Mga Salmo 12
12
Salmo 12
Ang awit alang sa maestro sa mga mag-aawit. Gamita ang mga instrumento nga adunay walo ka kuwerdas. Awit ni David.
1Tabangi ako, Ginoo,
kay wala nay nahibilin nga diosnon ug kasaligan.
2Ang tanan gabakak sa ilang isigka-tawo.
Gilimbongan nila ug giulog-ulogan ang usag usa.
3Hinaut pa nga imong pahilomon, Ginoo, ang mga gaulog-ulog sa uban
ug ang mga mapasigarbohon
4nga nag-ingon,
“Makuha namo ang tanan namong gusto pinaagi sa maayong pagpamabà.
Isulti namo ang buot namong isulti,
ug walay makabuot kanamo.”
5Miingon ang Ginoo,
“Tabangan ko ang mga kabos tungod kay gidaog-daog sila
ug nag-agulo sa kalisod.
Panalipdan ko sila kay mao kini ang ilang ginahandom.#12:5 kay mao kini ang ilang ginahandom: o sa mga nagpakadaotan kanila.”
6Masaligan gayod ang mga saad sa Ginoo.
Sama kini sa lunsay nga plata nga giputli makapito sa kalayo.
7Bantayi kami kanunay, Ginoo,
ug ilikay kami sa mga daotang tawo sa tanang panahon.
8Kay gilibotan nila kami,
ug gidayeg sa tanan ang ilang daotang mga binuhatan.
Currently Selected:
Mga Salmo 12: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
