Mga Salmo 24
24
Salmo 24
Awit ni David.
1Ang tibuok kalibotan ug ang tanang anaa niini iya sa Ginoo.
2Kay siya ang nagmugna sa kalibotan diha sa lawom nga katubigan.
3Kinsay makatungas sa bungtod sa Ginoo?#24:3 bungtod sa Ginoo: diin nagtindog ang templo.
Kinsay makasulod sa iyang balaang dapit?
4Kadtong maayog binuhatan ug limpyog huna-huna,
wala mosimbag mga dios-dios,
ug dili bakakon.
5Panalanginan siya ug isipon nga matarong sa Ginoo,
ang Dios nga iyang manluluwas.
6Mao kana nga matang sa tawo ang makadangop
ug makasimba sa Dios ni Jacob.#24:6 makasimba sa Dios ni Jacob: mao kini sa Septuagint; apan sa Hebreo, mosimba, Jacob.
7Ablihi ang karaang mga pultahan sa Templo
aron makasulod ang gamhanang Hari!
8Kinsa kining gamhanang Hari?
Siya mao ang Ginoo nga kusgan ug lig-on sa pagpakig-gira.
9Ablihi ang karaang mga pultahan sa Templo
aron makasulod ang gamhanang Hari!
10Kinsa ba kining gamhanang Hari?
Siya mao ang Ginoo nga makagagahom.
Oo, siya ang gamhanang Hari.
Currently Selected:
Mga Salmo 24: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
