Markus 8

Yeesu nyaamni yimɓe ujine nayo

(Matta 15:32-39)

1Saa'i man mooɓre ɗuuɗnde mooɓti fahin. Nde ɓe ngoodaa ko ɓe nyaama, Yeesu ewni pukara'en muuɗum, wi'i ɓe: 2“Mi ɗon yurmina yimɓe ɓe'e, ngam ɓe ɗon ngondi bee am jonta nyalɗe tati, ɓe ngoodaa ko ɓe nyaama boo. 3To mi jaɓɓiti ɓe, ɓe koota mi hokkaay ɓe nyaamdu, nden kam ɓe tampan dow laawol, woɗɓe maɓɓe boo ngari diga daayiiɗum.” 4Pukara'en maako mbi'i mo: “Noy goɗɗo heɓrata nyaamdu he'anndu yimɓe ɓe fuu haa nder ladde hamaadaare nde'e?” 5Yeesu ƴami ɓe: “Tamseeje noy marɗon?” Ɓe njaabi: “Joweeɗiɗi.”

6O umri yimɓe njooɗo. Nden o hoo'i tamseeje joweeɗiɗi go, o yetti Allah, o yewi ɗe, o hokki pukara'en maako ɓe cenndana yimɓe. Pukara'en mbaɗi bana non. 7Ɓe ngoodi boo liɗɗi pamari seɗɗa. Yeesu waɗi yettoore ngam maaji, nden o umri pukara'en maako ɓe cenndana ɗi yimɓe. 8Ɓe fuu ɓe nyaami, ɓe kaari, pukara'en mooɓti luttuɗum man, kebbini cilaaje joweeɗiɗi. 9Limgal yimɓe man waɗi baakin worɓe ujine nayo, nden Yeesu jaɓɓiti ɓe. 10Law o nasti koommbowal#8:10 Koommbowal malla laanawal. bee pukara'en maako, o yehi lesdi Dalmanuta.

Farisa'en ɗaɓɓi kaayeefi

(Matta 16:1-4)

11Farisa'en ngari puɗɗi waabotirgo bee Yeesu. Ɓe ngiɗi jarribaago mo. Ngam maajum ɓe ƴami mo o waŋginana ɓe alaama iwka diga asama#Mat 12:38; Lk 11:16.. 12Yeesu uumi nder muuɗum, wi'i: “Koni yimɓe ɓe'e ɗaɓɓata alaama? Fakat mi ɗon wi'a on, ɓe keɓataa alaama ka sam#Mat 12:39; Lk 11:29..” 13Nden o acci ɓe, o lorti nder koommbowal, o eeri haa fomoonde gaɗaare.

Ufnirɗum Farisa'en e ɗum Hirudus

(Matta 16:5-12)

14Pukara'en ngejjiti hoo'ugo tamseeje. Ɓe ngalaa tamseeje, sey woore ɓe mari haa maɓɓe nder koommbowal. 15Yeesu reentini#8:15 Reentini malla barri. ɓe, wi'i: “Kakkile, ndeente ngam ufnirɗum Farisa'en e ufnirɗum Hirudus#Lk 12:1..” 16Pukara'en carwootiri, ɓe mbi'i: “O wi'i ɗum ngam en ngoodaa tamseeje.” 17Yeesu anndi ko ɓe mbi'i, o ƴami ɓe: “Koni mbi'ɗon on ngalaa tamseeje? On anndaa na? Haa jonta on paamataa na? Ɓerɗe mon ɗon caati na? 18On ngoodi gite, on ngi'ataa na? On ngoodi noppi, on nanataa na? On ciftortaa na#Yer 5:21; Ez 12:2; Mk 4:12.? 19Nde mi senndani yimɓe ujine njowo tamseeje jowi, cilaaje noy on kebbini bee luttuɗe?” Ɓe njaabi: “Sappo e ɗiɗi.” 20“Yeesu wi'i ɓe, nde mi senndani yimɓe ujine nayo tamseeje joweeɗiɗi, cilaaje noy on kebbini bee luttuɗe?” Ɓe njaabi: “Joweeɗiɗi.” 21Nden Yeesu wi'i ɓe: “Haa jonta on ngalaa faamu na?”

