Mga Salmo 124
124
Salmo 124
Ang awit samtang gatungas. Sulat ni David.
1Kon wala pa modapig ang Ginoo kanato, unsa kaha ang mahitabo?
Tubag kamo mga taga-Israel!
2“Kon wala pa modapig ang Ginoo kanato
sa dihang gisulong kita sa mga kaaway,
3gipatay na unta nila kita tungod sa ilang labihang kasuko kanato.
4-5Daw gilapawan na unta kita sa tubig;
gianod sa makusog nga baha ug nalumos.
6“Dalaygon ang Ginoo, kay wala siya motugot nga kunis-kunison kita
sa atong mga kaaway nga sama sa mabangis nga mga mananap.
7Nakaikyas kita nga daw langgam nga nakabuhi gikan sa lit-ag.
Naguba ang lit-ag ug naluwas kita.
8Ang panabang nga atong nadawat naggikan sa Ginoo,
nga naghimo sa kalangitan ug sa kalibotan.”
Currently Selected:
Mga Salmo 124: APD
Highlight
Share
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
