2 Makabe 8
8
Yahuuda Makabe fuɗɗi tuurtol
1Yahuuda Makabe e tokkiiɓe mo caali bee sirri nder gure. Ɓe ewni deerɗiraaɓe lenyol maɓɓe ngam ɓe tokko ɓe, ɓe pooɗi ɗowtaniiɓe nuɗɗinki Yahuudu'en bee gooŋga haa maɓɓe, ɓe mooɓti yimɓe baakin ujine joweego. 2Ɓe tori Jawmiraawo ngam o walla jama'aare maako nde duniyaaru fuu torri e ɓe tori mo o yurmina haykaliiru ndu heefeerɓe coɓni. 3Ɓe tori mo o yurmina wuro ngo konne'en ngiɗi nattingo e wilgo. Ɓe tori mo fahin ngam o nana sawtu ƴiiƴam ndufaaɗam ngiɗɗam, 4taa o yejjita ɓikkoy koy ngalaa aybe koy ɓe mbari, o torra huɗɓe mo. Ninnon Allah hollirta o wanyi kalluɗum.
5Nde Yahuuda laati ardiiɗo mooɓre, walaa ko heefeerɓe mbaawi waɗgo ngam Allah acci tikkango jama'aare mum, ɗon mo'ana nde. 6Yahuuda hippoyi berniiji e gure bee juhuki, o wuli ɗe, o nyaami nokkuuje booɗɗe, o farti konne'en maako ɗuuɗɓe. 7Ɓurna fuu, jemma o hipporto gure man, o wallitoro e nyiɓre. Habaru jaalorgal maako saŋkiti haa toy fuu.
Yahuuda heɓi jaalorgal dow Nikanor
8Filip, kaliifaajo laamiiɗo haa Urusaliima, faami Yahuuda heɓi nokku seɗɗa seɗɗa, o heɓi jaalorgal dow jaalorgal. Nden o winndani Potolome ngomna lesdi Siriya maŋngo e Finisiya ngam ƴamgo mo o wara o walla laamiiɗo. 9Potolome suɓi Nikanor ɓii Patorokol, gooto caka soobiraaɓe laamiiɗo, ngam ardanaago kuugal nga'al bee ko yaawi. O darni mo haa hoore mooɓre sooje'en ko dillani ujine noogas iwɓe lesɗe feere feere, o neli ɓe ngam ɓe nattina jama'aare Yahuudu'en. O umri ardiiɗo sooje'en bi'eteeɗo Gorgiyas ɗofta mo. Gorgiyas oo, o baawɗo konu masin.
10Roma'en tokkino laamiiɗo Antiyokus nyamaande cardi ko dillani baakin kilo ujine cappanɗe jowi e nayi. Nikanor annini yoɓgo nyamaande maajum fuu bee soorrugo bana maccuɓe Yahuudu'en naŋngaaɓe haa konu. 11O yaawi maatingo berniiji gonɗi sera maaje, o ewni filooɓe ngam ɓe ngara ɓe cooda maccuɓe Yahuudu'en, o iinani ɓe coggu maccuɓe cappanɗe njoweenayo fuu baakin cardi kilo noogas e joweeɗiɗi. O numaay Allah baawɗo taaskani mo torra caatuka.
12Yahuuda nani Nikanor naŋngi laawol. Nden o maatini yimɓe maako no konne'en ɓadi. 13Hulɓe e yimɓe ɓe koolaaki adilaaku Allah fuu ndoggi ndilli daayiiɗum. 14Woɗɓe boo coorri ko ɓe mari fuu, ɓe tori Jawmiraawo hisna ɓen ɓe Nikanor kalluɗo soorrino diga haɓre fuɗɗaay. 15To Jawmiraawo yiɗaa hisnugo ɓe daliila yiide mum ngam maɓɓe, ɓe tori mo o hisna ɓe ngam ɓe ɗowtani alkawal ngal o haɓɓi bee kaakiraaɓe maɓɓe, ngam kaŋko woni Allah ceniiɗo, tedduɗo, ewniiɗo ɓe ngam ɓe laato jama'aare maako.
