Matta 18

Moy ɓurdi maŋngu?

(Markus 9:33-37; Luka 9:46-48)

1Saa'i man pukara'en Yeesu ɓaditi mo, ƴami: “Moy ɓurdi maŋngu haa laamu asamanji#Lk 22:14.?” 2Yeesu ewni ɓiŋngel pamarel, darni ngel caka maɓɓe. 3O wi'i: “Gooŋga mbi'anmi on: To on ngaylitaaki haa on laato bana ɓikkoy pamaroy, nden kam on nastataa laamu asamanji sam#Mk 10:15; Lk 18:17.. 4Ngam maajum mo leestini hoore muuɗum bana ɓiŋngel nge'el, kaŋko woni ɓurduɗo maŋngu haa laamu asamanji. 5Koo moy jaɓi ɓiŋngel pamarel bana nge'el ngam daliila innde am, min o jaɓi.”

Deentinki ngam nastinɗo deerɗiraawo muuɗum nder hakke

(Markus 9:42-48; Luka 17:1-2)

6“To goɗɗo do'i gooto ɓurɗo famɗugo caka nuɗɗinɓe yam nder hakke, ndikkana mo ɓe ɓila hayre namarde mawnde haa daande maako, ɓe njolla mo nder mbeela lugguŋga. 7Bone laatanto duniyaaru ngam ndu ɗon nastina yimɓe nder hakke! Doole ko do'ata yimɓe nder hakke wona, ammaa bone laatanto neɗɗo mo laati daliila do'ere man.

8To juŋngo ma malla kosŋgal ma nastinte nder hakke, ta'u ɗum, wudin ɗum daayiiɗum. Ndikka a nasta ngeendam nduumiiɗam bee juŋngo wooto malla kosŋgal gootal, dow nastugo yiite duumiiŋge bee juuɗe malla kosɗe ma ɗiɗi fuu#Mat 5:30.. 9To yiitere ma nastinte nder hakke, ɗoof nde, wudin nde daayiiɗum. Ndikka a nasta ngeendam nduumiiɗam bee yiitere woore dow nastugo yiite jahannama bee gite maaɗa ɗiɗi fuu#Mat 5:29..”

Balndol dow mbaalu majjuŋgu

(Luka 15:3-7)

10“Kakkile ngam taa on njawo gooto haa famarɓe ɓe'e. Mi ɗon wi'a on: Malaa'ika'en maɓɓe haa asama ɗon ndari tum yeeso Baabiraawo am mo asama. [11Ngam Ɓii-neɗɗo wari hisnugo mo majji#Lk 19:10..]

12Ko numɗon? To goɗɗo woodi baali teemerre, nden ngootu maaji majji, o accataa cappanɗe joweenayi e joweenayi dow kooseeje ngam haa o yaha ɗaɓɓitoygo majjuŋgu na? 13Gooŋga mbi'anmi on: To o heɓti ngu, o seyoto ngam daliila mbaalu ngootu ngu ko ɓuri baali cappanɗe joweenayi e joweenayi ɗi eeraay. 14Bana non boo, Baabiraawo mooɗon mo asama yiɗaa koo gooto nder famarɓe ɓe'e halka.”

To deerɗiraawo ma waɗi ma aybe

15“To deerɗiraawo ma waɗi ma aybe#18:15 Aybe malla gacce., yah, fel mo, on ɗiɗo. To o nani ma, a heɓti mo#Lk 17:3.. 16Ammaa to o salake nanango ma, yah haa maako bee goɗɗo gooto malla yimɓe ɗiɗo, ngam haa haala fuu laaɓa dow seedamku seedooɓe ɗiɗo malla tato#TT 19:15.. 17To o salake nanango ɓe boo, yeccu ɗum haa jama'aare nuɗɗinɓe. To o sali nanango jama'aare nuɗɗinɓe, nden kam laar mo bana o keefeero malla o jomnoowo.”

Salaago e jaɓugo

18“Gooŋga mbi'anmi on: Ko on kaɓɓi haa duniyaaru, ɗum haɓɓaama haa asama boo. Ko on piisti haa duniyaaru, ɗum fiistaama haa asama boo#Mat 16:19; Yuh 20:23..

19Gooŋga mbi'anmi on fahin: To haa duniyaaru ndu yimɓe ɗiɗo caka mooɗon narri dow ko ɓe ƴamatammi fuu, Baabiraawo am mo asama hokkan ɓe ɗum. 20Ngam haa yimɓe ɗiɗo malla tato kawti ngam innde am fuu, ton mi ɗon caka maɓɓe.”

Balndol dow kuuwoowo mo sali yaafaago

21Nden Piyer wari haa Yeesu, ƴami mo: “Jawmiraawo, nde noy njaafotoomi deerɗiraawo am mo tokki waɗango yam aybe? Haa nde joweeɗiɗi na?” 22Yeesu jaabi mo: “Aa'a, naa nde joweeɗiɗi, ammaa cappanɗe joweeɗiɗi nde joweeɗiɗi#Lk 17:3-4..” 23Ngam maajum laamu asamanji nanndi bee laamiiɗo mo yiɗi huuwooɓe mum mbaɗana mo lisaafi jawdi maako. 24Nde o fuɗɗi kuugal man, ɓe ngaddani mo goɗɗo mo o tokki suleyje miliyarji ɗuuɗɗi. 25Goɗɗo man walaa ko o yoɓra nyamaande nde. Jaagorɗo maako umri ɓe coorra mo, kaŋko e debbo maako e ɓikkoy maako e mardi maako fuu ngam yoɓugo nde. 26Gorko go tuggi koppi yeeso jaagorɗo muuɗum, tori mo, wi'i: “Useni munyanam, barkaama, ɗum fuu mi yoɓete.” 27Jaagorɗo maako yurmini mo, yoofi mo, yaafani mo nyamaande man fuu.

28Kuuwoowo man wurti, fotti bee kuuwdiɗɗiraawo muuɗum, mo o tokki ɗum baakin booro teemerre, o naŋngi mo daande, o ɗon ɗeɗɗa mo, o ɗon wi'a: “Yoɓam nyamaande am!” 29Kuuwdiɗɗiraawo maako do'i les kosɗe maako, tori mo, wi'i: “Useni munyanam, mi yoɓete.” 30Ammaa o sali, o yehi, o nastini mo nder fursina#18:30 Fursina malla yaŋgada., sey to o yoɓi nyamaande maako fuu. 31Nde huuwdiɗɗiraaɓe maako woɗɓe ngi'i ɗum, ɗum suni ɓe masin, ɓe njehi, ɓe anndini jaagorɗo maɓɓe haala ka fuu. 32Nden jaagorɗo ewni kuuwoowo go, wi'i mo: An kuuwoowo kalluɗo, mi yaafani ma nyamaande ma fuu ngam a tori yam. 33Kadi haandaayno a enɗa kuuwdiɗɗiraawo ma bana mi enɗiri ma na? 34Jaagorɗo ɓernani mo, o yahri mo haa boŋngo'en haa to o yoɓi mo nyamaande maako fuu. 35Bana non boo Baabiraawo am mo asama waɗanta on, to koo moy mooɗon yaafanaaki deerɗum bee ɓernde woore.

Currently Selected:

Matta 18: FB

Highlight

Compare

Copy