Matta 4
4
Jarribeeki Yeesu
(Markus 1:12-13; Luka 4:1-13)
1Nden Ruuhu Allah yahri Yeesu haa ladde hamaadaare ngam haa Iblisa jarribo mo#Ibr 2:18; 4:15.. 2Yeesu waɗi suumaye nyalawmaaje e jemmaaje cappanɗe nayi, nden o maati dolo. 3Iblisa ɓaditi, wi'i mo: “To a Ɓiɗɗo Allah kam, umru kaa'e ɗe'e laato nyaamdu.” 4Yeesu jaabi: “Deftere wi'i: Neɗɗo yeeɗirtaa nyaamdu tan, ammaa bee wolde nde Allah wolwi fuu#TT 8:3..”
5Nden Iblisa yahri mo haa berniwol ceniiŋgol, jo'ini mo dow yeereere haykaliiru, 6wi'i mo: “To a Ɓiɗɗo Allah kam, diw diga ɗo haa lesdi, ngam Deftere wi'i:
Allah umran malaa'ika'en muuɗum ngam maaɗa,
ɓe taɓɓo ma bee juuɗe maɓɓe,
ngam taa kosɗe ma pergo dow hayre#Jab 91:11-12..”
7Yeesu jaabi mo: “Deftere wi'i boo: Taa jarriba Allah Jawmiraawo maaɗa#TT 6:16..”
8Fahin Iblisa yahri mo dow hooseere townde masin, o sappini mo laamuuji duniyaaru e tedduŋgal maaji fuu, 9o wi'i mo: “Ɗum fuu mi hokkete to a tuggi koppi, a sujidani yam.”
10Ammaa Yeesu wi'i mo: “Dillu, accam, an Sayɗaanu, ngam Deftere wi'i: Sujidan Allah Jawmiraawo maaɗa tan, kaŋko feere maako a rewata#TT 6:13..”
11Nden Iblisa acci Yeesu, malaa'ika'en ngari, njaggani mo.
Yeesu fuɗɗi kuugal muuɗum nder Galiili
(Markus 1:14-15; Luka 4:14-15)
12Nde Yeesu nani ɓe nastini Yuhanna suudu daŋngay#4:12 Suudu daŋngay malla suudu fursina., o dilli lesdi Galiili#Mat 14:3; Mk 6:17; Lk 3:19-20.. 13O wurti Nasaratu, o yehi, o jooɗoyi haa Kafarnahum kommbi fomoonde weendu Galiili, nder lesɗe Zabulon e Neftali#Yuh 2:12., 14ngam haa bolle ɗe annabi Esaaya wolwino kiɓɓa:
15“Lesdi Zabulon e lesdi Neftali,
haa laawol yahugo mbeela e gaɗa maayo Urdun
e Galiili haa ummaatooje goɗɗe ngoni,
16ummaatoore jooɗiinde nder nyiɓre yi'i annoora makka.
Jooɗiiɓe nder lesdi e nyiɓre maayde boo,
annoora yaynani ɓe#Esa 9:1-2..”
17Diga saa'i man Yeesu fuɗɗi waazugo. O wi'i: “Tuube, ngam laamu asamanji ɓaditake#Mat 3:2.!”
Yeesu ewni pukara'en nayo
(Markus 1:16-20; Luka 5:1-11)
18Nde Yeesu ɗon saalo kommbi weendu Galiili, o yi'i deerɗiraaɓe ɗiɗo: Simon bi'eteeɗo Piyer e Andire deerɗum. Ɓe ɗonno ngubo zubaawol nder weendu ngam ɓe waawooɓe liɗɗi. 19Yeesu wi'i ɓe: “Tokkeeɗam, mi waɗan on waawooɓe yimɓe.” 20Law ɓe acci zubaaji maɓɓe, ɓe tokki mo.
21O yehi yeeso seɗɗa, o yi'i deerɗiraaɓe ɗiɗo: Yaakuba ɓii Zebede e Yuhanna deerɗiiko. Ɓe ɗonno nder koommbowal#4:21 Koommbowal malla laanawal. bee baaba maɓɓe Zebede, ɓe ɗon mbo'itina zubaaji maɓɓe, o ewni ɓe. 22Law ɓe acci koommbowal e baaba maɓɓe, ɓe tokki mo.
Yeesu waazi yimɓe e yamɗitini nyawɓe
(Luka 6:17-19)
23Yeesu yilli lesdi Galiili fuu, o ekkitini Yahuudu'en nder cuuɗi dewal maɓɓe, o waazini kubaruwol belŋgol ngol laamu asamanji, o nyawndi yimɓe diga nyawuji feere feere fuu caka ummaatoore#Mat 9:35; Mk 1:39.. 24Habaru maako saŋkiti nder lesdi Siriya fuu. Ɓe ngaddani mo torraaɓe nyawuji feere feere e yinnaaɓe e marɓe paɗɗe e jiijiiɓe, o yamɗitini ɓe. 25Mooɓre ɗuuɗnde tokki mo. Ɓe ngari diga lesdi Galiili e Gure-sappo e Urusaliima e lesdi Yahudiya e lesdi gaɗa maayo Urdun.
Currently Selected:
Matta 4: FBDC
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.