16Yahuuda Makabe mooɓti yimɓe muuɗum, limgal maɓɓe waɗi ujine joweego. O umri ɓe taa ɓe kula konne'en, taa ɓe kultora ngam ɓe ndaari ɗuuɗeeŋga limgal heefeerɓe waranɓe dow maɓɓe bee daliilaaji kalluɗi. Sey ɓe kaɓa bee cuusal, 17ɓe ciftora ko konne'en ngaɗi haa haykaliiru, toskaare nde ɓe ukkani Urusaliima e ɓe ciftora boo no ɓe kaɗiri al'aadaaji Yahuudu'en. 18Yahuuda ɓesdi wi'go: “Yimɓe ɓe'e ɗon koola balmi muuɗum'en e ngorgu muuɗum'en. Ammaa enen kam, hoolaare men ɗon dari dow Allah baawɗo, to o dimmbi hoore maako, o halkan mooɓe garɗe hippaago en e koo duniyaaru fuu!”. 19Nden Yahuuda siftinori ɓe no Allah walliri kaakiraaɓe maɓɓe: Bana zamanu Sennakerib, o mbari konne'en maɓɓe ko dillani ujine teemerre e cappanɗe njoweetato e njowo 20malla saa'i haɓre bee Galaatiya'en haa Baabila. Nde Yahuudu'en ujine njoweetato bee Makedoniya'en ujine nayo kawtani ɓe, ɓe kaɓi bee yimɓe ujine teemerre bee noogas, ammaa Makedoniya'en njari bone, ɓe mbaawaay jaalaago. Sey yimɓe ujine njoweetato go keɓi jaalorgal dow maɓɓe daliila ballal iwŋgal diga asama, nden ɓe ngaɗi ndahalaagu ɗuuɗŋgu.
21Bee bolle ɗe'e, Yahuuda suusɗini sooje'en muuɗum, ɓe taaski maaygo ngam Tawreeta Allah e ngam lesdi maɓɓe. O sennditi sooje'en maako geɓe nayi, 22yeɓre fuu ɗon mari ko dillani sooje'en ujineere bee teemeɗɗe njowo, o halfini yeɓre fuu haa deerɗiraaɓe maako, Simon, Yusufu, Yonatan e kaŋko bee hoore maako boo. 23Ɓaawo o umri Eli'azaaru jaŋnga fasluwol nder deftere seniinde, o hokki ɓe kalimawol ngo'ol: “Bee ballal Allah!” Nden, bee yeɓre arannde, o ardi, o hippoyi Nikanor.
24Allah baawɗo walli Yahuudu'en, bana nii ɓe nattini konne'en ko ɓurata ujine njoweenayo. Ɓe naawni sooje'en Nikanor ɗuuɗɓe, ɓe ta'i terɗe maɓɓe, ɓe ndiiwi jama'aare konu maako luttunde. 25Ɓe koo'i ceede warnooɓe haa sooda ɓe bana maccuɓe. Ɓe taasni dogguɓe daayiiɗum, ammaa ɓaawoɗon, nde ɓadake jeŋngugo, ɓe lori. 26Nde nyalaade siwtorde ɗon fuɗɗa to naaŋge muti, ɓe acci taasnugo ɓe. 27Nde ɓe mooɓti balmi konne'en, ɓe kooci ko woni haa maayɓe, nden ɓe ngaɗi juulde siwtorde. Ɓe maŋgti Jawmiraawo, ɓe ngetti mo ngam o yerdi ɓe ngeeɗa nyalaade nde o waŋginani ɓe mbooɗeeŋga maako fahin. 28Ɓaawo nyalaade siwtorde, ɓe cenndi ndahalaagu konu maajum, yeɓre haa toonyaaɓe, yeɓre boo haa rewɓe yurumɓe e ɓiɓɓe atiime'en, nden luttuɗum man ɓe cenndi hakkunde maɓɓe bee ɓiɓɓe maɓɓe. 29Ɓaawoɗon ɓe kawti ɓe tori Jawmiraawo, o sulhindira jagganiiɓe mo bee maako, kaŋko marɗo mbooɗeeŋga ɗuuɗŋga.
