2 Makabe 1
1
Bataakewol aranol haa Yahuudu'en jooɗiiɓe haa Misra
1Yahuudu'en wonɓe haa Urusaliima e nder lesdi Yahuuda koofni deerɗiraaɓe muuɗum'en jooɗiiɓe haa Misra ngelani ɓe hayru.
2Allah woonana on, o siftora alkawal ngal o haɓɓi bee Ibrahiima, bee Isiyaaku e bee Yaakubu jaggiiɓe maako hooliiɓe. 3O hokka on numo sujidango mo, ɗowtanaago muuyo maako bee ɓerɗe mon fuu e muuyo mon fuu. 4O maɓɓita ɓerɗe mooɗon haa paamon Tawreeta e umrooje maako e o hokka on jam. 5O heɗito do'aaje mon, o yaafana on aybeeji mooɗon, taa o wudina on nder wakkati sarru. 6Ndaa tornde amin nde min toroto Allah ngam mon jonta:
7“Nder hitaande 169, yaake laamu Demetiriyus, ndaa ko min mbinndani on: Min ɗon nder sarru naawŋgu diga nde Yason e tokkiiɓe mo zammbi lesdi seniindi e laamu. 8Ɓe kuɓɓi yiite haa dammugal haykaliiru jaasŋgal, ɓe mbari yimɓe ɓe ngalaa aybe. Ammaa min tori Jawmiraawo, o nani do'aaje amin, ngam maajum min lii'ani mo dokkal nyaamdu, min njamni pittirlaaji haykaliiru, min mbaŋgini tamseeje ceniiɗe.
9Jonta min ɗon ewno on ngam on mbaɗa juulde bukkaaji nyalɗe joweeɗiɗi nder lewru Kislew.
10Ɗum winndaama nder hitaande 187.”
Bataakewol ɗiɗaɓol: Yahuudu'en maŋgti Jawmiraawo ɓaawo maayde Antiyokus
Yahuudu'en wonɓe haa Urusaliima e Yahudiya e faada ndotti'en e Yahuuda koofni Aristobul goɗɗo saare liman'en Jawmiraawo, dawroowo laamiiɗo Potolome, bee Yahuudu'en haa Misra, ngelani ɓe jam.
11Min ngetti Allah bee ɓernde woore ngam o hisni min diga sababuuji mawɗi, o walli min haɓgo bee laamiiɗo. 12O riiwi warɓe hippugo berniwol ma ceniiŋgol. 13Nde laamiiɗo Antiyokus dilli Persiya, ɓe mbaawaay jaalaago mooɓre konu maako, ammaa liman'en ɗowanteeɓe lawru rewru Naneeya keɓi dabare, ɓe piyi mo kaŋko e tokkiiɓe mo nder suudu Naneeya. 14Antiyokus yehino bee dawrooɓe muuɗum'en ɓurɓe ɓadaago ɗum nder suudu maajum ngam waɗgo ɓaŋgal bee ɗowanteeɗo debbo go. Ammaa o waɗi anniya jaɓgo sadaaki, jawdi ɗuuɗndi ndi suudu man. 15Nde liman'en Naneeya fefti ɓe, Antiyokus bee yimɓe seɗɗa caka tokkiiɓe mo nasti, nden liman'en maɓɓi dammuɗe suudu go, 16ɓe cumpiti wurdere nder taŋtan, ɓe nyukki ton, diga ton ɓe piɗi Antiyokus bee yimɓe muuɗum bee kaa'e, ɓe ta'i ko'e maɓɓe, ɓe ngudini ɗe haa wonɓe yaasi. Nden ɓe mbi'i: 17Tedduŋgal laatano Allah meeɗen ngam koo ɗume fuu! Kaŋko mbari yawɓe mo!
