1 John 1

1Nasa skwi man a zhè te nhinkaƌ na, a géƋ ma nshèffè, man nga tsena'a, man nga rka a di nga, man nga wora, man nga lama na a ri nga. 2A nshèffè a ngudko va a dai, a nga rka'a, a nga gi malwuƋi nenga'a, a nga njè kinè nshèffè mbia'a man a ndivè azɓai, a mèdèp, man a zhè a sam Bab nga, a ngudoko nga va a dai.

3Skwi man nga rka ma, nga tsena'a, nga njè kinè, aman kinè ba kin humdè a nda nga; a nga, nga hümdè a nda Bab nga, a nda kra nenga'a, Yèsu Kristi. 4Ma haha nga winda kinè, aman mwuffè nga a gi jèlèlè'a. 5Ma haha, nga tsena'a a sam Yèsu, a nga njè kinè: Zhiklè, skwi nhél sam, ruva az a sam na ɓai. 6Aman nga gaƌa, nga humda a nenga'a, a nga dè te ruva genè, nga cèkèlma, nga jèjèr ma nzura'a ka ɓai.

7Aman nga dè te ndev sam nhela'a, lèmèlèmè ara nenga'a ba te ndev sam nhela'a, nga humda, ngiƌè a ngiƌè. A pombaz Yèsu, kra nenga'a, a pan nga te mali staƋ staƋ tèlèba. 8Aman nga gaƋa, mali nga azɓai, nga pi va nga a wai a ri nga, a ma nzura'a a te ndav nga ɓai. 9Aman nga ngreda mali nga auda, nenga'a nlèɓèslèa a nzura'a, aman a pra nga mali nga, a pan nga te skwi man nzura ka ɓai tèlèba. 10Aman nga gaƌa, nga ga mali ɓai, nga ga Zhiklè a ndo ncèkèlma, ma nenga'a a te ndav nga ɓai.

Currently Selected:

1 John 1: MAFNT

Highlight

Copy

Compare