Salmo 28
28
Salmo 28#28:0 Salmo 28 Ang ulohan sa Hebreo: Sulat ni David.
Pag-ampo alang sa Tabang sa Dios
1 Ginoo, nga akong salipdanan nga bato,
nagatawag ako kanimo.
Pamatia ang akong pag-ampo!
Kay kon dili ka mamati, mahisama ako sa mga nangamatay na.
2Pamatia ang akong pagpakilooy sa pagpangayo ug tabang kanimo,
samtang nagaatubang ako sa imong balaan nga templo nga nagabayaw sa akong mga kamot.
3Ayaw ako siloti uban sa mga daotan.
Nagpakaaron-ingnon sila nga mga higala sila,
apan diay nagaplano sila ug daotan.
4Balosi sila sumala sa ilang mga binuhatan.
Siloti sila sa ilang daotang gipanghimo.
5Kay gipakawalay-bili nila ang imong gipanghimo,
busa laglagon mo sila sa dayon.
6Dalaygon ka, Ginoo,
kay gidungog mo ang akong pagpakilooy kanimo.
7Ikaw ang nagahatag kanako ug kusog ug nagapanalipod kanako.#28:7 nagapanalipod kanako: sa literal, akong taming.
Nagasalig ako kanimo ug gitabangan mo ako.
Busa nagakalipay gayod ako ug nagaawit ug pagpasalamat kanimo.
8Ikaw, Ginoo, ang nagahatag ug kusog sa imong katawhan.
Gipanalipdan mo ug giluwas ang imong pinili.#28:8 pinili nga hari o katawhan.
9Luwasa ug panalangini ang katawhan nga imong gipanag-iyahan.
Bantayi sila sama sa ginabuhat sa usa ka magbalantay ngadto sa iyang mga karnero;
atimana sila sa walay kataposan.
Currently Selected:
Salmo 28: APSD
Highlight
Share
Copy
Want to have your highlights saved across all your devices? Sign up or sign in
Cebuano Contemporary Bible
(Ang Pulong sa Dios)
Copyright © 2009, 2010, 2014 Biblica, Inc.®
All rights reserved worldwide.