Kaayeefi yiite hirsirde
18“Balɗe noogas e jowi lewru Kislew, min mbaɗan juulde Cenki haykaliiru. Min numi maatingo on ngam haa on mbaɗa juulde maajum onon boo bana no mbaɗoton juulde bukkaaji. Ngam nyannde man on ciftora no yiite waŋgi yaake Nehemiya lii'ani Allah kirseteeɗi nde o mahiti haykaliiru e hirsirde. 19Nde ɓe njahri kaakiraaɓe amin haa Persiya, liman'en hoolaaɓe yaake maajum koo'i yiite hirsirde, nyukkini nge bee sirri nder ɓulndu sookru. Ɓe nyukkini nge ton, walaa goɗɗo heɓti nge. 20Duuɓi ɗuuɗɗi caali. Nden nde ɗum fottani Allah, laamiiɗo Persiya neli Nehemiya haa Urusaliima. Nehemiya boo neli ɓiɓɓe liman'en nyukkuɓe yiite ngam ɓe njaha ɓe tefta nge. 21Ɓe mbi'i ɓe keɓtaay nge, ammaa ɓe tawi ndiyam modduɗam. Nden Nehemiya umri ɓe nyeɗa, ɓe ngadda ɗam. Nde ɓe taaskitini kirseteeŋga fuu, Nehemiya umri liman'en ɓe ndufa ndiyam go dow leɗɗe e kirseteeŋga taaskitinaaŋga dow hirsirde. 22Ndaa nii liman'en mbaɗi. Ɓaawo saa'iiji seɗɗa, naaŋge wurti diga ko wiirnata ɗum, nden yiite maŋnge huɓɓi dow hirsirde haykaliiru, yimɓe fuu kayɗini. 23Yaake kirseteeŋga ɗon wula, liman'en e jama'aare fuu mbaɗi do'a. Yonatan aarti wolwi e luttuɓe boo mbolwi, non boo Nehemiya hawti sawtu muuɗum bee Yonatan. 24Ndaa do'aare nde ɓe ɓaŋgti:
Jawmiraawo, Jawmiraawo Allah amin, an tagi kuuje fuu. A kulniiɗo, baawɗo, adiliijo, keewɗo mbooɗeeŋga. 25An feere ma woni laamiiɗo, an feere ma woni caahiiɗo, adiliijo, baawɗo e duumiiɗo. A suɓi kaakiraaɓe amin ngam huuwango ma, a ɗon taaski boo ngam rimɗingo Isra'iila diga aybe muuɗum. 26Jaɓ kirseteeɗi ɗi min lii'ani ma jonta bee innde ummaatoore Isra'iila fuu. Aynu Isra'iila ngam an jeyi, sen nde. 27Rimɗin yimɓe amin dahaaɓe haa lesdi njananndi, hawtu ɓe diga lesɗe haa ɓe caŋkita, waylitit gite ma, laar yawaaɓe e wanyaaɓe ngam haa ummaatooje anndita, an woni Allah amin. 28Faɗɗu yarnanɓe min bone e seemtinanɓe min bee caatal. 29Jo'itin ummaatoore ma haa lesdi ceniindi bana no Muusa anndinno”.
30Nden liman'en ngimi gime gettooje. 31Nde kirseteeɗi nguli, Nehemiya umri ɓe ndufa ndiyam luttuɗam dow tapaaje mawɗe. 32Nde ɓe ndufi ɗam, yiite huɓɓi, ammaa ɗelko maage ɓuri yiite jamnaaŋge dow hirsirde. 33Habaru man saŋkiti. Ɓe njehi ɓe mbi'i laamiiɗo Persiya'en: Nokkuure haa liman'en nyukkinino yiite hiddeko ɓe ndahe, ndiyam waŋgi e bee maajam Nehemiya e tokkiiɓe mo nguliri kirseteeɗi. 34Ɓaawo nde laamiiɗo laarti ɗum, o taarni nokkuure maajum bee mahol, o wi'i nde laato seniinde. 35O wurtini keɓal ɗuuɗŋgal diga nokkuure maajum, o senndi ngal bee yimɓe maako.
36Nehemiya e tokkiiɓe maako inndini ndiyam maajam “nefta” bana wi'ugo “laɓɓinki” ammaa ɓurna yimɓe fuu ɗon ewna ɗam “nafte”.
