Matta 10

Nelaaɓe sappo e ɗiɗo

(Markus 3:13-19; Luka 6:12-16)

1Yeesu ewni pukara'en muuɗum sappo e ɗiɗo. O hokki ɓe baawɗe riiwugo ginnaaji e nyawndugo yimɓe diga nyawuji feere feere fuu. 2Ndaa inɗe nelaaɓe sappo e ɗiɗo man: Aran, Simon bi'eteeɗo Piyer e deerɗum Andire, Yaakuba e deerɗum Yuhanna, ɓiɓɓe Zebede, 3Filip e Bartolome, Tomas e Matta jomnoowo, Yaakuba ɓii Alfa e Tadde, 4Simon Kanaaniijo e Yahuuda Iskariyot zammbotooɗo Yeesu.

Kuugal nelaaɓe

(Markus 6:7-13; Luka 9:1-6)

5Yeesu neli pukara'en sappo e ɗiɗo ɓe'e, o umri ɓe: “Taa njehe haa ummaatooje goɗɗe ngoni, taa naste gure Samariya'en boo. 6Ammaa njehe haa Isra'iila'en laatiiɓe bana baali majjuɗi. 7Njehe, ngaazine bee wi'ugo: Laamu asamanji ɓaditake. 8Njamɗitine nyawɓe, ummitine maayɓe, laɓɓine kuturu'en, ndiiwe ginnaaji. On keɓi ɗum caahu, onon boo caahe ɗum. 9Taa njoge kaŋŋeeri malla cardi malla ceede. 10Taa njoge booro ngam jahaaŋgal malla limce ɗiɗi. Taa koo'e paɗe malla sawru boo, ngam kuuwoowo he'i heɓugo nguure muuɗum#1 Kor 9:14; 1 Tim 5:18..

11To on nasti berniwol malla wuro fuu, ɗaɓɓite goɗɗo mo he'i jaɓɓaago on, njooɗe haa maako haa to on ndilli. 12To on ɗon nasta saare goɗɗo, koofne wonɓe ton. 13To yimɓe saare man njaɓɓake on, jam mooɗon laatanto ɓe. Ammaa to ɓe njaɓɓaaki on, jam mooɗon loroto haa mooɗon. 14To on nasti saare malla wuro, ɓe cali jaɓɓaago on malla nanango on, ngurte saare man malla wuro man, piɗɗe collaaje kosɗe mooɗon#KN 13:51.. 15Gooŋga mbi'anmi on: Nyalaade darŋgal, kiita maɓɓe tullan dow kiita yimɓe Sodoma e Gomorra#Laat 19:24-28; Mat 11:24.#Lk 10:4-12..”

Toonyaaŋgeeji garanɗi

(Markus 13:9-13; Luka 21:12-17)

16“Ndaa, mi ɗon nela on bana baali caka caafaali. Ngam man laate on ƴoyɓe bana boɗɗe, laaɓɓe bana pooli#Lk 10:3.. 17Ammaa ndeene ko'e mooɗon, ngam ɓe njahran on yeeso hiitooɓe, ɓe ɓoccan on nder cuuɗi dewal maɓɓe. 18Ɓe njahran on yeeso ngomna'en e laamiiɓe ngam daliila am, ngam haa on ceedo seedamku mooɗon yeeso maɓɓe e yeeso yimɓe ummaatooje goɗɗe. 19To ɓe njahri on yeeso hiitooɓe, taa cakle dow ko mbi'oton malla no mbolwirton, bolle ɗe on mbolwata ngaranan on saa'i man nden. 20Ngam naa onon tammi wolwugo, ammaa Ruuhu Baabiraawo mooɗon wolwan nder mooɗon#Mk 13:9-11; Lk 12:11-12; 21:12-15..

21Yimɓe ndokkan deerɗiraaɓe muuɗum'en ngam mbareego, baabiraaɓe boo ɓikkoy muuɗum'en, ɓikkoy ummanto saaro'en muuɗum'en, mbara ɓe#Mk 13:12; Lk 21:16.. 22Yimɓe fuu nganyan on ngam daliila am. Ammaa mo munyi haa timmoode, hisan#Mat 24:9,13; Mk 13:13; Lk 21:17.. 23To ɓe puɗɗi toonyaago on haa berniwol ngol, ndille haa berniwol ngola. Gooŋga mbi'anmi on: On mbaawataa fiiltugo berniiji Isra'iila hiddeko Ɓii-neɗɗo wara.

