Gurtaaki Nastuki
Nastuki
“Min woni Jawmiraawo Allah maaɗa, gurtinɗo ma jeyaaŋgu haa lesdi Misra” (20:2). Kalimaaji ɗi'i ɗon mbaŋgina maana wolde deftere Gurtaaki. Allah woni dimɗinoowo ummaatoore mum. Aayaare nde'e woni caɓɓawal umrooje sappo. Allah yiɗi Isra'iila'en, o rimɗini ɓe. O haɓɓi alkawal bee maɓɓe, ɓe laati ummaatoore maako. O yiɗi nde ɗowtano umrooje maako.
Nde Isra'iila'en keɓi hisrude muuɗum'en haa lesdi Misra (Laat 45:17-28), ɓe ndanyndanytiri, ɓe laati ɗuuɗɓe. Ammaa ɓaawo maajum laamiiɗo Misra keso tampini ɓe bee laatingo ɓe maccuɓe. Allah accaay Isra'iila'en nder boneeji, o suɓi Muusa gooto caka maɓɓe, o laatini mo ɗowoowo maɓɓe. O hokki mo baawɗe waɗugo kaayeefiiji feere feere, haa ɗi ndooli Misra'en rimɗingo ummaatoore haa nde wurto dilla diga lesdi maɓɓe. Ɓaawoɗon Allah ɗowi ɓe e o eertini ɓe maayo Maaliya bee baawɗe maako. O haɓɓi alkawal bee maɓɓe haa hooseere Sina, o hokki ɓe umrooje maako sappo. Nde Muusa wa'iti dow hooseere ngam o jaɓa umrooje diga Allah ngam waɗugo laymaaru fottirde, law Isra'iila'en ngejjiti umrooje Jawmiraawo Allah maɓɓe gurtinɗo ɓe diga lesdi Misra, ɓe mbaɗi gaggel kaŋŋeeri ngam ɓe cujidana ngel. Nden tikkere Jawmiraawo saati dow maɓɓe. Muusa tori Jawmiraawo Allah, haa o sottini tikkere maako dow ummaatoore maako. Nden o waŋgani Muusa (34:6-7), o hesɗitini boo alkawal maako bee Isra'iila'en.
Deftere nde'e ɗon timma bee habaru darnuki laymaaru fottirde ngam kawtal Isra'iila'en bee Jawmiraawo Allah.
Gurtaaki Isra'iila'en diga lesdi Misra, ɗum alaama dimɗineeki neɗɗo diga hakkeeji muuɗum bee Yeesu Almasiihu. Laymaaru fottirde boo, ɗum alaama gondal Allah duumiiŋgal bee yimɓe mum nder alkawal kesal.
Tokkindirki haalaaji:
Dimɗinki yimɓe Isra'iila haa lesdi Misra 1:1—15:21
a. Maccuɓe nder Misra 1
b. Danyeeki Muusa e mawnuki e ewnaandu mum 2—4
c. Jokkirgol Muusa e Haruna bee laamiiɗo Misra 5—11
d. Juulde Paska e gurtaaki diga Misra 12:1—15:21
Diga maayo Maaliya haa hooseere Sina 15:22—18:27
Umrooje e alkawal 19—24
Umrooje dow waɗugo laymaaru fottirde 25—31
Tuurtol Isra'iila'en e kesɗitinki alkawal 32—34
Darnuki laymaaru fottirde 35—40
Currently Selected:
Gurtaaki Nastuki: FB
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.