Currently Selected:
2 Makabe 1: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 1
1
Bataakewol aranol haa Yahuudu'en jooɗiiɓe haa Misra
1Yahuudu'en wonɓe haa Urusaliima e nder lesdi Yahuuda koofni deerɗiraaɓe muuɗum'en jooɗiiɓe haa Misra ngelani ɓe hayru.
2Allah woonana on, o siftora alkawal ngal o haɓɓi bee Ibrahiima, bee Isiyaaku e bee Yaakubu jaggiiɓe maako hooliiɓe. 3O hokka on numo sujidango mo, ɗowtanaago muuyo maako bee ɓerɗe mon fuu e muuyo mon fuu. 4O maɓɓita ɓerɗe mooɗon haa paamon Tawreeta e umrooje maako e o hokka on jam. 5O heɗito do'aaje mon, o yaafana on aybeeji mooɗon, taa o wudina on nder wakkati sarru. 6Ndaa tornde amin nde min toroto Allah ngam mon jonta:
7“Nder hitaande 169, yaake laamu Demetiriyus, ndaa ko min mbinndani on: Min ɗon nder sarru naawŋgu diga nde Yason e tokkiiɓe mo zammbi lesdi seniindi e laamu. 8Ɓe kuɓɓi yiite haa dammugal haykaliiru jaasŋgal, ɓe mbari yimɓe ɓe ngalaa aybe. Ammaa min tori Jawmiraawo, o nani do'aaje amin, ngam maajum min lii'ani mo dokkal nyaamdu, min njamni pittirlaaji haykaliiru, min mbaŋgini tamseeje ceniiɗe.
9Jonta min ɗon ewno on ngam on mbaɗa juulde bukkaaji nyalɗe joweeɗiɗi nder lewru Kislew.
10Ɗum winndaama nder hitaande 187.”
Bataakewol ɗiɗaɓol: Yahuudu'en maŋgti Jawmiraawo ɓaawo maayde Antiyokus
Yahuudu'en wonɓe haa Urusaliima e Yahudiya e faada ndotti'en e Yahuuda koofni Aristobul goɗɗo saare liman'en Jawmiraawo, dawroowo laamiiɗo Potolome, bee Yahuudu'en haa Misra, ngelani ɓe jam.
11Min ngetti Allah bee ɓernde woore ngam o hisni min diga sababuuji mawɗi, o walli min haɓgo bee laamiiɗo. 12O riiwi warɓe hippugo berniwol ma ceniiŋgol. 13Nde laamiiɗo Antiyokus dilli Persiya, ɓe mbaawaay jaalaago mooɓre konu maako, ammaa liman'en ɗowanteeɓe lawru rewru Naneeya keɓi dabare, ɓe piyi mo kaŋko e tokkiiɓe mo nder suudu Naneeya. 14Antiyokus yehino bee dawrooɓe muuɗum'en ɓurɓe ɓadaago ɗum nder suudu maajum ngam waɗgo ɓaŋgal bee ɗowanteeɗo debbo go. Ammaa o waɗi anniya jaɓgo sadaaki, jawdi ɗuuɗndi ndi suudu man. 15Nde liman'en Naneeya fefti ɓe, Antiyokus bee yimɓe seɗɗa caka tokkiiɓe mo nasti, nden liman'en maɓɓi dammuɗe suudu go, 16ɓe cumpiti wurdere nder taŋtan, ɓe nyukki ton, diga ton ɓe piɗi Antiyokus bee yimɓe muuɗum bee kaa'e, ɓe ta'i ko'e maɓɓe, ɓe ngudini ɗe haa wonɓe yaasi. Nden ɓe mbi'i: 17Tedduŋgal laatano Allah meeɗen ngam koo ɗume fuu! Kaŋko mbari yawɓe mo!
