Laataanooji 30
30
1Nde Rahiilu yi'i o danyanaay Yaakubu ɓiɓɓe, o haaji deerɗiiko. O wi'i Yaakubu: “Hokkam ɓikkoy malla boo mi maaya.” 2Yaakubu ɓernani Rahiilu, o wi'i: “Kadi min mi Allah, kaɗɗo ma heɓugo ɓiŋngel na!” 3Rahiilu wi'i: “Ndaa korɗo am Bilha. Hawtu bee maako ngam o danya dow koppi am, daliila maako min boo mi heɓa ɓikkoy.” 4O hokki mo korɗo maako Bilha. Yaakubu hawti bee maako. 5Bilha reedi, danyani Yaakubu ɓiɗɗo gorko. 6Rahiilu wi'i: “Allah waɗani yam gooŋgaaku, o nani tornde am e hokki yam ɓiɗɗo.” Ngam maajum o inndi mo Dan#30:6 Dan yiɗi wi'go gooŋɗingo.. 7Bilha, korɗo Rahiilu, reedi kadiboo, danyani Yaakubu ɓiɗɗo ɗiɗaɓo. 8Rahiilu wi'i: “Haɓre wulnde jaw kaɓmi bee deerɗiraawo am, mi jaalake boo.” O inndi mo Neftali#30:8 Neftali yiɗi wi'go haɓre..
9Nde Leya yi'i o acci danyugo, o hoo'i korɗo maako Zilpa, o hokki mo Yaakubu. 10Zilpa, korɗo Leya, danyani Yaakubu ɓiɗɗo gorko. 11Leya wi'i: “Mi waɗi saa'a!” O inndi mo Gada#30:11 Gada yiɗi wi'go saa'a.. 12Zilpa, korɗo Leya, danyani Yaakubu ɓiɗɗo ɗiɗaɓo. 13Leya wi'i: “Mi heɓi barka! Ngam ɓiɓɓe rewɓe mbi'atam barkiɗinaaɗo.” O inndi mo Aser#30:13 Aser yiɗi wi'go keɓɗo barka..
14Nyanndere feere yaake wa'ugo alkamaari, Ruben yehi haa gese. O tawi ɓiɓɓe leɗɗe jooɗooje#30:14 Jooɗooje ɗum ɓiɓɓe leɗɗe ɗe yimɓe tammi ɗum umminan suuno gorko, malla ɗum ɗaɗi maaje. haa ngesa, o waddani daada maako Leya. Rahiilu wi'i Leya: “Useni, hokkam jooɗooje seɗɗa diga ɗe ɓiɗɗo ma?” 15Leya jaabi: “A jaɓti yam gorko, ɗum he'aay ma na? A yiɗi hoo'ugo jooɗooje ɓiɗɗo am boo na?” Rahiilu wi'i: “Booɗɗum! Sey o waalda bee ma jemmaare nde'e ngam mbattudi jooɗooje ɓiɗɗo ma.” 16Kiikiiɗe, nde Yaakubu ɗon wartoya diga ngesa, Leya wurti, fottoyi bee maako, wi'i mo: “Sey a nasta haa am, ngam mi hoo'i ma mbattudi jooɗooje ɓiɗɗo am.” Yaakubu hawti bee maako jemmaare maajum. 17Allah nanani Leya tornde muuɗum, o reedi, o danyani Yaakubu ɓiɗɗo njowaɓo. 18O wi'i: “Allah hokki yam mbarjaari am, ngam mi hokki korɗo am haa gorko am.” O inndi mo Issakar#30:18 Issakar yiɗi wi'go mbarjaari ɗon.. 19Leya reedi kadiboo, o danyani Yaakubu ɓiɗɗo njoweegoojo. 20O wi'i: “Allah hokki yam caahu mbooɗŋgu masin. Ngam jonta kam, gorko am teddintam, ngam mi danyani mo ɓiɓɓe njoweego.” O inndi mo Zabulon#30:20 Zabulon yiɗi wi'go teddingo.. 21Ɓaawo maajum o danyi ɓiɗɗo debbo, o inndi mo Dina.
