KEEGE JAR ISRAYEL WO 5
5
Waçaçre ndarge jar maga wo de demge go
1Manwur fer waçaçre ne Moyis ga: 2Wii jar Israyel wo ga aà mo nii wo jar ci wo go ti kañ no, de jar ma de colëo wo, noga je maga kol go de meyeëe do huli mono. 3Je twar noga waçy, nday niigi wo go faale kañ no, nen maga aà mo dem kañ maga ndi de hayle ti holañ ni mo go wa. 4Jar Israyel kal wo joñge do sen nono, aà nii wo ra wo go faale kañ no. Jar Israyel joñ wo do maga Baa waçaç ne Moyis nono.
Waçaçre kne'ge ree ma ti holañ jare
5Manwur fer waçaçre ne Moyis ga: 6Fer waçaçre ne weere Israyel wo: De maga je twar noga waçy joñ älagge we see je tabay maga diñ älagge po mbe so maga koln diñ je debay yaçaç jag Baa, koln diñ je joñ älagge no. 7AÀ äoëge jag go ti älagge maga se joñn mono, fen maga se joñn see je sen de älagge lam no, se haç wer äe ni dwee, kal haçge äe ne je maga se joñ älaggen see äe mono. 8Hayga je sen la bay we de je ooge ti ngeel äe nen maga aè haç mo maga aè da'n le ti faage ma bay ngar la ne hen wa no, mo sen joñ ge diñ ma Manwuri, de gamla porge maga aà haçn ne je sië jagn maporge go ti je joñ älaggen mono. 9Feçeçre haçge maga jar Israyel far wo ra go ma haçge mo äuy joñ ge wo diñ ma je sië jag maga aè haçn ne hen mono. 10Mo maga wosela haçn go sag sag mono, joñge diñ äe, day maga aà haçn go ne je sië jagn mono, joñge diñ ma äe lay.
Jag liñgi ti waçy maga war äe yañ ëiggi ti äe ga aà joñ yañ suëgi de jar mono
11Manwur kal fer waçaçre ne Moyis day ga: 12Fer waçaçre ne jar Israyel wo wii ra ga: Hayga waçy jobo ngië faale we ne hen bay we yaçaç jag äe wa no, 13hayga je tigriñ yañ suëgi de äe ga war äen la kon we gaa no, hayga aà kañ ëag we ne see äe see freñ ga je ma joñ sedewa äe bay wa, ga aè baan we do ni ga no, 14diñ ga aà ëagn na ëagge no. AÀ yañ joñge mono warn kal baa äil go de hun see waçy äe, maga kañ ëag go see äe. Hayga aà baa äil we go de hun see waçy äe diñ ti ngeel dekoë ni paga waçyn bay de kañ ëag see äe wa no, 15blo sen joñ nen woge de waçy äe ne je sië jag no, kal haç mo sii jag maga aà nen haçge äe mono, ga diñ coo coore Orje nen klew swa'a. Day aà jwedge noo ti äe gaa, jwed fen foçoçre no añsañs ni gaa lay, werga aà diñ haçge huni, haçge hun maga fer ëig ti ti waçaçre mani ndañ gaè. 16Je sië jagn joñge nen ya' waçyn le day joñge nen ooge äe deele pel Manwuri. 17Je sië jagn kal ëa bii ma bay ëag ti gesaçaçge. AÀ kal hoo äurgi le äi mburyug no kal laage äe nen bii no. 18Je sië jagn kal oo waçyn deele pel Manwuri, kalge men ti äe go de koëe, haç fen sië jag ëiggi ti äen ne hen do, fen si jag hun no. Je joñ feçeçre sië jagn joñge de bii ma glagn do lay, bii faëge no. 19Je sië jagn joñ ge nen wii waçyn ga aà mo haç' go, aà wiin ge ga: Hayga jobo bay we de suli de äo wa, day hayga de maga ndo nen do war äo ndo bay we de dem see äo wa no, daga bii ma glagn maga joñ faëge mo kol mo diñ je bay joñ ree po. 20Day hayga de maga ndo na diñ nen do war äo so mono, ndo yañ de ngië faale day raw we dem see äo, hayga je tigriñ maga bay diñ war äo wa su we de äo lay no, 21je sië jagn kal joñge ga waçyn mo haç' go de haç'ge ëe mopo ti see äe, day kal waçaçge ga: Daga Manwur mo faë mo go de haç'ge yoo jar äon wo, daga Manwur mo ged mo go, mo caa äil äo go, 22bii maga nduu de faëge mo kal wo äil äo, mo caa äil äo go, mo ged mo go. Waçyn kal waçaçge ga Amen! Amen! 23Je sië jagn kal yer waçaçre faëge sen wo äil kefdere, day kal tagge äe go de bii ma glag no. 24AÀ kal joñ ge ga waçyn mo joo bii ma glag maga joñ faëge mono, day bii ma age de faëgen kal ge wo äil äe ma joñ ree. 25Je sië jagn yaçaçge fen sii jag hun le do waçy no, day joñge nen fië see äe ma haç mopo ne Manwur no, day kalge woge de äe ti ngeel sië jag no. 26Je sië jagn kalge hooge see fen sii jag do mbag kal roë sen ti ngeel sië jagn ma ëig ti. Diñ blam sen ga aà joñge nen haç biin ne waçy no. 27De maga aà haç biin we go ne hen haç no, hayga aà hay dem see äe we, hay yaçaç jag war äe we gaa no, bii ma age de faëgen kal ge wo äil äe, joñ ree ma glag yañ wo äil äe ni. Äil äe caa ge go, se ged ge go day joñ yañ go de faëge yoo wer ma äen wo no. 28Day hayga waçyn bay we de dem see äe wa no, aà yañ go de yogge lay no, aà joñ yañ diñ je bayree ti, day aà biñ yañ. 29Mokay diñ jag liñgi ti huni, ti maga waçy wer eegre war äe ye' kal ngië faale raw dem see äe mono, 30day ti maga hayga war waçyn baa äil we go de hun kal joñ hun we see waçyn mono. Je sië jagn kal oo waçyn pel Manwuri, day kal bag wer jag liñgi ma kay äuy ti äe. 31Waçaçre sen la joñge ti war äe gaa, ama waçyn joñge nen soë poçoçre älagge äe no.
Currently Selected:
KEEGE JAR ISRAYEL WO 5: TUPB
Highlight
Copy
Compare
Share
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006