24Jaŋngoowo ɓurataa jaŋnginoowo muuɗum maŋngu, maccuɗo boo ɓurataa jaagorɗo muuɗum maŋngu#Lk 6:40; Yuh 13:16; 15:20.. 25To jaŋngoowo yottake darnde jaŋnginoowo muuɗum, maccuɗo boo yottake darnde jaagorɗo muuɗum, ɗum he'i. To ɓe ewnake jawmu saare Be'elzebul#10:25 Be'elzebul ɗum jammoore Sayɗaanu, teema ɗum yiɗi wi'go Jawmu-buubi., ɓe ɓurataa hallingo yimɓe saare maako na#Mat 9:34; 12:24; Mk 3:22; Lk 11:15.?”

Moy haani huleego?

(Luka 12:2-7)

26“Kadi, taa kule ɓe. Cuuɗiiɗum fuu waŋgan, sirriijum fuu faamoto#Mk 4:22; Lk 8:17.. 27Ko mi wi'ata on nder nyiɓre, mbaŋgine ɗum caka nyalawma. Ko on nanata nder sofndaago, ngooyne ɗum bee baŋguɗum. 28Taa kule yimɓe ngam koo ɓe mbaawan mbarugo ɓalli mooɗon, ɓe mbaawataa mbarugo yoŋki. Ammaa kule Allah baawɗo halkugo ɓanndu e yoŋki fuu nder yiite jahannama. 29Ɓe coorrataa colloy ɗiɗoy baakin suleyje ɗiɗi na? Ammaa walaa koo gootel maakoy do'oto haa lesdi sonaa to Baabiraawo mooɗon yerdake ɗum. 30Onon boo, koo gaasaaji ko'e mooɗon ɗi limaaɗi gootol gootol fuu. 31Ngam maajum taa kultore, on ɓuri colloy ɗuuɗkoy saman.”

Seedaago Yeesu

(Luka 12:8-9)

32“Koo moy seedi yeeso yimɓe o anndi yam, min boo mi seedoto yeeso Baabiraawo am mo asama mi anndi mo. 33Ammaa mo yeddi yam yeeso yimɓe, min boo mi yeddan mo yeeso Baabiraawo am mo asama#2 Tim 2:12..”

Naa jam, ammaa kaafahi

(Luka 12:51-53; 14:26-27)

34“Taa nume mi waddi salaaman haa duniyaaru. Naa salaaman ngaddumi, ammaa kaafahi. 35Mi wari ngam waadugo ɓiɗɗo gorko bee baaba mum, ɓiɗɗo debbo bee daada mum, debbo boo bee esum debbo. 36Yimɓe saare goɗɗo laatoto wanywanyɓe mum#Mik 7:6..

37Koo moy ɓuri yiɗugo baaba muuɗum malla daada muuɗum dow am, he'aay laataago mo am. Koo moy ɓuri yiɗugo ɓiŋngel muuɗum gorgel malla deyel dow am he'aay laataago mo am. 38Koo moy to hoo'aay gaafaaŋgal muuɗum, tokki yam, he'aay laataago mo am#Mat 16:24; Mk 8:34; Lk 9:23.. 39Koo moy yiɗi aynugo yoŋki muuɗum, majjinan ki. Ammaa mo majjini yoŋki muuɗum ngam am, heɓtan ki#Mat 16:25; Mk 8:35; Lk 9:24; 17:33; Yuh 12:25..”

Mbarjaari

(Markus 9:41; Luka 10:16)

40“Koo moy jaɓɓi on, jaɓɓi yam. Mo jaɓɓi yam, jaɓɓi nelɗo yam boo#Mk 9:37; Lk 9:48; 10:16; Yuh 13:20.. 41Koo moy jaɓɓi annabiijo ngam o annabiijo, heɓan mbarjaari bana ndi annabiijo. Koo moy jaɓɓi adiliijo ngam o adiliijo, heɓan mbarjaari bana ndi adiliijo. 42Gooŋga mbi'anmi on: Koo moy hokki koo ndiyam peewɗam nder jardugel haa ɓurɗo leesugo caka pukara'en am ɓe'e ngam o pukaraajo am, heɓan mbarjaari muuɗum fakat.”

Currently Selected:

Matta 10: FB

Highlight

Compare

Copy