JOÑRE JAR LEFID WO 8

Waçaçre few ma lag jar wo ti ngeel joñre

1Manwur kal fer waçaçre ne Moyisi, day ga: 2Hoo AÈron wo wer kaçaçra de jar ni äe, hoo oçoçbe wo no, mañ noo ma kagge ti no, baa blo daèy älagge no, gamlara ma äogn wo de yaçaçge hole peçeç ma bay defoçoçre no no, 3ni ndo tay ti jarn äuy jag Tiñ Yiñgi de Baa no. 4Moyis kal joñge do maga Manwur hay waçaç go ne hen nono, jarn kal tayge jag Tiñ Yiñgi de Baa no.

5Moyis wii jarn ga: Fen maga Manwur waçaç ga joñ ne mokay no. 6Moyis kal ya' AÈron wo le de jar ni äe, kal yog rage go de bii. 7AÀ kal laa oçoçbe ma kluu ne AÈron ti, kal sa' samdirn ne hene, kal hee robn ne hene, kal hee efodn ti äe kal cereëge äe de samdir efod maga se heen ni mono. 8AÀ kal hee pektoraln ne hen ni, kal yiñ Urim wo dege tumimn jag pektoral no. 9AÀ kal kañ jugu mooben ne hen ti, kal hee mblaaga boo biñnin nen pel jugu moobe no, kañ klañ hayle go sag sag ti joñre ne hen ti do maga Manwur hay waçaçn go ne Moyis nono.

10Moyis kal mañ noo ma kagge ti no, kal kaage ne mburyugn ti, de feçeçre maga hay wo ni mo äuy no, kal joñ rage go sag sage. 11AÀ kal jwedge äe ti ngeel sië jagn äaale renam. AÀ jwedn ne ngeel sië jagn ti de feçeçre joñre äen wo ti äuy, gesaçaçgen de kray äe no, maga aè mo hay wo go sag sage. 12AÀ kal kaa noo ma kagge tin ne AÈron ti, baan go nen maga aè mo hay go sag sage. 13Moyis kal ya' jar ni AÈron wo le, kal lag oçoçbe ma kluuri ne hara ti, saë samdir ne hara, kal saë jugu moobe ne hara do maga Manwur hay waçaçn go ne Moyis nono.

14AÀ kal ya' day älaggen le, AÈron kal wo kañ do ne day älaggen ti de jar ni äe. 15Moyis kal nga'ge äe go, ëaa ci, kal hee weedo ni kal joñge äe ti coçoç ngeel sië jag wo no, go ti äe degarra äuy, kal façaç ngeel sië jagn go. AÀ kal jwed ci ti kray ngeel sië jag no, joñn go sag sag maga joñ ge porge go ni. 16AÀ kal hoo noo ma ti weere äiirin äuy, ma faale jiiri no, de heçeçre ma äogn wo de noo äaara no, aà kal roë sen go ti ngeel sië jag no. 17Ama aà kal roë dayn wo go ti wuu faale kañ no, hoçoçge äe no, naèy äe no, de mbiiri äen äuy do maga Manwur hay waçaçn go ne Moyis nono.

18AÀ raw baa gamla siigi jag maga aè roë mo äen go äuy le. AÀ aron kal wo kañ do ti gamlan de jar ni äe. 19Moyis kal nga'ge äe go, kal jwed ci äen go ti ngeel sië jagn degarra äuy. 20AÀ kal car nen gamlan go me' me'e. Moyis kal roë tin wo go de ma de car nen no, de noo äe no. 21AÀ kal yog koyorn wo de weere äiirin wo go de bii, kal roë gamlan go äuy ti ngeel sië jag no. Sen kal joñge diñ siigi jag maga aè roë mo äen go äuy, diñ siigi jag maga aè roë mo äen go ti wuu, ga foçoçre no äe de coçoçre jag Manwuri, do maga Manwur hay waçaçn go ne Moyis nono.

22AÀ kal baa gamla ma de äogn le, gamla ma tï¡ï¡ wer laa rage ti ngeel joñre äaara no. AÀ aron kal wo kañ do äaara de jar ni äe ne gamlan ti. 23Moyis kal nga'ge äe go, kal ëaa ci äe, kal joñge ne AÈron ti sug ma äañ ware, ti wañdo ma äañ ware, ti wañäaale ma äañ ware. 24AÀ kal ya' jar ni AÈron wo le, Moyis kal joñ ci ne hara ti sug ma äañ ware, ti wañdo äaara ma äañ ware, ti wañäaale äaara ma äañ ware, day Moyis kal jwed ci go ti ngeel sië jagn degarra äuy. 25AÀ kal hoo noo no, waale no, noo ma ti weere äiirin äuy, ma faale jiiri no, heçeçre ma äogn wo de noo ma ti äaara no, de äaale ma war no.

26AÀ kal hoo hole peçeç ma bay defoçoçre no ti yaçaçge ma de kañge pel Manwur no, gato ma bay defoçoçre no boñ, gato peçeç ma de noo boñ, galed boñ, day kal laa rage tinoo wo no, ti äaale ma war no. 27AÀ kal haç rage äuy ne AÈron do, ne jar ni äe wo do, day kal joñ fï¡ëgi see äañla äañla pel Manwur maga aè haçn de äe mono. 28Moyis kal yaçaç rage go do äaara, kal roë rage go ti ngeel sië jag no, ciñ ti siigi jag maga aè roë mo äen go äuy mono. Sen kal joñge diñ siigi jag ma lagge ti ngeel joñre, sen joñ diñ siigi jag maga aè roë mo äen go ti wuu ga foçoçre no äe de coçoçre jag Manwuri.

29Moyis kal mañ jag Jiili gamla maga aè lag jar de äe ti ngeel joñre mono, kal joñ fï¡ëgi see maga aè haç de äe pel Manwuri, sen kal joñge diñ ma Moyis do maga Manwur hay waçaçn go ne Moyis nono.

30Moyis kal ëaa noo ma kagge ti no, ëaa ci maga hay ti ngeel sië jagn mono, kal jwedge ne AÈron see, ti oçoçbe äen wo, ti weere äen wo de oçoçbe äaaran wo no. AÀ kal kañ AÈron go sag sage, oçoçbe äen wo no, de jar ni äe wo, de oçoçbe jar ni äen wo no.

31Moyis wii AÈron wo de jar ni äe ga: Kar wee nayn jag Tiñ Yiñgi de Baa no, nday reen ge na diñ ni, de hole peçeç ma äi yaçaçge lagge jar ti ngeel joñre no, do maga ndi hay waçaçn go ga: AÈron reen ge wo de jar ni äe. 32Nday roë ge naèy maga gwa'ge wo de hole peçeç ni mo go ti wuu. 33Nen naw renam, nday laa ge go jag Tiñ Yiñgi de Baan gaa, haçaç nen maga naw ma lag nday ti joñren taw go ëa, werga naw ma lag nday ti joñren na renam. 34Fen maga sen joñ go wara mono, Manwur waçaç go ga joñ sen diñ mapor nday go. 35Do sen nday lag ge jag Tiñ Yiñgi de Baan naw renam. De suñ de ceege, nday hoo ge sug ti waçaçre maga Manwur waçë ra go nen maga nday mo huë wa. Werga aà mokay diñ do maga aè hay waçaçn go me nono. 36AÈron wo de jar ni äe kal wo seege ti jag waçaçre maga Manwur hay waçaç ra go ne Moyis jag mo äuy no.

Currently Selected:

JOÑRE JAR LEFID WO 8: TUPB

Highlight

Copy

Compare