Roma'en 9
9
Allah e ummaatoore nde o suɓi
1Gooŋga mi wi'ata naa fewre. Almasiihu anndi ɗum. Bee ballal Ruuhu Ceniiɗo numo ɓernde am ɗon seedo ɗum. 2Mi cakliiɗo masin, tum ɓernde am ɗon suni. 3Mi jaɓanno naaloore Allah e seedugo bee Almasiihu ngam daliila yimɓe lenyol am. 4Kamɓe ɓe asŋgol Isra'iila, suɓaaɓe Allah. Allah laatini ɓe ɓiɓɓe mum, waŋginani ɓe tedduŋgal mum, haɓɓi alkawalji bee maɓɓe, hokki ɓe tawreeta e umrooje dewal, iinani ɓe hayruuji ɗuuɗɗi#Gurt 9:4.. 5Ɓe danygol kaakiraaɓe aartuɓe, koo Almasiihu boo iwi diga asŋgol maɓɓe, o Allah gonɗo dow koo ɗume fuu boo. Yettoore laatano mo haa foroy. Aamiina!
6Mi wi'aay koŋngol Allah laati meere ngam naa Isra'iila'en fuu ngoni yimɓe Allah suɓaaɓe. 7Naa iwɓe haa Ibrahiima fuu laati ɓiɓɓe Ibrahiima bee gooŋga. Allah wi'i Ibrahiima: “Nder Isiyaaku danygol ma ewna#Laat 21:12..” 8Danyaaɓe fodde ɗabiya yimɓe ngonaay ɓiɓɓe Allah, sey danyaaɓe fodde koŋngol Allah limete nder ɓiɓɓe Allah. 9Ndaa nii Allah wi'i: “Saa'iire bana nde'e, mi waran tawa Saraatu heɓi ɓiɗɗo gorko#Laat 18:10..”
10Naa kanjum tan, ammaa ndaarenma ɓiɓɓe Rebekka ɗiɗo boo. Baaba maɓɓe gooto, waato kaaka men Isiyaaku. 11-12Cuɓol Allah ɗon dari dow anniya muuɗum tan. Ngam maajum o wi'i Rebekka: “Mawniraawo huuwanan minyiraawo.” Allah wi'i ɗum diga ɓe ciwaa danyeego, hiddeko ɓe mbaɗa booɗɗum malla kalluɗum. Cuɓol Allah daraaki dow kuuɗe maɓɓe, sey dow ewnaandu maako tan#Laat 25:23.. 13Bana ko winnda: “Yaakubu ngiɗmi, Isuwa kam mi wanyi ɗum#Mal 1:2-3..”
14To non kam, ko mbi'eten? Kadi Allah o ɗon waɗa ko fottaay na? Naa non sam! 15Ngam o wi'i Muusa: “Mi enɗan mo ngiɗmi enɗugo, mi hinnoto mo ngiɗmi hinnaago#Gurt 33:19..” 16Ngam maajum haala man fuu darataako dow muuyo neɗɗo malla tiinaare mum, sey dow hinnuye Allah. 17Nder Deftere Seniinde Allah wi'i Firawna: “Mi waɗi ma laamiiɗo ngam daliila ngoota tan: Haa mi waŋgina baawɗe am dow maaɗa, mi anndina innde am nder duniyaaru fuu#Gurt 9:16..” 18Ngam maajum Allah ɗon huuwa bana o muuyi: O hinnoto oo, o saatinan hoore oya.
Ɓernuki Allah e hinnuye mum
19Teema on mbi'atam kadi: “To ɗum laatake bana nii, ngam ɗume Allah aybinta min? Moy waawi dartango anniya maako?” 20Kayya! An a moy haa a waabotira bee Allah? Kadi tagdi wi'an tagɗo ɗum: “Koni mbaɗɗa mi bana nii#Esa 29:16; 45:9.?” 21Mahoowo payanɗe maraay baawɗe dow loope kecce na? Bee loope goote o waawan waɗugo payanɗe ɗiɗi, woɗnde marnde saman e woɗnde boo walaa saman.
22Bana nii muuyo Allah wa'i: Haa woɗɓe, o muuyi waŋgingo ɓernuki maako e baawɗe dow tagaaɓe wonɓe nder halkere, bee non fuu o munyani ɓe munyal ɗuuɗŋgal. 23Haa woɗɓe boo, o muuyi waŋginango ɓe ɗuuɗeeŋga tedduŋgal maako, o enɗi ɓe, o taaskitini ɓe diga ɓooyma ngam haa ɓe keɓa tedduŋgal maako. 24Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo, 25bana o wi'i bee hunnduko annabi Hose'a:
“Yimɓe ɓe laataaki ummaatoore am,
mi waɗan ɓe ummaatoore am.
Yimɓe ɓe laataaki yiɗaaɓe am,
mi waɗan ɓe yiɗaaɓe am#Hos 2:25..
26Haa nokkuure nde ɓe mbi'no:
Naa on ummaatoore am,
ton ɓe ewneteeɓe ɓiɓɓe Allah geeto#Hos 2:1..”
27Annabi Esaaya boo wooyni haala Isra'iila, o wi'i: “No Isra'iila'en ɗuuɗiri bana njaareendi maayo fuu, hisanɓe maɓɓe ɗuuɗataa sam. 28Ngam Jawmiraawo timminan anniya mum dow duniyaaru, o timminan ka law#Esa 10:22-23..” 29Bana Esaaya waɗi annabaaku, wi'i:
“Sonaa Jawmiraawo honooɓe asama luttani en danygol seɗɗa,
en laatotono bana Sodoma, en nanndanno bee Gomorra#Esa 1:9..”
Almasiihu e Isra'iila
30Ko mbi'eten jonta? Allah adilini yimɓe ummaatooje goɗɗe, koo ɓe ɗaɓɓitaay mo. Allah adilini ɓe, ngam ɓe nuɗɗini Almasiihu. 31Isra'iila'en kaɓdi ɗowtanaago tawreeta ngam haa ɓe laato adili'en yeeso Allah, ammaa ɓe keɓaay. 32Ngam ɗume? Ngam ɓe kaɓdi fottango Allah bee kuuɗe, naa bee nuɗɗinki. Ngam maajum ɓe pergi dow mo wi'ete “hayre fergoore”, 33bana ko winnda:
“Haa Siyona mballinanmi hayre fergoore yimɓe, tapaare do'oore ɓe.
Ammaa koo moy nuɗɗini mo, o semtintaake#Esa 28:16..”
Currently Selected:
Roma'en 9: FB
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.