Yeesu wumtini bumɗo haa Baytisayda

22Ɓe njotti Baytisayda, ton, yimɓe ngaddani Yeesu bumɗo, ɓe tori mo o meema mo. 23Yeesu naŋngi juŋngo bumɗo oo, yahri mo yaasi wuro. Nden o tuuti tuuɗe dow gite bumɗo man, o wallini juŋngo dow maako, o ƴami mo: “A ɗon yi'a na?” 24Bumɗo ɓaŋgti gite, wi'i: “Mi ɗon yi'a yimɓe, ammaa bana leɗɗe jahanɗe.”

25Fahin Yeesu wallini juuɗe dow gite maako, o wumti, o yi'i kuuje fuu laaɓɗum. 26Nden Yeesu jaɓɓiti mo, wi'i: Hootu saare. “Taa nastu wuro.”

Piyer waŋgini Yeesu woni Almasiihu

(Matta 16:13-20; Luka 9:18-21)

27Ɓaawoɗon Yeesu e pukara'en muuɗum ndilli gure ɓadiiɗe bee Kaysariya Filippi. Dow laawol, o ƴami ɓe: “Yimɓe ɗon mbi'a min mi moy?” 28Ɓe njaabi mo: “Woɗɓe ɗon mbi'a an woni Yuhanna baɗoowo baptisma. Woɗɓe boo ɗon mbi'a an woni Eliya. Fahin woɗɓe ɗon ndaare bana gooto annabi'en ɓooyma#Mk 6:14-15; Lk 9:7-8..” 29Yeesu ƴami ɓe: “Onon boo, on ɗon mbi'a mi moy?” Piyer jaabi: “An woni Almasiihu#Yuh 6:68-69..” 30Nden Yeesu umri ɓe bee caatal, wi'i: “Taa yeccu ɗum koo moy.”

Yeesu waŋgini haala maayde e ummitineeki muuɗum

(Matta 16:21-28; Luka 9:22-27)

31Nden Yeesu fuɗɗi anndingo pukara'en muuɗum, wi'i: “Doole Ɓii-neɗɗo yara bone ɗuuɗɗe, ndotti'en e mawɓe liman'en e moodiɓɓe tawreeta boo ngudina mo. Ɓe mbaran mo, ammaa ɓaawo nyalɗe tati o ummititto.” 32O wi'i ɓe ɗum bee baŋguɗum. Piyer wicciti mo sera, fuɗɗi felugo mo. 33Ammaa Yeesu wayliti, laari pukara'en muuɗum. Nden o telɓani Piyer, o wi'i: “Daayam, an Sayɗaanu, numooji maaɗa ɗi yimɓe, naa ɗi Allah.”

34Nden Yeesu ewni mooɓre e pukara'en muuɗum, o wi'i ɓe: “To goɗɗo yiɗi tokkaago yam, sey o acca muuyo maako, o roondo gaafaaŋgal maako, o tokko yam#Mat 10:38; Lk 14:27.. 35Ngam koo moy yiɗi hisnugo yoŋki muuɗum, majjinan ki. Ammaa mo majjini yoŋki mum ngam am e ngam Linjiila, hisnan ki#Mat 10:39; Lk 17:33; Yuh 12:25.. 36To goɗɗo heɓi duniyaaru fuu, ammaa o halki yoŋki maako, ɗume ɗum nafata mo? 37Malla woodi ko goɗɗo waawata hokkugo ngam soottugo yoŋki maako na? Walaa sam! 38To goɗɗo semti yam e bolle am hannde caka yimɓe halluɓe, zammbotooɓe Allah ɓe'e, nden kam Ɓii-neɗɗo boo semtan mo to o wardi bee malaa'ika'en seniiɓe nder tedduŋgal Baabiraawo maako.”

Currently Selected:

Markus 8: FBDC

Highlight

Copy

Compare