Yahuuda heɓi jaalorgal dow Timote
30Ɓaawoɗon Yahuuda e yimɓe muuɗum ngaɗi haɓre bee yimɓe Timote e Bakides. Ɓe mbari sooje'en konne'en ko ɓuri ujine noogas e ɓe njaɓti cuuɗi cemmbiɗɗi. Ɓe cenndi ndahalaagu konu, geɓe ɗiɗi potanɗe kal-kal, yeɓre woore nde maɓɓe, yeɓre woore boo nde toonyaaɓe, ɓiɓɓe atiime'en e rewɓe yurumɓe e ngam nayeeɓe. 31Ɓe koo'i balmi konne'en, ɓe njo'ini ɗi haa nokkuuje kaanɗuɗe jo'ingo balmi. Kuuje luttuɗe boo ɓe njahri ɗe haa Urusaliima. 32Ɓe mbari ardaniiɗo konu Timote, kaŋko yarni Yahuudu'en ɗuuɗɓe bone. 33Yaake nde ɓe ngaɗa juulde jaalorgal, ɓe nguli wulɓe dammuɗe haykaliiru, ɓe nguli Kallisten cuuɗiiɗo nder cuurel pamarel. O hiitaama deydey kuuɗe maako kalluɗe.
Nikanor doggi dilli haa Antakiya
34Nikanor kalluɗo, gadduɗo filooɓe ujineere ngam soodgo Yahuudu'en go, 35jaalaama bee ballal Jawmiraawo bee juuɗe yimɓe ɓe o wanyino. O ɓorti ngapaleewol maako booɗŋgol, o doggi feere maako caka gese bana maccuɗo tefanɗo hisrude. O yotti Antakiya, o seyori saa'a nga o heɓi bee daɗgo ngam sooje'en maako njaalaama. 36kaŋko, o mawniti bee wi'go o yoɓan ceede ɗe Roma'en tokkino ɓe bee soorrugo yimɓe Urusaliima bana maccuɓe. Jonta kam, o annditi Yahuudu'en njaalataake, ngam Allah woni balloowo, aynoowo maɓɓe e ngam ɓe ɗowtani umrooje ɗe o umri ɓe kamɓe boo.
Currently Selected:
2 Makabe 8: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 8
8
Yahuuda Makabe fuɗɗi tuurtol
1Yahuuda Makabe e tokkiiɓe mo caali bee sirri nder gure. Ɓe ewni deerɗiraaɓe lenyol maɓɓe ngam ɓe tokko ɓe, ɓe pooɗi ɗowtaniiɓe nuɗɗinki Yahuudu'en bee gooŋga haa maɓɓe, ɓe mooɓti yimɓe baakin ujine joweego. 2Ɓe tori Jawmiraawo ngam o walla jama'aare maako nde duniyaaru fuu torri e ɓe tori mo o yurmina haykaliiru ndu heefeerɓe coɓni. 3Ɓe tori mo o yurmina wuro ngo konne'en ngiɗi nattingo e wilgo. Ɓe tori mo fahin ngam o nana sawtu ƴiiƴam ndufaaɗam ngiɗɗam, 4taa o yejjita ɓikkoy koy ngalaa aybe koy ɓe mbari, o torra huɗɓe mo. Ninnon Allah hollirta o wanyi kalluɗum.
5Nde Yahuuda laati ardiiɗo mooɓre, walaa ko heefeerɓe mbaawi waɗgo ngam Allah acci tikkango jama'aare mum, ɗon mo'ana nde. 6Yahuuda hippoyi berniiji e gure bee juhuki, o wuli ɗe, o nyaami nokkuuje booɗɗe, o farti konne'en maako ɗuuɗɓe. 7Ɓurna fuu, jemma o hipporto gure man, o wallitoro e nyiɓre. Habaru jaalorgal maako saŋkiti haa toy fuu.