Rahiilu heɓi ɓiɗɗo
22Nden Allah siftori Rahiilu. Allah nani tornde maako, waɗi mo o danyoowo. 23O reedi, o danyi ɓiɗɗo gorko. O wi'i: “Allah ittani yam mbustu am kadi.” 24O inndi mo Yusufu#30:24 Yusufu yiɗi wi'go ɓesdugo.. O wi'i “Jawmiraawo ɓesdanammi ɓiɗɗo goɗɗo.”
Rikici hakkunde Laban e Yaakubu
25Ɓaawo Rahiilu danyi Yusufu, Yaakubu wi'i Laban: “Accam mi loro haa nokkuure am e lesdi am. 26Hokkam rewɓe am e ɓikkoy am ɓe kuuwanmaami ngam muuɗum'en, mi dilla. A anndi kuugal ngal mi huuwani ma.” 27Laban jaabi: “Accu mi heɓa mo'ere yeeso ma. Nde mi waɗi hatti, mi faami Jawmiraawo barkiɗini yam ngam daliila maaɗa. 28Wi'am ngeenaari ma, mi hokkete ndi.” 29Yaakubu wi'i: “A anndi bana noy mi huuwrani ma. A anndi boo no dabbaaji ma laatori bee am. 30Ɗum ko marɗa hiddeko mi wara ɗuuɗaayno. Jonta ɗum ɓesdi masin. Jawmiraawo barkiɗini ma diga mi wari saare ma. Jonta kam, ndey kuuwanmi ngam saare am?” 31Laban ƴami: “Ɗume ndokkanmaami?” Yaakubu jaabi: “Taa hokkam koo ɗume! To a waɗani yam ko mi tammi ƴamugo ma, mi fuɗɗitan durugo dammooji ma, mi aynan ɗi. 32Hannde mi saaloto caka tokke fuu. Mi wurtinan cirgum e jamalum e ɓaleejum caka baali fuu, non boo cirgum e jamalum caka be'i fuu. Kanjum laatoto ngeenaari am#30:32 Haa lesdi maɓɓe, ɓurna baali ɗon ndanwi, be'i boo ɓurna maaji ɗon ɓalwi.. 33Gooŋgaaku am waŋgan jaŋngo, to a wari laarugo ngeenaari am. Ko laataaki cirgum malla jamalum caka be'i e ɓaleejum caka baali, ɗum laato haa am gujjaaɗum.” 34Laban wi'i: “Booɗɗum, en ngaɗa bana mbi'ɗa.” 35Nyalaade man nden Laban wurtini jawɗi be'i diidaaɗi e jamali fuu, non boo be'i cirgi e jamali, waato marɗi daneejum fuu e baali ɓaleeji fuu. O hokki ɗum haa juuɗe ɓiyiiko'en. 36O dilli jahaaŋgal daayiiŋgal seɗɗa, baakin yahdu nyalɗe tati hakkunde maako e Yaakubu. Yaakubu duri luttuɗi tokkere Laban go.
37Yaakubu itti cabbi kecci haa leɗɗe tati feere feereeje, o hefi ɗi haa ciifi daneeji mbaŋgi. 38O darni cabbi man yeeso keeleeje haa dammooji ngarata yara. Nde dammooji ngarata yarugo fuu, ɗi ɗon ngoowrindira. 39Dammooji ngoowrindiri saa'i ɗi ngarata gal cabbi ɗi'i. Ɓaawo maajum ɗi ndimi diidaaɗi e cirgi e jamali. 40Yaakubu senndi ɓiɓɓe dammooji. O wayliti ɗi dow diidaaɗi e ɓaleeji caka dabbaaji Laban. Bana non o waarani hoore maako tokkere, o hawtaay nde bee tokke Laban fahin. 41Koo ndeye dammooji cemmbiɗɗi ngoowrindiri fuu, Yaakubu darni cabbi yeeso keeleeje, haa gite dammooji. Non ɗi ngoowrindiri baŋnge cabbi. 42To ɗum dammooji pooyɗi, o darnataa cabbi go. Bana non pooyɗi laatani Laban e cemmbiɗɗi boo ɗi Yaakubu.
43Yaakubu faggi jawdi, o mari dammooji ɗuuɗɗi e horɓe e maccuɓe e geelooɗi e bamɗe.
Currently Selected:
Laataanooji 30: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.