ROM WO 9
9
Baa wo de jar äe maga aà hoo ra go mono
1Ndi sii cwaçy waçaçre wee, de tayge de Krisi, ndi caa gete' gaè. Nenterse ma bay ëag de joñ sedewa me nen ëiggi äi ga waçaçre äin cwaçy. 2Jag jiili äi go de caage debañ, tum de cee mege lay. 3Ndi hay da ga Baa mo faë me go, mo nii me wo go see Kris haçaç, hayga ndi kaçaç yañ ma kay heçeçre äi, kawre äi 4jar Israyel wo no. Baa hay kol ra go weere äe, hay haç togoëge ne hara, tay jag go de äaara, raw haç jag liñgin ne hara do. AÀ hay kañ nen äaara ti goñge Baa no, day riñ ra ga se joñ ge feçeçre ma de el wo yañ see äaara. 5AÀ wo diñ moore Abraham wo de Isag. Kris biñ le go do je tabay nono diñ ti äï¡ï¡ni äaara, Kris maga go ciñ ti feçeçren äuy de dañ rage, Kris diñ Baa ma de togoëge sagsag no. Amen!
6Ndi bay de waçaçge ga waçaçre Baan taw go de koë na wa, werga weere mani Israyel bay wo diñ jar Israyel wo cwaçy äuy wa. 7Jar ma ti wer mani Abraham bay wo diñ weere äe cwaçy äuy wa, werga Baa hay riñ Abraham go de see äe ga: Ndo da' ge wer maga mañ ge ti wo ëu äo ciñ diñ de weel äo Isage. 8Waçaçre sen mokay kañ nen ga weere maga biñ wo de ti naysee mo äuy koë bay wo diñ weere Baa äuy wa. Weere maga biñ wo doga Baa hay waçaç no mono, sen wo de keege diñ wer mani äe ma cwaçy ane. 9Kidolgi, Baa hay riñ Abraham go do kay ga: Deebo do ka' lan no, ndi cog yañ le, day Sara biñ gi weel yañ.
10Bay ti sen tawa wa pa, weere maga Rebeka biñ ra äog, pan äaara boñ diñ moo naa Isag. 11Werga, maga ëiggi Baa maga far jar doga äil äe da nono mo joñ ma kañ nen jar go ga Baa far jar bay wer joñre maga jar joñ mo wa ama, diñ wer ëu maga aà ëe jar mono, 12Baa raw riñ Rebeka go tañgu biñgi äaara gano 13Weel ma kluun joñ yañ diñ weejoçoç weel ma klee no.
Do waçaçre maga go de yerge ga:
Ndi da Jakob, ama ndi caa hee de Esawn no.
14Naa mo waçaç gahaçy so ne? Ga Baa joñ ree ti äañ yaw? Bay wa hase. 15Werga aè riñ Moyis ga: Ndi ko decoo wosela maga ndi da ko decoo äe mono, ndi ëig ti ti wosela maga ndi da ëig ti ti äe mo lay. 16Sen bay diñ wer maga jobo da noga ëee ti ree sen wa, ama diñ maga Baa da ga se ko decoo je sen mbe tu. 17Naa yañ keege äil kefder ga Baa riñ wañ Ejipte ga: Ndi hay ba mo wañ sagsag maga jar mo ko see äo ga ndi de eegre, maga ëu äi mo ra wo go äi sir krub äuy. 18Wersen, Baa ko decoo wosela maga äil äe da ti äe, kol wosela mapo go ga aà mo hig jiili doga äil äe da no pa.
Äil Baa soçë ne jar ti, se ko decoo jar lay
19Jar mapo riñgi ba wo ndi yañ ga: Hayga aà yañ dosen nono, Baa ruu jar diñ ti may pa la? Wega jobo kaçaç ma giñ fen maga äil Baa dan gaa so mono. 20Ndo je tabayn ndo diñ wose lay ga ndo faa de Baa la? Toäoole paçy wii mbe je boo ge äen yañ ga: Ndo boo me dosen no le la yawla? 21Je boor paçy kaçaç ma joñ maysela maga äil äe da de paçy no. AÀ wañ paçy go ka', kal boo toäoole mapo ma joñ joñre ma tigriñ sara de ele, boo mapo mbaara wo haçy haçy koë lay.
22Äil Baa hay da ga se kañ nen jar go ti soçoçge äil äe no, se naa nen eegre äen go. Ama, se ëaw mbe see äe soë jar maga äil äe de soçoç ge ne hara ti, ga hay wo nen maga se bas ra go mono, waçaçre yañ jag äo ma waçaçge ti Baa ni yawla? 23Äil äe da ga se naa nen togoëge äe ma debañ go ti jar maga se ko decoo äaara, day se hay kne' ra le go pel bol ma grag rage go de wore no, ree äo ni gahaçyla? 24Wer äe ga äil äe da na diñ naa jar maga aà ëe naa le go, bay yoo jar Jwif wo tawa wa, ama wer yoo jar dehaçy wo lay mono. 25AÀ na do waçaçre maga Ose hay waçaçn ga:
Jar maga hay bay wo diñ jar äi wa, ndi ëe ge ra ga jar äi wo.
Wer jar maga ndi hay bay da rage wa, ndi ëe ge ra ga jar dage äin wo.
26Day go ti ngeel maga aè hay wiigi ti äaara ga:
AÀ bay wo diñ jar ma äi wa,
AÈ ëe jar sen wo yañ ga weere Baa ma tenen no.
27Esay waçaç go ti jar Israyel wo lay ga:
De maga jar Israyel mo tes ba wo debañ do duguëgi
ma jag maarog laybla' no,
Baa yaçaç ge go yoo äaara diñ jar po mbag koëe.
28Werga Wañkluu bag ge jag waçaçre äe maga aà hay waçaçn
yañ go äuy ti sir la deparday.
29Esay hay waçaç le äaa tañgu pa ga:
Hayga Wañkluu Pantwayn mo hay men wer naa we ne naa ga no,
Naa de hay bas go äuy do jar Sodom wo nono
Naa de hay go wara do jar Gomor no lay.
Jar Israyel wo de Waçaçre ma de Coçoçre no
30Naa waçaç ge gahaçy pa? Baa yaçaç jar dehaçy wo see äe ga aà wo de deele nen se, diñ wer haçge äil äaara, mbe de maga aà kië wo mbaara ga saara mo kol seege pel Baa de deele mbe gaa mono. 31Jar Jwif hay wo kië äaaran ga saara mo hoo sug ti jag liñgi diñ maga Baa mo ko saara nen äe de deele wer äe, ama eegre äaara laa kaçaçge ma bag jag jag liñgi sen go gaa pa. 32Wer may? Diñ werga jar Israyel kië wo ga saara mo hay nen Baa de deele diñ de haçge äil äaara ne hen gaè. A raw wo ëig äaaran ga saara mo kol nen Baa de deele diñ de joñre äaara. Äaale äaara raw mbarge ti huuli ma mbar äaale jarn 33do maga aà go de yerge ga:
Ko wee nen äay, ndi äo' huuli ma mbar äaale jar we Siyoñ,
Diñ Huuli ma äoë jar go gesiñ no.
Wosela maga haç äil äe we ne hen no, soçoçre joñn ge gaè.
Currently Selected:
ROM WO 9: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006
