a a di a ndiv na.

28Aman ta tsena'a, ta gu ndav a vata, a ta goƋ a wuƋai:

Diane ndohi Ephèse, mbia'a!

29A kokwar tèlèba a rubai, a ta tèlèba ta hu ara ndo staƋ a sam nrubai, a ta gso Gajus a Aristarque, te kokwar Macédoine, golahi Paul. 30Aman Paul a woya a nƋè a ndev ndohai, golahi Yèsu ta va na civèƋ ɓai. 31A ndohi mbibihia'a kètè te Asie, mandalahi Paul, ta zlündo ndo a sam na lèmèlèmè, a ta biƋè'a, aman a Ƌè a dal nrubi azɓai.

32Matrhia'a ngiƋè ta hèzlèwè a wuƋi arsa, ngiƋè ar haha, a ndohi mɓica'a ta dzakaɓa, a ta sun ɓai, èhèmè ta haya va. 33A ndohi ngiƋè ta ngozlo Alexandre, man ndohi Juif ta zukda a ma. A Alexandre a ngeda ta rai, a woya a ntsoko gèƋ na auda a sam ndohai. 34Aman ta rka, nenga'a ndo Juif, ta hüno a ta goƋ a ma staƋ, a ta hèzlèwè n'nzi a zhè (ara l'heure cèw):

Diane ndohi Ephèse, mbia'a!

35Aman ndo kita a mbatsedaha gèƋ ndohi a hai, a ngaƋa:

Kinè ndohi Ephèse: kokwar Ephèse a wara na di a Diane ngwoza'a, man ta sla na zhiklè mbia'a, a nkalka te zhiklè te gèƌè'a, nsun ɓi wa? 36Aman tèlè ta sun skwi haha, sèi kin nzi tètè, a kin vassa skwi ɓai! 37Kin helka ta ndohi haha, man ta ga metsar a gi Zhiklè ɓai, a ta derƋa ngwoz man kin sla na zhiklè kinè òai.

38Aman ma Démetrius a ndohi mizlinè nenga'a a zhè a géƋ ndo sa, sèi ta Ƌè kita. Ngomna a zhè, man ta gi mizlinè sa. Sèi ndohi ta Ƌè a ta pin va. 39Aman kin woy a kin cèmma ngiƋè, sèi ta til ma te va ndohi kita mɓica'a. 40Man ɓai ta da pin nga a géƋ nrubai a patsna. Aman skwi man nga rubi a géƋè'a azɓai, a nga slaha a nga ngreda verzi nrubi ɓai. 41Aman a goƋ arsa, a mpre ta ndohai.

Currently Selected:

Acts 19: MAFNT

Highlight

Copy

Compare