Mga Salmo 87
87
Salmo 87
Ang awit sa mga anak ni Kora.
1-2Gitukod sa Ginoo ang siyudad sa Zion#87:1-2 Zion: mao usab ang Jerusalem. didto sa balaang mga bungtod.
Gihigugma niya kining siyudara
labaw sa tanang mga dapit sa Israel#87:1-2 Israel: sa Hebreo, Jacob..
3Maayong mga butang ang gipanulti niya mahitungod
niining iyang siyudad.
4Miingon siya, “Kon ilista ko ang mga nasod nga nag-ila kanako,
i-apil ko ang Ehipto#87:4 Ehipto: sa Hebreo, Rahab. Mao kini ang tawag sa dragon nga nagrepresentar sa Ehipto. ug ang Babilonia,
apil usab ang Filistia, Tiro, ug Etiopia#87:4 Etiopia: sa Hebreo, Cush..
Isipon ko ang ilang katawhan nga mga lumad sa Zion.”
5Sa pagkatinuod isulti kini mahitungod sa Zion:
“Daghang mga katawhan ang isipon nga gipanganak dinhi.
Ug ang Labing Halangdong Dios gayod mao ang molig-on niining siyudara.”
6Ilista unya sa Ginoo ang iyang mga katawhan
ug i-apil niya ang mga katawhan gikan sa ubang nasod
nga giisip niyang mga lumad sa Zion.
7Silang tanan mosayaw ug moawit,
“Gikan sa Zion ang tanan natong panalangin!”
Currently Selected:
Mga Salmo 87: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
