2 Thessalonians 2

1A gèƋ mshkè Bi nga Yèsu Kristi, a gèƋ mɓicèva nga a nenga'a, nga tsa kinè rai, dalahimam nga: 2Skwi man ta gaƋa kinè, a ma, te Ƌèlèwèr, ara man nga zlinda kinè, a kin huro a kin gaƋa, pats Bi Yèsu a zhè ma, da dzakaɓama kinè gèƋ ɓai, kin gu zlau ɓai. 3Vagau, aman ko staƋda pe kinè awi ɓai, pal ba. Aman patsa'a a shkè di azɓai, sèi ndohi ta gi mèdègèƌ a sam Zhiklè holhola'a, a ndo malai mbia'a a ngredekaƌ na auda, nenga'a ndo ngedas ndo.

4Nenga'a mayam, man a fi va a géƌ skwi Zhiklè tèlèba, a gèƌ ntsi ri Zhiklè ba, a nzi a hai te gi Zhiklè, a da fi va na a Zhiklè. 5Mpca kinè a gèƌ ƌè, aman i gaƌa kinè ma'a, te va man i zhè a sam kinè dai? 6Antanta kin suna, skwi man a gedassa civèƋ nenga'a, a gèƋ mè man n'ngredkaƋauda di ɓai; a géƌ man pats nenga'a di ka ɓai.

7Skwi n'ngheda'a a sam skwi malai, a hinè mizlinè na ma, aman sèi ta ceda nenga'a man a gedassa civèƋè'a auda dai. 8Te deɓa'a tsam tsam ndo nderdè Zhiklè a da gudko va, a Bai Yèsu a di a keƌa'a a nshèffè man a shkè auda te ma na; ngedè va Yèsu a zeda langa.

9Aman ndo nderdè Zhiklè a di a slèmbèƌè a wuƌi SaƋan, a wuƌihi ncèkèlma tsaƌ tsaƌ, 10a skwi man zura ka ɓai a sam tengahi man ta ze ta, a géƌ man ta woy ma nzura'a a ndav ɓai, ta cè aman ta mbel ta azɓai. 11Gar haha Zhiklè a zlinda ta skwi nzlakede ta, aman ta cè ncèkèlma a ndav. 12Aranta tengahi tèlèba man ta ca ma nzura ɓai, aman ta woy skwi man zura ɓai, ta ngècè kita ta.

13Aman sèi nga shid gèƋ a Zhiklè pèc pècèk a géƋ kinè, dalahimam nga, man Bi Zhiklè a woy kinè, man Zhiklè a mpar kinè te nhinkaƋ na, a kin ndikè a sam m'mbel ndo, a sam nkezla'a te Mèzhèɓ Zhiklè, te ncè ma nzura'a a ndav. 14Ma nzura'a man Zhiklè a baba kinè a pa, a géƋ ma mbela'a man nga njè kinè, a kin ngècè n'njèl Bi nga Yèsu Kristi.

15Gar haha vazlatsa tara'a, dalahimam nga, vogso njèma man nga njè kinè, ko a ma, ko te Ƌèlèwèr. 16Aman nenga'a, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav, 17da büdo ndav kinè, da va kinè wuƋai te mizlinè, te ma kinè man amba tèlèba.

Currently Selected:

2 Thessalonians 2: MAFNT

Highlight

Copy

Compare