Limle Nastuki
Nastuki
Deftere Limle ɗon anndina en jahaaŋgal Isra'iila'en nder ladde hamaadaare ɓaawo gurtaaki maɓɓe diga lesdi Misra. Allah ɗowi yimɓe ummaatoore muuɗum, yahri ɓe haa lesdi Kanaana bana o hunani kaakiraaɓe maɓɓe.
Deftere nde'e inndaama Limle daliila limki ɓiɓɓe Isra'iila haa fuɗɗoode jahaaŋgal maɓɓe haa hooseere Sina (1) e haa timmoode maagal haa laɗɗe Mo'ab boo (26). Ɓe limi boo horooɓe (1:1; 26:7), le'i (2:1), Lewi'en (3:14; 4:34) e dokke ardiiɓe (13:3).
Allah waɗi kaayeefiiji ɗuuɗɗi ngam hebbitingo alkawal muuɗum: O nyaamni yimɓe maako mannu, nyaamdu iwndu diga dow (11:4; 20:12), hokki ɓe jaalorgal dow konne'en maɓɓe (21:1), ardi ɓe nder ruuldere (9:15; 10:1). Allah holli ɓe enɗam ɗuuɗɗam koo nde Isra'iila'en tuurtani mo nde ɗuuɗɗum. Deftere Limle waŋgini bee baŋguɗum caatal-hoore Isra'iila'en: Ɓe ngurŋgurti dow Allah e dow jaggiiɗo maako Muusa (11:1; 12:1; 14:1; 16:1; 17:1). Ɓe ngelino ma lortaago Misra (11:1-4; 14:2; 16:13; 21:5). Caatal-hoore e sooynde hoolaare maɓɓe heedi Allah waddani ɓe torra ɗuuɗka. Konuuji e masiibooji ɗuuɗɗi ukkani ɓe. Muusa tori nde ɗuuɗɗum ngam hisnugo ɓe diga sarru (12:13; 14:13-19; 16:22; 17:10-23). Jawmiraawo boo yaafani ɓe. Ammaa o juutini jahaaŋgal maɓɓe masin, ɓurna maɓɓe maayi nder ladde, njottaaki lesdi Kanaana. Sey ɓiɓɓe maɓɓe e Yosuwa e Kaaleb keɓi nastugo lesdi ndi'i. Ɓaawo maayde Muusa, Yosuwa nastini Isra'iila'en haa Kanaana, senndani ɓe ndi bee kur'u.
Deftere nde'e ɗon holla boo senaare Allah. Allah o ceniiɗo (20:12). O yiɗi ummaatoore maako laato senaande non boo saŋngeere maare (6). Ko ukkani Isra'iila'en nder ladde fuu laati ngam reentingo tokkiiɓe Allah hannde boo (1 Kor 10:1; Yah 5,8,11). En anndi ɓe mbaawaay nastugo haa lesdi Kanaana daliila sooynde nuɗɗinki maɓɓe (Ibr 3:19).
Tokkindirki haalaaji:
Isra'iila'en taaski ummaago diga hooseere Sina 1—9
a. Limki arani 1—4
b. Umrooje e dookaaji feere feere 5—8
c. Juulde Paska ɗiɗawre 9:1-14
d. Ummaaki Isra'iila'en: Ruulde dow laymaaru fottirde e Luwe cardi 9:15—10:10
Diga hooseere Sina haa yotto laɗɗe Mo'ab 10:11—21:35
a. Isra'iila'en ummi 10
b. Isra'iila'en ngurŋgurti 11—12
c. Duuɓi cappanɗe nayi haa Kaades 13—19
d. Diga Kaades haa laɗɗe Mo'ab 20—21
Ko waɗi haa Mo'ab 22—32
a. Balaama e Balak 22—24
b. Daakaareeku Isra'iila'en bee Mo'abi'en rewɓe 25
c. Limki ɗiɗaɓi 26
d. Umrooje feere feereeje 27—30
e. Jaalorgal dow Mediyan e le'i jooɗiiɗi haa fuunaaŋge Urdun 31—32
Sifa jahaaŋgal diga Misra haa Mo'ab 33:1-49
Anndinol yimɓe hiddeko ɓe eero maayo Urdun tawon 33:50—36:13
Currently Selected:
Limle Nastuki: FB
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.