2 Peter 1
1
1Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbela'a lèmèlèmè ara nga, te ngizura Bi Zhiklè a Ndo m'mbel nga Yèsu Kristi. 2Pombai a gumi kumba da zhè a nda kinè te nshin Zhiklè a Bi nga Yèsu!
3WuƋi Zhiklè a mva nga skwi tèlèba a gèƋ nshèffè a civèƋ Zhiklè, aman nga sun nenga'a man a baba nga te n'njèlè, te wuƋi nenga'a. 4Te n'njèlè a wuƋi nenga'a nga ngots skwihi man a mpasla nga rai, mbela'a mbia'a holhola'a, a gèƋ tenga'a kin slaha kin mbel kinè te ri ntétékè t'herkeda man a géƌèshè ndo, a nge kinè ara Zhiklè.
5Ani haha, vagu maya a gèƋ skwi haha: vangatsa na maya nshèffè te ndav a va ncè-a-ndav kinè; vangatsa na maya te gèƋ a va maya nshèffè te ndav; 6vangatsa na ngshèva a va maya te gèƋ; vangatsa na nzhèr skwi a ma ma a va ngshèva; vangatsa na zlau Zhiklè a va nzhèr skwi a ma ma, 7vangatsa na mwoy kramamhi kinè a va zlau Zhiklè; vangatsa na mwoy ndo a ndav a va mwoy kramamhi kinè. 8Aman skwihi haha a sam kinè, a kin ngots tèlèba a vata, ta ɓir kinè, aman kin nzi a deli azɓai, aman kin gi a dèngwèr azɓai, te nshin Bi nga Yèsu Kristi.
9Ndo man a ngatsa skwi haha ɓai, mandazlai, a tètèmè va te ruva. Mpca na a gèƋ, ara man mpana ma te malihi nenga'a nzlèzlèa. 10Gar haha, dalahimam ga, vagu maya a vata, aman kin nzi te skwi man Zhiklè a baba kinè a pa, man a par kinè a mpèrè a pa. Aman kin gi ar haha, kin kèlèhi azɓai. 11Ar haha kin ngots civèƋ a kokwar-Bi a Bi nga a Ndo m'mbel nga Yèsu Kristi, kokwar-Bi man a nzi a mèdèp.
12Gar haha i woya man i jèkè azɓai, a i hadka kinè ma a gèƋ pèc pècèk, ko kin sun ma'a, a kin pa verzi kinè te ma nzura'a ma. 13Aman i hur amba, aman i hadka kinè ma a gèƋ, a i pidèkwud kinè, man i zhè a nshèffè haha t'herkeda dai. 14Aman i suna, ara man Bi nga Yèsu Kristi ba a ngrayè, i zhuwa'a a ma dzavai. 15Aman i woya a i gi maya a vata, aman ko te deɓa'a man i do ga ma, kin slaha a kin hèr skwi haha pèc pècèk.
16Aman nga ngreda kinè wuƋi Bi nga Yèsu Kristi, mshkè nenga'a, nga goƋ a tsaval ambali genè ka ɓai. Aman nga rka mbi nenga'a a di nga. 17Nenga'a a n'ngots n'njèlè a nslèbèrdè te ri Zhiklè, Bab na, a ngèƋè ngiƋè staƋ man a shkè te n'njèlè mbia'a, man a gaƋa na: Na haha kra ga, man i woya'a a ndav ga. Ndav ga a wuffè kumba a gèƋ nenga'a. 18A nga tsena ngèƌé haha man a shkè te zhiklè te gèƋè'a, aman nga zhè a nda nenga'a a gèƋ za nkezla'a.
19Aman skwi haha tèlèba a ngreda nga ma ndohi nhadka ma auda zura'a, a kin gi amba, aman kin wèrè'a. Aman nenga'a ara skwi nhèl sam man a hela sam te ruva, ba pats man sam nciƌaha nga, a mavar prèk a vèngè te ndav kinè. 20Aman sèi kin suna: Ma nhadka ma a te Ƌèlèwèr Zhiklè ɓai, man ndo a slaha a ngrèdè verzia'a a ri na. 21Daga zlèzlèa ta hodko nga ma ɓai, man ndav ndo a huro ara man awoya`a. Aman ndohi tagoƋ ma Zhiklè, ara man Mèzhèɓ Zhiklè nkezla'a a va ta.
Currently Selected:
2 Peter 1: MAFNT
Highlight
Copy
Compare
Share
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
