Laataanooji 21
21
Danyeeki Isiyaaku
1Jawmiraawo woonani Saraatu, waɗani mo bana o wi'no. 2Saraatu reedi, danyani Ibrahiima ɓiɗɗo gorko nder ndottaaku muuɗum, nder saa'iire nde Allah wi'no mo. 3Ibrahiima inndi ɓiɗɗo mo Saraatu danyani mo Isiyaaku. 4Ibrahiima juulni#21:4 Juulni malla remni. ɓiyum nyalaade joweetataɓre bana Allah umruno mo#Laat 17:12; KN 7:8.. 5Ibrahiima woodino duuɓi teemerre (100), nde o danyana Isiyaaku#21:5 Isiyaaku yiɗi wi'go o ɗon jala.. 6Saraatu wi'i: “Allah jalni yam ngam seyo. Koo moy nananɗo ɗum, jalan ngam daliila am.” 7O wi'i boo: “Moy yeccanno Ibrahiima: Saraatu musinanno ɓiɓɓe? Ammaa mi danyani mo ɓiɗɗo gorko nder ndottaaku maako.”
8Ɓiŋngel mawni. Nyannde ngel enta, Ibrahiima waɗi nyaamduuji ɗuuɗɗi.
Hajara e Isma'iilu ndiiwaama
9Nyannde wonnde, Saraatu yi'i Isma'iilu mo Hajara Misraajo danyani Ibrahiima, ɗon fija. 10O wi'i Ibrahiima: “Riiw korɗo oo bee ɓiyum! Ngam ɓii korɗo oo rondataa bee ɓiyam Isiyaaku.” 11Haala ka'a fottanaay Ibrahiima sam, ngam Isma'iilu boo ɗum ɓiyiiko.#Yuh 8:33,35; Gal 4:29-30. 12Ammaa Allah wi'i Ibrahiima: “Taa laar ɗum bana kalluɗum dow derkeejo e korɗo ma. Waɗ ko Saraatu wi'i ma fuu, ngam bee Isiyaaku keɓrata danygol ma#Rm 9:7; Ibr 11:18.. 13Ammaa ɓii korɗo boo, mi laatinan mo ummaatoore, ngam o danygol ma.”
14Jaŋngo maajum Ibrahiima dawi cub, hoo'i nyaamdu e kanyakanyaawu#21:14 Kanyakanyaawu ɗum booro laral ngam sigaago njaram, ammaa to laral man hiiɗi, ngal marataa semmbe. ndiyam, hokki ɗum Hajara. O jo'inani ɓiŋngel dow balawal. O jaɓɓiti mo. Hajara dilli, ɗon yiilo nder ladde Biirsaba. 15Nde ndiyam nder kanyakanyaawu timmi, o acci ɓiŋngel les wumre. 16Nden o dilli baakin fiɗaande kurol, o jooɗi, o tiiti ngel. Ngam o wi'i: “Taa mi laara maayde ɓiŋngel.” O jooɗi, o tiiti ngel, o fuɗɗi woyugo.
17Allah nani sawtu derkeejo. Malaa'ikaajo Allah ewni Hajara diga asama, wi'i mo: “Ko waɗ ma, Hajara? Taa hul, ngam Allah nani bojji derkeejo haa o woni. 18Umma, hoo'u mo, joga mo haa juŋngo booɗɗum, ngam mi laatinan mo ummaatoore mawnde.” 19Allah maɓɓiti gite Hajara, o yi'i seeɓoore ndiyam. O yehi, o hebbini kanyakanyaawu, o yarni derkeejo. 20Allah wondi bee derkeejo, o mawni, o jooɗi nder ladde. O laati gawjo. 21O jooɗi nder ladde Paran. Daada maako te'ani mo debbo iwɗo lesdi Misra.
Ibrahiima e Abimelek kaɓɓi alkawal
22Saa'i maajum Abimelek wardi bee Pikol, hooreejo honooɓe muuɗum haa Ibrahiima, wi'i mo: “Allah ɗon wondi bee ma nder ko mbaɗata fuu#Laat 26:26.. 23Jonta ɗo, hunoranam bee Allah, a zammbataako yam, koo ɓiyam, koo taaniraawo am. Bana mi waɗirani ma mbooɗeeŋga, non an boo waɗanam, min e lesdi ndi ngonɗa nder maari jonta.” 24Ibrahiima wi'i: “Mi hunake.”
25Nden Ibrahiima feli Abimelek ngam haala ɓulndu ndu maccuɓe Abimelek njaɓti. 26Abimelek wi'i: “Mi anndaa mo waɗi ɗum. An boo a yeccaay yam, mi meeɗaay nanugo ɗum, sey hannde.” 27Nden Ibrahiima hoo'i dammooji e na'i, hokki ɗi Abimelek. Ɓe ɗiɗo fuu ɓe kaɓɓotiri alkawal. 28Ibrahiima hoo'i borti joweeɗiɗi haa dammooji, darni ɗi sera. 29Abimelek wi'i Ibrahiima: “Ɗume borti joweeɗiɗi ɗi'i, ɗi ndarnuɗa sera ngaɗata?” 30O jaabi: “Borti joweeɗiɗi ɗi'i, jaɓ ɗi diga juŋngo am ngam seedaago no min wasi ɓulndu ndu'u.” 31Ngam maajum nokkuure nde'e ewna Biirsaba#21:31 Biirsaba yiɗi wi'go ɓulndu-ndu-joweeɗiɗi malla ɓulndu-hunayeere., ngam ɓe ɗiɗo fuu ɓe kunino ton. 32Bana non ɓe kaɓɓiri alkawal haa Biirsaba. Abimelek ummi bee Pikol, hooreejo honooɓe muuɗum, lorti haa lesdi Filisti'en. 33Ibrahiima jubi lekki aslahi haa Biirsaba. Haa ton o ewni innde Jawmiraawo, Allah duumiiɗo nder do'a. 34Ibrahiima faɓɓi nyalɗe ɗuuɗɗe nder lesdi Filisti'en.
Currently Selected:
Laataanooji 21: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.