Yahuuda heɓi jaalorgal dow Nikanor
8Filip, kaliifaajo laamiiɗo haa Urusaliima, faami Yahuuda heɓi nokku seɗɗa seɗɗa, o heɓi jaalorgal dow jaalorgal. Nden o winndani Potolome ngomna lesdi Siriya maŋngo e Finisiya ngam ƴamgo mo o wara o walla laamiiɗo. 9Potolome suɓi Nikanor ɓii Patorokol, gooto caka soobiraaɓe laamiiɗo, ngam ardanaago kuugal nga'al bee ko yaawi. O darni mo haa hoore mooɓre sooje'en ko dillani ujine noogas iwɓe lesɗe feere feere, o neli ɓe ngam ɓe nattina jama'aare Yahuudu'en. O umri ardiiɗo sooje'en bi'eteeɗo Gorgiyas ɗofta mo. Gorgiyas oo, o baawɗo konu masin.
10Roma'en tokkino laamiiɗo Antiyokus nyamaande cardi ko dillani baakin kilo ujine cappanɗe jowi e nayi. Nikanor annini yoɓgo nyamaande maajum fuu bee soorrugo bana maccuɓe Yahuudu'en naŋngaaɓe haa konu. 11O yaawi maatingo berniiji gonɗi sera maaje, o ewni filooɓe ngam ɓe ngara ɓe cooda maccuɓe Yahuudu'en, o iinani ɓe coggu maccuɓe cappanɗe njoweenayo fuu baakin cardi kilo noogas e joweeɗiɗi. O numaay Allah baawɗo taaskani mo torra caatuka.
12Yahuuda nani Nikanor naŋngi laawol. Nden o maatini yimɓe maako no konne'en ɓadi. 13Hulɓe e yimɓe ɓe koolaaki adilaaku Allah fuu ndoggi ndilli daayiiɗum. 14Woɗɓe boo coorri ko ɓe mari fuu, ɓe tori Jawmiraawo hisna ɓen ɓe Nikanor kalluɗo soorrino diga haɓre fuɗɗaay. 15To Jawmiraawo yiɗaa hisnugo ɓe daliila yiide mum ngam maɓɓe, ɓe tori mo o hisna ɓe ngam ɓe ɗowtani alkawal ngal o haɓɓi bee kaakiraaɓe maɓɓe, ngam kaŋko woni Allah ceniiɗo, tedduɗo, ewniiɗo ɓe ngam ɓe laato jama'aare maako.
16Yahuuda Makabe mooɓti yimɓe muuɗum, limgal maɓɓe waɗi ujine joweego. O umri ɓe taa ɓe kula konne'en, taa ɓe kultora ngam ɓe ndaari ɗuuɗeeŋga limgal heefeerɓe waranɓe dow maɓɓe bee daliilaaji kalluɗi. Sey ɓe kaɓa bee cuusal, 17ɓe ciftora ko konne'en ngaɗi haa haykaliiru, toskaare nde ɓe ukkani Urusaliima e ɓe ciftora boo no ɓe kaɗiri al'aadaaji Yahuudu'en. 18Yahuuda ɓesdi wi'go: “Yimɓe ɓe'e ɗon koola balmi muuɗum'en e ngorgu muuɗum'en. Ammaa enen kam, hoolaare men ɗon dari dow Allah baawɗo, to o dimmbi hoore maako, o halkan mooɓe garɗe hippaago en e koo duniyaaru fuu!”. 19Nden Yahuuda siftinori ɓe no Allah walliri kaakiraaɓe maɓɓe: Bana zamanu Sennakerib, o mbari konne'en maɓɓe ko dillani ujine teemerre e cappanɗe njoweetato e njowo 20malla saa'i haɓre bee Galaatiya'en haa Baabila. Nde Yahuudu'en ujine njoweetato bee Makedoniya'en ujine nayo kawtani ɓe, ɓe kaɓi bee yimɓe ujine teemerre bee noogas, ammaa Makedoniya'en njari bone, ɓe mbaawaay jaalaago. Sey yimɓe ujine njoweetato go keɓi jaalorgal dow maɓɓe daliila ballal iwŋgal diga asama, nden ɓe ngaɗi ndahalaagu ɗuuɗŋgu.
21Bee bolle ɗe'e, Yahuuda suusɗini sooje'en muuɗum, ɓe taaski maaygo ngam Tawreeta Allah e ngam lesdi maɓɓe. O sennditi sooje'en maako geɓe nayi, 22yeɓre fuu ɗon mari ko dillani sooje'en ujineere bee teemeɗɗe njowo, o halfini yeɓre fuu haa deerɗiraaɓe maako, Simon, Yusufu, Yonatan e kaŋko bee hoore maako boo. 23Ɓaawo o umri Eli'azaaru jaŋnga fasluwol nder deftere seniinde, o hokki ɓe kalimawol ngo'ol: “Bee ballal Allah!” Nden, bee yeɓre arannde, o ardi, o hippoyi Nikanor.
