Farillaaji Lewi'en 20
20
Kiitaaji dow luutanɓe umrooje
1Jawmiraawo umri Muusa, 2o wi'a Isra'iila'en ni'i: “Koo moy Isra'iilaajo malla jananno nder Isra'iila dokkuɗo gootel haa ɓikkoy mum ngam lawru Molek, sey ummaatoore fiɗa mo bee kaa'e haa o maaya. 3Mi honan goɗɗo man, mi nattinan mo caka lenyol maako, ngam o hokki Molek gootel haa ɓikkoy maako. Bana non o soɓniri suudu am seniindu, o yawake innde am seniinde boo. 4Ammaa to yimɓe ummaatoore paalaaka ko o waɗi, to ɓe mbaraay mo, 5nden kam min bee hoore am mi honan mo, kaŋko e saare maako e hawtanɓe mo fuu, ɗakkotiranɓe bee Molek. Mi nattinan ɓe caka jama'aare maɓɓe.
6To goɗɗo yehi ƴamugo sarwotooɓe maayɓe e hiila'en, ngam ɗakkotirgo bee maɓɓe, mi honan mo, mi nattinan mo caka ummaatoore maako. 7Cene ko'e mon, laate on seniiɓe, ngam min woni Jawmiraawo Allah mon. 8Ɗowtane umrooje am, ngam min woni Jawmiraawo cenoowo on.
9Koo moy huɗi baaba mum malla daada mum, o mbareteeɗo fakat, aybe man laatoto dow hoore maako#Gurt 21:17; Mat 15:4; Mk 7:10..
10To goɗɗo waɗi njeenu bee debbo keeddiɗɗum, nden kam kaŋko e debbo ɓe mbareteeɓe ngam ɓe njeenooɓe#Gurt 20:14; FL 18:20; TT 5:18.. 11To goɗɗo waaldi bee debbo baaba mum, toski baaba mum bana non, kaŋko e debbo ɓe mbareteeɓe, aybe man laatoto dow ko'e maɓɓe#FL 19:8; TT 23:1; 27:20.. 12To goɗɗo waaldi bee debbo ɓiyum, ɓe ɗiɗo fuu ɓe mbareteeɓe. Ɓe mbaɗi nyidduɗum, aybe maayde maɓɓe laatoto dow ko'e maɓɓe#FL 18:15.. 13To goɗɗo waaldi bee gorko bana muuɗum, ɓe mbaɗi nyidduɗum, ɓe ɗiɗo fuu ɓe mbareteeɓe. Aybe maayde maɓɓe laatoto dow ko'e maɓɓe#FL 18:22.. 14To goɗɗo te'i daada bee ɓiyum debbo, ɓe mbaɗi nyidduɗum, ɓe tato fuu ɓe wuleteeɓe bee yiite, ngam taa nyidduɗum ɗu'um lutta caka mooɗon. 15To goɗɗo waaldi bee ndabbaawa, sey on mbara mo e ndabbaawa man fuu. 16Non boo to debbo ɓaditi ndabbaawa ngam waaldugo bee maaga, sey on mbara mo, kaŋko e ndabbaawa fuu. Aybe maayde goɗɗo oo laatoto dow hoore maako non boo ndabbaawa#Gurt 22:18; FL 18:23; TT 27:1..
17To goɗɗo te'i deerɗum debbo, ɓii baaba mum malla ɓii daada mum, waaldi bee maako, ɓe mbaɗi nyidduɗum. Ɓe wurtinteeɓe gite yimɓe ummaatoore maɓɓe. Doole gorko oo roondo aybe mum#20:17 FL 18:9; TT 27:22.. 18To goɗɗo hawti bee debbo kayloowo, to o yi'i temmbuki maako e to debbo boo laari ilol ƴiiƴam mum, ɓe ɗiɗo fuu ɓe wurtinteeɓe diga jama'aare maɓɓe#FL 18:19..
19To goɗɗo waaldi bee goggo mum malla yaapendo mum, o toski banndiiko ɓadiiɗo. Ɓe ɗiɗo fuu ɓe hiiteteeɓe ngam aybe maɓɓe. 20To goɗɗo waaldi bee debbo bappa mum, o toski bappa maako. Ɓe hiiteteeɓe ngam hakke maɓɓe. Ɓe keɓataa ɓikkoy haa ɓe maaya#FL 18:12-14.. 21To goɗɗo hoo'i debbo deerɗum, ɓe mbaɗi coɓɗum, o toski deerɗiiko. Kaŋko e debbo keɓataa ɓikkoy haa ɓe maaya.#FL 18:16.”
22Jawmiraawo ɓesdi wi'ugo: “Ɗowtane umrooje am e kiitaaji am fuu, ngam taa lesdi ndi njahranmi on haa muuɗum, tuuta on. 23Taa tokke umrooje ummaatooje ɗe ndiiwanmi yeeso mooɗon. Kamɓe ɓe mbaɗi kuuje ɗe'e, ɓe laatani yam nyidduɓe. 24Mi wi'i on: Onon on maran lesdi keewndi kosam e njumri, mi marnan on ndi. Min woni Jawmiraawo Allah mon, mi senndi on bee ummaatooje goɗɗe. 25Sey on cenndindira dabbaaji dagiiɗi bee karminaaɗi, on cenndindira colli dagiiɗi bee karminaaɗi boo. Taa nyaame dabbaaji e colli e ladooji karminaaɗi, ngam taa on coɓna ko'e mon. 26Laate on seniiɓe ngam am, ngam min Jawmiraawo mi ceniiɗo. Mi senndi on bee ummaatooje goɗɗe ngam mi mara on min feere am.
27Koo moy gorko malla debbo carwotooɗo maayɓe malla hiilaajo, sey on piɗa mo bee kaa'e haa o maaya. Aybe maayde maako laatoto dow hoore maako.”
Currently Selected:
Farillaaji Lewi'en 20: FB
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