Kaayeefi yiite hirsirde
18“Balɗe noogas e jowi lewru Kislew, min mbaɗan juulde Cenki haykaliiru. Min numi maatingo on ngam haa on mbaɗa juulde maajum onon boo bana no mbaɗoton juulde bukkaaji. Ngam nyannde man on ciftora no yiite waŋgi yaake Nehemiya lii'ani Allah kirseteeɗi nde o mahiti haykaliiru e hirsirde. 19Nde ɓe njahri kaakiraaɓe amin haa Persiya, liman'en hoolaaɓe yaake maajum koo'i yiite hirsirde, nyukkini nge bee sirri nder ɓulndu sookru. Ɓe nyukkini nge ton, walaa goɗɗo heɓti nge. 20Duuɓi ɗuuɗɗi caali. Nden nde ɗum fottani Allah, laamiiɗo Persiya neli Nehemiya haa Urusaliima. Nehemiya boo neli ɓiɓɓe liman'en nyukkuɓe yiite ngam ɓe njaha ɓe tefta nge. 21Ɓe mbi'i ɓe keɓtaay nge, ammaa ɓe tawi ndiyam modduɗam. Nden Nehemiya umri ɓe nyeɗa, ɓe ngadda ɗam. Nde ɓe taaskitini kirseteeŋga fuu, Nehemiya umri liman'en ɓe ndufa ndiyam go dow leɗɗe e kirseteeŋga taaskitinaaŋga dow hirsirde. 22Ndaa nii liman'en mbaɗi. Ɓaawo saa'iiji seɗɗa, naaŋge wurti diga ko wiirnata ɗum, nden yiite maŋnge huɓɓi dow hirsirde haykaliiru, yimɓe fuu kayɗini. 23Yaake kirseteeŋga ɗon wula, liman'en e jama'aare fuu mbaɗi do'a. Yonatan aarti wolwi e luttuɓe boo mbolwi, non boo Nehemiya hawti sawtu muuɗum bee Yonatan. 24Ndaa do'aare nde ɓe ɓaŋgti:
Jawmiraawo, Jawmiraawo Allah amin, an tagi kuuje fuu. A kulniiɗo, baawɗo, adiliijo, keewɗo mbooɗeeŋga. 25An feere ma woni laamiiɗo, an feere ma woni caahiiɗo, adiliijo, baawɗo e duumiiɗo. A suɓi kaakiraaɓe amin ngam huuwango ma, a ɗon taaski boo ngam rimɗingo Isra'iila diga aybe muuɗum. 26Jaɓ kirseteeɗi ɗi min lii'ani ma jonta bee innde ummaatoore Isra'iila fuu. Aynu Isra'iila ngam an jeyi, sen nde. 27Rimɗin yimɓe amin dahaaɓe haa lesdi njananndi, hawtu ɓe diga lesɗe haa ɓe caŋkita, waylitit gite ma, laar yawaaɓe e wanyaaɓe ngam haa ummaatooje anndita, an woni Allah amin. 28Faɗɗu yarnanɓe min bone e seemtinanɓe min bee caatal. 29Jo'itin ummaatoore ma haa lesdi ceniindi bana no Muusa anndinno”.
30Nden liman'en ngimi gime gettooje. 31Nde kirseteeɗi nguli, Nehemiya umri ɓe ndufa ndiyam luttuɗam dow tapaaje mawɗe. 32Nde ɓe ndufi ɗam, yiite huɓɓi, ammaa ɗelko maage ɓuri yiite jamnaaŋge dow hirsirde. 33Habaru man saŋkiti. Ɓe njehi ɓe mbi'i laamiiɗo Persiya'en: Nokkuure haa liman'en nyukkinino yiite hiddeko ɓe ndahe, ndiyam waŋgi e bee maajam Nehemiya e tokkiiɓe mo nguliri kirseteeɗi. 34Ɓaawo nde laamiiɗo laarti ɗum, o taarni nokkuure maajum bee mahol, o wi'i nde laato seniinde. 35O wurtini keɓal ɗuuɗŋgal diga nokkuure maajum, o senndi ngal bee yimɓe maako.
36Nehemiya e tokkiiɓe maako inndini ndiyam maajam “nefta” bana wi'ugo “laɓɓinki” ammaa ɓurna yimɓe fuu ɗon ewna ɗam “nafte”.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.