Yimre Suleymaanu 5
5
Sukaajo
1Ngarmi jarne am, deerɗam, muuyaaɗo am,
mi ɗon teɓa baɗaadi e balsani am,
mi ɗon nyaama njumri nder yowre am,
mi ɗon yara inaboojam e kosam am.
Yimooɓe
Soobiraaɓe, ngare, on nyaama,
on njara, on nguykira yiide!
O maɓɓitani mo dammugal, ammaa wakkati saali
Paanyo debbo
2Mi ɗonno ɗaani, ammaa ɓernde am ɗaanaaki sam.
Ndaa, giɗaaɗo am ɗon silmino haa dammugal:
Sukaajo
War, maɓɓitit, deerɗam, giɗaaɗo am,
an poolel am ngel walaa feloore sam,
saawawre suddi hoore am,
bee jemma nde soofni gaasaaji am.
Paanyo debbo
3Na mi ɓorti limce am?
Noy ɓornitiranmi ɗe jonta kam?
Non kosɗe am boo, ndaa mi looti ɗe.
Kadi, noye tunwiniranmi ɗe?
4Haa wurdere giɗaaɗo am nastini juŋngo,
haa ɓernde am ta'i.
5Mi ummi, mi maɓɓiti suudu am,
nebbam baɗaadi ɗon simta diga juuɗe am,
ɗam ɗon ila diga kooli am
dow joogorɗe dammugal.
6Mi maɓɓitani giɗaaɗo am suudu,
ammaa o dilli, o majjiti!
Ngam man mi ɓadake maayugo.
Mi tefi nder wuro, mi tawaay mo sam,
mi ewni, ammaa o nootaaki yam.
7Mi fotti bee aynooɓe, taarotooɓe nder berniwol.
Ɓe piyi yam, ɓe naawni yam,
aynooɓe mahi berniwol njaɓti mojaare am.
8Faanyɓe rewɓe Urusaliima fuu,
mi tori on, to on tawi giɗaaɗo am,
ngecce mo, mi nyawɗo nyawu yiide.
Yimooɓe
9Noy giɗaaɗo ma ɓurdata woɗɓe,
an ɓurɗo rewɓe fuu wooɗugo?
Noy giɗaaɗo ma ɓurdata woɗɓe,
haa kunnuɗa min bana nii?
Paanyo debbo
10Giɗaaɗo am o boɗeejo jaynanɗo,
nder ujine sappo on annditan mo:
11Hoore maako kaŋŋeeri laaɓndi,
gaasa hoore maako bana bukki dibinooje,
ka ɗon ɓalwi kurum bana leekuuje.
12Gite maako bana pooli haa maahoy,
giiwotooɗi nder kosam,
darotooɗi haa ndiyam seeɓoore#5:12 Aayaare saɗi faameego..
13Gole maako ɗe booɗɗe bana jarne
keewɗe pinndi belɗi uurooji.
Bana gurguli, non hunnduko maako,
ko ɗon simtina nebbam baɗaadi.
14Juuɗe maako ɗe cabbi kaŋŋeeri,
ɗe ɓasaaɗe bee kaa'e e Tarsis#5:14 Tarsis e safira ɗum kaa'e ɗuuɗa-samanje..
Ɓanndu maako ɗon bana nyiindere nyiiwa ɓorwunde,
ɗum ɓasaaɗum bee kaa'e safira.
15Korle maako ɗe daŋraŋge kaa'e daneeje,
jo'inaaɗe dow caɓɓal kaŋŋeeri.
Jaati maako nanndi bee hooseere Libanon,
o feereejo bana leɗɗe cemmbiɗɗe.
16Hunnduko maako ɗon weli,
o fuu maako o ceynoowo.
Non nii giɗaaɗo am, sooba am wa'i,
faanyɓe rewɓe Urusaliima.
Currently Selected:
Yimre Suleymaanu 5: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
