JOÑRE JAR LEFID WO Kalge äil kefder seno
Kalge äil kefder seno
Ti ferse ma tañgu äil kefder Joñre Jar Lefidn wo mono, naa da' ni mono Manwur le de ëe Moyis äil Tiñ Yiñgi de Baa no. De maga naa jañ te waçaçre ma äil kefder sen mono, naa da' ni Baa haç jag liñgi wo de äodge faage waçaçre ngaäa debañ ne Moyisi. Äil waçaçre sen wo mono Baa ngaä feçeçre ne jar Israyel wo ni debañ. Ga “je maga joñ joñre we de äaara no, joñ ge yañ tenen caw nen do äaara” (18.5 maga Rom. 10.5 waçaç ti äe mono). Ti kluu äen mono, Baa naa ne jar Israyel wo ni diñ wer waçaçre maga daga aà mo joñ wo joñge ma taw feçeçre ma blaw äil saara de kaçaçran go la. Ga aà mo joñ wo see äaara joñge nen maga “Tiñ Yiñgi de Baan” mo hay diñ “ngeel yiñgi” ma cwaçy mo la: Ti ngeel sen Baa wii ra so ga jar maga joñ wo sië jag mono, daga aà mo joñn wo do maga faage äe go de äodge nono (ma kluuri 1—7). Daga hay hoor sug ti jar sië jag wo no, day aà mo hay wo joñ see äaara nen maga aè mo hoo sug ti äaara (ma kluuri 8—10), day wosela caw yoo jar äuy mo joñ nen koë see äe de faage maga daga see mo dem hoçoçgesee se go wa (ma kluuri 11—16), de joñre ndarge gog wo de joñre ma bay ngar ma ti ngeel joñren wo wa (ma kluuri 17—27). Baa ma bay ëag no, Baa ma dage no, Baa ma haç tenen no, de saçy maga jar sen mo tay wo de se, ma joñge bay ëag do maga se no lay no (19.2). Sen diñ maga aè mo kol wo diñ jar haç tenene, jar da jare. Diñ de ëiggi sen mokay so no, ga Baa joñ nen haç jag liñgi ma kay ne jar Israyel wo, jag liñgi maga Yeso joñ nen ferge naa wer äe ma kuëumn mono: “Ga Wosela yoo äay äuy mo joñ nen da kan äen do see äe no lay mono” (19.18; koh Mat. 22.39)
Jag liñgi sen wo mo deñ, ti ngeel po aà ngel wo jar jañge rage ma nen wur ma naa wara wo no. AÀ wo diñ ma ëig ti jar jag Baa ma ti ngeel ma honla wo äuy, de jar jag Baa ma nen wur ma honla wo äuy, day diñ de ferge baa wuu dog rage bay gayre gum, blam äe diñ de geçeçge waçaçre sen wo tum lay, ga tayge jag de Baa diñ mo ma de ele, day diñ mo ma haç tenen ne je tabay lay.
Currently Selected:
JOÑRE JAR LEFID WO Kalge äil kefder seno: TUPB
Highlight
Copy
Compare
Share
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006