MISE 5
5
Betlehem, biñni sir wañ no
1Day ndo Betlehem Efrata no,
Ndo maga klee yoo moobe ma Judan wo mono,
Je äi maga joñ ge wañ ti sir Israyel kal ge le go na ni äo.
Wer äe le ti wur ma äaa baan wo,
Le ti naw ma kal waçyriñ ma hon wo laybla' wo le haçaç.
2Diñ wersen aà tob ge ra yañ go haçaç wo go ti wur
Maga waçy maga hay nen biñgi biñ go ëa.
Day heçeçre äe maga gwa' ge wo mono,
Sen fer ge wo yañ le see jar ni Israyeln wo.
3AÀ oo ge yañ pele,
Nday koë ge ra yañ diñ de eegre mani Manwur no,
Diñ de kluu ëu mani Manwuri, Baa äe no.
AÀ lag ge wo yañ go flaçy werga aè togoën ge yañ wo go ti jag sir tawge tem tem.
4AÀ de see äe tu joñ ge yañ diñ jam no.
De maga je Asirin a ge we äil sir naa no,
Day kal ge we le go äil ngeel kluu naan wo no,
Naa laa ge jar koëge wo ne hen ti renam,
Naa kañ ge wañre ma yoo jarn wo ne hen ti nenma'aç.
5A waçaç ge wo waçaçre sir Asiri ge de moslam,
Kol ge wo go wañre sir mani Nimrodn wo liñ ni äe ni tu.
Do kay no so no, se yaçaç ge naa go do je Asirin de maga aà a ge we äil sir naa no,
Day kal ge we le äil tway naa mono.
Jar Israyel maga gwa'ge wo mono
6Te jar ni Jakob maga gwa' ge wo yoo wer jar ngaäa joñ
Joñ ge wo yañ do meebe maga Manwur äo'n nono,
Do bii maga fuë ti fi ga wii wer ne je tabay gaa lay,
bay nen do jar tabay wo wa lay nono.
7Jar ni Jakob maga gwa' ge wo yoo wer jar wo
Noga yoo jar ma ngaäan wo mono,
Sen joñ ge wo do mingir yoo nayre ma yooway wo nono,
Do weel mingir äi kaw fiiri wo nono.
De maga aà hee no kay aè kii ti do äe hiiri,
Se crag jar mbe haçy,
Day je yaçaç jar go do äe joñ ge gaa hase.
8Mañ do äo ciñ see jar giñ mogen wo,
Daga jar hee äon mo taw wo äuy!
Deñ wee see äay see ngeel de koën wa
9Waçaçre ma jag Manwurn gano:
Ti wur sen mono, ndi caa ge wer piiri äo ma liñ ni äon wo go,
Ndi älag ge pus durgi äon wo yañ go.
10Ndi caa ge wer äi leege ma äil sir äon wo yañ go.
Ndi mbug gi ngeel äo ma de äod kor ma de eegre kiñkiñ tin wo yañ go.
11Ndi caa ge wer halge äon yañ go mo do,
Day je joñ sogway joñ ge ni äo gaa so hase.
12Ndi caa ge wer soçoçre äon wo de fodo äo mani äon wo yañ go,
Day ndo le' ge mondra pel mopo maga ndo joñn de do äo gaa so hase.
13Ndi yee ge nen koo maga ndo co'n ne soçoç Asera ni äo yañ go,
Day ndi älag ge äi leege äon wo yañ go lay.
14Ndi sa' ge hee see äi ge go diñ de bagge poçoç
Wo de soçoçge äil ne wer jar maga hay day wo co' sug gaa ti.
Currently Selected:
MISE 5: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006
