Salmo 16
16
Salmo 16#16:0 Salmo 16 Ang ulohan sa Hebreo: Ang “miktam” ni David.
Ang Pag-ampo sa Pagsalig sa Dios
1O Dios, bantayi ako kay nagadangop ako kanimo.
2Ikaw ang akong Ginoo,
ug ang tanang maayong mga butang nga akong naangkon naggikan kanimo.
3Kon bahin sa imong katawhan sa yuta sa Israel nga mga buotan kaayo,
dako ang akong kalipay kanila.
4Apan kadtong nagadangop sa mga dios-dios nagadugang lang sa ilang mga kalisdanan.
Dili ako moapil sa ilang paghalad ug dugo ngadto sa mga dios-dios,
ug dili gayod ako mosangpit sa mga ngalan nianang mga dios-dios.
5O Ginoo, ikaw ang tanan alang kanako.
Imong gihatag ang tanan kong gikinahanglan.
Ang akong kinabuhi anaa sa imong mga kamot.
6Pagkaanindot gayod sa imong mga gasa kanako.
Oo, maayo gayod ang akong mga nadawat gikan kanimo.
7Dayegon ko ikaw, Ginoo, kay imo akong gigiyahan.
Bisan sa gabii ang akong konsensya nagatudlo kanako.
8Kanunay ko ikaw nga gihunahuna, Ginoo.
Ug tungod kay anaa ka uban kanako dili gayod ako matarog.
9Busa malipayon ako kaayo.
Ug magkinabuhi ako nga luwas sa katalagman,
10kay dili mo ako pasagdan nga moadto sa dapit sa mga patay.
Dili mo tugotan nga madugta#16:10 madugta: o, moadto sa lubnganan. ang imong matinud-anon nga alagad.
11Ginatudloan mo ako kon unsaon pag-angkon ang maayong kinabuhi.#16:11 maayong kinabuhi: o, kinabuhi nga walay kataposan.
Uban kanimo hingpit ang akong kalipay hangtod sa kahangtoran.
Currently Selected:
Salmo 16: APSD
Highlight
Share
Copy
Want to have your highlights saved across all your devices? Sign up or sign in
Cebuano Contemporary Bible
(Ang Pulong sa Dios)
Copyright © 2009, 2010, 2014 Biblica, Inc.®
All rights reserved worldwide.