Isaias 12
12
Ang Awit sa Pagpasalamat
1Niana unyang adlawa mag-awit kamo:
“Ginoo, dayegon#12:1 dayegon: o pasalamatan. ka nako.
Nasuko nako kanako,
apan karon nahupay na ang imong kasuko,
ug ginalipay mo ako.
2Ikaw, O Dios, mao ang akong manluluwas.
Mosalig ako kanimo ug dili mahadlok.
Ikaw, Ginoo, mao ang naghatag kanakog kusog,
ug ikaw ang akong ginaawit.
Ikaw ang nagluwas kanako.”
3Maingon nga ang bugnawng tubig naghatag ug kalipay sa giuhaw,
malipay kamo kon luwason kamo sa Ginoo.
4Pag-abot nianang adlawa, mag-awit kamo:
“Dayega#12:4 Dayega: o Pasalamati. ninyo ang Ginoo! Simbaha ninyo siya!
Isugilon ngadto sa mga katawhan ang iyang mga binuhatan.
Isugilon ninyo nga dalaygon siya.
5Awiti ninyo ang Ginoo tungod kay
katingalahan ang iyang gipanghimo.
Ipahibalo ninyo kini sa tibuok kalibotan.
6Panghugyaw kamo ug pag-awit sa kalipay,
kamo nga katawhan sa Jerusalem.#12:6 Jerusalem: sa Hebreo, Zion.
Kay gamhanan ang Balaang Dios
sa Israel nga anaa uban kaninyo.”
Currently Selected:
Isaias 12: APD
Highlight
Share
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