24Allah baawɗo walli Yahuudu'en, bana nii ɓe nattini konne'en ko ɓurata ujine njoweenayo. Ɓe naawni sooje'en Nikanor ɗuuɗɓe, ɓe ta'i terɗe maɓɓe, ɓe ndiiwi jama'aare konu maako luttunde. 25Ɓe koo'i ceede warnooɓe haa sooda ɓe bana maccuɓe. Ɓe taasni dogguɓe daayiiɗum, ammaa ɓaawoɗon, nde ɓadake jeŋngugo, ɓe lori. 26Nde nyalaade siwtorde ɗon fuɗɗa to naaŋge muti, ɓe acci taasnugo ɓe. 27Nde ɓe mooɓti balmi konne'en, ɓe kooci ko woni haa maayɓe, nden ɓe ngaɗi juulde siwtorde. Ɓe maŋgti Jawmiraawo, ɓe ngetti mo ngam o yerdi ɓe ngeeɗa nyalaade nde o waŋginani ɓe mbooɗeeŋga maako fahin. 28Ɓaawo nyalaade siwtorde, ɓe cenndi ndahalaagu konu maajum, yeɓre haa toonyaaɓe, yeɓre boo haa rewɓe yurumɓe e ɓiɓɓe atiime'en, nden luttuɗum man ɓe cenndi hakkunde maɓɓe bee ɓiɓɓe maɓɓe. 29Ɓaawoɗon ɓe kawti ɓe tori Jawmiraawo, o sulhindira jagganiiɓe mo bee maako, kaŋko marɗo mbooɗeeŋga ɗuuɗŋga.
Yahuuda heɓi jaalorgal dow Timote
30Ɓaawoɗon Yahuuda e yimɓe muuɗum ngaɗi haɓre bee yimɓe Timote e Bakides. Ɓe mbari sooje'en konne'en ko ɓuri ujine noogas e ɓe njaɓti cuuɗi cemmbiɗɗi. Ɓe cenndi ndahalaagu konu, geɓe ɗiɗi potanɗe kal-kal, yeɓre woore nde maɓɓe, yeɓre woore boo nde toonyaaɓe, ɓiɓɓe atiime'en e rewɓe yurumɓe e ngam nayeeɓe. 31Ɓe koo'i balmi konne'en, ɓe njo'ini ɗi haa nokkuuje kaanɗuɗe jo'ingo balmi. Kuuje luttuɗe boo ɓe njahri ɗe haa Urusaliima. 32Ɓe mbari ardaniiɗo konu Timote, kaŋko yarni Yahuudu'en ɗuuɗɓe bone. 33Yaake nde ɓe ngaɗa juulde jaalorgal, ɓe nguli wulɓe dammuɗe haykaliiru, ɓe nguli Kallisten cuuɗiiɗo nder cuurel pamarel. O hiitaama deydey kuuɗe maako kalluɗe.
Nikanor doggi dilli haa Antakiya
34Nikanor kalluɗo, gadduɗo filooɓe ujineere ngam soodgo Yahuudu'en go, 35jaalaama bee ballal Jawmiraawo bee juuɗe yimɓe ɓe o wanyino. O ɓorti ngapaleewol maako booɗŋgol, o doggi feere maako caka gese bana maccuɗo tefanɗo hisrude. O yotti Antakiya, o seyori saa'a nga o heɓi bee daɗgo ngam sooje'en maako njaalaama. 36kaŋko, o mawniti bee wi'go o yoɓan ceede ɗe Roma'en tokkino ɓe bee soorrugo yimɓe Urusaliima bana maccuɓe. Jonta kam, o annditi Yahuudu'en njaalataake, ngam Allah woni balloowo, aynoowo maɓɓe e ngam ɓe ɗowtani umrooje ɗe o umri ɓe kamɓe boo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.