Mga Salmo 3
3
Salmo 3
Ang awit ni David sa dihang nagpahilayo siya gikan sa iyang anak nga si Absalom.
1 Ginoo, kadaghan sa akong kaaway;
kadaghan sa nakigbatok kanako!
2Nag-ingon pa sila
nga dili kuno nimo ako luwason.
3Apan ang tinuod,
ikaw, Ginoo, ang taming nga nagpanalipod kanako.
Gihatagan mo ako
ug kadaogan batok sa akong mga kaaway,
ug gilig-on mo ako.
4Sa dihang nagpakitabang ako kanimo, Ginoo,
imo akong gitubag didto sa imong balaang#3:4 balaang: o piniling. bungtod.
5Tungod kay gibantayan mo ako,
makatulog ako ug makamata nga malinawon.
6Bisan pag linibong mga kaaway ang maglibot kanako,
dili ako mahadlok.
7Sige na Ginoo nga akong Dios,
luwasa ako!
Kaniadto imong gipakaulawan
ang tanan kong mga kaaway;
imong gikuha ang ilang katakos sa paghulga kanako.
8Ikaw, Ginoo, ang nagluwas
ug nagpanalangin sa imong mga katawhan.
Currently Selected:
Mga Salmo 3: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
